Niŋdeerɔba 13
13
1Izirali demma a ŋman nye biem Naawen nimbie po, ate Naawen pai ba a nyo Filistia demma nisima po bena pisinaansi.
2Nuru wanyi ale nyini Zoraya wa yuei ale Manoa a nyini Dan yezukku. Wa jam ta ka nipok ate wa kan biagi. 3Naawen maarɔ yaa jam weeni nipowa ayen, <<Fi ka kirik a kan biagi, alege fi le yik lɔgi a biak nidoabili. 4Yɔgyɔgla de seba ate fi kan nyu daamoa yaase da yoŋ ale kum ya abe fi kan dɛ jabuui ale daŋ la, 5dii nyiŋla fi le yik ka lɔgi a biak nidoabili. Kan che wa zukku ale poniŋŋa dii nyiŋla nidoabinni ale chim ka Naziri waai ate ba gaari te Wen, ate wa le piilim a vari Izirali demma a ta nyini Filistia demma nisima po a nyini.
6Nipowa yaa cheŋ wa chorɔwa jigi a weeni wa ayen, <<Wen nuru ale jam mi jigi. Wa a nye ase ka Wen maarɔ la, a nak kpaziim. Mi an bek wa le nyini juijui la wa mɛ an wi wa yuei a sak mu. 7Alege wa weeni mu ayen, Fi le yik lɔgi a biak nidoabili, alege fi kan nyu daamoa yaase da yoŋ ale kum ya abe fi kan dɛ jabuui ale taŋ la dii nyiŋla nidoabinni ale chim ka Naziri waai ate ba gaari te Wen a ta nyini wa biam po a ga a paari wa kum dai.>> 8Manoa yaa puusi Naawen ayen, <<M Nyɔnɔ, mi a saalim basi ate Wen nuruwa ate fi tom ti jigi la a ŋman jam sak ti le ti nye dii ate nidoabinni ate ti ale biak la a chim.>>
9Wen yaa wom Manoa puusaŋa ate maarɔwa a ŋman jam nipowa jigi diipo ate wa bo talimu po la. Alege wa chorɔwa Manoa a jam ka dula ale wa. 10Nipowa yaa nye mwuli ga weeni wa chorɔwa ayen, <<Nuru waai daam le jam m jigi la a ŋman jam kama.>>
11Manoa yaa va wa powa a cheŋ. Wa le jam paari nuruwa la wa yaa bek ayen, <<Ka fi ale biisi ale m powa la?>> Ate wa tulisi ayen, <<Ka mi.>> 12Manoa yaa bek wa ayen, <<Ase fi ale weeni diila a dan nye, ti le nye ka sɛ a nya wa zuwa, ka boa ate nidoabinni ale nye wa boka po?>>
13Ate Naawen maarɔwa yaa tulisi ayen, <<Ku a fɛ ate fi powa a nye dii meena ate mi weeni wa la. 14Ku a fɛ ate wa kan dɛ yɔna ŋaai ale a nye daam la yaase wa nyu daamoa yaase jabuui ale kum la yaase wa dɛ jabuui ale taŋ la. Ku a fɛ ate wa nye dii meena ate mi weeni wa la.>>
15Manoa a weeni Naawen maarɔwa ayen, <<Tama a yaali fi bo ka dela ate ti ko buuk a nye ŋandiinta a te fu.>>
16Ate Naawen maarɔwa a tulisi ayen, <<Ase nama a dan poom peri mu, m kan dɛ ni ŋandiintaŋa tii ya. Ni be dan nye juka tiirim ni pai a te Naawen. Manoa an jam miŋ ayen ka Naawen maarɔwa.
17Manoa yaa bek nyini Naawen maarɔwa jigi ayen, <<Ka fi yuei ale boa, ate ti zuli fu ase fi ale weeni diila a nin chim wensie?>>
18Ate wa tulisi ayen, <<Ka boa ate fi a bek mi yuei ya? Ku gaam miŋka kama.>> 19Ate Manoa a yik buuk paaluk a gum chaab ale ŋandiinta tiirim a nye kaabka piuŋ zuk a te Naawen. Ate Naawen a nye wakperikaliik a te Manoa ale wa powa a nya. 20Ase bolim ŋaasaŋa ale nyini kuŋkuŋku zuk a jueli wen la, Naawen maarɔwa yaa va bolim ŋiaka bo a jueli. Manoa ale wa powa ale nya kude la, ba yaa lo tɛŋ poi nyiŋ. 21Ase Naawen maarɔwa ale kan ŋman pai wadek a sak Manoa ale wa powa la, Manoa yaa miŋ ayen ka Naawen maarɔ ale la.
22Wa weeni wa powa ayen, <<Ti kpi nueri ya, ti nya ka Wen.>> 23Alege wa powa ayen, <<Ase Naawen a daa wa ko ti kama, wa ti an tuesi juka tiirimu ale ŋanbie tiirimu ti nisima po, yaase wa sak ti wieŋa de meena yaase yɔgyɔgla de wa weeni ti nna.>>
24Nipowa yaa biak nidoabili a te wa yuei ayen Samson. Wa jam chim kama ate Naawen a niak wa, 25ate Naawen Chiika yaa piilim a te wa maarika diipo ate wa bo Mayane Dan ale bo Zoraya ale Estaol suŋsuŋka po la.
Currently Selected:
Niŋdeerɔba 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Niŋdeerɔba 13
13
1Izirali demma a ŋman nye biem Naawen nimbie po, ate Naawen pai ba a nyo Filistia demma nisima po bena pisinaansi.
2Nuru wanyi ale nyini Zoraya wa yuei ale Manoa a nyini Dan yezukku. Wa jam ta ka nipok ate wa kan biagi. 3Naawen maarɔ yaa jam weeni nipowa ayen, <<Fi ka kirik a kan biagi, alege fi le yik lɔgi a biak nidoabili. 4Yɔgyɔgla de seba ate fi kan nyu daamoa yaase da yoŋ ale kum ya abe fi kan dɛ jabuui ale daŋ la, 5dii nyiŋla fi le yik ka lɔgi a biak nidoabili. Kan che wa zukku ale poniŋŋa dii nyiŋla nidoabinni ale chim ka Naziri waai ate ba gaari te Wen, ate wa le piilim a vari Izirali demma a ta nyini Filistia demma nisima po a nyini.
6Nipowa yaa cheŋ wa chorɔwa jigi a weeni wa ayen, <<Wen nuru ale jam mi jigi. Wa a nye ase ka Wen maarɔ la, a nak kpaziim. Mi an bek wa le nyini juijui la wa mɛ an wi wa yuei a sak mu. 7Alege wa weeni mu ayen, Fi le yik lɔgi a biak nidoabili, alege fi kan nyu daamoa yaase da yoŋ ale kum ya abe fi kan dɛ jabuui ale taŋ la dii nyiŋla nidoabinni ale chim ka Naziri waai ate ba gaari te Wen a ta nyini wa biam po a ga a paari wa kum dai.>> 8Manoa yaa puusi Naawen ayen, <<M Nyɔnɔ, mi a saalim basi ate Wen nuruwa ate fi tom ti jigi la a ŋman jam sak ti le ti nye dii ate nidoabinni ate ti ale biak la a chim.>>
9Wen yaa wom Manoa puusaŋa ate maarɔwa a ŋman jam nipowa jigi diipo ate wa bo talimu po la. Alege wa chorɔwa Manoa a jam ka dula ale wa. 10Nipowa yaa nye mwuli ga weeni wa chorɔwa ayen, <<Nuru waai daam le jam m jigi la a ŋman jam kama.>>
11Manoa yaa va wa powa a cheŋ. Wa le jam paari nuruwa la wa yaa bek ayen, <<Ka fi ale biisi ale m powa la?>> Ate wa tulisi ayen, <<Ka mi.>> 12Manoa yaa bek wa ayen, <<Ase fi ale weeni diila a dan nye, ti le nye ka sɛ a nya wa zuwa, ka boa ate nidoabinni ale nye wa boka po?>>
13Ate Naawen maarɔwa yaa tulisi ayen, <<Ku a fɛ ate fi powa a nye dii meena ate mi weeni wa la. 14Ku a fɛ ate wa kan dɛ yɔna ŋaai ale a nye daam la yaase wa nyu daamoa yaase jabuui ale kum la yaase wa dɛ jabuui ale taŋ la. Ku a fɛ ate wa nye dii meena ate mi weeni wa la.>>
15Manoa a weeni Naawen maarɔwa ayen, <<Tama a yaali fi bo ka dela ate ti ko buuk a nye ŋandiinta a te fu.>>
16Ate Naawen maarɔwa a tulisi ayen, <<Ase nama a dan poom peri mu, m kan dɛ ni ŋandiintaŋa tii ya. Ni be dan nye juka tiirim ni pai a te Naawen. Manoa an jam miŋ ayen ka Naawen maarɔwa.
17Manoa yaa bek nyini Naawen maarɔwa jigi ayen, <<Ka fi yuei ale boa, ate ti zuli fu ase fi ale weeni diila a nin chim wensie?>>
18Ate wa tulisi ayen, <<Ka boa ate fi a bek mi yuei ya? Ku gaam miŋka kama.>> 19Ate Manoa a yik buuk paaluk a gum chaab ale ŋandiinta tiirim a nye kaabka piuŋ zuk a te Naawen. Ate Naawen a nye wakperikaliik a te Manoa ale wa powa a nya. 20Ase bolim ŋaasaŋa ale nyini kuŋkuŋku zuk a jueli wen la, Naawen maarɔwa yaa va bolim ŋiaka bo a jueli. Manoa ale wa powa ale nya kude la, ba yaa lo tɛŋ poi nyiŋ. 21Ase Naawen maarɔwa ale kan ŋman pai wadek a sak Manoa ale wa powa la, Manoa yaa miŋ ayen ka Naawen maarɔ ale la.
22Wa weeni wa powa ayen, <<Ti kpi nueri ya, ti nya ka Wen.>> 23Alege wa powa ayen, <<Ase Naawen a daa wa ko ti kama, wa ti an tuesi juka tiirimu ale ŋanbie tiirimu ti nisima po, yaase wa sak ti wieŋa de meena yaase yɔgyɔgla de wa weeni ti nna.>>
24Nipowa yaa biak nidoabili a te wa yuei ayen Samson. Wa jam chim kama ate Naawen a niak wa, 25ate Naawen Chiika yaa piilim a te wa maarika diipo ate wa bo Mayane Dan ale bo Zoraya ale Estaol suŋsuŋka po la.
© 2023, Ghana Institute of Linguistics, Literacy and Bible Translation