Josua 13
13
1Ase Josua ale jam kpaŋ ate wa benaŋa mɛ a piisi la, Naawen a yaa weeni wa ayen, <<Fi kpaŋ kama alege tɛŋka a diem zuak kama a magsi ni tuesi. 2Tɛŋ sii ale tali la ale nna: Filistia ale Gesur demma tɛŋsaŋa 3a zaani Siyor Benaŋka ale Ejipiti kori geŋsa la a ta ga paari Ekron ale bo yeseoku geŋsa la. Ba wi dula meena ayen ka Keenan dem. Filistia tɛŋsa sinuwa ale jam a nya du la meena tɛŋ sila abe le Gaza ale Asdod ale Askelon ale Gat ale Ekron tɛŋsaŋa ale bo Avvi demma la. 4A nyini sagi geŋsaŋa tɛŋka meena ale bo Keenan la a ta nyini Afek Amori demma tɛŋka 5ale Lebanon tɛŋka meena ale bo kori geŋ la a ta nyini Baal Gad ale bo Yermon Guuku chiak la a ta ga paari Lebo Yamat tɛŋka.
6<<Alege tɛŋ sii meena ale bo guutaŋa zuk la a ta nyini Lebanon a ta ga paari Misrefot Maim, di la a bi le Saidon kabini meena ka mi dek ale m yiak ate ba nyini ate Izirali demma. Bi seba ate fi pai tɛŋka a te Izirali demma ase m le weeni fu diila, 7abe fi labi ka a chari diina neokku ale Manasa dɔkku ale poori a maa bo dula la.>>
8Manasa dɔkku ale teeri la Aruben ale Gad diina a jam tuesi ka kauk kuui ate Moosis a jam pai te ba ate ku bo Jodan benni kori geŋsa la, ase wa Naawen tomteerɔ ale te ba dula.
9Ku lagri ka dila a ta nyini Aroer ale bo Arnon Buboalika geŋsa la ale ŋman nyini tɛŋ kaai ale bo suŋsuŋsaŋa po la a maa pai guuk labsiku ale bo Medeba la, a ta ga Dibon 10ale tɛŋ sii meena ale bo Naab Siyon tɛŋka a ti ba a wi ayen Amori demma la, waai ale jam a nya Yesbon a ta ga paari Ammon demma tɛŋka banni. 11Gilead a jam maa gum du kama ale Gesur nuruma ale Maaka ale Yermon Guuku geŋsa meena ale Basan a ta ga paari Saleka meena. 12Dula abe le Og ale bo Basan tɛŋka la meena. Wa ka waai mɛ ale jam a nya Astarot ale Edrei ale ŋman chim Aruben dɔkku po waai ale wari ŋaaŋ a diem vua a boro. Moosis a jam nak yik ba kama ale tuesi ba tɛŋka. 13Alege Izirali demma an jam yiak Gesur ale Maaka a basi ya, ate ba yaa bo ale Izirali demma a ta jam paari jinla danni.
14Alege Livai dɔkku wa an jam te ba jigi ya, ase ba le jam pai ka bolim a nye kaabka tiirim a te Naawen, Izirali Wenni la, dila ale ba ŋanta ase wa le puulim ba la.
15Dii ate Moosis a te Aruben ŋaaŋbisaŋa yezuk meena la ale nna.
16A zaani Aroer a ta ga va Arnon Buboalika, a ta ga va tɛŋ kaai ale bo suŋsuŋka po tɛŋsaŋa ale guuk labsiku ale bo Medeba la meena, 17a ga pai Yesbon ale ka tɛŋsaŋa meena ale bo guuk labsiku zuk la ale Dibon ale Bamot Baal ale Bet Baal Meon ale 18Jayaz ale Kedemot ale Mefaat ale 19Kiriataim ale Sibma ale Zeret ale Sayar ale bo guuku zuk ale viaka po me la, ale 20Bet Peor a siŋ Pisga ale Bet Jesimot ale 21tɛŋ sii meena ale bo guuk labsiku zuk la ale Naab Siyon ale jam bo Amori demma tɛŋka la, waai ale jam a nya Yesbon la. Moosis a jam nak yik wa ale Midian naawa kama. Evi ale Arekem ale Zur ale Yur ale Areba nabisaŋa a yaa jam nye nɔiyeŋ ale Siyon waai ale jam bo tɛŋka po la. 22Ale baai ale kpi kpaliŋka po la, Izirali demma a jam ko Balaam Biio nidoabinni waai ale jam a porisi la kama. 23Aruben tɛŋka bani a jam kpeglimka Jodan benni nɔi. Tɛŋsaŋa de ale si tɛŋ kpaŋsaŋa ka Aruben ale wa ŋaaŋbisaŋa ale soa.
24Dii ate Moosis a jam te Gad ŋaaŋbisaŋa la ale nna: 25Jazer tɛŋka ale tɛŋ sii meena ale bo Gilead ale Ammon tɛŋka geli, a ta ga paari Aroer ate ka moata Arabba la, 26ale ŋman nyini Yesbon a cheŋ Aramat Mizpa ale Betonim, a zaani Mayanaim a cheŋ Debir tɛŋka, 27Viaka po mɛ ka Bet Yaram, ale Bet Nimra ale Sukkot ale Zafon ale Naab Siyon ale bo Yesbon tɛŋka ale bo Jodan benni ale bo kori geŋsa la meena kauk kuui meena ale moata Kinneret Nyakpiemu la. 28Tɛŋsaŋa de ale si tɛŋ fiisaŋa ka Gad dɔkku ale jam soa.
29Dii ate Moosis a jam te Manasa dɔkku kauk ale jam tali la ale nna. Dɔkku kauk ale Manasa dɔkku yeri zuk yeri zuk.
30Tɛŋka bani a jam nyinika Mayanaim a pai Basan tɛŋka meena a gum du, Naab Og ale bo Basan ale Jair ale bo Basan la meena ale ka tɛŋsa pisiyuebi wa, 31Gilead tɛŋka geli ale Astarot ale Edrei, Naab Og ale bo Basan la tɛŋ kpieŋsaŋa ale la. Si dɛ a jam ka Makir ate wa kowa a chiim Manasa la. Tɛŋka geli ka Makir Manasa biika ale jam soa.
32Moosis ale jam labi tɛŋka dii Jodan benni kori geŋsa kauk kuui ate nuruma a jam boro a yaali ba gaam taam Jeriko tɛŋka la. 33Alege Moosis an jam te Livai dɔkku teŋŋa ase wa le jam a biisi dii ale ba la. Naawen, Izirali Wen a jam le ba tiirim. Wala a jam le waai ate ba a yaali la. Wa le nya ba zuk suita po meena.
Currently Selected:
Josua 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Josua 13
13
1Ase Josua ale jam kpaŋ ate wa benaŋa mɛ a piisi la, Naawen a yaa weeni wa ayen, <<Fi kpaŋ kama alege tɛŋka a diem zuak kama a magsi ni tuesi. 2Tɛŋ sii ale tali la ale nna: Filistia ale Gesur demma tɛŋsaŋa 3a zaani Siyor Benaŋka ale Ejipiti kori geŋsa la a ta ga paari Ekron ale bo yeseoku geŋsa la. Ba wi dula meena ayen ka Keenan dem. Filistia tɛŋsa sinuwa ale jam a nya du la meena tɛŋ sila abe le Gaza ale Asdod ale Askelon ale Gat ale Ekron tɛŋsaŋa ale bo Avvi demma la. 4A nyini sagi geŋsaŋa tɛŋka meena ale bo Keenan la a ta nyini Afek Amori demma tɛŋka 5ale Lebanon tɛŋka meena ale bo kori geŋ la a ta nyini Baal Gad ale bo Yermon Guuku chiak la a ta ga paari Lebo Yamat tɛŋka.
6<<Alege tɛŋ sii meena ale bo guutaŋa zuk la a ta nyini Lebanon a ta ga paari Misrefot Maim, di la a bi le Saidon kabini meena ka mi dek ale m yiak ate ba nyini ate Izirali demma. Bi seba ate fi pai tɛŋka a te Izirali demma ase m le weeni fu diila, 7abe fi labi ka a chari diina neokku ale Manasa dɔkku ale poori a maa bo dula la.>>
8Manasa dɔkku ale teeri la Aruben ale Gad diina a jam tuesi ka kauk kuui ate Moosis a jam pai te ba ate ku bo Jodan benni kori geŋsa la, ase wa Naawen tomteerɔ ale te ba dula.
9Ku lagri ka dila a ta nyini Aroer ale bo Arnon Buboalika geŋsa la ale ŋman nyini tɛŋ kaai ale bo suŋsuŋsaŋa po la a maa pai guuk labsiku ale bo Medeba la, a ta ga Dibon 10ale tɛŋ sii meena ale bo Naab Siyon tɛŋka a ti ba a wi ayen Amori demma la, waai ale jam a nya Yesbon a ta ga paari Ammon demma tɛŋka banni. 11Gilead a jam maa gum du kama ale Gesur nuruma ale Maaka ale Yermon Guuku geŋsa meena ale Basan a ta ga paari Saleka meena. 12Dula abe le Og ale bo Basan tɛŋka la meena. Wa ka waai mɛ ale jam a nya Astarot ale Edrei ale ŋman chim Aruben dɔkku po waai ale wari ŋaaŋ a diem vua a boro. Moosis a jam nak yik ba kama ale tuesi ba tɛŋka. 13Alege Izirali demma an jam yiak Gesur ale Maaka a basi ya, ate ba yaa bo ale Izirali demma a ta jam paari jinla danni.
14Alege Livai dɔkku wa an jam te ba jigi ya, ase ba le jam pai ka bolim a nye kaabka tiirim a te Naawen, Izirali Wenni la, dila ale ba ŋanta ase wa le puulim ba la.
15Dii ate Moosis a te Aruben ŋaaŋbisaŋa yezuk meena la ale nna.
16A zaani Aroer a ta ga va Arnon Buboalika, a ta ga va tɛŋ kaai ale bo suŋsuŋka po tɛŋsaŋa ale guuk labsiku ale bo Medeba la meena, 17a ga pai Yesbon ale ka tɛŋsaŋa meena ale bo guuk labsiku zuk la ale Dibon ale Bamot Baal ale Bet Baal Meon ale 18Jayaz ale Kedemot ale Mefaat ale 19Kiriataim ale Sibma ale Zeret ale Sayar ale bo guuku zuk ale viaka po me la, ale 20Bet Peor a siŋ Pisga ale Bet Jesimot ale 21tɛŋ sii meena ale bo guuk labsiku zuk la ale Naab Siyon ale jam bo Amori demma tɛŋka la, waai ale jam a nya Yesbon la. Moosis a jam nak yik wa ale Midian naawa kama. Evi ale Arekem ale Zur ale Yur ale Areba nabisaŋa a yaa jam nye nɔiyeŋ ale Siyon waai ale jam bo tɛŋka po la. 22Ale baai ale kpi kpaliŋka po la, Izirali demma a jam ko Balaam Biio nidoabinni waai ale jam a porisi la kama. 23Aruben tɛŋka bani a jam kpeglimka Jodan benni nɔi. Tɛŋsaŋa de ale si tɛŋ kpaŋsaŋa ka Aruben ale wa ŋaaŋbisaŋa ale soa.
24Dii ate Moosis a jam te Gad ŋaaŋbisaŋa la ale nna: 25Jazer tɛŋka ale tɛŋ sii meena ale bo Gilead ale Ammon tɛŋka geli, a ta ga paari Aroer ate ka moata Arabba la, 26ale ŋman nyini Yesbon a cheŋ Aramat Mizpa ale Betonim, a zaani Mayanaim a cheŋ Debir tɛŋka, 27Viaka po mɛ ka Bet Yaram, ale Bet Nimra ale Sukkot ale Zafon ale Naab Siyon ale bo Yesbon tɛŋka ale bo Jodan benni ale bo kori geŋsa la meena kauk kuui meena ale moata Kinneret Nyakpiemu la. 28Tɛŋsaŋa de ale si tɛŋ fiisaŋa ka Gad dɔkku ale jam soa.
29Dii ate Moosis a jam te Manasa dɔkku kauk ale jam tali la ale nna. Dɔkku kauk ale Manasa dɔkku yeri zuk yeri zuk.
30Tɛŋka bani a jam nyinika Mayanaim a pai Basan tɛŋka meena a gum du, Naab Og ale bo Basan ale Jair ale bo Basan la meena ale ka tɛŋsa pisiyuebi wa, 31Gilead tɛŋka geli ale Astarot ale Edrei, Naab Og ale bo Basan la tɛŋ kpieŋsaŋa ale la. Si dɛ a jam ka Makir ate wa kowa a chiim Manasa la. Tɛŋka geli ka Makir Manasa biika ale jam soa.
32Moosis ale jam labi tɛŋka dii Jodan benni kori geŋsa kauk kuui ate nuruma a jam boro a yaali ba gaam taam Jeriko tɛŋka la. 33Alege Moosis an jam te Livai dɔkku teŋŋa ase wa le jam a biisi dii ale ba la. Naawen, Izirali Wen a jam le ba tiirim. Wala a jam le waai ate ba a yaali la. Wa le nya ba zuk suita po meena.
© 2023, Ghana Institute of Linguistics, Literacy and Bible Translation