Josua 7
7
1Alege Izirali bisaŋa a ta va ŋan baai ale kan magsi ayen ba pai ba la. Achan ate wa kowa a jam chim Karmi la ate Zabdi a chim wa ko kpieŋ ate ba nyini Zera. Juda dɔkku ale la. Ate Naawen sui yaa jam puuri ale ba.
2Josua yaa jam tom nuruba ate ba nyini Jeriko a cheŋ Ai tɛŋka kaai ale moata Bet Aven ate ka bo Betel kori geŋsa la a yaa weeni ba ayen. <<Ni cheŋ a ga kpesi nya tɛŋka.>> Ate nuruma yaa cheŋ ga kpesi nya Ai tɛŋka.
3Ase ba ale ŋman cheŋ Josua jigi la ba yaa weeni wa ayen, <<Daa nuruma meena ale magsi ayen ba cheŋ a ga kpaliŋ ale Ai tɛŋka. Basi ate nuruba tusa ŋaye (2,000) yaase tusa ŋata (3,000) a ga tuesi ka. Kan daani fidek a basi ate nuruma meena a cheŋŋi, ale ka nuruba maga dega ale bo ka po.>> 4Nuruba tusa ŋata (3,000) ale jam cheŋ alege ate Ai demma a jam basi ate ba pilim ŋmani. 5Ba jam ko ka Izirali bisaŋa po ka nuruba pisita ale bayuebi. Ba jam vi Izirali bisaŋa ka dila ate nyini ba tɛŋka nansuiŋku a ta ga va kauk kuui ate ba num tintanaŋa la a churinti a siŋ a ga ko ba dula jigini ate Izirali demma kpaziim yaa jam a nak.
6Josua yaa cheeri wa kɔlimaŋa ale lo tɛŋ Naawen nɔiyeŋka dakanni niŋ a doa dula a ta ga paari wenbalinni. Izirali nisɔmma mɛ a jam nye ka di la dekdega ale nye paasuk a basi ba zuimaŋa po. 7Ate Josua yaa weeni ayen, <<Aa! Nyɔnɔwa waai ale ka Naawen la, ka boa ale soa ate fi ta nuruma de a lo Jodan benni a jueli ayen fi pai ti a nyo Amori demma nisima po ate ba kaasi ti? Tama a dan poom bo Jodan benni kauk kunkula ku ti le zunchoŋŋa. 8Nyɔnɔ, mi a yaa ayen m weeni ayen ka boa, yɔgyɔgla de dachaasaŋa ale vi Izirali ate ba chali la? 9Keenan ale nuru mbala tɛŋka po ale wom di la ate ba ale jam gilim ti a basi suŋsuŋ a ko ti ate tama yuei a kan ŋman bo tɛŋka po fi ale nye fi yuei kpienni ka sɛ?>>
10Naawen a yaa weeni Josua ayen, <<Yiti zaani fi pai fi ninaŋa a vuk tɛŋ a nye ka boa? 11Izirali demma nye ka biem ba zɛri m nɔiyeŋka ate nye ale ba la kama, dii ate mi a weeni ba ayen ba tara la. Ba pai ŋan baai ale kan magsi ayen ba pai la kama, ba zu kama ale ŋman velim mɛ ba pai ba a gum ka badek ŋantaŋa po. 12Dila ale soa ate Izirali demma a kan baga a zaani ale ba dachaasaŋa la. Ba viriŋ ba ŋaaŋ a chali dii nyiŋla ba seba ayen ba ale ko ba kama. Mi a kan ŋman bo ale ni ka nama a nin kaasi ŋan baai ale magsi ni kaasi ba la.
13Cheŋ ga gaari nuruma a magsi, weeni ba ayen ba gaari badek a magsi chum ale Naawen, Izirali Wenni ale weeni diila ale nna, <<Ŋan baai ale kan magsi ayen ni ta la a bo ni po kama, Izirali demma, ni kan baga a zaani ale ni dachaasaŋa ka nama a nin yeeri ba ni po.
14<<Saluik buuri meena zaani di beŋ di beŋ. Buui dii ate Naawen a lueri la a jam niŋ yeri zuk yeri zuk. Yeri zuk kuui ate Naawen a lueri la a jam niŋ dɔk ku buuri dɔk ku buuri; ate dɔk buuri dii ate Naawen a lueri la nuru yeŋ meena a jam niŋ. 15Waai ate ti le yik ale ŋanta baai ale kan daa wa ŋanta la ti ale ju wa ale bolim ale ŋan baai meena ate wa soa la. Wa zɛri Naawen nɔiyeŋka kama alege ta chivie a jam Izirali po.>>
16Dai dii ale pai a saŋ la saluik yokyokwa Josua a basi ate Izirali dɔkku a jam niŋ ate ba lueri Juda dɔkku. 17Juda ŋaaŋbisaŋa meena a jam niŋ, ate wa yeeri Zera dɔkku. Zera dɔkku ale jam la ba ŋman yeeri ka Zimri. 18Josua a yaa basi ate wa dɔkku po yeri meena nidoa a jam niŋ. Ate Achan, ale ka Karmi biika. Karmi Zimri biika. Zimri Zera biika, Zera biika ate wa nyini Juda dɔkku po la a jam.
19Josua a yaa weeni wa ayen m biiga pai pimpauk a te Naawen, Izirali Wenni. Weeni mu fi ale nye diila. Kan suk di m jigi ya.
20Achan yaa tulisa ayen, <<Ka wensie mi nyeka biem a kaasi Naawen, Izirali Wenni. Mi abe le nye diila ale nna. 21Ase mi ale nya ŋantaŋa po la m nyaka Sinar tɛŋka garuk ate ku nala ale kpana ale paari kobsiye ale ligmɔniŋ ate ka dobrimu a dan magsi bu paari pisinu. Ate mi a yaa pai ba. Mi a tu ŋa a gu ka m viuku tɛŋ.>>
22Ate Josua a yaa tom nuruba ate ba chali a jo wa viuku po a nya ale ŋa bo dula wa jam pai ŋa a suk kama wa viuku tɛŋ. 23Ba yaa yeeri ŋantaŋa a ta nyini viuku po a nyini a yaa ta ba a jam Josua ale Izirali demma meena niŋ a pai ba a dueni Naawen niŋ.
24Ate Josua ale Izirali demma meena a gum chaab a yik Achan Zera biika ale kpanaŋa ale garukku ale ligmɔniŋka ale wa bisaŋa ale wa liema ale wa niiŋa ale wa bonsaŋa ale wa piisaŋa ale ŋan baai meena ate wa ta la a ta ba cheŋ Akor Viaka po.#7:24 Yosea 2:15 25Ate Josua a yaa bek wa ayen, <<Ka boa ate fi ta kaasuŋ kude a jam ti jigi ya? Naawen ale ta wari a jam fi jigi jinla de.>> A ta Izirali demma meena a yaa yuk wa ale tana a ko, ase ba le yuk naŋta mbala a ko la ŋaaŋnyiŋ ba yaa ju ba ale bolim. 26Achan zuk ba jam tigsi ka pina a ji wa ate ŋa diem boro a ta pai jinla de. Ate Naawen suinni a yaa yɔk. Dila nyiŋ ba a wi dula ayen ka Akor Viak.
Currently Selected:
Josua 7: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Josua 7
7
1Alege Izirali bisaŋa a ta va ŋan baai ale kan magsi ayen ba pai ba la. Achan ate wa kowa a jam chim Karmi la ate Zabdi a chim wa ko kpieŋ ate ba nyini Zera. Juda dɔkku ale la. Ate Naawen sui yaa jam puuri ale ba.
2Josua yaa jam tom nuruba ate ba nyini Jeriko a cheŋ Ai tɛŋka kaai ale moata Bet Aven ate ka bo Betel kori geŋsa la a yaa weeni ba ayen. <<Ni cheŋ a ga kpesi nya tɛŋka.>> Ate nuruma yaa cheŋ ga kpesi nya Ai tɛŋka.
3Ase ba ale ŋman cheŋ Josua jigi la ba yaa weeni wa ayen, <<Daa nuruma meena ale magsi ayen ba cheŋ a ga kpaliŋ ale Ai tɛŋka. Basi ate nuruba tusa ŋaye (2,000) yaase tusa ŋata (3,000) a ga tuesi ka. Kan daani fidek a basi ate nuruma meena a cheŋŋi, ale ka nuruba maga dega ale bo ka po.>> 4Nuruba tusa ŋata (3,000) ale jam cheŋ alege ate Ai demma a jam basi ate ba pilim ŋmani. 5Ba jam ko ka Izirali bisaŋa po ka nuruba pisita ale bayuebi. Ba jam vi Izirali bisaŋa ka dila ate nyini ba tɛŋka nansuiŋku a ta ga va kauk kuui ate ba num tintanaŋa la a churinti a siŋ a ga ko ba dula jigini ate Izirali demma kpaziim yaa jam a nak.
6Josua yaa cheeri wa kɔlimaŋa ale lo tɛŋ Naawen nɔiyeŋka dakanni niŋ a doa dula a ta ga paari wenbalinni. Izirali nisɔmma mɛ a jam nye ka di la dekdega ale nye paasuk a basi ba zuimaŋa po. 7Ate Josua yaa weeni ayen, <<Aa! Nyɔnɔwa waai ale ka Naawen la, ka boa ale soa ate fi ta nuruma de a lo Jodan benni a jueli ayen fi pai ti a nyo Amori demma nisima po ate ba kaasi ti? Tama a dan poom bo Jodan benni kauk kunkula ku ti le zunchoŋŋa. 8Nyɔnɔ, mi a yaa ayen m weeni ayen ka boa, yɔgyɔgla de dachaasaŋa ale vi Izirali ate ba chali la? 9Keenan ale nuru mbala tɛŋka po ale wom di la ate ba ale jam gilim ti a basi suŋsuŋ a ko ti ate tama yuei a kan ŋman bo tɛŋka po fi ale nye fi yuei kpienni ka sɛ?>>
10Naawen a yaa weeni Josua ayen, <<Yiti zaani fi pai fi ninaŋa a vuk tɛŋ a nye ka boa? 11Izirali demma nye ka biem ba zɛri m nɔiyeŋka ate nye ale ba la kama, dii ate mi a weeni ba ayen ba tara la. Ba pai ŋan baai ale kan magsi ayen ba pai la kama, ba zu kama ale ŋman velim mɛ ba pai ba a gum ka badek ŋantaŋa po. 12Dila ale soa ate Izirali demma a kan baga a zaani ale ba dachaasaŋa la. Ba viriŋ ba ŋaaŋ a chali dii nyiŋla ba seba ayen ba ale ko ba kama. Mi a kan ŋman bo ale ni ka nama a nin kaasi ŋan baai ale magsi ni kaasi ba la.
13Cheŋ ga gaari nuruma a magsi, weeni ba ayen ba gaari badek a magsi chum ale Naawen, Izirali Wenni ale weeni diila ale nna, <<Ŋan baai ale kan magsi ayen ni ta la a bo ni po kama, Izirali demma, ni kan baga a zaani ale ni dachaasaŋa ka nama a nin yeeri ba ni po.
14<<Saluik buuri meena zaani di beŋ di beŋ. Buui dii ate Naawen a lueri la a jam niŋ yeri zuk yeri zuk. Yeri zuk kuui ate Naawen a lueri la a jam niŋ dɔk ku buuri dɔk ku buuri; ate dɔk buuri dii ate Naawen a lueri la nuru yeŋ meena a jam niŋ. 15Waai ate ti le yik ale ŋanta baai ale kan daa wa ŋanta la ti ale ju wa ale bolim ale ŋan baai meena ate wa soa la. Wa zɛri Naawen nɔiyeŋka kama alege ta chivie a jam Izirali po.>>
16Dai dii ale pai a saŋ la saluik yokyokwa Josua a basi ate Izirali dɔkku a jam niŋ ate ba lueri Juda dɔkku. 17Juda ŋaaŋbisaŋa meena a jam niŋ, ate wa yeeri Zera dɔkku. Zera dɔkku ale jam la ba ŋman yeeri ka Zimri. 18Josua a yaa basi ate wa dɔkku po yeri meena nidoa a jam niŋ. Ate Achan, ale ka Karmi biika. Karmi Zimri biika. Zimri Zera biika, Zera biika ate wa nyini Juda dɔkku po la a jam.
19Josua a yaa weeni wa ayen m biiga pai pimpauk a te Naawen, Izirali Wenni. Weeni mu fi ale nye diila. Kan suk di m jigi ya.
20Achan yaa tulisa ayen, <<Ka wensie mi nyeka biem a kaasi Naawen, Izirali Wenni. Mi abe le nye diila ale nna. 21Ase mi ale nya ŋantaŋa po la m nyaka Sinar tɛŋka garuk ate ku nala ale kpana ale paari kobsiye ale ligmɔniŋ ate ka dobrimu a dan magsi bu paari pisinu. Ate mi a yaa pai ba. Mi a tu ŋa a gu ka m viuku tɛŋ.>>
22Ate Josua a yaa tom nuruba ate ba chali a jo wa viuku po a nya ale ŋa bo dula wa jam pai ŋa a suk kama wa viuku tɛŋ. 23Ba yaa yeeri ŋantaŋa a ta nyini viuku po a nyini a yaa ta ba a jam Josua ale Izirali demma meena niŋ a pai ba a dueni Naawen niŋ.
24Ate Josua ale Izirali demma meena a gum chaab a yik Achan Zera biika ale kpanaŋa ale garukku ale ligmɔniŋka ale wa bisaŋa ale wa liema ale wa niiŋa ale wa bonsaŋa ale wa piisaŋa ale ŋan baai meena ate wa ta la a ta ba cheŋ Akor Viaka po.#7:24 Yosea 2:15 25Ate Josua a yaa bek wa ayen, <<Ka boa ate fi ta kaasuŋ kude a jam ti jigi ya? Naawen ale ta wari a jam fi jigi jinla de.>> A ta Izirali demma meena a yaa yuk wa ale tana a ko, ase ba le yuk naŋta mbala a ko la ŋaaŋnyiŋ ba yaa ju ba ale bolim. 26Achan zuk ba jam tigsi ka pina a ji wa ate ŋa diem boro a ta pai jinla de. Ate Naawen suinni a yaa yɔk. Dila nyiŋ ba a wi dula ayen ka Akor Viak.
© 2023, Ghana Institute of Linguistics, Literacy and Bible Translation