Josua 9
9
1Yɔgyɔgla de ase nalima ŋaai meena ale bo Jodan benni yeniŋ geŋsa la ale jam wom wie ŋaai ale jam nye tɛŋ sii ale bo guutaŋa zuk la ale dii ale nye tɛŋ sii ale bo Nyakpiemu nɔi la a ta ga paari Lebanon tɛŋka la. Nalimaŋa de jam ka Yit demma ale Amori demma ale Keenan demma ale Perizzi demma ale Yivi demma ale Jebus demma nalimaŋa, 2Ba meena a yaa jam jigi yeŋ ayen ba nye kpaliŋ ale Josua ale Izirali demma.
3Ase Gibeon demma ale ga wom dii ate Josua a nye Jeriko ale Ai tɛŋsaŋa la, 4Ba yaa poli ayen ba paasi ba. Ba yaa cheŋ ga yaali ŋandiinta a yaa ji ale ba bonsaŋa ale boorik kpagsa ale daam bunlɔk kpagsa ate ba laŋ ti. 5Nuruma a jam su nuesi kpagsa ale jo garuk tii ale cheeri la mɛ. Ŋandiin tii meena ate ba jam ta la a jam ko kama alege koali mɛ. 6Ba yaa jam cheŋ Josua jigi Gilgal tɛŋka po a weeni wa ale Izirali demma ayen, <<Tama a nyini ka tɛŋ kaai ale yalima bi nye nɔiyeŋ ale ti.>>
7Izirali demma a yaa weeni ba ayen, <<Dai dii dai nama a kala moata tama kama ka boan nyiŋ ate ti a nye nɔiyeŋ ale ni?>> 8<<Tama ka ni tomteerɔba>> ba ale weeni Josua diila ni la. Alege Josua a yaa bek ba ayen, <<Nama ka bana nama abe nyini ka be?>> 9Ba yaa tulisi ayen, <<Ni tomteerɔma a nyini ka tɛŋ kaai ale yaalima dii nyiŋla ti wom ayen Naawen ni Wenni wie kama. Tama wom wa le nye dii Ejipiti tɛŋka po la kama, 10ale dii meena ate wa nye Amori demma nalima ŋayewa ale jam bo Jodan benni kori geŋsa la. Ba jam ka naab Siyon ate wa nyini Yesbon la ale naab Og ate wa mɛ a nyini Basan la waai ale jam a nya Astarot la. 11Ate tama niŋdeerɔma ale baai meena ale bo ti tɛŋka po la yaa weeni ti ayen, <Ti pai ŋanta a ga tu ba suik a weeni ba ayen, <<Tama ka ni tomteerɔba. Ni nye nɔiyeŋ ale ti.>> > 12Ŋandiintaŋa de a kaasi ka suiku po a zaani dai dii danni ate tama a nyini yeeri a cheena nama jigi la. Alege m yɔgla de ni be nya ti le koi ale koali diila. 13Leŋsaŋa de diipo ate ti pai daamu a nyo si po la si jam nala kama, alege nya si le na diila. Ate ti kɔlimaŋa ale ti nuensaŋa a cheeri ti le bo chelimu po ate ku beni la nyiŋ.>> 14Izirali demma a yaa tuesi ŋandiintaŋa alege an beki Naawen a nya ya. 15Josua a yaa jam nye suiyɔgni nɔiyeŋ ale ba ayen ba boro alege ate niŋdeerɔma me a yaa nye pɛka ayen ba le ta nɔiyeŋka ale ba.
16Ase ba ale ga nye nɔiyeŋka ale ba a ga nueri la ŋaaŋnyiŋ ku daa ŋata dai Izirali demma a yaa wom ayen ba jam kala moata ba kama. 17Ate Izirali demma a yaa nyini a paari tɛŋsaŋa daa ŋata dai. Tɛŋ sila abe le Gibeon ale Kefira ale Beerot ale Kiriat Jearim. 18Alege Izirali demma an jam nye kpaliŋ ale ba dii nyiŋla niŋdeerɔma a jam nyeka pɛka ale Naawen, Izirali Wenni nyiŋ. Tigsuŋku meena sui a yaa kaasi ale niŋdeerɔma ale nye diila, 19alege ate niŋdeerɔma meena a yaa tulisi ayen, <<Ti nyeka pɛka ale Naawen, Izirali Wenni yuenni nyin ti kan baga a tiri ba m yɔgla de. 20Ti le ti nye ba diila ale nna. Ti le basi ate ba boro ate suipuurum a kan jam tama jigi ya ayen ti le kan va pɛka ate ti nye ale ba la nyiŋŋa.>> 21Ba ŋman weeni gum du ayen, <<Ni basi ba ate ba boro bi ni basi ate ba chim dacheerisa ale nyiaŋadisa ate tigsuŋku meena.>> Niŋdeerɔma ale puulim dii ale ba la a sum jam nye kama.
22Josua a yaa weeni Gibeon demma ayen ka boa ate ni paasi ti ayen, <<Tama a yalima kama ale ni,>> alege a kala moata tama? 23Ni yaa boka kikaasa po. Ni le kasim ka dacheerisa ale nyiaŋadisa mi Wen yenni po. 24Ba yaa tulisi Josua ayen, <<Ku jo fi tomteerɔma tue kama dii ate Naawen ni Wenni a weeni ayen wa tomteerɔwa Moosis ayen wa le pai tɛŋka meena ate ni abe wa yiak ba meena ate ba yaa jigi abe ba te ni suik la. Dila nyiŋ tama yaa jam a chali yɔgsum ti nyuvooŋa nyiŋ dila ale soa ate ti nye dila. 25Tama yaa boka fi nisima po. Bi nye ti dii ale nala ate fi la.>> 26Ate Josua a yaa maari ba ate Izirali demma an jam ko ba. 27Dai dila danni wa yaa basi ate Gibeon demma a chim dacheerisa ale nyiaŋadisa ate Izirali demma meena Naawen kuŋkuŋku kauk kuui ate Naawen ale lueri la. Ba abe le ka dii a ta jam paari jinla dɛ la abe le la.
Currently Selected:
Josua 9: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Josua 9
9
1Yɔgyɔgla de ase nalima ŋaai meena ale bo Jodan benni yeniŋ geŋsa la ale jam wom wie ŋaai ale jam nye tɛŋ sii ale bo guutaŋa zuk la ale dii ale nye tɛŋ sii ale bo Nyakpiemu nɔi la a ta ga paari Lebanon tɛŋka la. Nalimaŋa de jam ka Yit demma ale Amori demma ale Keenan demma ale Perizzi demma ale Yivi demma ale Jebus demma nalimaŋa, 2Ba meena a yaa jam jigi yeŋ ayen ba nye kpaliŋ ale Josua ale Izirali demma.
3Ase Gibeon demma ale ga wom dii ate Josua a nye Jeriko ale Ai tɛŋsaŋa la, 4Ba yaa poli ayen ba paasi ba. Ba yaa cheŋ ga yaali ŋandiinta a yaa ji ale ba bonsaŋa ale boorik kpagsa ale daam bunlɔk kpagsa ate ba laŋ ti. 5Nuruma a jam su nuesi kpagsa ale jo garuk tii ale cheeri la mɛ. Ŋandiin tii meena ate ba jam ta la a jam ko kama alege koali mɛ. 6Ba yaa jam cheŋ Josua jigi Gilgal tɛŋka po a weeni wa ale Izirali demma ayen, <<Tama a nyini ka tɛŋ kaai ale yalima bi nye nɔiyeŋ ale ti.>>
7Izirali demma a yaa weeni ba ayen, <<Dai dii dai nama a kala moata tama kama ka boan nyiŋ ate ti a nye nɔiyeŋ ale ni?>> 8<<Tama ka ni tomteerɔba>> ba ale weeni Josua diila ni la. Alege Josua a yaa bek ba ayen, <<Nama ka bana nama abe nyini ka be?>> 9Ba yaa tulisi ayen, <<Ni tomteerɔma a nyini ka tɛŋ kaai ale yaalima dii nyiŋla ti wom ayen Naawen ni Wenni wie kama. Tama wom wa le nye dii Ejipiti tɛŋka po la kama, 10ale dii meena ate wa nye Amori demma nalima ŋayewa ale jam bo Jodan benni kori geŋsa la. Ba jam ka naab Siyon ate wa nyini Yesbon la ale naab Og ate wa mɛ a nyini Basan la waai ale jam a nya Astarot la. 11Ate tama niŋdeerɔma ale baai meena ale bo ti tɛŋka po la yaa weeni ti ayen, <Ti pai ŋanta a ga tu ba suik a weeni ba ayen, <<Tama ka ni tomteerɔba. Ni nye nɔiyeŋ ale ti.>> > 12Ŋandiintaŋa de a kaasi ka suiku po a zaani dai dii danni ate tama a nyini yeeri a cheena nama jigi la. Alege m yɔgla de ni be nya ti le koi ale koali diila. 13Leŋsaŋa de diipo ate ti pai daamu a nyo si po la si jam nala kama, alege nya si le na diila. Ate ti kɔlimaŋa ale ti nuensaŋa a cheeri ti le bo chelimu po ate ku beni la nyiŋ.>> 14Izirali demma a yaa tuesi ŋandiintaŋa alege an beki Naawen a nya ya. 15Josua a yaa jam nye suiyɔgni nɔiyeŋ ale ba ayen ba boro alege ate niŋdeerɔma me a yaa nye pɛka ayen ba le ta nɔiyeŋka ale ba.
16Ase ba ale ga nye nɔiyeŋka ale ba a ga nueri la ŋaaŋnyiŋ ku daa ŋata dai Izirali demma a yaa wom ayen ba jam kala moata ba kama. 17Ate Izirali demma a yaa nyini a paari tɛŋsaŋa daa ŋata dai. Tɛŋ sila abe le Gibeon ale Kefira ale Beerot ale Kiriat Jearim. 18Alege Izirali demma an jam nye kpaliŋ ale ba dii nyiŋla niŋdeerɔma a jam nyeka pɛka ale Naawen, Izirali Wenni nyiŋ. Tigsuŋku meena sui a yaa kaasi ale niŋdeerɔma ale nye diila, 19alege ate niŋdeerɔma meena a yaa tulisi ayen, <<Ti nyeka pɛka ale Naawen, Izirali Wenni yuenni nyin ti kan baga a tiri ba m yɔgla de. 20Ti le ti nye ba diila ale nna. Ti le basi ate ba boro ate suipuurum a kan jam tama jigi ya ayen ti le kan va pɛka ate ti nye ale ba la nyiŋŋa.>> 21Ba ŋman weeni gum du ayen, <<Ni basi ba ate ba boro bi ni basi ate ba chim dacheerisa ale nyiaŋadisa ate tigsuŋku meena.>> Niŋdeerɔma ale puulim dii ale ba la a sum jam nye kama.
22Josua a yaa weeni Gibeon demma ayen ka boa ate ni paasi ti ayen, <<Tama a yalima kama ale ni,>> alege a kala moata tama? 23Ni yaa boka kikaasa po. Ni le kasim ka dacheerisa ale nyiaŋadisa mi Wen yenni po. 24Ba yaa tulisi Josua ayen, <<Ku jo fi tomteerɔma tue kama dii ate Naawen ni Wenni a weeni ayen wa tomteerɔwa Moosis ayen wa le pai tɛŋka meena ate ni abe wa yiak ba meena ate ba yaa jigi abe ba te ni suik la. Dila nyiŋ tama yaa jam a chali yɔgsum ti nyuvooŋa nyiŋ dila ale soa ate ti nye dila. 25Tama yaa boka fi nisima po. Bi nye ti dii ale nala ate fi la.>> 26Ate Josua a yaa maari ba ate Izirali demma an jam ko ba. 27Dai dila danni wa yaa basi ate Gibeon demma a chim dacheerisa ale nyiaŋadisa ate Izirali demma meena Naawen kuŋkuŋku kauk kuui ate Naawen ale lueri la. Ba abe le ka dii a ta jam paari jinla dɛ la abe le la.
© 2023, Ghana Institute of Linguistics, Literacy and Bible Translation