2 Tesalonika 2
2
1Mi a yaali ayen m ŋman weeni yɔgyɔgla a sak ni ka diipo ate ti Nyɔnɔwa Yeezu Kirisita le ŋman pilim jam ate tama ale wa a tu chaab la wie. Ti suata, ti a saalim ni, 2ayen nuruba a dan weeni ayen ti Naawenni Pilim Jamka Danni a paari kama ni kan basi ate ku deri daani ni ni popola po yaase ni sue. Nuru bala chaab a dan weeni ni ayen ka Wen ale weeni ba ayen ba weeni ni dila, yaase ba sak ni dila yaase ba karim ka gbaŋ ate ka weeni ayen ka tama ale ŋmarisi ka ayen Naawen Pilim Jamka Danni a paari kama, ni kan wom ba biiga. 3Nuruba a dan poom a nye diidii ya ni kan basi ate ba baga paasi ni. Ku wensieŋa jigini ale, da dila danni a kan dɛ niŋ a jamu. Ka nuruba yegayega ale ba liŋ zɛri Wen vaka ate gaasa nyɔnɔwa mɛ waai ate ku a fɛ ayen wa cheŋ bolim buui ale kan maari a kpimsi po la, a nyini peelim. 4Gaasa nyɔnɔwa de ale jam weeni kama ayen ŋan baai meena ate nuru a puusi a te la, ka ŋan kayaata, abe wa weeni mɛ ayen wa ka waai ale gaam ba meena la. Wa le poom a maa jo Wen yenni po a kali a weeni ayen wa ka Wen.#2:4 Azaya 14:13-14; Daniel 11:36; Ezekiel 28:2-9
5Ni baga a teeri diipo ate m jam boro ale ni la? M jam weeni ni wieŋa de meena kama. 6Alege jaab ale boro a nye ate wieŋa de an diem nye ya. Nama dek seba jaamu de kama. Da dii ate Wen a lueri la a dan paari, wa le pai wadek a sak. 7Nuruba a deri poom boro a tom ka tuimbaata, alege nuruba yegayega a zɛ ku kiri ya. Dii ale cheen ayen di nye la, a kan nye yegayega yɔgyɔgla ase ka jabuui ale a kasi di nyeka yegayega la a nin cheŋ 8alege ate gaasa nyɔnɔwa a yaa nya suik a nyini. Alege ti Naawenni Yeezu a dan ŋman pilim jam, wa le ko wa ale wa nɔnni po vuusumu. Wa nyaksika ale kaasi wa mɛ. 9Gaasa nyɔnɔwa ale liŋ pai ka Sitaana pagrimu a tom pimpaasima wakperikaliisa nna yegayega, 10abe wa pai pimpaasima meena a paasi baai ate Wen seba ayen ba le kpi la, dii nyiŋla ba ale ba va wensie suiku ate ba nya varibasika la ba zɛri kama. 11Dila ale soa ate Wen le basi ate ba popolaŋa a tagri ate ba ta siaka ale venta wie. Wa le nye dila kama ate 12baai meena ale zɛri wensieŋa alege ate ba sue a peenti ale tuimbaata tom ka la, wa le bo mini ba ate ba kpi.
13Ti suata, ku a magsi ti a nye Wen jiam kama daa meena Naawen ale a yaali ni la nyiŋ. Wen dɛ niŋ a lueri ka nama a yaa basi ate Wa Chiika pagrimu a vari ni basi ale basi ate ni chim nuru weleŋsa ni siaka ale wensie nyiŋ. 14Ti ale jam sak ni Wen wamaŋsaŋa la, wa jam wi ni kama ayen ni nya varibasika de ate dai yeŋ ni ta ti Nyɔnɔwa Yeezu Kirisita zulaŋa. 15Ti suata, dila nyiŋla, ni ŋmasi za giŋgiŋ abe ni va wensie sinsak ŋaai ate ti jam bo ale ni a sak ni ale nɔi a yaase ku ŋaaŋnyiŋ ate ti ŋmarisi gbaŋ a sak ni la.
16Ti Kowa Wen a yaali ti kama ale kasim a te ti nyiŋbiiri taam wuu ale basi mɛ ate ti ta yiila nalimnyiini wa ŋmanteka nyiŋ. 17Ti a saalim kama ayen wa ale ti Nyɔnɔwa Yeezu Kirisita le deŋsi ni kpa abe ba te ni pagrim ate ni kasim a tom abe ni a biisi wamaŋsa nyiini.
Currently Selected:
2 Tesalonika 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Tesalonika 2
2
1Mi a yaali ayen m ŋman weeni yɔgyɔgla a sak ni ka diipo ate ti Nyɔnɔwa Yeezu Kirisita le ŋman pilim jam ate tama ale wa a tu chaab la wie. Ti suata, ti a saalim ni, 2ayen nuruba a dan weeni ayen ti Naawenni Pilim Jamka Danni a paari kama ni kan basi ate ku deri daani ni ni popola po yaase ni sue. Nuru bala chaab a dan weeni ni ayen ka Wen ale weeni ba ayen ba weeni ni dila, yaase ba sak ni dila yaase ba karim ka gbaŋ ate ka weeni ayen ka tama ale ŋmarisi ka ayen Naawen Pilim Jamka Danni a paari kama, ni kan wom ba biiga. 3Nuruba a dan poom a nye diidii ya ni kan basi ate ba baga paasi ni. Ku wensieŋa jigini ale, da dila danni a kan dɛ niŋ a jamu. Ka nuruba yegayega ale ba liŋ zɛri Wen vaka ate gaasa nyɔnɔwa mɛ waai ate ku a fɛ ayen wa cheŋ bolim buui ale kan maari a kpimsi po la, a nyini peelim. 4Gaasa nyɔnɔwa de ale jam weeni kama ayen ŋan baai meena ate nuru a puusi a te la, ka ŋan kayaata, abe wa weeni mɛ ayen wa ka waai ale gaam ba meena la. Wa le poom a maa jo Wen yenni po a kali a weeni ayen wa ka Wen.#2:4 Azaya 14:13-14; Daniel 11:36; Ezekiel 28:2-9
5Ni baga a teeri diipo ate m jam boro ale ni la? M jam weeni ni wieŋa de meena kama. 6Alege jaab ale boro a nye ate wieŋa de an diem nye ya. Nama dek seba jaamu de kama. Da dii ate Wen a lueri la a dan paari, wa le pai wadek a sak. 7Nuruba a deri poom boro a tom ka tuimbaata, alege nuruba yegayega a zɛ ku kiri ya. Dii ale cheen ayen di nye la, a kan nye yegayega yɔgyɔgla ase ka jabuui ale a kasi di nyeka yegayega la a nin cheŋ 8alege ate gaasa nyɔnɔwa a yaa nya suik a nyini. Alege ti Naawenni Yeezu a dan ŋman pilim jam, wa le ko wa ale wa nɔnni po vuusumu. Wa nyaksika ale kaasi wa mɛ. 9Gaasa nyɔnɔwa ale liŋ pai ka Sitaana pagrimu a tom pimpaasima wakperikaliisa nna yegayega, 10abe wa pai pimpaasima meena a paasi baai ate Wen seba ayen ba le kpi la, dii nyiŋla ba ale ba va wensie suiku ate ba nya varibasika la ba zɛri kama. 11Dila ale soa ate Wen le basi ate ba popolaŋa a tagri ate ba ta siaka ale venta wie. Wa le nye dila kama ate 12baai meena ale zɛri wensieŋa alege ate ba sue a peenti ale tuimbaata tom ka la, wa le bo mini ba ate ba kpi.
13Ti suata, ku a magsi ti a nye Wen jiam kama daa meena Naawen ale a yaali ni la nyiŋ. Wen dɛ niŋ a lueri ka nama a yaa basi ate Wa Chiika pagrimu a vari ni basi ale basi ate ni chim nuru weleŋsa ni siaka ale wensie nyiŋ. 14Ti ale jam sak ni Wen wamaŋsaŋa la, wa jam wi ni kama ayen ni nya varibasika de ate dai yeŋ ni ta ti Nyɔnɔwa Yeezu Kirisita zulaŋa. 15Ti suata, dila nyiŋla, ni ŋmasi za giŋgiŋ abe ni va wensie sinsak ŋaai ate ti jam bo ale ni a sak ni ale nɔi a yaase ku ŋaaŋnyiŋ ate ti ŋmarisi gbaŋ a sak ni la.
16Ti Kowa Wen a yaali ti kama ale kasim a te ti nyiŋbiiri taam wuu ale basi mɛ ate ti ta yiila nalimnyiini wa ŋmanteka nyiŋ. 17Ti a saalim kama ayen wa ale ti Nyɔnɔwa Yeezu Kirisita le deŋsi ni kpa abe ba te ni pagrim ate ni kasim a tom abe ni a biisi wamaŋsa nyiini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation