Josua 1
1
1Naawen tomteerɔwa Moosis kummu ŋaaŋnyiŋ ate Naawen a yaa weeni Nun nidoabinni Josua#1:1 Josua kiri ale Naawen ka varibasika. waai ale pai a vi Moosis ŋaaŋ la ayen, 2<<Moosis m tomteerɔwa a kpi kama. Yɔgyɔgla de fi ale Izirali demma meena a gomsi ate ni lo Jodan Benni a jueli a jo tɛŋ kaai ate mi a yaali m te Izirali demma la po. 3Mi ale pai kauk kuui meena ate ni pai naŋ a tabi du la ase mi ale puulim ale Moosis diila. 4Ni tɛŋka ale zaani ka gɔnni ale bo yeseoku la, a ta ga paari tɛŋ kaai ate ba a wi ka ayen Lebanon ale bo wiilukku geŋsa la a ta ga va Yufiretis beli kpienni ale bo Yit demma tɛŋka po kori geŋsa la a ta ga paari Nyakpiemu ale bo yeniŋ geŋsa la. 5Waai a kan boro a baga a zaani ale fu daa ŋaai meena ate fu vua la po. Ase mi ale jam bo ale Moosis diila m le bo ale fu ka dila mɛ. M kan basi fu yaase m zɛri fu.
6<<Bi pagra abe fi chiib a zaani dii nyiŋla fi ale fi dɛ nuruma niŋ ate ba jo tɛŋ kaai ate mi pɛ ale ba kokpieŋsaŋa ayen m te ba la po. 7Bi pagra abe fi ŋmasi chiib zaani. Bi kpesi fidek ate fi va sinsaŋŋa meena ate m tomteerɔwa Moosis a te fu la. Kan basi di a be fi viriŋ a va juga yaase gala geŋsa. Dila ale ku basi ate wari meena ale cheŋ nalimnyiini ate kauk kuui meena ate fi a cheŋ la. 8Bi basi ate gbaŋka de kaai ate sinsaŋŋa a bo ka po la a kasim bo fi nɔnni po. A teeri di kantueŋ ale yok meena. Ka dila ale ku basi ate fi a nye wa dii meena ale ŋmarisi ka po la. Ate dila ale nye ate fi jigsi ate wari meena ale cheŋ nalimnyiini a te fu. 9Daa mi ale weeni fu yaa? Bi pagra abe fi chiib zaani. Kan basi ate fi nyiŋka a gɔgi, kan jɔk nyiŋbiiri mɛ, ale Naawen fi Wenni ale bo ale fu kauk kuui meena ate fi a cheŋ la.>>
10Ate Josua a yaa weeni kpaŋŋa baai ale a nya nuruma zuk la ayen, 11<<Ni cheŋ nuruma ale tigsi chaab juijui la meena a weeni ba ayen, <Ni gomsi wari meena a magsi. Daa ŋata ale tali ni le lo Jodan benni a jueli a ga tuesi tɛŋka ate Naawen ni Wenni a yaa wa pai te ni ate ni tanla la.> >>
12Alege Aruben dɔkku ale Gad dɔkku ale Manasa dɔkku geli Josua a weeni ba ayen, 13<<Ba teeri wanni ate Naawen tomteerɔwa Moosis a weeni ni la. <Naawen ni Wenni a te ni ka vuusum ale pai tɛŋka mɛ a te ni.> 14Ni pooma ale ni bisaŋa ale ni duŋsaŋa a baga bo tɛŋ kaai ate Moosis a te ni ate ka bo Jodan benni kori geŋsa la po, alege ni tugurik tɔŋdɔma meena a gomsi a dɛ ni suataŋa niŋ a lo beni a jueli. Ku a magsi kama ayen ni maari ni suataŋa, 15a ta ga paari diipo ate Naawen ale te ba vuusum, ase wa le nye dii a te nama la, ate ba mɛ ale tuesi tɛŋka ate Naawen ni Wenni ale te ba la. Kula ŋaaŋnyiŋ ni baga ŋman ga bo tɛŋka po kama, sii ate Naawen tomteerɔwa Moosis a te ni, ate si bo Jodan benni kori geŋsa kauk kuui ate wenbinni a pusi la.>>
16Ate ba yaa tulisi Josua ayen, <<Dii meena ate fi a weeni ti la ti le nye. Kauk kuui meena mɛ ate fi a tom ti la ti le cheŋ. 17Ase ti le jam wom Moosis diila, ti le wom fi mɛ ka dila. Ka Naawen fi Wenni dek abe bo ale fu ase wa le jam bo ale Moosis diila. 18Waai ale a zɛri fi wanni ale kan va fi wanni la, dii meena ate fi a weeni ba la ti le ko wa. Ka fi a tin pagra a bɛ fi chiib zaani!>>
Currently Selected:
Josua 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Josua 1
1
1Naawen tomteerɔwa Moosis kummu ŋaaŋnyiŋ ate Naawen a yaa weeni Nun nidoabinni Josua#1:1 Josua kiri ale Naawen ka varibasika. waai ale pai a vi Moosis ŋaaŋ la ayen, 2<<Moosis m tomteerɔwa a kpi kama. Yɔgyɔgla de fi ale Izirali demma meena a gomsi ate ni lo Jodan Benni a jueli a jo tɛŋ kaai ate mi a yaali m te Izirali demma la po. 3Mi ale pai kauk kuui meena ate ni pai naŋ a tabi du la ase mi ale puulim ale Moosis diila. 4Ni tɛŋka ale zaani ka gɔnni ale bo yeseoku la, a ta ga paari tɛŋ kaai ate ba a wi ka ayen Lebanon ale bo wiilukku geŋsa la a ta ga va Yufiretis beli kpienni ale bo Yit demma tɛŋka po kori geŋsa la a ta ga paari Nyakpiemu ale bo yeniŋ geŋsa la. 5Waai a kan boro a baga a zaani ale fu daa ŋaai meena ate fu vua la po. Ase mi ale jam bo ale Moosis diila m le bo ale fu ka dila mɛ. M kan basi fu yaase m zɛri fu.
6<<Bi pagra abe fi chiib a zaani dii nyiŋla fi ale fi dɛ nuruma niŋ ate ba jo tɛŋ kaai ate mi pɛ ale ba kokpieŋsaŋa ayen m te ba la po. 7Bi pagra abe fi ŋmasi chiib zaani. Bi kpesi fidek ate fi va sinsaŋŋa meena ate m tomteerɔwa Moosis a te fu la. Kan basi di a be fi viriŋ a va juga yaase gala geŋsa. Dila ale ku basi ate wari meena ale cheŋ nalimnyiini ate kauk kuui meena ate fi a cheŋ la. 8Bi basi ate gbaŋka de kaai ate sinsaŋŋa a bo ka po la a kasim bo fi nɔnni po. A teeri di kantueŋ ale yok meena. Ka dila ale ku basi ate fi a nye wa dii meena ale ŋmarisi ka po la. Ate dila ale nye ate fi jigsi ate wari meena ale cheŋ nalimnyiini a te fu. 9Daa mi ale weeni fu yaa? Bi pagra abe fi chiib zaani. Kan basi ate fi nyiŋka a gɔgi, kan jɔk nyiŋbiiri mɛ, ale Naawen fi Wenni ale bo ale fu kauk kuui meena ate fi a cheŋ la.>>
10Ate Josua a yaa weeni kpaŋŋa baai ale a nya nuruma zuk la ayen, 11<<Ni cheŋ nuruma ale tigsi chaab juijui la meena a weeni ba ayen, <Ni gomsi wari meena a magsi. Daa ŋata ale tali ni le lo Jodan benni a jueli a ga tuesi tɛŋka ate Naawen ni Wenni a yaa wa pai te ni ate ni tanla la.> >>
12Alege Aruben dɔkku ale Gad dɔkku ale Manasa dɔkku geli Josua a weeni ba ayen, 13<<Ba teeri wanni ate Naawen tomteerɔwa Moosis a weeni ni la. <Naawen ni Wenni a te ni ka vuusum ale pai tɛŋka mɛ a te ni.> 14Ni pooma ale ni bisaŋa ale ni duŋsaŋa a baga bo tɛŋ kaai ate Moosis a te ni ate ka bo Jodan benni kori geŋsa la po, alege ni tugurik tɔŋdɔma meena a gomsi a dɛ ni suataŋa niŋ a lo beni a jueli. Ku a magsi kama ayen ni maari ni suataŋa, 15a ta ga paari diipo ate Naawen ale te ba vuusum, ase wa le nye dii a te nama la, ate ba mɛ ale tuesi tɛŋka ate Naawen ni Wenni ale te ba la. Kula ŋaaŋnyiŋ ni baga ŋman ga bo tɛŋka po kama, sii ate Naawen tomteerɔwa Moosis a te ni, ate si bo Jodan benni kori geŋsa kauk kuui ate wenbinni a pusi la.>>
16Ate ba yaa tulisi Josua ayen, <<Dii meena ate fi a weeni ti la ti le nye. Kauk kuui meena mɛ ate fi a tom ti la ti le cheŋ. 17Ase ti le jam wom Moosis diila, ti le wom fi mɛ ka dila. Ka Naawen fi Wenni dek abe bo ale fu ase wa le jam bo ale Moosis diila. 18Waai ale a zɛri fi wanni ale kan va fi wanni la, dii meena ate fi a weeni ba la ti le ko wa. Ka fi a tin pagra a bɛ fi chiib zaani!>>
© 2023, Ghana Institute of Linguistics, Literacy and Bible Translation