2 Samuel 7
7
1Naawa yaa ni kali wa naamu yenni po la ŋaaŋnyiŋ ate Naawen a te wa vuusum a nyini wa dachaasaŋa meena ale gilim wa la jigi la, 2wa yaa weeni biisiteerɔwa Natan ayen, <<Mi ale nna, a bo naam yeri po ate ba pai nyunyoŋ daata a nye di alege Wen nɔiyeŋka dakanni a bo viuk po.>>
3Natan yaa tulisi naawa ayen, <<Dii meena ate fi ta popola po la, be nye, diila Naawen a bo le fu kama.>>
4Yok kula Naawen wanni yaa jam Natan jigi ayen, 5<<Ga weeni mi tomteerɔwa Deevid ayen, <<Naawen ale weeni diila ale nna. Ka fi ale fi sɛ yeri a te mi ate mi a boro? 6Mi an bo yeri po a nyini dai dii dai ate mi ta Izirali demma a nyini Ejipiti nyini la a jam paari jinla. Mi nyiem nyini ka de a cheŋ de ale viuk ase m boka jigi la. 7Juijui meena ate mi cheŋ ale Izirali demma la, mi maa weeni ba niŋdeerɔma ale a kasi m nuruma Izirali demma la ayen, <<Ka boa ale soa ate nama an sɛ yeri ale nyunyoŋ daata a te mi?>>
8<<Yɔgyɔgla de, weeni mi tomteerɔwa Deevid ayen, <Dii ate Naawen Dii Ale A Dɛ Tugurik Tɔŋdɔma Niŋ La a weeni la ale nna: Diipo ate fi jam chim naapeerik a kasi duŋsa la ate mi a ta fu a jam ayen fi a nya mi nuruma Izirali demma zuk. 9Mi jam bo ale fu kama juijui meena ate fi a cheŋ la, mi abe jam kaasi fi dachaasaŋa meena kama fi niŋ. Yɔgyɔgla de mi ale basi ate fi yuenni a zuak ase ka nuru kpientaŋa ale jam bo tɛŋzuk de la yueŋa la. 10Mi ale yaali jigi a te m nuruma Izirali demma abe m te ba jigi ate dila ale basi ate ba ta badek yeri ate daanika a kan ŋman tu ba. Gaasa nyam a kan ŋman namsi ba, ase ku ale jam nye ba piilimka po diila, 11ale diipo ate mi lueri ba niŋdeerɔba m nuruma Izirali demma zuk la. M le te ni vuusum a ta nyini ni dachaasaŋa jigi. Naawen a weeni fu ayen Naawen dek ale zaani yeri a te fu. 12Fi daaŋa a dan nueri ate fi vuusi ale fi koma, m le yeeri fi biik ate wa tuesi fi jigi, waai ale wa nyini fidek nyiŋka po, abe m basi ate wa naamu zaani. 13Wa le waai ale wa sɛ yeri a te mi Yuenni, abe m basi ate wa naamu zukpaglika a zaani taam wuu. 14M le chim wa ko, abe wa chim m nidoabili. Wa dan nye kaasi, m le namsi wa ale nuru bisa doari, ale nuru bisa miita ale a jo nyiŋla, 15alege mi ŋmanteka a kan yeeri wa jigi ya, ase m le yeeri Sɔɔl jigi la, waai ate m yeeri ni niŋ la. 16Fi yenni ale fi naamu ale boro taam wuu mi niŋ, fi naam zukpaglika ale boro a cheŋ.> >>
17Natan a jam weeni Deevid a va chaab ale wieŋa de meena ale pai sakka de meena kama.
18Ate naab Deevid yaa jo kali Naawen niŋ, a weeni ayen, <<Mi ka wana, Nyɔnɔ Naawen yaa, mi dɔkdemma ka bana, ate fi nye nnala meena a te mi? 19Fi nye ka nna ase kude an poom magsi fi nina po la, m Nyɔnɔ Naawen yaa, fi poom biisi fi tomteerɔwa chum po yenni wari kama. Fi a nya mi ase ka nuru waai ale ta yuei a gaam nidoaba ale ta yue la, Nyɔnɔ Naawen yaa.
20<<Boan wari ate Deevid baga a weeni yega a te fu? Diila fi seba fi tomteerɔwa kama, Nyɔnɔ Naawen yaa. 21Fi wanni nyiŋ ale fi yaalika nyiŋ, fi nye wa kpienni de ale basi ate fi tomteerɔwa a seba di nɔi po.
22<<Nya fi ale zuak dii, Nyɔnɔ Naawen yaa. Waai karo a nye ase fi la, Wen di choa a karo alege ka fi, ase tama ale wom ale tidek tue la. 23Ka wana abe le a nye ase fi nuruma Izirali demma la tɛŋ yeŋ kaai tɛŋka zuk ate Wen nyini ayen wa da tuesi ba a te wadek, abe wa nye yuei a te wadek la? Fi tom wakpiema ale wakinkagla a yiak tɛŋsa ale si wena fi nuruma niŋ. 24Fi basi kama ate fi nuruma Izirali demma a kali paari ase fidek nuruba la a cheŋ, ate fi, Naawen yaa, a chim ba Wen.
25<<Yɔgyɔgla de, Naawen dii ale ka Wen la, kasim ta fi puulimka a magsi chaab ale fi tomteerɔwa ale wa yenni. Nye ase fi le puulim diila, 26ate fi yuenni a kasim zuak a cheŋ. Ate nuruba a weeni ayen, <Naawen Dii Ale A Dɛ Tugurik Tɔŋdɔma Niŋ La ka Wen Izirali zuk.> Ate fi tomteerɔwa Deevid yenni a zaani fi niŋ.
27<<Naawen Dii Ale A Dɛ Tugurik Tɔŋdɔma Niŋ La, Izirali Wen yaa, fi pai kude kama a sak fi tomteerɔwa, a weeni ayen, <M le sɛ yeri a te fu.> Dila fi tomteerɔwa a nya ka nyiŋbiiri ayen wa puusi puusaŋa de. 28M Nyɔnɔwa waai ale ka Naawen yaa, fi ka Wen. Fi wieŋa a ta mariŋ chakka kama, fi be puulim wamaŋsaŋa de kama a te fi tomteerɔwa. 29Yɔgyɔgla be ta suipeentik a niak fi tomteerɔwa yenni, ate di kasim boro dila a cheŋ fi nimbie po, ale fi, Nyɔnɔwa waai ale ka Naawen yaa, fi yaa biisi, fi niauŋku nyiŋ fi tomteerɔwa yenni ale nya niauŋ a cheŋ.>>
Currently Selected:
2 Samuel 7: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 7
7
1Naawa yaa ni kali wa naamu yenni po la ŋaaŋnyiŋ ate Naawen a te wa vuusum a nyini wa dachaasaŋa meena ale gilim wa la jigi la, 2wa yaa weeni biisiteerɔwa Natan ayen, <<Mi ale nna, a bo naam yeri po ate ba pai nyunyoŋ daata a nye di alege Wen nɔiyeŋka dakanni a bo viuk po.>>
3Natan yaa tulisi naawa ayen, <<Dii meena ate fi ta popola po la, be nye, diila Naawen a bo le fu kama.>>
4Yok kula Naawen wanni yaa jam Natan jigi ayen, 5<<Ga weeni mi tomteerɔwa Deevid ayen, <<Naawen ale weeni diila ale nna. Ka fi ale fi sɛ yeri a te mi ate mi a boro? 6Mi an bo yeri po a nyini dai dii dai ate mi ta Izirali demma a nyini Ejipiti nyini la a jam paari jinla. Mi nyiem nyini ka de a cheŋ de ale viuk ase m boka jigi la. 7Juijui meena ate mi cheŋ ale Izirali demma la, mi maa weeni ba niŋdeerɔma ale a kasi m nuruma Izirali demma la ayen, <<Ka boa ale soa ate nama an sɛ yeri ale nyunyoŋ daata a te mi?>>
8<<Yɔgyɔgla de, weeni mi tomteerɔwa Deevid ayen, <Dii ate Naawen Dii Ale A Dɛ Tugurik Tɔŋdɔma Niŋ La a weeni la ale nna: Diipo ate fi jam chim naapeerik a kasi duŋsa la ate mi a ta fu a jam ayen fi a nya mi nuruma Izirali demma zuk. 9Mi jam bo ale fu kama juijui meena ate fi a cheŋ la, mi abe jam kaasi fi dachaasaŋa meena kama fi niŋ. Yɔgyɔgla de mi ale basi ate fi yuenni a zuak ase ka nuru kpientaŋa ale jam bo tɛŋzuk de la yueŋa la. 10Mi ale yaali jigi a te m nuruma Izirali demma abe m te ba jigi ate dila ale basi ate ba ta badek yeri ate daanika a kan ŋman tu ba. Gaasa nyam a kan ŋman namsi ba, ase ku ale jam nye ba piilimka po diila, 11ale diipo ate mi lueri ba niŋdeerɔba m nuruma Izirali demma zuk la. M le te ni vuusum a ta nyini ni dachaasaŋa jigi. Naawen a weeni fu ayen Naawen dek ale zaani yeri a te fu. 12Fi daaŋa a dan nueri ate fi vuusi ale fi koma, m le yeeri fi biik ate wa tuesi fi jigi, waai ale wa nyini fidek nyiŋka po, abe m basi ate wa naamu zaani. 13Wa le waai ale wa sɛ yeri a te mi Yuenni, abe m basi ate wa naamu zukpaglika a zaani taam wuu. 14M le chim wa ko, abe wa chim m nidoabili. Wa dan nye kaasi, m le namsi wa ale nuru bisa doari, ale nuru bisa miita ale a jo nyiŋla, 15alege mi ŋmanteka a kan yeeri wa jigi ya, ase m le yeeri Sɔɔl jigi la, waai ate m yeeri ni niŋ la. 16Fi yenni ale fi naamu ale boro taam wuu mi niŋ, fi naam zukpaglika ale boro a cheŋ.> >>
17Natan a jam weeni Deevid a va chaab ale wieŋa de meena ale pai sakka de meena kama.
18Ate naab Deevid yaa jo kali Naawen niŋ, a weeni ayen, <<Mi ka wana, Nyɔnɔ Naawen yaa, mi dɔkdemma ka bana, ate fi nye nnala meena a te mi? 19Fi nye ka nna ase kude an poom magsi fi nina po la, m Nyɔnɔ Naawen yaa, fi poom biisi fi tomteerɔwa chum po yenni wari kama. Fi a nya mi ase ka nuru waai ale ta yuei a gaam nidoaba ale ta yue la, Nyɔnɔ Naawen yaa.
20<<Boan wari ate Deevid baga a weeni yega a te fu? Diila fi seba fi tomteerɔwa kama, Nyɔnɔ Naawen yaa. 21Fi wanni nyiŋ ale fi yaalika nyiŋ, fi nye wa kpienni de ale basi ate fi tomteerɔwa a seba di nɔi po.
22<<Nya fi ale zuak dii, Nyɔnɔ Naawen yaa. Waai karo a nye ase fi la, Wen di choa a karo alege ka fi, ase tama ale wom ale tidek tue la. 23Ka wana abe le a nye ase fi nuruma Izirali demma la tɛŋ yeŋ kaai tɛŋka zuk ate Wen nyini ayen wa da tuesi ba a te wadek, abe wa nye yuei a te wadek la? Fi tom wakpiema ale wakinkagla a yiak tɛŋsa ale si wena fi nuruma niŋ. 24Fi basi kama ate fi nuruma Izirali demma a kali paari ase fidek nuruba la a cheŋ, ate fi, Naawen yaa, a chim ba Wen.
25<<Yɔgyɔgla de, Naawen dii ale ka Wen la, kasim ta fi puulimka a magsi chaab ale fi tomteerɔwa ale wa yenni. Nye ase fi le puulim diila, 26ate fi yuenni a kasim zuak a cheŋ. Ate nuruba a weeni ayen, <Naawen Dii Ale A Dɛ Tugurik Tɔŋdɔma Niŋ La ka Wen Izirali zuk.> Ate fi tomteerɔwa Deevid yenni a zaani fi niŋ.
27<<Naawen Dii Ale A Dɛ Tugurik Tɔŋdɔma Niŋ La, Izirali Wen yaa, fi pai kude kama a sak fi tomteerɔwa, a weeni ayen, <M le sɛ yeri a te fu.> Dila fi tomteerɔwa a nya ka nyiŋbiiri ayen wa puusi puusaŋa de. 28M Nyɔnɔwa waai ale ka Naawen yaa, fi ka Wen. Fi wieŋa a ta mariŋ chakka kama, fi be puulim wamaŋsaŋa de kama a te fi tomteerɔwa. 29Yɔgyɔgla be ta suipeentik a niak fi tomteerɔwa yenni, ate di kasim boro dila a cheŋ fi nimbie po, ale fi, Nyɔnɔwa waai ale ka Naawen yaa, fi yaa biisi, fi niauŋku nyiŋ fi tomteerɔwa yenni ale nya niauŋ a cheŋ.>>
© 2023, Ghana Institute of Linguistics, Literacy and Bible Translation