Ezekiel 34
34
1Naawen wanni a yaa jam mi jigi. 2<<Saalɔ biiga, mooli a ta chaab ale Izirali naapeerisaŋa, mooli a weeni ba ayen, <Nyɔnɔwa Naawen ale biisi diila ale nna, Kikaasa a bo Izirali naapeerisaŋa zuk baai ale a nya ka badek zuk la. Naapeerisa an magsi ba a nya ka piisaŋa zuwa? 3Ni a de naabiisim goamu, a lik nidek ale ŋa kɔbtaŋa ale a lueri duŋ sii ate a yaali la a tɔgri, alege kan nya piisaŋa zuwa. 4Ni an te baai ale wobsa la pagrim yaase ni tebi baai ale a yuak la yaase ni pob baai ale kɔni la nira. Ni an ta baai ale cheŋ tuiri la ŋmani ya yaase ni gisi baai ale be la. Ni nya ba zuk ka nna vakvak ale gaasa. 5Dila ba yaa waaŋ dii nyiŋla ba ka naapeeriga, ba be le waaŋ la ba yaa chim ŋandiinta a te gɔi duŋsaŋa 6Mi piisaŋa yaa cheŋ bɛ guutaŋa meena zuk ale gu didek meena zuk. Ba waaŋ kama tɛŋka meena zuk ate waai an gisi ya yaase wa nya ba boka jigi ya.
7<< <Dila la, nama naapeerisaŋa, ni wom Naawen wanni. 8Mi ale sum boro la, Nyɔnɔwa Naawen ale weeni, mi piisaŋa ale kan ta naapeerik la nyiŋ ate ba vari ŋa, ate ŋa chim ŋandiinta a te gɔi duŋsa la, ate mi naapeerisaŋa an gisi ŋa alege nya badek zuk alege daa piisaŋa la, 9dila nyiŋ naapeerisa ni wom Naawen wanni. 10Nyɔnɔwa Naawen ale biisi diila ale nna. Mi ta ka chaab ale naapeerisaŋa m be le yik ba bek m piisaŋa wari. M le yeeri ba ate ba kaa nya ŋa zuwa ate naapeerisaŋa a kan baga a nya badek zuwa. M le vari m piisaŋa ba noaŋa po a basi ate ŋa kan ŋman chim ŋandiinta a te ba.
11<< <Dila Nyɔnɔwa Naawen ale biisi diila ale nna. Mi dek ale gisi m piisaŋa abe m nya ase ŋa bo ka be. 12Ase naapeerik ale a nya wa pa ŋaai ale waaŋ la zuk ase wa nin bo le ŋa diila, mi le nya m piisaŋa zuk ka dila. M le vari ŋa a ta nyini juijui meena ate ŋa jam waaŋ boro chiŋmaaŋa ale legini danni la. 13M le ta ba nyini tɛŋsaŋa po a nyini abe m tigsi ba a nyini tɛŋka po. M le nya ŋa zuk ate ŋa a dɛ Izirali guutaŋa zuk ale vaasaŋa po ale kalisaŋa jiŋŋa tɛŋka po. 14Mi le ta ba cheŋ de maŋ jigi, ate Izirali gu woŋtaŋa zuk ale chim ba dɛka jigi. Dula ba le duak de maŋ tɛŋ zuk, dula jigini mɛ ba le dɛ wumaŋ Izirali guutaŋa zuk. 15Mi dek ale nya m piisaŋa zuk abe m basi ate ŋa duak. Nyɔnɔwa Naawen ale weeni. 16M le gisi ŋaai ale bɛ la abe m ta ŋaai ale cheŋ tuiri la a ŋmani. M le pob ŋaai ale kɔni la, abe m basi ate ŋaai ale wobsa la a nya pagrim, alege ŋaai ale jigsi ale pagra la m le kaasi ŋa. M le nya piisaŋa zuk ale wensie.
17<< <Alege nama, mi piisaŋa, Nyɔnɔwa Naawen ale biisi diila ale nna. M le bo posuk m ku ale m ku buusa, ale padaasa ale bua buusa. 18Ku an zuak ale ni le a dɛ wuuk maŋŋa? Ku a fɛ kama ayen ni tabi ni wuuk tintila ale ni naŋsa? Ku an zuak ale ni le nyu nya naliŋŋa? Ku a fɛ kama ayen ni pɔti nya tintila ale ni naŋsaŋa. 19Ku a fɛ kama ayen mi piisaŋa ŋan baai ate ni tabi la abe ŋa nyu nya buui ate ni pɔti ale ni naŋsaŋa la?
20<< <Dila la Nyɔnɔwa Naawen ale biisi diila ale nna. Nya, mi dek ale bo pa biitita ale pa kpiilinsa buusa. 21Ni le a peŋ ale a chub pa wobsisaŋa ale ni nyiilaŋa ate ni ga yiak ŋa a basi la nyiŋ, 22M le vari m piisaŋa a basi ate ni kan ŋman vari ŋa. M le bo posuk m ku ale m ku buusa. 23M le basi ate naapeerik yeŋ a nya ba zuk, m yɔmawa Deevid, ale wa a kasi ba, wa le wa a kasi ba abe wa chim ba naapeerik. 24Mi Naawen ale chim ba Wen, ate m yɔmawa Deevid a chim nabiik ba suŋsuŋ. Mi Naawen ale biisi.
25<< <M le nye suiyɔgni nɔiyeŋ ale ba abe m yeeri gɔi duŋsa tɛŋka po ate ba bo gɔnni po abe ba a goa tiisaŋa po ate jaab kan daani ba. 26M le niak ba ale jigi ŋaai ale gilim mi guuku la. M le basi ate ŋmoruk ale boro. 27Laŋsaŋa po tiisaŋa ale yɔni yɔna ate tɛŋka ŋandiintaŋa ale be nalimnyiini, nuruma ale soa badek tɛŋka po. Ba ale seba ayen Mi ale Naawen ase m nin wɛ ba baai ale a nye ba yɔntidi la nisima po a basi. 28Tɛŋsa a kan ŋman a vari ba, yaase gɔi duŋsa a yik ba. Ba le boro ate wari a kan daani ba, ate waai a kan basi ate yɔgsum yik ba. 29M le te ba tɛŋ ate ba seba ka ŋandiinta nɔi po, ate ba kan ŋman chim kɔm nuruba tɛŋka po yaase ba chim laata a te tɛŋsa. 30Ba yaa le seba ayen Mi Naawen ale ba Wen, Mi bo le ba kama, Izirali yenni demma, ka Mi nuruba, Nyɔnɔwa Naawen ale weeni. 31Nama mi piisaŋa, ka pa ŋaai ate mi a nya ŋa zuk la, ka nuruba, ate mi chim ni Wen, Nyɔnɔwa Naawen ale weeni.> >>
Currently Selected:
Ezekiel 34: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Ezekiel 34
34
1Naawen wanni a yaa jam mi jigi. 2<<Saalɔ biiga, mooli a ta chaab ale Izirali naapeerisaŋa, mooli a weeni ba ayen, <Nyɔnɔwa Naawen ale biisi diila ale nna, Kikaasa a bo Izirali naapeerisaŋa zuk baai ale a nya ka badek zuk la. Naapeerisa an magsi ba a nya ka piisaŋa zuwa? 3Ni a de naabiisim goamu, a lik nidek ale ŋa kɔbtaŋa ale a lueri duŋ sii ate a yaali la a tɔgri, alege kan nya piisaŋa zuwa. 4Ni an te baai ale wobsa la pagrim yaase ni tebi baai ale a yuak la yaase ni pob baai ale kɔni la nira. Ni an ta baai ale cheŋ tuiri la ŋmani ya yaase ni gisi baai ale be la. Ni nya ba zuk ka nna vakvak ale gaasa. 5Dila ba yaa waaŋ dii nyiŋla ba ka naapeeriga, ba be le waaŋ la ba yaa chim ŋandiinta a te gɔi duŋsaŋa 6Mi piisaŋa yaa cheŋ bɛ guutaŋa meena zuk ale gu didek meena zuk. Ba waaŋ kama tɛŋka meena zuk ate waai an gisi ya yaase wa nya ba boka jigi ya.
7<< <Dila la, nama naapeerisaŋa, ni wom Naawen wanni. 8Mi ale sum boro la, Nyɔnɔwa Naawen ale weeni, mi piisaŋa ale kan ta naapeerik la nyiŋ ate ba vari ŋa, ate ŋa chim ŋandiinta a te gɔi duŋsa la, ate mi naapeerisaŋa an gisi ŋa alege nya badek zuk alege daa piisaŋa la, 9dila nyiŋ naapeerisa ni wom Naawen wanni. 10Nyɔnɔwa Naawen ale biisi diila ale nna. Mi ta ka chaab ale naapeerisaŋa m be le yik ba bek m piisaŋa wari. M le yeeri ba ate ba kaa nya ŋa zuwa ate naapeerisaŋa a kan baga a nya badek zuwa. M le vari m piisaŋa ba noaŋa po a basi ate ŋa kan ŋman chim ŋandiinta a te ba.
11<< <Dila Nyɔnɔwa Naawen ale biisi diila ale nna. Mi dek ale gisi m piisaŋa abe m nya ase ŋa bo ka be. 12Ase naapeerik ale a nya wa pa ŋaai ale waaŋ la zuk ase wa nin bo le ŋa diila, mi le nya m piisaŋa zuk ka dila. M le vari ŋa a ta nyini juijui meena ate ŋa jam waaŋ boro chiŋmaaŋa ale legini danni la. 13M le ta ba nyini tɛŋsaŋa po a nyini abe m tigsi ba a nyini tɛŋka po. M le nya ŋa zuk ate ŋa a dɛ Izirali guutaŋa zuk ale vaasaŋa po ale kalisaŋa jiŋŋa tɛŋka po. 14Mi le ta ba cheŋ de maŋ jigi, ate Izirali gu woŋtaŋa zuk ale chim ba dɛka jigi. Dula ba le duak de maŋ tɛŋ zuk, dula jigini mɛ ba le dɛ wumaŋ Izirali guutaŋa zuk. 15Mi dek ale nya m piisaŋa zuk abe m basi ate ŋa duak. Nyɔnɔwa Naawen ale weeni. 16M le gisi ŋaai ale bɛ la abe m ta ŋaai ale cheŋ tuiri la a ŋmani. M le pob ŋaai ale kɔni la, abe m basi ate ŋaai ale wobsa la a nya pagrim, alege ŋaai ale jigsi ale pagra la m le kaasi ŋa. M le nya piisaŋa zuk ale wensie.
17<< <Alege nama, mi piisaŋa, Nyɔnɔwa Naawen ale biisi diila ale nna. M le bo posuk m ku ale m ku buusa, ale padaasa ale bua buusa. 18Ku an zuak ale ni le a dɛ wuuk maŋŋa? Ku a fɛ kama ayen ni tabi ni wuuk tintila ale ni naŋsa? Ku an zuak ale ni le nyu nya naliŋŋa? Ku a fɛ kama ayen ni pɔti nya tintila ale ni naŋsaŋa. 19Ku a fɛ kama ayen mi piisaŋa ŋan baai ate ni tabi la abe ŋa nyu nya buui ate ni pɔti ale ni naŋsaŋa la?
20<< <Dila la Nyɔnɔwa Naawen ale biisi diila ale nna. Nya, mi dek ale bo pa biitita ale pa kpiilinsa buusa. 21Ni le a peŋ ale a chub pa wobsisaŋa ale ni nyiilaŋa ate ni ga yiak ŋa a basi la nyiŋ, 22M le vari m piisaŋa a basi ate ni kan ŋman vari ŋa. M le bo posuk m ku ale m ku buusa. 23M le basi ate naapeerik yeŋ a nya ba zuk, m yɔmawa Deevid, ale wa a kasi ba, wa le wa a kasi ba abe wa chim ba naapeerik. 24Mi Naawen ale chim ba Wen, ate m yɔmawa Deevid a chim nabiik ba suŋsuŋ. Mi Naawen ale biisi.
25<< <M le nye suiyɔgni nɔiyeŋ ale ba abe m yeeri gɔi duŋsa tɛŋka po ate ba bo gɔnni po abe ba a goa tiisaŋa po ate jaab kan daani ba. 26M le niak ba ale jigi ŋaai ale gilim mi guuku la. M le basi ate ŋmoruk ale boro. 27Laŋsaŋa po tiisaŋa ale yɔni yɔna ate tɛŋka ŋandiintaŋa ale be nalimnyiini, nuruma ale soa badek tɛŋka po. Ba ale seba ayen Mi ale Naawen ase m nin wɛ ba baai ale a nye ba yɔntidi la nisima po a basi. 28Tɛŋsa a kan ŋman a vari ba, yaase gɔi duŋsa a yik ba. Ba le boro ate wari a kan daani ba, ate waai a kan basi ate yɔgsum yik ba. 29M le te ba tɛŋ ate ba seba ka ŋandiinta nɔi po, ate ba kan ŋman chim kɔm nuruba tɛŋka po yaase ba chim laata a te tɛŋsa. 30Ba yaa le seba ayen Mi Naawen ale ba Wen, Mi bo le ba kama, Izirali yenni demma, ka Mi nuruba, Nyɔnɔwa Naawen ale weeni. 31Nama mi piisaŋa, ka pa ŋaai ate mi a nya ŋa zuk la, ka nuruba, ate mi chim ni Wen, Nyɔnɔwa Naawen ale weeni.> >>
© 2023, Ghana Institute of Linguistics, Literacy and Bible Translation