Galatia 6
6
1M suata, ni wanyi a dan nya nuru ale wa boro a tom wabiok, nama baai ale ta Wen Chiika ni suiniima po la, ku a fɛ kama ayen ni maari wa ate wa pilim ŋmani suik naluŋku po. Fi dan a yaali ayen fi nye dila, be zaab fidek wa niŋ, abe fi kpesi fidek ate jaab kan paasi fu ate fi mɛ tom wabiowa. 2Ni a ji chaab jibta, ate suiku de po ni nye Kirisita sinsaŋŋa ale a weeni diila. 3Nuru waai a dan poli ayen wa ka nuru dek alege wa daa jaaboa, kula nyɔnɔwa a paasi ka wadek. 4Ni basi ate ni wanyi wanyi a magsi wadek tuima a nya. Ŋa dan nala wa basi ate wa sui peenti ale wadek ale a nye diila. Alege ku kan sak kama ayen wa tom gaam ka wa choa. 5Basi ate waai meena ji wadek jib.
6Basi ate waai ale a zamsi Wen wieŋa la, a pai ŋanmaŋ sii meena ate wa ta la a chari chaab ale waai ale a sak wa wieŋa de meena la. 7Ni kan a paasi ni dega dii nyiŋla, nuru karo a baga a nye Wen a la. Nuru ale a bori jabuui la wa a che ka wala. 8Waai abe ale nye wari wadek nyiŋka po masim nyiini nyiŋla, dila tutunaŋa ale kum. Alege waai ale a nye wari Wen Chiika nyiŋ la, wa le nya ka nyuvuri dii ale kan ta kpeglimka ate Wen Chiika a te la. 9Dila nyiŋla ni kan basi ate jianta yik ni ale wamaŋsa tomka. Ti dan kan jiaya, a ta cheena ku kpeglimka po ti le nya dii le di nye la. 10Dila nyiŋ ate mi a weeni ni ayen diipo meena wuu ti dan ga nya suik ni basi ate ti a nye wamaŋsa waai meena jigi ale baai dek ate tama ale ba maa chaab a ta siaka ale Kirisita la.
11Ni nya mi dek ŋmarisika ale soa dii nna kpienta kpienta ate m ŋmarisi ale m dek nisa la. 12Nuru baai ale kasim a fɛ ayen ni gebi ni yoaŋa la ale nuru baai ale a yaali ayen ba a nak kuusa ba peelim tuima nyiŋla. Ba a nye dila kama ayen nuruba kan nya suik a te ba waalika ba ale a sak nuruba ayen Kirisita kpi jabarimu nyiŋla. 13Ku be ka nuru bala dek ale a gebi yua alege badek kan va Juuma suiku sinsaŋŋa ale a weeni diila. Ba bola a yaali kama ayen ba gebi ni yoaŋa ate ku te ba kanjanta, ni ale siak ayen ni nye dila la nyiŋ. 14Alege mi, togni ka wari ate m le nak kuusidi di nyiŋŋa, alege ka kum buui ate ti Nyɔnɔwa Yeezu Kirisita kpi jabarimu nyiŋla nyiini ate mi le nak kuusidi. Wa kummu de mɛ nyiŋ ate tɛŋzuk de ŋantaŋa a ŋman ka kiri te mi. Ku a nye ase ba maa pai ba kpi ka jabarimu nyiŋ ale Yeezu Kirisita la. Mi me dek jigi ku a nye se mi maa kpi ka jabarimu nyiŋ ale tɛŋzuk de ŋantaŋa la. 15Nuru gebi wa yoari yoo, wa an gebi yoo. Ku daa wari ya. Wamaŋka meena ale, Wen ale nye ate ti chim nuru paalisa la. 16Baai meena ale va nyuvuri paalika de wieŋa la, bala baai mɛ ale ka Wen wensie nuruba la Wen ta jiirim ale ba abe ba boro ale suiyɔgni.
17Dii ate mi a yaali ayen m weeni kpeglim la ale, m kan yaali ayen waai a ŋman daani mu, dii nyiŋla, laŋ tii ale doa m nyiŋka la a sak kama ayen mi ka Yeezu tomteerɔ.
18M suata, mi a saalim kama ayen ti Nyɔnɔwa Yeezu Kirisita le ŋmante ni meena. Ku be nye dila.
Currently Selected:
Galatia 6: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Galatia 6
6
1M suata, ni wanyi a dan nya nuru ale wa boro a tom wabiok, nama baai ale ta Wen Chiika ni suiniima po la, ku a fɛ kama ayen ni maari wa ate wa pilim ŋmani suik naluŋku po. Fi dan a yaali ayen fi nye dila, be zaab fidek wa niŋ, abe fi kpesi fidek ate jaab kan paasi fu ate fi mɛ tom wabiowa. 2Ni a ji chaab jibta, ate suiku de po ni nye Kirisita sinsaŋŋa ale a weeni diila. 3Nuru waai a dan poli ayen wa ka nuru dek alege wa daa jaaboa, kula nyɔnɔwa a paasi ka wadek. 4Ni basi ate ni wanyi wanyi a magsi wadek tuima a nya. Ŋa dan nala wa basi ate wa sui peenti ale wadek ale a nye diila. Alege ku kan sak kama ayen wa tom gaam ka wa choa. 5Basi ate waai meena ji wadek jib.
6Basi ate waai ale a zamsi Wen wieŋa la, a pai ŋanmaŋ sii meena ate wa ta la a chari chaab ale waai ale a sak wa wieŋa de meena la. 7Ni kan a paasi ni dega dii nyiŋla, nuru karo a baga a nye Wen a la. Nuru ale a bori jabuui la wa a che ka wala. 8Waai abe ale nye wari wadek nyiŋka po masim nyiini nyiŋla, dila tutunaŋa ale kum. Alege waai ale a nye wari Wen Chiika nyiŋ la, wa le nya ka nyuvuri dii ale kan ta kpeglimka ate Wen Chiika a te la. 9Dila nyiŋla ni kan basi ate jianta yik ni ale wamaŋsa tomka. Ti dan kan jiaya, a ta cheena ku kpeglimka po ti le nya dii le di nye la. 10Dila nyiŋ ate mi a weeni ni ayen diipo meena wuu ti dan ga nya suik ni basi ate ti a nye wamaŋsa waai meena jigi ale baai dek ate tama ale ba maa chaab a ta siaka ale Kirisita la.
11Ni nya mi dek ŋmarisika ale soa dii nna kpienta kpienta ate m ŋmarisi ale m dek nisa la. 12Nuru baai ale kasim a fɛ ayen ni gebi ni yoaŋa la ale nuru baai ale a yaali ayen ba a nak kuusa ba peelim tuima nyiŋla. Ba a nye dila kama ayen nuruba kan nya suik a te ba waalika ba ale a sak nuruba ayen Kirisita kpi jabarimu nyiŋla. 13Ku be ka nuru bala dek ale a gebi yua alege badek kan va Juuma suiku sinsaŋŋa ale a weeni diila. Ba bola a yaali kama ayen ba gebi ni yoaŋa ate ku te ba kanjanta, ni ale siak ayen ni nye dila la nyiŋ. 14Alege mi, togni ka wari ate m le nak kuusidi di nyiŋŋa, alege ka kum buui ate ti Nyɔnɔwa Yeezu Kirisita kpi jabarimu nyiŋla nyiini ate mi le nak kuusidi. Wa kummu de mɛ nyiŋ ate tɛŋzuk de ŋantaŋa a ŋman ka kiri te mi. Ku a nye ase ba maa pai ba kpi ka jabarimu nyiŋ ale Yeezu Kirisita la. Mi me dek jigi ku a nye se mi maa kpi ka jabarimu nyiŋ ale tɛŋzuk de ŋantaŋa la. 15Nuru gebi wa yoari yoo, wa an gebi yoo. Ku daa wari ya. Wamaŋka meena ale, Wen ale nye ate ti chim nuru paalisa la. 16Baai meena ale va nyuvuri paalika de wieŋa la, bala baai mɛ ale ka Wen wensie nuruba la Wen ta jiirim ale ba abe ba boro ale suiyɔgni.
17Dii ate mi a yaali ayen m weeni kpeglim la ale, m kan yaali ayen waai a ŋman daani mu, dii nyiŋla, laŋ tii ale doa m nyiŋka la a sak kama ayen mi ka Yeezu tomteerɔ.
18M suata, mi a saalim kama ayen ti Nyɔnɔwa Yeezu Kirisita le ŋmante ni meena. Ku be nye dila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation