Yosea 5
5
1<<Wom de, nama kaabteerɔba! Ni kpesi wom, nama Izirali demma! Wom, Naab yeri demma! Buusaŋa de a bo ka ni zuk. Ni chim ka baruk a bo Mizpa ale ŋmiak a teeri Tabor guuku zuk. 2Kpaliŋsa nyama a bo ka togrika po. M le dari ba meena tue. 3Mi seba Ɛfraim ale ka dii meena la kama. Izirali an suk nyini mi jigi ya. Ɛfraim, yɔgyɔgla de fi cheem fidek a te ka taabugni Izirali a kaasi kama.
4<<Ba tuimaŋa a kan te ba suik ate ba a cheem a cheŋ ba Wenni jigi ya. Taabugni chiik ale bo ba suiniimaŋa po. Ba kan miŋ Naawen. 5Izirali kanjantaŋa dek ale ta chaab ale ba. Izirali demma, poom ka Ɛfraim, a ja kama ba wabiokku po. Juda mɛ a ja ale ba. 6Ase ba dan ta ba duŋsaŋa a cheŋ ayen ba gisi Naawen, ba kan nya wa. Wa yeeri ka wadek a nyini ba jigi. 7Ba ka wensie ale Naawen ya. Ba ale biak bi sii la daa badek bisa. Ba Chiik Paalika tiŋŋa ale nɛ ba ale ba kaduksaŋa meena.
8<<Peeri damuniŋka Gibea po ale nyiili damuniŋka Arama po. Nye kpaliŋ kaarika Bet Aven po. Benjamin, dɛ niŋ. 9Namsika danni Ɛfraim ale doa koruk. Izirali buuni po ate mi a weeni diila ale za di nye. 10Juda niŋdeerɔma a nye ase ka baai ale a yeeri bana tana la. M le kpiiri m suipuurumu a basi ba zuk ase nyiam ale mobi diila. 11Ɛfraim a nam kama, ate buusa a tabi va ba zuk a taam, ba ale a va bɔgta la nyiŋ. 12Mi a nye ase ka kpayari a te Ɛfraim ale a nye ase puaka la a te Juda nuruma.
13<<Ase Ɛfraim ale jam nya wa nyiŋtuilaŋa, ate Juda a nya wa niraŋa, ate Ɛfraim yaa jam cheŋ Assiria jigi, a yaa tom ayen naab kpioŋku a maari wa. Alege wa an jam baga a tebi fu, wa an jam baga a ko fi niraŋa. 14Diila m le nye ase ka gbeŋli la a te Ɛfraim, abe m nye ase gbeŋ kpienni la a te Juda. M le dari ba a cheeri nna bunabuna abe m cheŋ. M le ji ba a basi ate waai a kan boro ayen wa tuesi ba. 15Mi yaa le ŋman cheŋ m jigini ate ku paari diipo ate ba ale siak ba kaasuŋku la. Ate ba ale gisi mi ale ninmuna ba niniŋŋa po.
Currently Selected:
Yosea 5: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yosea 5
5
1<<Wom de, nama kaabteerɔba! Ni kpesi wom, nama Izirali demma! Wom, Naab yeri demma! Buusaŋa de a bo ka ni zuk. Ni chim ka baruk a bo Mizpa ale ŋmiak a teeri Tabor guuku zuk. 2Kpaliŋsa nyama a bo ka togrika po. M le dari ba meena tue. 3Mi seba Ɛfraim ale ka dii meena la kama. Izirali an suk nyini mi jigi ya. Ɛfraim, yɔgyɔgla de fi cheem fidek a te ka taabugni Izirali a kaasi kama.
4<<Ba tuimaŋa a kan te ba suik ate ba a cheem a cheŋ ba Wenni jigi ya. Taabugni chiik ale bo ba suiniimaŋa po. Ba kan miŋ Naawen. 5Izirali kanjantaŋa dek ale ta chaab ale ba. Izirali demma, poom ka Ɛfraim, a ja kama ba wabiokku po. Juda mɛ a ja ale ba. 6Ase ba dan ta ba duŋsaŋa a cheŋ ayen ba gisi Naawen, ba kan nya wa. Wa yeeri ka wadek a nyini ba jigi. 7Ba ka wensie ale Naawen ya. Ba ale biak bi sii la daa badek bisa. Ba Chiik Paalika tiŋŋa ale nɛ ba ale ba kaduksaŋa meena.
8<<Peeri damuniŋka Gibea po ale nyiili damuniŋka Arama po. Nye kpaliŋ kaarika Bet Aven po. Benjamin, dɛ niŋ. 9Namsika danni Ɛfraim ale doa koruk. Izirali buuni po ate mi a weeni diila ale za di nye. 10Juda niŋdeerɔma a nye ase ka baai ale a yeeri bana tana la. M le kpiiri m suipuurumu a basi ba zuk ase nyiam ale mobi diila. 11Ɛfraim a nam kama, ate buusa a tabi va ba zuk a taam, ba ale a va bɔgta la nyiŋ. 12Mi a nye ase ka kpayari a te Ɛfraim ale a nye ase puaka la a te Juda nuruma.
13<<Ase Ɛfraim ale jam nya wa nyiŋtuilaŋa, ate Juda a nya wa niraŋa, ate Ɛfraim yaa jam cheŋ Assiria jigi, a yaa tom ayen naab kpioŋku a maari wa. Alege wa an jam baga a tebi fu, wa an jam baga a ko fi niraŋa. 14Diila m le nye ase ka gbeŋli la a te Ɛfraim, abe m nye ase gbeŋ kpienni la a te Juda. M le dari ba a cheeri nna bunabuna abe m cheŋ. M le ji ba a basi ate waai a kan boro ayen wa tuesi ba. 15Mi yaa le ŋman cheŋ m jigini ate ku paari diipo ate ba ale siak ba kaasuŋku la. Ate ba ale gisi mi ale ninmuna ba niniŋŋa po.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation