Azaya 3
3
1Yɔgyɔgla de ni nya, Nyɔnɔwa, Naawen Dii Ale A Dɛ Tugurik Tɔŋdɔma Niŋ La, a za wa tuesi Jerusalem ale Juda jigi ŋan baai ate wa a te ale a maari la kama. Wa le basi ŋandiintaŋa ale nyiamu teka meena. 2Nuru tuaka ale tugurik tɔŋdɔwa ale boteerɔwa ale biisiteerɔwa ale baanɔwa ale nisɔmawa, 3nuruba pisinu kpagni ale nuru waai ale ta kpaŋta la ale sagrɔwa ale gobrɔ waai ale seba nisa tuima la ale sampoporik sebrɔ.
4Mi ale basi ate nidoabilisa a chim ba kpaga. Bi fiisa ale nya ba zuk. 5Nuruba ale namsi chaab, nidoa ale ta chaab ale wa choa, ate kali mɔtidɔ ale ta chaab ale wa choa. Bi paaluk ale yiti a ta chaab ale ŋankpagsa. Nuru baai ale kan ta zula la ale yiti a ta chaab ale baai ale ta zula la.
6Nuru ale yiti a yik wa suata po wanyi wa ko yeri po ayen. <<Fi ale ta garuk la nyiŋ, chim ti niŋdeerɔ. Be soa ŋan baai meena ale kaasi la zuk a nya.>> 7Alege da dila danni wa ale kaari a weeni ayen, <<Mi zɛ mi ale m nye diila. Mi ka ŋandiinta yaase gatta m yenni po, kan nye mu ate m chim nuruba niŋdeerɔ.>>
8Jerusalem a ja kama, Juda a lo kama. Ba wieŋa ale ba tuima a nye a kaasi ka Naawen ale a taŋ wa zulaŋa. 9Fi dan nya ba ninaŋa po, ku ale sum a sak fu ayen ba sum nye kaasi kama. Ba a tigsi ba wabaataŋa ase ka Sodom tɛŋka demma la. Ba kan suk bu. Ku ale toa a te ba. Ba ta ka kaasuŋ a jam badek zuk.
10Weeni wayɔrisima nyama ayen ku ale niak a te ba. Ba ale dɛ masim a ta va ba tuimaŋa ŋanta nyiŋ. 11Ku ale toa a te gaasa nyam. Kaasuŋ ale jam ba zuk. Ba ale nya ba ale pai ba nisimaŋa a tom tuim ŋaai la tutuna.
12Bi paalukku a namsi mi nuruma, ate nipooba mɛ ta pagrim a nya ba zuk. Mi nuru baai ale a dɛ ni niŋ la a ta ni a cheŋ a bɛ kama. Ba basi suiku kama.
13Naawen a kali wa kalika jigini boteka yenni po kama. Wa abe yiti kama ayen wa bo nuruma buusa. 14Naawen abe boro ayen wa bo nisɔmma ale wa nuruma niŋdeerɔma buusa. <<Ka nama ale kaasi mi kadukka. Ale ŋman pai ŋanjaksaŋa ŋantaŋa a basi ni yeeŋa po. 15Boan nyiŋ ate ni a kaasi mi nuruma ale ŋman a num ŋanjaksaŋa nina?>> Nyɔnɔwa, Naawen Dii Ale A Dɛ Tugurik Tɔŋdɔma Niŋ La ale weeni dila.
16Naawen ale weeni ayen, <<Zayon nipooma a ta ka kanjanta. Ba chelim po, ba a yeeri ka ba ŋieŋa a sak. Ba nyiem nya nidoaba kama a cheŋ koarisa chelim ale su baŋsa ba naŋsa po ate si a nak chaab a kum. 17Dila nyiŋla, Nyɔnɔwa ale basi ate nira a nye Zayon nipooma zuimaŋa. Naawen ale basi ate ba zuisa a kpa.>>
18Da dila danni Nyɔnɔwa ale vari ba ŋan baai ale nala la ba jigi. Bala ale baŋsa ale ŋan baai ale a vili zuima ale ŋiri baŋsa, 19ale tukpana ale nisɔgi baŋsa ale garuk nyaara nyaara, 20ale zuk kɔlima ale karik chɔrima ale chiak garuk pali ale kpa masik kolima ale koarisa ŋan juenta ale 21yue nifelima ale nyue nifelima ale 22garuk naliŋsa ale garuk woŋta ale garuk gelisa foata ale 23nyaasuŋta ale garuk pa naliŋsa ale zuk jakpiim ale garuk viinta.
24Ku ale magsi ku chim nyum masik la ku le chim ka nyum biok, ku le magsi ku chim garuk pali la ku le chim ka miik, ku ale magsi ku chim zuisa la ku le chim ka zuk kpaauŋ. Ate garuk naluŋ ale chim boorik garuk, ku le magsi ku chim nalim la ku le chim ka chivie. 25Gebik ale lɔnsi fi nidoama tɛŋ ate fi tugurik tɔŋdɔma ale kpi kpaliŋ po. 26Zayon nansuiŋtaŋa ale fɔbili abe ba a kum. Wa za wa kali ka tɛŋka wa kan ta jaaboa.
Currently Selected:
Azaya 3: BWU
Highlight
Share
Compare
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Azaya 3
3
1Yɔgyɔgla de ni nya, Nyɔnɔwa, Naawen Dii Ale A Dɛ Tugurik Tɔŋdɔma Niŋ La, a za wa tuesi Jerusalem ale Juda jigi ŋan baai ate wa a te ale a maari la kama. Wa le basi ŋandiintaŋa ale nyiamu teka meena. 2Nuru tuaka ale tugurik tɔŋdɔwa ale boteerɔwa ale biisiteerɔwa ale baanɔwa ale nisɔmawa, 3nuruba pisinu kpagni ale nuru waai ale ta kpaŋta la ale sagrɔwa ale gobrɔ waai ale seba nisa tuima la ale sampoporik sebrɔ.
4Mi ale basi ate nidoabilisa a chim ba kpaga. Bi fiisa ale nya ba zuk. 5Nuruba ale namsi chaab, nidoa ale ta chaab ale wa choa, ate kali mɔtidɔ ale ta chaab ale wa choa. Bi paaluk ale yiti a ta chaab ale ŋankpagsa. Nuru baai ale kan ta zula la ale yiti a ta chaab ale baai ale ta zula la.
6Nuru ale yiti a yik wa suata po wanyi wa ko yeri po ayen. <<Fi ale ta garuk la nyiŋ, chim ti niŋdeerɔ. Be soa ŋan baai meena ale kaasi la zuk a nya.>> 7Alege da dila danni wa ale kaari a weeni ayen, <<Mi zɛ mi ale m nye diila. Mi ka ŋandiinta yaase gatta m yenni po, kan nye mu ate m chim nuruba niŋdeerɔ.>>
8Jerusalem a ja kama, Juda a lo kama. Ba wieŋa ale ba tuima a nye a kaasi ka Naawen ale a taŋ wa zulaŋa. 9Fi dan nya ba ninaŋa po, ku ale sum a sak fu ayen ba sum nye kaasi kama. Ba a tigsi ba wabaataŋa ase ka Sodom tɛŋka demma la. Ba kan suk bu. Ku ale toa a te ba. Ba ta ka kaasuŋ a jam badek zuk.
10Weeni wayɔrisima nyama ayen ku ale niak a te ba. Ba ale dɛ masim a ta va ba tuimaŋa ŋanta nyiŋ. 11Ku ale toa a te gaasa nyam. Kaasuŋ ale jam ba zuk. Ba ale nya ba ale pai ba nisimaŋa a tom tuim ŋaai la tutuna.
12Bi paalukku a namsi mi nuruma, ate nipooba mɛ ta pagrim a nya ba zuk. Mi nuru baai ale a dɛ ni niŋ la a ta ni a cheŋ a bɛ kama. Ba basi suiku kama.
13Naawen a kali wa kalika jigini boteka yenni po kama. Wa abe yiti kama ayen wa bo nuruma buusa. 14Naawen abe boro ayen wa bo nisɔmma ale wa nuruma niŋdeerɔma buusa. <<Ka nama ale kaasi mi kadukka. Ale ŋman pai ŋanjaksaŋa ŋantaŋa a basi ni yeeŋa po. 15Boan nyiŋ ate ni a kaasi mi nuruma ale ŋman a num ŋanjaksaŋa nina?>> Nyɔnɔwa, Naawen Dii Ale A Dɛ Tugurik Tɔŋdɔma Niŋ La ale weeni dila.
16Naawen ale weeni ayen, <<Zayon nipooma a ta ka kanjanta. Ba chelim po, ba a yeeri ka ba ŋieŋa a sak. Ba nyiem nya nidoaba kama a cheŋ koarisa chelim ale su baŋsa ba naŋsa po ate si a nak chaab a kum. 17Dila nyiŋla, Nyɔnɔwa ale basi ate nira a nye Zayon nipooma zuimaŋa. Naawen ale basi ate ba zuisa a kpa.>>
18Da dila danni Nyɔnɔwa ale vari ba ŋan baai ale nala la ba jigi. Bala ale baŋsa ale ŋan baai ale a vili zuima ale ŋiri baŋsa, 19ale tukpana ale nisɔgi baŋsa ale garuk nyaara nyaara, 20ale zuk kɔlima ale karik chɔrima ale chiak garuk pali ale kpa masik kolima ale koarisa ŋan juenta ale 21yue nifelima ale nyue nifelima ale 22garuk naliŋsa ale garuk woŋta ale garuk gelisa foata ale 23nyaasuŋta ale garuk pa naliŋsa ale zuk jakpiim ale garuk viinta.
24Ku ale magsi ku chim nyum masik la ku le chim ka nyum biok, ku le magsi ku chim garuk pali la ku le chim ka miik, ku ale magsi ku chim zuisa la ku le chim ka zuk kpaauŋ. Ate garuk naluŋ ale chim boorik garuk, ku le magsi ku chim nalim la ku le chim ka chivie. 25Gebik ale lɔnsi fi nidoama tɛŋ ate fi tugurik tɔŋdɔma ale kpi kpaliŋ po. 26Zayon nansuiŋtaŋa ale fɔbili abe ba a kum. Wa za wa kali ka tɛŋka wa kan ta jaaboa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation