Yiburu 4
4
1Yɔgyɔgla de, Wen be puulim kama ayen ti baga jo vuusum jigini ate wa gomsi magsi la kama. Alege ku a fɛ kama, ayen ni kpesi nidek nalimnyiini ate Wen dan nya ni, wa kan nya ate ni wanyi mɛ la, a nye dula jigini joka a kpeeri. 2Boan nyiŋŋa, tama mɛ maa wom Wen wamaŋsaŋa kama ase ti kokpieŋsaŋa ale jam wom ŋa wie diila. Alege, ba ale kan jam tuesi ŋa ale siaka la nyiŋ ale soa ate ba an jam nya nyuenta ku po. 3Tama baai abe ale ta siaka la a jo vuusum jigini de ate Wen pɛ ayen wa le te la kama, ase wa ale weeni dii ayen, <<M sui ale jam a puuri ate m yaa pɛ ale ninmuna ayen, m kan basi ate ba jo vuusum jigini ate m gomsi magsi la.>> (Yiila 95:11) Wa jam nye ka tɛŋka ale wenŋmazuk ale ŋanta meena ale bo ba po la ku piilimka po a nueri ale ge yaa biisi dila. 4Boan nyiŋŋa, Wen Gbaŋka po kauk kunyi, ku a weeni ti kama a magsi chaab ale dai dii ale a saari daa ŋayopɔiwa la ayen, <<Wen ale ga tom ate ku paari daa ŋayuebi la, da dii ale a saari daa ŋayopɔiwa la, wa jam basi wa tuimaŋa tomka kama ale ge vuusi.>> (Piilimka 2:2) 5Ni be ŋman poli nya Wen ale jam pɛ ale ninmuna diila. Wa pɛ kama ayen, <<Diipo diipo m kan basi ate nuruma de jo vuusum jigini ate m gomsi magsi la.>> (Yiila 95:11) 6Alege baai ale liŋ jam wom Wen wamaŋsaŋa la, a jam zɛri ŋa kama. Dila abe jam basi kama ate ba an jam baga jo bu po. 7Wen weeni sak nuruba kama ayen da dii danni dek ate ku a fɛ ayen nuruba ta siaka ale wa la ale <<Jinla.>> Ti kokpieŋsaŋa ale jam zɛri wa ate bena yegayega taam la, ŋala ŋaaŋnyiŋ ate Wen va ti kokpieŋka Deevid jigi, weeni wie ŋaai meena ate m poom liŋ weeni ni ayen wa weeni ayen, <<Jinla, ni dan wom Wen ale a biisi dii ale ni la, ni kan ta tukpari nyeka.>> (Yiila 95:7-8)
8Dila nyiŋ ase Josua daam dan baga te nuruma vuusum, Wen ti an jam biisi ku ŋaaŋnyiŋ a magsi chaab ale vuusum wari ayen ba le nya bu da yoŋ. 9Nya kude a sak kama ayen Wen ale jam pɛ diila a diem ta pagrim kama a boro ate Wen nuruma baga a nya vuusum ase Wen ale jam vuusi dii daa ŋayopɔiwa danni la. 10Dila nyiŋla, waai abe dan nya vuusum buui ate Wen jam pɛ la, kula nyɔnɔwa abe a basi wadek tuimaŋa tomka kama ase Wen mɛ ale jam basi wa tuimaŋa tomka diila ale ge a vuusi. 11Ni be basi ate ti pii nyiŋ ate ti nya vuusum bula ate ti wanyi mɛ la kan zɛri Wen nɔi ase ti kokpieŋsaŋa ale jam zɛri wa nɔi dii a yaa kpi la. 12Dila Wen wanni a vua kama ale a tom mɛ. Di ta nɔi kama a gaam gebik noa ŋaye, di gebi kama a jo a paari a poori chiika ale kunaŋa ale kobaŋa kpaamu, di a bo ka popolaŋa ale suinummu nyeelaŋa buusa. 13Jaab ka tɛŋzuk de a baga a suk Wen jigiya. Jaab meena ate wa nye la, wa a nya ba kama. Ba an sugiya. Be ka wala jigi ate ku a fɛ ayen dai yeŋ waai meena weeni sak wa dii ale dii meena ate wa tom tɛŋzuk de la.
14Ku be dan ka dila, ni be basi ate ti ŋmasi yik nalimnyiini ti ale a weeni ayen ti ta siaka ale diila. Ti baga a nye dila kama dii nyiŋla, ti ta ka kaabteerɔ kpioŋ. Wa bo ka wenŋmazuk Wen jigi. Kaabteerɔ kpioŋku de ka Wen Nidoabinni Yeezu. 15Ti kaabteerɔ kpioŋku de abe daa waai ale kan ta jiirim ale ti wobsimu la. Wa ka Waai dek abe ale nya nyenyaka wie meena po ase tama mɛ ale a nya nyenyaka diila, alege wa an nye wabiowa. 16Dila nyiŋla, ni basi ate ti forisi paari Wen dek abe ti seba chak ayen wa ŋmanteka nyiŋ wa le tuesi ti, ate wa ta jiirim ale ti a maari ti wa ŋmanteka nyiŋ diipo meena wuu ate ti a yaali maarika la.
Currently Selected:
Yiburu 4: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yiburu 4
4
1Yɔgyɔgla de, Wen be puulim kama ayen ti baga jo vuusum jigini ate wa gomsi magsi la kama. Alege ku a fɛ kama, ayen ni kpesi nidek nalimnyiini ate Wen dan nya ni, wa kan nya ate ni wanyi mɛ la, a nye dula jigini joka a kpeeri. 2Boan nyiŋŋa, tama mɛ maa wom Wen wamaŋsaŋa kama ase ti kokpieŋsaŋa ale jam wom ŋa wie diila. Alege, ba ale kan jam tuesi ŋa ale siaka la nyiŋ ale soa ate ba an jam nya nyuenta ku po. 3Tama baai abe ale ta siaka la a jo vuusum jigini de ate Wen pɛ ayen wa le te la kama, ase wa ale weeni dii ayen, <<M sui ale jam a puuri ate m yaa pɛ ale ninmuna ayen, m kan basi ate ba jo vuusum jigini ate m gomsi magsi la.>> (Yiila 95:11) Wa jam nye ka tɛŋka ale wenŋmazuk ale ŋanta meena ale bo ba po la ku piilimka po a nueri ale ge yaa biisi dila. 4Boan nyiŋŋa, Wen Gbaŋka po kauk kunyi, ku a weeni ti kama a magsi chaab ale dai dii ale a saari daa ŋayopɔiwa la ayen, <<Wen ale ga tom ate ku paari daa ŋayuebi la, da dii ale a saari daa ŋayopɔiwa la, wa jam basi wa tuimaŋa tomka kama ale ge vuusi.>> (Piilimka 2:2) 5Ni be ŋman poli nya Wen ale jam pɛ ale ninmuna diila. Wa pɛ kama ayen, <<Diipo diipo m kan basi ate nuruma de jo vuusum jigini ate m gomsi magsi la.>> (Yiila 95:11) 6Alege baai ale liŋ jam wom Wen wamaŋsaŋa la, a jam zɛri ŋa kama. Dila abe jam basi kama ate ba an jam baga jo bu po. 7Wen weeni sak nuruba kama ayen da dii danni dek ate ku a fɛ ayen nuruba ta siaka ale wa la ale <<Jinla.>> Ti kokpieŋsaŋa ale jam zɛri wa ate bena yegayega taam la, ŋala ŋaaŋnyiŋ ate Wen va ti kokpieŋka Deevid jigi, weeni wie ŋaai meena ate m poom liŋ weeni ni ayen wa weeni ayen, <<Jinla, ni dan wom Wen ale a biisi dii ale ni la, ni kan ta tukpari nyeka.>> (Yiila 95:7-8)
8Dila nyiŋ ase Josua daam dan baga te nuruma vuusum, Wen ti an jam biisi ku ŋaaŋnyiŋ a magsi chaab ale vuusum wari ayen ba le nya bu da yoŋ. 9Nya kude a sak kama ayen Wen ale jam pɛ diila a diem ta pagrim kama a boro ate Wen nuruma baga a nya vuusum ase Wen ale jam vuusi dii daa ŋayopɔiwa danni la. 10Dila nyiŋla, waai abe dan nya vuusum buui ate Wen jam pɛ la, kula nyɔnɔwa abe a basi wadek tuimaŋa tomka kama ase Wen mɛ ale jam basi wa tuimaŋa tomka diila ale ge a vuusi. 11Ni be basi ate ti pii nyiŋ ate ti nya vuusum bula ate ti wanyi mɛ la kan zɛri Wen nɔi ase ti kokpieŋsaŋa ale jam zɛri wa nɔi dii a yaa kpi la. 12Dila Wen wanni a vua kama ale a tom mɛ. Di ta nɔi kama a gaam gebik noa ŋaye, di gebi kama a jo a paari a poori chiika ale kunaŋa ale kobaŋa kpaamu, di a bo ka popolaŋa ale suinummu nyeelaŋa buusa. 13Jaab ka tɛŋzuk de a baga a suk Wen jigiya. Jaab meena ate wa nye la, wa a nya ba kama. Ba an sugiya. Be ka wala jigi ate ku a fɛ ayen dai yeŋ waai meena weeni sak wa dii ale dii meena ate wa tom tɛŋzuk de la.
14Ku be dan ka dila, ni be basi ate ti ŋmasi yik nalimnyiini ti ale a weeni ayen ti ta siaka ale diila. Ti baga a nye dila kama dii nyiŋla, ti ta ka kaabteerɔ kpioŋ. Wa bo ka wenŋmazuk Wen jigi. Kaabteerɔ kpioŋku de ka Wen Nidoabinni Yeezu. 15Ti kaabteerɔ kpioŋku de abe daa waai ale kan ta jiirim ale ti wobsimu la. Wa ka Waai dek abe ale nya nyenyaka wie meena po ase tama mɛ ale a nya nyenyaka diila, alege wa an nye wabiowa. 16Dila nyiŋla, ni basi ate ti forisi paari Wen dek abe ti seba chak ayen wa ŋmanteka nyiŋ wa le tuesi ti, ate wa ta jiirim ale ti a maari ti wa ŋmanteka nyiŋ diipo meena wuu ate ti a yaali maarika la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation