Josua 3
3
1Saluik yokyok ate Josua ale Izirali demma meena a yaa jam basi Sittim ale cheŋ Jodan benni nɔi. Dula jigini ba jam goa kama alege a lo di a jueli. 2Daa ŋata ale taam la ŋaaŋnyiŋ kpaŋŋa a yaa cheŋ ba le tigsi chaab juijui la meena, 3a weeni nuruma ayen, <<Ase ni dan nya Naawen ni Wenni nɔiyeŋka dakanni ale Livaima ale ka kaabteerɔma la a ji di, ku a magsi ka ni basi ni le tigsi chaab juijui la abe ni va di. 4Ate ni seba ku ale magsi ni va suik kuui la, dii nyiŋla nama an diem va suiku de a nya ya. Ni yalima ale dakanni ate pari a bo ni suŋsuŋ, ni kan moata di.>>
5Josua a weeni nuruma ayen, <<Ni gomsi nidek ase tuilum nuruba la ale chum Naawen a yaa wa nyeka wakperikaliisa ni po.>>
6Josua a weeni kaabteerɔma me ayen, <<Ni pai Wen nɔiyeŋka dakanni a dɛ nuruma niŋ.>> Ate ba yaa pai di a dɛ ba niŋ.
7Ate Naawen a weeni Josua ayen, <<Jinla m le piilim a pak fu kama Izirali demma meena nina po ate ba le seba ayen mi a bo ale fu kama ase m le jam bo ale Moosis diila. 8Weeni kaabteerɔma baai ale ji Wen nɔiyeŋka dakanni la ayen ase ni dan paari Jodan nyiamu nɔi, ba siŋ a zaani benni po.>>
9Ate Josua a yaa weeni Izirali demma ayen, << Ni jam de a wom wieŋa ate Naawen ni Wenni a yaa wa weeni ni la. 10Kude ale basi ate ni seba ayen Wen dii ale vua la a bo le ni kama wa le yiak Keenan ale Yit ale Yivi ale Perizzi ale Girgas ale Amori ale Jebus demma meena ate ni. 11Nya, tɛŋka meena Nyɔnɔwa nɔiyeŋka dakanni ale dɛ ni niŋ a siŋ Jodan benni po. 12Yɔgyɔgla de lueri nidoaba pi ale baye a nyini Izirali buuni po, wanyi a nyini dɔk meena po. 13Ase kaabteerɔma baai ale ji Naawen nɔiyeŋka dakanni la, tɛŋka meena Nyɔnɔwa, dan tabi Jodan benni po, di nyiamu ale mobi sueri a nyini la ale lab buye a za ase guuk la.>>
14Ase nuruma ale basi ba le tigsi chaab juijui la ale cheŋ ayen ba lo Jodan benni a jueli la, kaabteerɔma ale ji nɔiyeŋka dakanni la a yaa dɛ ba niŋ. 15Kude nye ka diipo ate ba a che ŋanta la, Jodan benni a jam mobi sueri kama. Alege kaabteerɔma baai ale ji nɔiyeŋka dakanni la ale ga paari Jodan benni ate ba naŋsaŋa a tiri nyiamu nɔi la, 16nyiamu ale mobi la a deri gebiri. Bu jam vi ka chaab a jueli a yalima nna niŋniŋa a cheŋ, tɛŋ kaai ate ba wi ka ayen Adam la a moata Zaretan. Alege nyiam a nyiem ale mobi a siŋ Araba Nyakpiem buui ale ka Yesa Nyakpiemu po la, a jam gebiri. Ate nuruma a yaa jam lo jueli Jeriko tɛŋka po. 17Kaabteerɔma baai ale jam ji Naawen nɔiyeŋka dakanni la a yaa zaani giŋgiŋ tɛŋ kosik zuk Jodan benni suŋsuŋ, alege ate Izirali demma meena a ate ku paari diipo, ate tɛŋka meena demma a cheŋ tɛŋ kosik zuk a taam jueli la.
Currently Selected:
Josua 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Josua 3
3
1Saluik yokyok ate Josua ale Izirali demma meena a yaa jam basi Sittim ale cheŋ Jodan benni nɔi. Dula jigini ba jam goa kama alege a lo di a jueli. 2Daa ŋata ale taam la ŋaaŋnyiŋ kpaŋŋa a yaa cheŋ ba le tigsi chaab juijui la meena, 3a weeni nuruma ayen, <<Ase ni dan nya Naawen ni Wenni nɔiyeŋka dakanni ale Livaima ale ka kaabteerɔma la a ji di, ku a magsi ka ni basi ni le tigsi chaab juijui la abe ni va di. 4Ate ni seba ku ale magsi ni va suik kuui la, dii nyiŋla nama an diem va suiku de a nya ya. Ni yalima ale dakanni ate pari a bo ni suŋsuŋ, ni kan moata di.>>
5Josua a weeni nuruma ayen, <<Ni gomsi nidek ase tuilum nuruba la ale chum Naawen a yaa wa nyeka wakperikaliisa ni po.>>
6Josua a weeni kaabteerɔma me ayen, <<Ni pai Wen nɔiyeŋka dakanni a dɛ nuruma niŋ.>> Ate ba yaa pai di a dɛ ba niŋ.
7Ate Naawen a weeni Josua ayen, <<Jinla m le piilim a pak fu kama Izirali demma meena nina po ate ba le seba ayen mi a bo ale fu kama ase m le jam bo ale Moosis diila. 8Weeni kaabteerɔma baai ale ji Wen nɔiyeŋka dakanni la ayen ase ni dan paari Jodan nyiamu nɔi, ba siŋ a zaani benni po.>>
9Ate Josua a yaa weeni Izirali demma ayen, << Ni jam de a wom wieŋa ate Naawen ni Wenni a yaa wa weeni ni la. 10Kude ale basi ate ni seba ayen Wen dii ale vua la a bo le ni kama wa le yiak Keenan ale Yit ale Yivi ale Perizzi ale Girgas ale Amori ale Jebus demma meena ate ni. 11Nya, tɛŋka meena Nyɔnɔwa nɔiyeŋka dakanni ale dɛ ni niŋ a siŋ Jodan benni po. 12Yɔgyɔgla de lueri nidoaba pi ale baye a nyini Izirali buuni po, wanyi a nyini dɔk meena po. 13Ase kaabteerɔma baai ale ji Naawen nɔiyeŋka dakanni la, tɛŋka meena Nyɔnɔwa, dan tabi Jodan benni po, di nyiamu ale mobi sueri a nyini la ale lab buye a za ase guuk la.>>
14Ase nuruma ale basi ba le tigsi chaab juijui la ale cheŋ ayen ba lo Jodan benni a jueli la, kaabteerɔma ale ji nɔiyeŋka dakanni la a yaa dɛ ba niŋ. 15Kude nye ka diipo ate ba a che ŋanta la, Jodan benni a jam mobi sueri kama. Alege kaabteerɔma baai ale ji nɔiyeŋka dakanni la ale ga paari Jodan benni ate ba naŋsaŋa a tiri nyiamu nɔi la, 16nyiamu ale mobi la a deri gebiri. Bu jam vi ka chaab a jueli a yalima nna niŋniŋa a cheŋ, tɛŋ kaai ate ba wi ka ayen Adam la a moata Zaretan. Alege nyiam a nyiem ale mobi a siŋ Araba Nyakpiem buui ale ka Yesa Nyakpiemu po la, a jam gebiri. Ate nuruma a yaa jam lo jueli Jeriko tɛŋka po. 17Kaabteerɔma baai ale jam ji Naawen nɔiyeŋka dakanni la a yaa zaani giŋgiŋ tɛŋ kosik zuk Jodan benni suŋsuŋ, alege ate Izirali demma meena a ate ku paari diipo, ate tɛŋka meena demma a cheŋ tɛŋ kosik zuk a taam jueli la.
© 2023, Ghana Institute of Linguistics, Literacy and Bible Translation