Yosea 13
13
1Ase Ɛfraim ale jam biisi la, nidoaba nyiŋsa ale jam a gɔk. Wa jam nya ka zak zaanika Izirali po. Alege wa jam nye ka foolaa Baal puusika nyiŋ a yaa kpi. 2Ba yaa jam a nye biem nna yegayega. Ba pai ka ba kpanaŋa a nye bɔgta a te badek, ŋan mɛɛnta ate ba pai sebika a nye, ka mɛɛrɔba tuima ale ti meena. Ba jam weeni nuruma de wari kama ayen, <<Ba pai ka nuruba a nye kaabka ale a gbaari naabisa bɔgtaŋa.>> 3Dila nyiŋ ba ale nye ase ka saluik pik la ale saluik maglim ale muriŋ a bɛ diila ale vɔtta ate viok a ji a ta nyini ŋanta fɔbika jigi a basi la ale nyuisa ale va tuokparuk a nyini diila.
4Alege Mi ale Naawen fi Wen dii ale ta fu a nyini Ejipiti po la, kan ta Wen alege ta mi, be kan ta Varibasidɔ alege ta mi. 5Mi jam nya ni zuk kama gɔnni po, tɛŋ kaai ate ka tuiluk a dɛ la po. 6Ase mi ale jam te ba ŋandiinta la, ba jam chak kama. Ase ba ale jam chak la, kanjanta ale jam jo ba, ate ba jam baŋ mi. 7Ate m le jam ba zuk ase gbeŋli la, m le suk a doa suiku po ase yɔŋni la. 8Ase piuk ate ba vari ku ŋandiinta la, m le siti ba a lak ba a zaani nna jassi. M le nɛ ba ase gbeŋli la. Duŋ kaai ale waara la ale dari ba a ŋasi.
9<<Izirali, ni kaasi kama, dii nyiŋla ni ta ka chaab ale mi, ni ta ka chaab ale ni maarɔwa. 10Ni naawa a bo ka be, ayen wa vari ni a basi? Ni niŋdeerɔma a bo ka be ni tɛŋsaŋa meena po? Ate ni jam weeni ayen, <Te mu naab ale nabisa?> 11Ate m pai sui a te ni naab, ate m suipuurum nyiŋ m pai wa a nyini ni jigi. 12Ɛfraim foolaawa a doa kama, ate wa wabaataŋa a ŋmarisi doa. 13Ase nipok ale a dom puuk diila di la dek a cheena wa jigi, alege wa ka biik kaai ale kan ta yammoa. Ase ku dan ga paari ayen wa nyini, wa kan siak a nyini luikku po a nyini.
14<<Mi ale da tuesi ba a nyini boosuku pagrimu po. Mi ale da wa a tuesi nyini kum po. Kummoa, fi namsika a bo ka bɛ? Boosukwa, fi kaasuŋku a bo ka bɛ? <<Mi a kan ta jiirimmoa, 15wa a yiti kama wa suataŋa po. Naawen ale basi ate viok a nyini kori geŋsa a jam, a fuk a nyini gɔnni po ate wa bulika ale wa vinni a kpeeri. Ŋan baai ale bo duenika yenni po la ale di nitalimu meena la, ba ale kɔlim. 16Samaria nuruma a magsi kama ayen ba siak ba kaasuŋku, dii nyiŋla ba nye kaasi ba Wenni kama. Gebik woŋka ale dueni ba tɛŋ. Ba le ko ba bisaŋa, ate ba ale mobi ba nipok puusaŋa.>>
Currently Selected:
Yosea 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yosea 13
13
1Ase Ɛfraim ale jam biisi la, nidoaba nyiŋsa ale jam a gɔk. Wa jam nya ka zak zaanika Izirali po. Alege wa jam nye ka foolaa Baal puusika nyiŋ a yaa kpi. 2Ba yaa jam a nye biem nna yegayega. Ba pai ka ba kpanaŋa a nye bɔgta a te badek, ŋan mɛɛnta ate ba pai sebika a nye, ka mɛɛrɔba tuima ale ti meena. Ba jam weeni nuruma de wari kama ayen, <<Ba pai ka nuruba a nye kaabka ale a gbaari naabisa bɔgtaŋa.>> 3Dila nyiŋ ba ale nye ase ka saluik pik la ale saluik maglim ale muriŋ a bɛ diila ale vɔtta ate viok a ji a ta nyini ŋanta fɔbika jigi a basi la ale nyuisa ale va tuokparuk a nyini diila.
4Alege Mi ale Naawen fi Wen dii ale ta fu a nyini Ejipiti po la, kan ta Wen alege ta mi, be kan ta Varibasidɔ alege ta mi. 5Mi jam nya ni zuk kama gɔnni po, tɛŋ kaai ate ka tuiluk a dɛ la po. 6Ase mi ale jam te ba ŋandiinta la, ba jam chak kama. Ase ba ale jam chak la, kanjanta ale jam jo ba, ate ba jam baŋ mi. 7Ate m le jam ba zuk ase gbeŋli la, m le suk a doa suiku po ase yɔŋni la. 8Ase piuk ate ba vari ku ŋandiinta la, m le siti ba a lak ba a zaani nna jassi. M le nɛ ba ase gbeŋli la. Duŋ kaai ale waara la ale dari ba a ŋasi.
9<<Izirali, ni kaasi kama, dii nyiŋla ni ta ka chaab ale mi, ni ta ka chaab ale ni maarɔwa. 10Ni naawa a bo ka be, ayen wa vari ni a basi? Ni niŋdeerɔma a bo ka be ni tɛŋsaŋa meena po? Ate ni jam weeni ayen, <Te mu naab ale nabisa?> 11Ate m pai sui a te ni naab, ate m suipuurum nyiŋ m pai wa a nyini ni jigi. 12Ɛfraim foolaawa a doa kama, ate wa wabaataŋa a ŋmarisi doa. 13Ase nipok ale a dom puuk diila di la dek a cheena wa jigi, alege wa ka biik kaai ale kan ta yammoa. Ase ku dan ga paari ayen wa nyini, wa kan siak a nyini luikku po a nyini.
14<<Mi ale da tuesi ba a nyini boosuku pagrimu po. Mi ale da wa a tuesi nyini kum po. Kummoa, fi namsika a bo ka bɛ? Boosukwa, fi kaasuŋku a bo ka bɛ? <<Mi a kan ta jiirimmoa, 15wa a yiti kama wa suataŋa po. Naawen ale basi ate viok a nyini kori geŋsa a jam, a fuk a nyini gɔnni po ate wa bulika ale wa vinni a kpeeri. Ŋan baai ale bo duenika yenni po la ale di nitalimu meena la, ba ale kɔlim. 16Samaria nuruma a magsi kama ayen ba siak ba kaasuŋku, dii nyiŋla ba nye kaasi ba Wenni kama. Gebik woŋka ale dueni ba tɛŋ. Ba le ko ba bisaŋa, ate ba ale mobi ba nipok puusaŋa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation