2 Samuel 9
9
1Deevid yaa bek ayen, <<Waai a diem tali bo Sɔɔl yenni po ate m sak jiirim ale wa Jonatan nyiŋŋa?>>
2Yɔgyɔgla de tomteerɔ ale jam tali bo Sɔɔl yenni po ate ba a wi wa ayen Ziba. Ba yaa wi wa ayen wa jam Deevid jigi a nya, ate naawa a weeni wa ayen, <<Fi ka Ziba? Wa yaa tulisi ayen, <<Mi ka fi tomteerɔ.>>
3Naawa yaa bek ayen, <<Waai karo a tali Sɔɔl yenni po ate m sak Naawen jiirim ale wa?>> Ziba yaa tulisi naawa ayen, <<Jonatan nidoabili a diem tali boro, wa ka gbaruk naŋsa meena.>>
4Naawa yaa bek ayen, <<Wa bo ka bɛ?>> Ziba yaa tulisi ayen, <<Wa bo ka Ammiel nidoabinni Makir yenni ale bo Lo Debar la.>>
5Naab Deevid yaa te ba ta wa nyini Ammiel nidoabinni Makir yenni ale bo Lo Debar la a jam.
6Sɔɔl nidoabinni Jonatan nidoabinni Mefiboset yaa jam Deevid jigi a koori tɛŋ a puusi wa a te wa zula.>> Deevid yaa wi wa ayen, <<Mefiboset.>> Ate wa tulisi ayen, <<Fi tomteerɔwa.>>
7Deevid yaa weeni wa ayen, <<Kan chali yɔgsummoa, m le sum sak jiirim ale fu fi kowa Jonatan nyiŋ. M le pai tɛŋ kaai meena ate fi kokpieŋka Sɔɔl soa la a te fu, abe fi kasim a de ale mi.>>
8Mefiboset yaa kori tɛŋ a weeni ayen, <<Fi tomteerɔwa ka wana ate fi niŋ a bo mi ba kpiuku nna po?>>
9Ate naawa yaa wi Sɔɔl tomteerɔwa Ziba a weeni wa ayen, <<M pai jaab meena ate fi nyɔnɔwa Sɔɔl ale wa dɔkdemma a soa la a te wa ŋaaŋka,>> 10Fi ale fi nidoabilisaŋa ale fi tomteerɔma ale ni kpa tɛŋka a te wa a ta ŋandiinta a jo, ate fi nyɔnɔwa ŋaaŋka a nya ŋandiinta. Ate Mefiboset fi nyɔnɔwa ŋaaŋka, ale kasim a dɛ ale mi.>> Ziba a jam ta ka nidoabilisa pi ale banu ale tomteerɔba pisiye.
11Ziba yaa weeni naawa ayen, <<Fi tomteerɔwa ale nye dii meena ate mi nyɔnɔwa naawa a weeni wa tomteerɔwa ayen wa nye la.>> Mefiboset yaa jam a dɛ ale Deevid ase naawa nidoabilisaŋa wanyi la.
12Mefiboset a jam ta ka nidoabili ate ba a wi wa ayen Mika ale Ziba yenni demma meena a jam ka Mefiboset tomteerɔba. 13Mefiboset a jam bo ka Jerusalem, dii nyiŋla wa jam kasim a dɛ ale ka naawa, wa be jam ka gbaruk wa naŋsaŋa meena.
Currently Selected:
2 Samuel 9: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 9
9
1Deevid yaa bek ayen, <<Waai a diem tali bo Sɔɔl yenni po ate m sak jiirim ale wa Jonatan nyiŋŋa?>>
2Yɔgyɔgla de tomteerɔ ale jam tali bo Sɔɔl yenni po ate ba a wi wa ayen Ziba. Ba yaa wi wa ayen wa jam Deevid jigi a nya, ate naawa a weeni wa ayen, <<Fi ka Ziba? Wa yaa tulisi ayen, <<Mi ka fi tomteerɔ.>>
3Naawa yaa bek ayen, <<Waai karo a tali Sɔɔl yenni po ate m sak Naawen jiirim ale wa?>> Ziba yaa tulisi naawa ayen, <<Jonatan nidoabili a diem tali boro, wa ka gbaruk naŋsa meena.>>
4Naawa yaa bek ayen, <<Wa bo ka bɛ?>> Ziba yaa tulisi ayen, <<Wa bo ka Ammiel nidoabinni Makir yenni ale bo Lo Debar la.>>
5Naab Deevid yaa te ba ta wa nyini Ammiel nidoabinni Makir yenni ale bo Lo Debar la a jam.
6Sɔɔl nidoabinni Jonatan nidoabinni Mefiboset yaa jam Deevid jigi a koori tɛŋ a puusi wa a te wa zula.>> Deevid yaa wi wa ayen, <<Mefiboset.>> Ate wa tulisi ayen, <<Fi tomteerɔwa.>>
7Deevid yaa weeni wa ayen, <<Kan chali yɔgsummoa, m le sum sak jiirim ale fu fi kowa Jonatan nyiŋ. M le pai tɛŋ kaai meena ate fi kokpieŋka Sɔɔl soa la a te fu, abe fi kasim a de ale mi.>>
8Mefiboset yaa kori tɛŋ a weeni ayen, <<Fi tomteerɔwa ka wana ate fi niŋ a bo mi ba kpiuku nna po?>>
9Ate naawa yaa wi Sɔɔl tomteerɔwa Ziba a weeni wa ayen, <<M pai jaab meena ate fi nyɔnɔwa Sɔɔl ale wa dɔkdemma a soa la a te wa ŋaaŋka,>> 10Fi ale fi nidoabilisaŋa ale fi tomteerɔma ale ni kpa tɛŋka a te wa a ta ŋandiinta a jo, ate fi nyɔnɔwa ŋaaŋka a nya ŋandiinta. Ate Mefiboset fi nyɔnɔwa ŋaaŋka, ale kasim a dɛ ale mi.>> Ziba a jam ta ka nidoabilisa pi ale banu ale tomteerɔba pisiye.
11Ziba yaa weeni naawa ayen, <<Fi tomteerɔwa ale nye dii meena ate mi nyɔnɔwa naawa a weeni wa tomteerɔwa ayen wa nye la.>> Mefiboset yaa jam a dɛ ale Deevid ase naawa nidoabilisaŋa wanyi la.
12Mefiboset a jam ta ka nidoabili ate ba a wi wa ayen Mika ale Ziba yenni demma meena a jam ka Mefiboset tomteerɔba. 13Mefiboset a jam bo ka Jerusalem, dii nyiŋla wa jam kasim a dɛ ale ka naawa, wa be jam ka gbaruk wa naŋsaŋa meena.
© 2023, Ghana Institute of Linguistics, Literacy and Bible Translation