Niŋdeerɔba 5
5
1Dai dila danni Debora ale Abinoam biika Barak a lenni ka yiini dɛ.
2<<Ase Izirali nabisaŋa a dan dɛ niŋ, ase nuruma a nin pai badek a te ale yaalika, pak Naawen. 3<<Ni wom kude nalima! Ni wom niŋdeerɔba! M le lenni yiili a te Naawen, m le lenni. Mi ale lenni yiila a te Naawen Izirali Wenni.
4<<Naawen, ase fi ale nyini Seir a nyini la, fi ale gɔk santiri a nyini Edom tɛŋka la, tɛŋka a choa kama, ate ŋmorukku a ni, chiŋmaaŋa a kpiiri nyiam. 5Guutaŋa meena a jam choa kama Naawen niŋ, Waai ale soa Sinai la, Naawen niŋ, Izirali Wenni.
6<<Samgar Anat biika ale Jael daaŋa po suik doataŋa a jam ka vaka, baai ale jaa nyiem la a vaka suik vuvɔgsaŋŋa. 7Tɛŋ fiisaŋa ale bo Izirali po la boka an jam masa ate ku paari diipo ate mi Debora a vaari yiti ase ma la Izirali tɛŋka po. 8Ase ba le jam lueri bɔgluk paalita la, kpaliŋ ale jam tɛŋka nansuiŋtaŋa nɔi, nina an tu gbaluk yaase jachɔgsim Izirali nuruma ale paari tusa pisinaansiwa (40,000) la jigi ya. 9Mi suinummu a bo ale ka Izirali nabisaŋa jigi ale baai ale nye badek popola ayen ba tom a maa bo nuruma po la. Pak Naawen.
10Nama baai ale a do bon peelita la a kala kuntuŋta zuk la ale nama baai ale a cheŋ suiku po la, ni 11poli yilendisaŋa wari kab tii ate ni nyu nyiamu la. Ba pilim teeri Naawen wayɔrisima tuimaŋa kama. Wa wayɔrisima tuimaŋa ate wa tugurik tɔŋdɔba a bo Izirali po a nye la, <<Ate Naawen nuruma a yaa cheŋ tɛŋka nansuiŋtaŋa noa. 12Yiti ŋmai! Yiti ŋmai Debora! Yiti ŋmai! Yiti ŋman a lenni yiili. Vaari yiti Barak. Nya nakdeka fi ni a nak de baai la zuk Abinoam biiga.
13Nidoa baai ate ba tali basi la a yaa jam kpaŋŋa jigi. Naawen nuruma a jam m jigi ale pagrim. 14Ba gela a nyini Ɛfraim tɛŋka a jam baai naŋsa ale nyini Amalek la. Benjamin a jam bo ale nuruma baai ale va fu la kama. A nyini Makir, kpaga ale nyini dula a siŋ jam, a nyini Zebulun waai ale ta kpagi tachek la.
15Isaka nabisaŋa a jam bo ale ka Debora, Isaka a jam bo ale ka Barak, a kpabi vi wa ŋaaŋ a siŋ viaka po. Aruben tɛŋka po ba jam kpesi a nya suiniima po ka nna yegayega. 16Ka boa ale soa ate fi maa bo tuka bottaŋa suŋsuŋŋa a wom piisaŋa fiili wika? Aruben tɛŋka po ba jam kpesi a nya suiniima po ka nna yegayega. 17Gilead jam bo ka Jodan Benni ŋmai alege Dan, ka boa ate fi a bo ŋaaruŋtaŋa tɛŋ a beni? Asɛ a wari ka nyiamu nɔi wa kan cheŋ. 18Zebulun demma nyuvooŋa a jam bo ka kum po. Ku ka dila ate Nafitali demma a bo guutaŋa zuk.
19Nalima a jam. Ba kpaliŋ. Keenan nalimaŋa a jam nye kpaliŋ Taanak po Megiddo nyaataŋa noa, alege ba an ji kpana a ta cheŋ ya, ba an kɔlim jaaboa. 20A nyini wenŋmazukku chiŋmarisaŋa a jam kpaliŋ, a nyini ba boka jigini ba jam nye kpaliŋ ale Sisera. 21Kison Benni a ji ba a ta cheŋ, beli kpakka, Kison Benni. Mi ale gɔk santiri a cheŋ ale pagrim. 22Ate wusuma naŋsaba a na, ate ŋa a laari a tabi ale ŋa naŋsabaŋa. 23Naawen maarɔwa yaa weeni ayen, <<Ka te Meroz. Ka te ka nuruma, dii nyiŋla ba an jam a maari Naawen, ba an jam a maari Naawen a ta chaab ale pagrɔma.
24Jael ale nya niaka a gaam nipooba meena, Ɛba Ken denɔwa powa, waai ale nya niaka a gaam nipok baai meena ale bo viita po la. 25Wa bek nyiam, ate wa te wa biisim, taasi dii ale magsi kpaga la wa nyo naabiisim goam du a ta jam. 26Nipowa nisaŋa a laari yik viuku kpaasini, wa juga nisaŋa a laari yik tuimtomdɔwa janakferimmu. Nipowa a jam nak Sisera a ŋɔriŋ wa zukku, ale nak vuri wa zukku nakpiak. 27Nipowa naŋta a po wa jam lo, wa jam lo kama dula ate wa jam doa. Nipowa naŋta a po ate wa jam lo, wa jam lo kama. Juijui ate wa lo la wa kpi ka dula.
28<<Sisera mawa a jam va ka tuokparuk a nya peelim. Sisera mawa a jam va ka tuokparuk a kpesi a nya ase wa cheena ya ale a weeni ayen ka boa ate wa torokoma a beni ale jam ka? Ka boa ate tama a kan wom torokoma naŋsa nuem ka? 29Wa liema po waai ale ta yam a gaam ba meena la yaa tulisi wa ayen, wa kasim jam ta ka wayeŋka a weeni a tulim ayen, 30<<Ba boro a labi ka ŋan baai ate ba kɔlim la, nidoa yeŋ a soa nipokbili yeŋ yaase baye, garuk naliŋsa ase kɔlim ka la a te Sisera, garuk ŋmiŋmiruk yoŋta, garuk yoŋ naliŋta a magsi m ŋinni, ŋade meena ase ŋan baai ate ba kɔlim la.
31Dila fi dachaasaŋa meena abe kpi Naawen yaa. Alege baai ale a yaali fu la abe nye ase wenbinni a nin pusi ale di pagrimu. Ate tɛŋka yaa jam nya suiyɔgni bena pisinaansi.
Currently Selected:
Niŋdeerɔba 5: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Niŋdeerɔba 5
5
1Dai dila danni Debora ale Abinoam biika Barak a lenni ka yiini dɛ.
2<<Ase Izirali nabisaŋa a dan dɛ niŋ, ase nuruma a nin pai badek a te ale yaalika, pak Naawen. 3<<Ni wom kude nalima! Ni wom niŋdeerɔba! M le lenni yiili a te Naawen, m le lenni. Mi ale lenni yiila a te Naawen Izirali Wenni.
4<<Naawen, ase fi ale nyini Seir a nyini la, fi ale gɔk santiri a nyini Edom tɛŋka la, tɛŋka a choa kama, ate ŋmorukku a ni, chiŋmaaŋa a kpiiri nyiam. 5Guutaŋa meena a jam choa kama Naawen niŋ, Waai ale soa Sinai la, Naawen niŋ, Izirali Wenni.
6<<Samgar Anat biika ale Jael daaŋa po suik doataŋa a jam ka vaka, baai ale jaa nyiem la a vaka suik vuvɔgsaŋŋa. 7Tɛŋ fiisaŋa ale bo Izirali po la boka an jam masa ate ku paari diipo ate mi Debora a vaari yiti ase ma la Izirali tɛŋka po. 8Ase ba le jam lueri bɔgluk paalita la, kpaliŋ ale jam tɛŋka nansuiŋtaŋa nɔi, nina an tu gbaluk yaase jachɔgsim Izirali nuruma ale paari tusa pisinaansiwa (40,000) la jigi ya. 9Mi suinummu a bo ale ka Izirali nabisaŋa jigi ale baai ale nye badek popola ayen ba tom a maa bo nuruma po la. Pak Naawen.
10Nama baai ale a do bon peelita la a kala kuntuŋta zuk la ale nama baai ale a cheŋ suiku po la, ni 11poli yilendisaŋa wari kab tii ate ni nyu nyiamu la. Ba pilim teeri Naawen wayɔrisima tuimaŋa kama. Wa wayɔrisima tuimaŋa ate wa tugurik tɔŋdɔba a bo Izirali po a nye la, <<Ate Naawen nuruma a yaa cheŋ tɛŋka nansuiŋtaŋa noa. 12Yiti ŋmai! Yiti ŋmai Debora! Yiti ŋmai! Yiti ŋman a lenni yiili. Vaari yiti Barak. Nya nakdeka fi ni a nak de baai la zuk Abinoam biiga.
13Nidoa baai ate ba tali basi la a yaa jam kpaŋŋa jigi. Naawen nuruma a jam m jigi ale pagrim. 14Ba gela a nyini Ɛfraim tɛŋka a jam baai naŋsa ale nyini Amalek la. Benjamin a jam bo ale nuruma baai ale va fu la kama. A nyini Makir, kpaga ale nyini dula a siŋ jam, a nyini Zebulun waai ale ta kpagi tachek la.
15Isaka nabisaŋa a jam bo ale ka Debora, Isaka a jam bo ale ka Barak, a kpabi vi wa ŋaaŋ a siŋ viaka po. Aruben tɛŋka po ba jam kpesi a nya suiniima po ka nna yegayega. 16Ka boa ale soa ate fi maa bo tuka bottaŋa suŋsuŋŋa a wom piisaŋa fiili wika? Aruben tɛŋka po ba jam kpesi a nya suiniima po ka nna yegayega. 17Gilead jam bo ka Jodan Benni ŋmai alege Dan, ka boa ate fi a bo ŋaaruŋtaŋa tɛŋ a beni? Asɛ a wari ka nyiamu nɔi wa kan cheŋ. 18Zebulun demma nyuvooŋa a jam bo ka kum po. Ku ka dila ate Nafitali demma a bo guutaŋa zuk.
19Nalima a jam. Ba kpaliŋ. Keenan nalimaŋa a jam nye kpaliŋ Taanak po Megiddo nyaataŋa noa, alege ba an ji kpana a ta cheŋ ya, ba an kɔlim jaaboa. 20A nyini wenŋmazukku chiŋmarisaŋa a jam kpaliŋ, a nyini ba boka jigini ba jam nye kpaliŋ ale Sisera. 21Kison Benni a ji ba a ta cheŋ, beli kpakka, Kison Benni. Mi ale gɔk santiri a cheŋ ale pagrim. 22Ate wusuma naŋsaba a na, ate ŋa a laari a tabi ale ŋa naŋsabaŋa. 23Naawen maarɔwa yaa weeni ayen, <<Ka te Meroz. Ka te ka nuruma, dii nyiŋla ba an jam a maari Naawen, ba an jam a maari Naawen a ta chaab ale pagrɔma.
24Jael ale nya niaka a gaam nipooba meena, Ɛba Ken denɔwa powa, waai ale nya niaka a gaam nipok baai meena ale bo viita po la. 25Wa bek nyiam, ate wa te wa biisim, taasi dii ale magsi kpaga la wa nyo naabiisim goam du a ta jam. 26Nipowa nisaŋa a laari yik viuku kpaasini, wa juga nisaŋa a laari yik tuimtomdɔwa janakferimmu. Nipowa a jam nak Sisera a ŋɔriŋ wa zukku, ale nak vuri wa zukku nakpiak. 27Nipowa naŋta a po wa jam lo, wa jam lo kama dula ate wa jam doa. Nipowa naŋta a po ate wa jam lo, wa jam lo kama. Juijui ate wa lo la wa kpi ka dula.
28<<Sisera mawa a jam va ka tuokparuk a nya peelim. Sisera mawa a jam va ka tuokparuk a kpesi a nya ase wa cheena ya ale a weeni ayen ka boa ate wa torokoma a beni ale jam ka? Ka boa ate tama a kan wom torokoma naŋsa nuem ka? 29Wa liema po waai ale ta yam a gaam ba meena la yaa tulisi wa ayen, wa kasim jam ta ka wayeŋka a weeni a tulim ayen, 30<<Ba boro a labi ka ŋan baai ate ba kɔlim la, nidoa yeŋ a soa nipokbili yeŋ yaase baye, garuk naliŋsa ase kɔlim ka la a te Sisera, garuk ŋmiŋmiruk yoŋta, garuk yoŋ naliŋta a magsi m ŋinni, ŋade meena ase ŋan baai ate ba kɔlim la.
31Dila fi dachaasaŋa meena abe kpi Naawen yaa. Alege baai ale a yaali fu la abe nye ase wenbinni a nin pusi ale di pagrimu. Ate tɛŋka yaa jam nya suiyɔgni bena pisinaansi.
© 2023, Ghana Institute of Linguistics, Literacy and Bible Translation