Daniel 7
7
1A nyini bein diipo ate Babilon Naawa Belsazzar a dɛ naamu la, Daniel a jam gɔdaasim kama diipo ate wa doa wa gaduokku zuk la, wa yaa ŋmarisi ŋa.
2Daniel weeni ayen, <<Yɔkku ate mi gɔdaasim la, mi nya ale ka kinkaŋŋa ŋanaansi ale nyini wenŋmazuk a yaa a dam nyakpiemu. 3Ate duŋ kpieŋsa sinaansi a nyini nyakpiemu po a jueli kunkɔŋni si jam kan neesi chaaba.
4Kaai ale dɛ niŋka la a nye ase ka gbeŋli la, alege a ta jiiruk kinkaŋŋa. Mi yaa kasim a jam a nya ka. Ase mi ale a nya ka la, kinkaŋŋa a yaa vɔssi. Ka yaa jam yiti zaani naŋsa siye zuk ase nurubiik la ale ta nurubiik suinum.
5M yaa ŋman nya ka choa a saari siye. Kala mɛ a nye nna ase ka goabiak la. Ka yaa yiti zaani kauk yeŋ nyiŋ ale ta nyapik koba ŋata ka nɔnni po nyinaŋa suŋsuŋka po. Ate jaab yaa weeni ayen, <Yiti a ŋɔbi lam chak!>
6Ku ŋaaŋnyiŋ mi yaa nya duŋ ka choa kala a nye ase ka yɔŋni la, ka ta ka kinkaŋŋa ŋanaansi ka ŋaaŋka a nye ase nuim la. Duŋ ka de a jam taka zuima ŋanaansi ale ta pagrim a dɛ naam.
7Ku ŋaaŋnyiŋ m gɔdaasimaŋa po, m nya ka duŋ ka choa ale saari sinaansi, kala wie a toa kama a nyigsi ale pagra. Kala a jam taka kuta nyin kpiema. Ka jam a ŋɔriŋ kama ale a nɛ ka ale a yik ŋan baai la, ale a tabi ŋan baai ale tali la. Kala ka ka tɔga ale nsila meena. Ka jam taka nyiila pi.
8Ase mi ale a poli nyiilaŋa wie la, nyiili di choa mɛ a ŋman nyini nna fiifiiga a gum chaab ale m ŋala. Ku ŋaaŋnyiŋ m ŋala ŋata a yaa voori, nyiini de a jam ta ka nina ase nurubiik nina la ate wa nɔnni a biisi kanjanta wie.
9Ase mi ale a nya la, wenŋmazuk naamu zukpagliksaŋa a yaa zaani magsi ate Dila Po Nuruwa a yaa kali. Wa garukku a jam peenti kama nna tektek. Wa zuisaŋa mɛ a peenti ase ŋmoruk tana la. Wa zukpaglika mɛ a jam a nyaksi ase ka bolim la, ka naŋsaŋa mɛ a nyaksi. 10Belinaŋ ale bolim a chali a nyini wa jigi ate tusa ale paari tusa a yaa jam wa jigi. Tusa ale paari tusa pi (10,000) a za wa niŋ buusa boka dɔkku po ate ba yaa lak gbaŋsa.
11Mi yaa kpesi a wom dii nyiŋla kanjanta wie ate nyiini de a jam a biisi. Mi jam kasim a nya ka dila a ta ga paari diipo ate ba ko duŋka de ale ju ka nyiŋka ale bolim la. 12Duŋ sinsila a yaa jɔk si pagrimu ale diem vua a boro magadega.
13<<Mi gɔdaasimaŋa po yok kula, mi yaa nya ale waai ale a nye nna ase nurubiik la a nyini chiŋmaaŋa po a cheena. Wa yaa jam Dila Po Denɔwa jigi ate wala a dɛ wa niŋ. 14Wa yaa ta pagrim ale zula. Nuru meena, tɛŋ meena ale waai meena a nyini biik buuri meena po a yaa puusi wa. Wa pagrimu ale boro ka dila taam wuu. Ate wa naamu a kan maa kaasi.
15<<Ku yaa kasim jam a daani mi Daniel kama m ni gɔdaasim diila nyiŋ. 16Mi yaa bek baai ale za a moata mu la wanyi ayen wa weeni mu ku kiri. Dila wa yaa weeni mi wieŋa de kiri ayen, 17<Duŋ kpieŋsa sinaansiwa de ka naata tinaansi ale za ti yiti tɛŋzuk de. 18Alege Wen Dii Ale Bo Wenŋmazuk La bisaŋa ale za ba tuesi tɛŋka a nya ka zuk taam wuu.>
19<<Dila nyiŋla mi a yaali ayen m seba ka wensieŋa dek chekki a ta va duŋ kaai ale saari sinaansiwa la. Kaai ale nye ka tɔgawa ale nsila meena la. Ka kutuk nyinaŋa ale ka kutuk mɔnuŋ nampiemaŋa, duŋ kaai ale ŋɔriŋ ale nɛ ŋan baai ate ka yik ale a tabi ŋan baai ale tali la zuk. 20M ŋman a yaali ayen m seba nyiila piwa ale bo ka zukku po la kiri. Poom daa nyii fiika ale tagri m ŋala ŋata wa la. Dii ale zak di dek a zaani ale ta nina ale nɔi dii ale a biisi kanjanta wie la. 21Mi ale a nya la, nyiini de yaa boro a nye kpaliŋ ale Wen bisaŋa a nya pagrim ba zuk. 22Ate Dila Powa Denɔwa a jam bo a te Wen Dii Ale Bo Wenŋmazuk La bisaŋa dii nyiŋla ku paari ka diipo ale magsi ayen ba soa naamu la.
23Wa yaa weeni mu ku kiri ayen, <<Duŋ kaai ale saari sinaansiwa la kiri ale naam ale saari naata tinaansi a yiti tɛŋka zuk. Bu ale chim ka bu tɔga ale naam tintila, ate bula ale bu a nya tɛŋ sinsila meena tɛŋka zuk abe ka tabi si zuk a taam. 24Nyiila piwa ka nalima pi baai ale ba nyini wa naamu po. Bala ŋaaŋnyiŋ Naab wa choa ale jam, wala ale nye ka wa tɔga ale mbala. Wa ale ta mbala batawa a siŋ tɛŋ. 25Wa yaa ale biisi Wen Dii Ale Bo Wenŋmazuk La a kaasi abe wa namsi wa bisaŋa abe wa dan baga wa tagri tiŋŋa ale wa wieŋa. Wa bisaŋa ale bo wa nisima po a paari bena ŋata ale geli.
26Alege buusa boka danni ale paari ate wa ale jɔk wa pagrimu. 27Ate tɛŋ kpieŋ kaai ale zuak la a yaa le bo Wen bisaŋa nisima po, Wen Dii Ale Bo Wenŋmazuk La nuruma ale la. Wa naamu ale boro ka dila taam wuu ate kpaga meena ale kasim a puusi wa.
28Wanni kpeglimka jigi ale nna. Mi Daniel, ku jam kasim a daani mu kama m popolaŋa po ate mi ninaŋa a tagri alege m jam ta wanni kama m dek m nyiini.
Currently Selected:
Daniel 7: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Daniel 7
7
1A nyini bein diipo ate Babilon Naawa Belsazzar a dɛ naamu la, Daniel a jam gɔdaasim kama diipo ate wa doa wa gaduokku zuk la, wa yaa ŋmarisi ŋa.
2Daniel weeni ayen, <<Yɔkku ate mi gɔdaasim la, mi nya ale ka kinkaŋŋa ŋanaansi ale nyini wenŋmazuk a yaa a dam nyakpiemu. 3Ate duŋ kpieŋsa sinaansi a nyini nyakpiemu po a jueli kunkɔŋni si jam kan neesi chaaba.
4Kaai ale dɛ niŋka la a nye ase ka gbeŋli la, alege a ta jiiruk kinkaŋŋa. Mi yaa kasim a jam a nya ka. Ase mi ale a nya ka la, kinkaŋŋa a yaa vɔssi. Ka yaa jam yiti zaani naŋsa siye zuk ase nurubiik la ale ta nurubiik suinum.
5M yaa ŋman nya ka choa a saari siye. Kala mɛ a nye nna ase ka goabiak la. Ka yaa yiti zaani kauk yeŋ nyiŋ ale ta nyapik koba ŋata ka nɔnni po nyinaŋa suŋsuŋka po. Ate jaab yaa weeni ayen, <Yiti a ŋɔbi lam chak!>
6Ku ŋaaŋnyiŋ mi yaa nya duŋ ka choa kala a nye ase ka yɔŋni la, ka ta ka kinkaŋŋa ŋanaansi ka ŋaaŋka a nye ase nuim la. Duŋ ka de a jam taka zuima ŋanaansi ale ta pagrim a dɛ naam.
7Ku ŋaaŋnyiŋ m gɔdaasimaŋa po, m nya ka duŋ ka choa ale saari sinaansi, kala wie a toa kama a nyigsi ale pagra. Kala a jam taka kuta nyin kpiema. Ka jam a ŋɔriŋ kama ale a nɛ ka ale a yik ŋan baai la, ale a tabi ŋan baai ale tali la. Kala ka ka tɔga ale nsila meena. Ka jam taka nyiila pi.
8Ase mi ale a poli nyiilaŋa wie la, nyiili di choa mɛ a ŋman nyini nna fiifiiga a gum chaab ale m ŋala. Ku ŋaaŋnyiŋ m ŋala ŋata a yaa voori, nyiini de a jam ta ka nina ase nurubiik nina la ate wa nɔnni a biisi kanjanta wie.
9Ase mi ale a nya la, wenŋmazuk naamu zukpagliksaŋa a yaa zaani magsi ate Dila Po Nuruwa a yaa kali. Wa garukku a jam peenti kama nna tektek. Wa zuisaŋa mɛ a peenti ase ŋmoruk tana la. Wa zukpaglika mɛ a jam a nyaksi ase ka bolim la, ka naŋsaŋa mɛ a nyaksi. 10Belinaŋ ale bolim a chali a nyini wa jigi ate tusa ale paari tusa a yaa jam wa jigi. Tusa ale paari tusa pi (10,000) a za wa niŋ buusa boka dɔkku po ate ba yaa lak gbaŋsa.
11Mi yaa kpesi a wom dii nyiŋla kanjanta wie ate nyiini de a jam a biisi. Mi jam kasim a nya ka dila a ta ga paari diipo ate ba ko duŋka de ale ju ka nyiŋka ale bolim la. 12Duŋ sinsila a yaa jɔk si pagrimu ale diem vua a boro magadega.
13<<Mi gɔdaasimaŋa po yok kula, mi yaa nya ale waai ale a nye nna ase nurubiik la a nyini chiŋmaaŋa po a cheena. Wa yaa jam Dila Po Denɔwa jigi ate wala a dɛ wa niŋ. 14Wa yaa ta pagrim ale zula. Nuru meena, tɛŋ meena ale waai meena a nyini biik buuri meena po a yaa puusi wa. Wa pagrimu ale boro ka dila taam wuu. Ate wa naamu a kan maa kaasi.
15<<Ku yaa kasim jam a daani mi Daniel kama m ni gɔdaasim diila nyiŋ. 16Mi yaa bek baai ale za a moata mu la wanyi ayen wa weeni mu ku kiri. Dila wa yaa weeni mi wieŋa de kiri ayen, 17<Duŋ kpieŋsa sinaansiwa de ka naata tinaansi ale za ti yiti tɛŋzuk de. 18Alege Wen Dii Ale Bo Wenŋmazuk La bisaŋa ale za ba tuesi tɛŋka a nya ka zuk taam wuu.>
19<<Dila nyiŋla mi a yaali ayen m seba ka wensieŋa dek chekki a ta va duŋ kaai ale saari sinaansiwa la. Kaai ale nye ka tɔgawa ale nsila meena la. Ka kutuk nyinaŋa ale ka kutuk mɔnuŋ nampiemaŋa, duŋ kaai ale ŋɔriŋ ale nɛ ŋan baai ate ka yik ale a tabi ŋan baai ale tali la zuk. 20M ŋman a yaali ayen m seba nyiila piwa ale bo ka zukku po la kiri. Poom daa nyii fiika ale tagri m ŋala ŋata wa la. Dii ale zak di dek a zaani ale ta nina ale nɔi dii ale a biisi kanjanta wie la. 21Mi ale a nya la, nyiini de yaa boro a nye kpaliŋ ale Wen bisaŋa a nya pagrim ba zuk. 22Ate Dila Powa Denɔwa a jam bo a te Wen Dii Ale Bo Wenŋmazuk La bisaŋa dii nyiŋla ku paari ka diipo ale magsi ayen ba soa naamu la.
23Wa yaa weeni mu ku kiri ayen, <<Duŋ kaai ale saari sinaansiwa la kiri ale naam ale saari naata tinaansi a yiti tɛŋka zuk. Bu ale chim ka bu tɔga ale naam tintila, ate bula ale bu a nya tɛŋ sinsila meena tɛŋka zuk abe ka tabi si zuk a taam. 24Nyiila piwa ka nalima pi baai ale ba nyini wa naamu po. Bala ŋaaŋnyiŋ Naab wa choa ale jam, wala ale nye ka wa tɔga ale mbala. Wa ale ta mbala batawa a siŋ tɛŋ. 25Wa yaa ale biisi Wen Dii Ale Bo Wenŋmazuk La a kaasi abe wa namsi wa bisaŋa abe wa dan baga wa tagri tiŋŋa ale wa wieŋa. Wa bisaŋa ale bo wa nisima po a paari bena ŋata ale geli.
26Alege buusa boka danni ale paari ate wa ale jɔk wa pagrimu. 27Ate tɛŋ kpieŋ kaai ale zuak la a yaa le bo Wen bisaŋa nisima po, Wen Dii Ale Bo Wenŋmazuk La nuruma ale la. Wa naamu ale boro ka dila taam wuu ate kpaga meena ale kasim a puusi wa.
28Wanni kpeglimka jigi ale nna. Mi Daniel, ku jam kasim a daani mu kama m popolaŋa po ate mi ninaŋa a tagri alege m jam ta wanni kama m dek m nyiini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation