Nyinika 40
40
1Ate Naawen a jam weeni Moosis ayen, 2<<Ti viuku a zaani, Tuka Viuku chiik kaai ale dɛ niŋka la piilimka danni. 3Pai nɔiyeŋka dakanni a zaani du a pai garuk pali a yik a kasi dakanni. 4Ta jazaanimu a jo a pai jaab meena ale magsi ku bo ku zuk la a zaan du. Yaa ta zeuŋ jazaanimu a jo a zaani a magsi. 5Pai ligmɔniŋ kuŋkuŋku ate ba a ju nyum masik du la a zaani nɔiyeŋka dakanni niŋ a pai garuk panni a yik viuku nansuiŋku nɔi.
6<<Pai kuŋkuŋku ate ba nye juka tiirimu du la a zaani viuku nansuiŋku niŋka, Tuka Viuku. 7Pai chin kpienni a zaani Tuka Viuku ale kuŋkuŋku suŋsuŋ a ŋari nyiam a nyoro. 8Nye dabiaka a gilim ku, a pai garuk panni a yik dabiaka nansuiŋku nɔi.
9<<Pai naam bobika kpaamu a nyo viuku ale ku ŋantaŋa meena nyiŋ. Nye ate ku ŋantaŋa meena a gaari a ta tuilum. 10Yaa pai bobika kpaamu a nyo kuŋkuŋku ate ba a nye juka tiiritaŋa du la ale ku ŋantaŋa meena nyiŋ a gaari kuŋkuŋku ate ku ŋmasi ta tuilum. 11Pai bobika kpaamu a nyo chin kpienni nyiŋ ale di jazaanimu nyiŋ ate ba ta tuilum.
12<<Ta Aaron ale wa nidoabilisaŋa a jam tuka viuku nansuiŋku nɔi a so ba ale nyiam. 13Pai tuilum gattaŋa a jo Aaron, pai naam bobika kpaamu a nyo wa zuk a gaari wa ate wa tom a te mi ase kaabteerɔ la. 14Ta wa nidoabilisaŋa a jam a pai garuk tii ate ba yɔk la a jo ba. 15Pai naam bobika kpaam a kpiiri ba zuimaŋa zuk ase fi ale jam bobi ba kowa diila ate ba mɛ a tom a te mi ase kaabteerɔba la. Kpaammu ate fi kpiiri ba zuk ase kaabteerɔba la, ale kasim bo ba jigi ka dila a ta ga paari ŋaaŋ bi sii meena ale cheen la.>> 16Moosis a jam nye wari meena ase ka dii dek ate Naawen a jam weeni wa la.
17Dila nyiŋ viuku ba jam ti ku ka chiik kaai ale dɛ niŋka la piilimka dai bena ŋayewa po. 18Moosis ale jam ti viuku la, wa jam nyeka kpana gola a zaani zaŋŋa a pai chibsaŋa a vi du. 19Ate wa yaa pili viuku ase Naawen ale jam weeni wa diila.
20Wa yaa pai tintain paglaksa ate wieŋa a boro la a nyo dakanni po ale pai dawoŋtaŋa a su dakanni nyiŋ a pai biem duisi basika nanlikka a lik du. 21Wa yaa ta nɔiyeŋka dakanni a jam viuku po a pai garuk panni ate ba ta a yik a kasi dakanni ate wanni a boro la ase Naawen ale jam weeni Moosis diila.
22Moosis yaa pai jazaanimu a zaani tuka viuku po ku wiilukku geŋsa garuk panni peelim 23a pai boroboroku a vi ku zuk Naawen niŋ, ase Naawen ale jam weeni wa diila.
24Wa jam pai zeuŋ jazaanimu a zaani ka Tuka Viuku po jazaanimu nakpiak viuku yeseoku geŋsa 25a gomsi zeuŋtaŋa a magsi Naawen niŋ, ase Naawen ale jam weeni wa diila.
26Moosis a jam pai ligmɔniŋ kuŋkuŋku a zaani ka Tuka Viuku po garuk panni niŋ 27ale ju ŋan baai nyum ale masa la ku zuk, ase Naawen ale jam weeni wa diila. 28Ate wa yaa pai garuk panni a yik viuku nansuiŋku nɔi.
29Wa jam pai kuŋkuŋku ate ba a nye juka tiirimu du la a zaani moata ka viuku nansuiŋku tuka viuku ale la, a yaa nye juka ale ŋandiinta tiirita ku zuk, ase Naawen ale jam weeni wa diila.
30Wa jam pai chin kpienni a zaan ka Tuka Viuku ale kuŋkuŋku suŋsuŋ a nyo nyiam du a magsi sugrika, 31ate Moosis ale Aaron ale wa nidoabilisaŋa a pai bu a sugri ba nisaŋa ale ba naŋsaŋa. 32Ba nyiem sugri kama diipo ate ba a jo Tuka Viuku po yaase ba torisi a kpaŋ kuŋkuŋku la, ase Naawen ale jam weeni Moosis diila.
33Moosis yaa pai ŋantaŋa a ti dabiaka a gilim viuku ale kuŋkuŋku meena a yaa pai garuk panni a yik dabiaka nɔi. Moosis yaa nueri tuimaŋa.
34Ate chiŋmari a jam lik Tuka Viuku ate Naawen zulaŋa a sueri viuku. 35Moosis an jam baga a jo Tuka Viuku po, dii nyiŋla chiŋmanni a jam bo ka ku zuk ate Naawen zulaŋa a sueri viuku.
36Izirali demma nyeerimu meena po, diipo meena ate chiŋmanni a dan ga zagri ale basi viuku ba nyiem yaa basi dula ale cheŋ. 37Alege chiŋmanni a dan kan zagri ya, ba mɛ a kan cheŋ, ate ku paari dai dii dai ate di a zagri la. 38Naawen chiŋmanni a jam bo viuku zuk ka dila danni po, ate bolim a bo chiŋmanni po yokku, kude jam a nye kama Izirali demma nimbie po ba nyeerimu po meena.
Currently Selected:
Nyinika 40: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Nyinika 40
40
1Ate Naawen a jam weeni Moosis ayen, 2<<Ti viuku a zaani, Tuka Viuku chiik kaai ale dɛ niŋka la piilimka danni. 3Pai nɔiyeŋka dakanni a zaani du a pai garuk pali a yik a kasi dakanni. 4Ta jazaanimu a jo a pai jaab meena ale magsi ku bo ku zuk la a zaan du. Yaa ta zeuŋ jazaanimu a jo a zaani a magsi. 5Pai ligmɔniŋ kuŋkuŋku ate ba a ju nyum masik du la a zaani nɔiyeŋka dakanni niŋ a pai garuk panni a yik viuku nansuiŋku nɔi.
6<<Pai kuŋkuŋku ate ba nye juka tiirimu du la a zaani viuku nansuiŋku niŋka, Tuka Viuku. 7Pai chin kpienni a zaani Tuka Viuku ale kuŋkuŋku suŋsuŋ a ŋari nyiam a nyoro. 8Nye dabiaka a gilim ku, a pai garuk panni a yik dabiaka nansuiŋku nɔi.
9<<Pai naam bobika kpaamu a nyo viuku ale ku ŋantaŋa meena nyiŋ. Nye ate ku ŋantaŋa meena a gaari a ta tuilum. 10Yaa pai bobika kpaamu a nyo kuŋkuŋku ate ba a nye juka tiiritaŋa du la ale ku ŋantaŋa meena nyiŋ a gaari kuŋkuŋku ate ku ŋmasi ta tuilum. 11Pai bobika kpaamu a nyo chin kpienni nyiŋ ale di jazaanimu nyiŋ ate ba ta tuilum.
12<<Ta Aaron ale wa nidoabilisaŋa a jam tuka viuku nansuiŋku nɔi a so ba ale nyiam. 13Pai tuilum gattaŋa a jo Aaron, pai naam bobika kpaamu a nyo wa zuk a gaari wa ate wa tom a te mi ase kaabteerɔ la. 14Ta wa nidoabilisaŋa a jam a pai garuk tii ate ba yɔk la a jo ba. 15Pai naam bobika kpaam a kpiiri ba zuimaŋa zuk ase fi ale jam bobi ba kowa diila ate ba mɛ a tom a te mi ase kaabteerɔba la. Kpaammu ate fi kpiiri ba zuk ase kaabteerɔba la, ale kasim bo ba jigi ka dila a ta ga paari ŋaaŋ bi sii meena ale cheen la.>> 16Moosis a jam nye wari meena ase ka dii dek ate Naawen a jam weeni wa la.
17Dila nyiŋ viuku ba jam ti ku ka chiik kaai ale dɛ niŋka la piilimka dai bena ŋayewa po. 18Moosis ale jam ti viuku la, wa jam nyeka kpana gola a zaani zaŋŋa a pai chibsaŋa a vi du. 19Ate wa yaa pili viuku ase Naawen ale jam weeni wa diila.
20Wa yaa pai tintain paglaksa ate wieŋa a boro la a nyo dakanni po ale pai dawoŋtaŋa a su dakanni nyiŋ a pai biem duisi basika nanlikka a lik du. 21Wa yaa ta nɔiyeŋka dakanni a jam viuku po a pai garuk panni ate ba ta a yik a kasi dakanni ate wanni a boro la ase Naawen ale jam weeni Moosis diila.
22Moosis yaa pai jazaanimu a zaani tuka viuku po ku wiilukku geŋsa garuk panni peelim 23a pai boroboroku a vi ku zuk Naawen niŋ, ase Naawen ale jam weeni wa diila.
24Wa jam pai zeuŋ jazaanimu a zaani ka Tuka Viuku po jazaanimu nakpiak viuku yeseoku geŋsa 25a gomsi zeuŋtaŋa a magsi Naawen niŋ, ase Naawen ale jam weeni wa diila.
26Moosis a jam pai ligmɔniŋ kuŋkuŋku a zaani ka Tuka Viuku po garuk panni niŋ 27ale ju ŋan baai nyum ale masa la ku zuk, ase Naawen ale jam weeni wa diila. 28Ate wa yaa pai garuk panni a yik viuku nansuiŋku nɔi.
29Wa jam pai kuŋkuŋku ate ba a nye juka tiirimu du la a zaani moata ka viuku nansuiŋku tuka viuku ale la, a yaa nye juka ale ŋandiinta tiirita ku zuk, ase Naawen ale jam weeni wa diila.
30Wa jam pai chin kpienni a zaan ka Tuka Viuku ale kuŋkuŋku suŋsuŋ a nyo nyiam du a magsi sugrika, 31ate Moosis ale Aaron ale wa nidoabilisaŋa a pai bu a sugri ba nisaŋa ale ba naŋsaŋa. 32Ba nyiem sugri kama diipo ate ba a jo Tuka Viuku po yaase ba torisi a kpaŋ kuŋkuŋku la, ase Naawen ale jam weeni Moosis diila.
33Moosis yaa pai ŋantaŋa a ti dabiaka a gilim viuku ale kuŋkuŋku meena a yaa pai garuk panni a yik dabiaka nɔi. Moosis yaa nueri tuimaŋa.
34Ate chiŋmari a jam lik Tuka Viuku ate Naawen zulaŋa a sueri viuku. 35Moosis an jam baga a jo Tuka Viuku po, dii nyiŋla chiŋmanni a jam bo ka ku zuk ate Naawen zulaŋa a sueri viuku.
36Izirali demma nyeerimu meena po, diipo meena ate chiŋmanni a dan ga zagri ale basi viuku ba nyiem yaa basi dula ale cheŋ. 37Alege chiŋmanni a dan kan zagri ya, ba mɛ a kan cheŋ, ate ku paari dai dii dai ate di a zagri la. 38Naawen chiŋmanni a jam bo viuku zuk ka dila danni po, ate bolim a bo chiŋmanni po yokku, kude jam a nye kama Izirali demma nimbie po ba nyeerimu po meena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation