Yiburu 1
1
1Dila po Wen jam pai ka wa biisiteerɔma a va suita nna tɔgatɔga a jam biisi ale tama Juuma kokpieŋsaŋa. Wa jam biisi ale ba ka nna yegayega ate ku ga paari diichoa. 2Alege jinla danni, wa yaa pai ka Wa Nidoabinni a biisi ale ti. Nidoabinni de dek ate Wen lueri ayen wa soa jaabuuri meena ale bo wenŋmazuk ale tɛŋzuk de la. Wa ka waai mɛ ate Wen basi ate wa nye wenŋmazuk ale tɛŋzuk la. 3Wa ta ka Wen nyaksi kaai ale a nyaksi nna kpelim kpelim la. Wa a neensi ka Wen mɛ nna yegayega. Ti dan nya wa, ti seba Wen mɛ ale ka diila kama. Nidoabinni dan biisi, wa biika ta pagrim ka nna yegayega. Be ka Wa Nidoabinni nyiini ale soa ate jaabuuri meena wenŋmazuk ale tɛŋzuk de a boro. Wa ale kpi a duisi ti wabaataŋa a basi ate ti chim wayɔrisima nyam la, wa yaa jueli kali ka Wen, waai ale ta pagrim a gaam jaabuuri meena la juga geŋ. Juga geŋka de ka zula jigi. Wen Nidoabinni ka nuru kpioŋ. 4Nya kude abe a sak kama ayen Nidoabinni ale chim nuru kpioŋ a gaam maarɔma a soa diila, a soa ase ka Wen ale te wa yuenni ate di zuak gaam ba yueŋa diila.
5Dii abe ale a sak ayen nya kude a sum ka wensie la ale, Wen an diem weeni wa maarɔma waai ya ayen, <<Fi ka M Nidoabili ya. Jinla mi chim ka fi Ko.>> (Yiila 2:7) Wa ŋman weeni ayen, <<Mi le chim wa Ko, wa mɛ be le chim m Nidoabili.>> (2 Samuel 7:14) 6Wen ale liŋ biak wa nidoabinni a basi tɛŋzuk de la, wa weeni ayen, <<Ku a fɛ kama ayen Wen maarɔma meena a te Nidoabinni zula.>> (Yiila 97:7) 7Wen ale weeni dii a magsi chaab ale maarɔma la ale nna ayen, <<Wa nye wa maarɔma kama ate ba a nye ase viok ale bolim ŋiak la.>> (Yiila 104:4)
8Alege wa ale ŋman biisi Wa Nidoabinni wari diila ale nna ayen, <<Naawen, fi le soa fi naamu ka dila taam wuu. Fi a nya fi nuruma zuk kama ale wensie.#1:8 Luuk 1:33 9Fi a yaali ka wari dii ale ka wensie la. Fi kisi wa dii ale ka wa kaasuŋ la kama. Dila ale soa ate Naawen, fi Naawen lueri fu a te fu zula, a yaa te fu suipeentik nna yegayega a gaam fi chaama.>>#1:9 Yiila 45:6, 7 10Ale, <<Ka fi, ti Nyɔnɔwa Yeezu Kirisita ale nye tɛŋka a ta nyini ku piilimka po. Be ka fidek nisima ate fi pai nye wenŋmazuk ale jaabuuri meena ale bo ku po la. 11Bala meena ale tɛŋzuk de meena le muriŋ bɛ kama. Alege fi kasim boro kama taam wuu. Ba le kaasi kama ase garuk la. 12Ase nuru ale a yeeri wa garuk kpak a yuk a basi ale ge a pai garuk paaluk a jo la. Suik kula po, ŋanta bala meena le tagri ka dila. Alege fi kasim boro ka dila kan maari a tagri. Fi le kasim boro ka dila taam wuu.>> (Yiila 102:25-27)
13Ka dimpo ate Wen diem weeni wa maarɔma wanyi ayen, <<Kali mi juga geŋ ate m ga basi ate fi dachaasaŋa a chim fi naŋsa tabika jaab.>> (Yiila 110:1) 14Wen maarɔma ka wa tomteerɔba. Waai an baga a nya ba ale nina. Wen tom ba kama ayen ba jam maari baai le ba nya varibasika la.
Currently Selected:
Yiburu 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yiburu 1
1
1Dila po Wen jam pai ka wa biisiteerɔma a va suita nna tɔgatɔga a jam biisi ale tama Juuma kokpieŋsaŋa. Wa jam biisi ale ba ka nna yegayega ate ku ga paari diichoa. 2Alege jinla danni, wa yaa pai ka Wa Nidoabinni a biisi ale ti. Nidoabinni de dek ate Wen lueri ayen wa soa jaabuuri meena ale bo wenŋmazuk ale tɛŋzuk de la. Wa ka waai mɛ ate Wen basi ate wa nye wenŋmazuk ale tɛŋzuk la. 3Wa ta ka Wen nyaksi kaai ale a nyaksi nna kpelim kpelim la. Wa a neensi ka Wen mɛ nna yegayega. Ti dan nya wa, ti seba Wen mɛ ale ka diila kama. Nidoabinni dan biisi, wa biika ta pagrim ka nna yegayega. Be ka Wa Nidoabinni nyiini ale soa ate jaabuuri meena wenŋmazuk ale tɛŋzuk de a boro. Wa ale kpi a duisi ti wabaataŋa a basi ate ti chim wayɔrisima nyam la, wa yaa jueli kali ka Wen, waai ale ta pagrim a gaam jaabuuri meena la juga geŋ. Juga geŋka de ka zula jigi. Wen Nidoabinni ka nuru kpioŋ. 4Nya kude abe a sak kama ayen Nidoabinni ale chim nuru kpioŋ a gaam maarɔma a soa diila, a soa ase ka Wen ale te wa yuenni ate di zuak gaam ba yueŋa diila.
5Dii abe ale a sak ayen nya kude a sum ka wensie la ale, Wen an diem weeni wa maarɔma waai ya ayen, <<Fi ka M Nidoabili ya. Jinla mi chim ka fi Ko.>> (Yiila 2:7) Wa ŋman weeni ayen, <<Mi le chim wa Ko, wa mɛ be le chim m Nidoabili.>> (2 Samuel 7:14) 6Wen ale liŋ biak wa nidoabinni a basi tɛŋzuk de la, wa weeni ayen, <<Ku a fɛ kama ayen Wen maarɔma meena a te Nidoabinni zula.>> (Yiila 97:7) 7Wen ale weeni dii a magsi chaab ale maarɔma la ale nna ayen, <<Wa nye wa maarɔma kama ate ba a nye ase viok ale bolim ŋiak la.>> (Yiila 104:4)
8Alege wa ale ŋman biisi Wa Nidoabinni wari diila ale nna ayen, <<Naawen, fi le soa fi naamu ka dila taam wuu. Fi a nya fi nuruma zuk kama ale wensie.#1:8 Luuk 1:33 9Fi a yaali ka wari dii ale ka wensie la. Fi kisi wa dii ale ka wa kaasuŋ la kama. Dila ale soa ate Naawen, fi Naawen lueri fu a te fu zula, a yaa te fu suipeentik nna yegayega a gaam fi chaama.>>#1:9 Yiila 45:6, 7 10Ale, <<Ka fi, ti Nyɔnɔwa Yeezu Kirisita ale nye tɛŋka a ta nyini ku piilimka po. Be ka fidek nisima ate fi pai nye wenŋmazuk ale jaabuuri meena ale bo ku po la. 11Bala meena ale tɛŋzuk de meena le muriŋ bɛ kama. Alege fi kasim boro kama taam wuu. Ba le kaasi kama ase garuk la. 12Ase nuru ale a yeeri wa garuk kpak a yuk a basi ale ge a pai garuk paaluk a jo la. Suik kula po, ŋanta bala meena le tagri ka dila. Alege fi kasim boro ka dila kan maari a tagri. Fi le kasim boro ka dila taam wuu.>> (Yiila 102:25-27)
13Ka dimpo ate Wen diem weeni wa maarɔma wanyi ayen, <<Kali mi juga geŋ ate m ga basi ate fi dachaasaŋa a chim fi naŋsa tabika jaab.>> (Yiila 110:1) 14Wen maarɔma ka wa tomteerɔba. Waai an baga a nya ba ale nina. Wen tom ba kama ayen ba jam maari baai le ba nya varibasika la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation