2 Samuel 24
24
1Naawen sui a ŋman jaa puuri nna yegayega ale Izirali ate wa choa Deevid ate wa siti ba a weeni ayen, <<Ni ga chiini Izirali ale Juda.>>
2Naawa yaa weeni Joab ale tugurik tɔŋdɔma kpaŋŋa ale bo le wa la ayen, <<Ni cheŋ Izirali yezuimaŋa meena a zaani Dan a ga paari Beerseba a chiini nidoa baai ale a kpaliŋ la, ate m seba ba nɔi ale ka diila.>>
3Alege Joab a tulisi naawa ayen, <<Mi a yaali ayen Naawen dii ale ka fi Wenni abe basi ate tugurik tɔŋdɔma a piisi naŋtuok nɔi kook, ate mi nyɔnɔwa naawa nina a nya. Alege ka boa ale soa ate mi nyɔnɔwa naawa a yaali wa nye wanni de?
4Alege naawa ale weeni diila ale gaam Joab ale tugurik tɔŋdɔma kpaŋŋa. Ba yaa basi naawa ale cheŋ ba chiini Izirali nuru baai ale a kpaliŋ la.
5Ba le lo Jodan Benni jueli la ŋaaŋnyiŋ, ba yaa wari a moata Aroer, tɛŋ kaai ale bo va kaai ale limisa la po yeseok geŋ, a yaa cheŋ va Gad a ga paari Jazer. 6Ba cheŋ Gilead ale Tahtim Yodsi tɛŋka meena, a ga paari Dan Jaan ale gilim a cheŋ Saidon la. 7Ba cheŋ tuak Taaya parik pagrisaŋa ale Yivi demma tɛŋsaŋa meena ale Keenan demma. Kpeglimka, ba cheŋ Beerseba ale bo Negev po Juda la.
8Ba le cheŋ tɛŋka meena la ŋaaŋnyiŋ, ba ŋman jam Jerusalem chiisa neok ale daa pisiye kpeglimka.
9Joab yaa te naawa tugurik tɔŋdɔma nɔi. Izirali tɛŋka po jam ka tusa kobsinaaniŋ (800,000) baai ale ta nyiŋsa a baga a yik gebik. Juda tɛŋka po tusa kobsinu (500,000).
10Deevid ale jam chiini tugurik tɔŋdɔma la ŋaaŋnyiŋ wa popolaŋa yaa a daani wa, ate wa weeni Naawen ayen, <<Mi le nye diila mi tom kaasi ka nna yegayega. Yɔgyɔgla de, Naawen yaa, mi a saalim fu, yeeri fi tomteerɔwa chivieŋa. Mi nye ka betta nyeka.>>
11Deevid ale yiti dai m dila saluiku la, Naawen wanni yaa jam biisiteerɔwa Gad, waai ale ka Deevid biisiteerɔ la jigi ayen, 12<<Cheŋ ga weeni Deevid ayen, <<Naawen ale weeni diila ale nna. Mi a te fu ka wie ŋata. Lueri ŋa po dinyi ate m nye m le ta dii ale fu la.>>
13Gad yaa cheŋ Deevid jigi a ga weeni wa ayen, <<Kom jam fi tɛŋka po bena ŋata? Yaase fi dachaasaŋa a vi fu chiisa sita? Yaase nyiŋtuila jam fi tɛŋka po daa ŋata? Yɔgyɔgla de poli a lueri dii ate fi a yaali ayen m tulisi waai ale tom mu la.>> 14Deevid yaa weeni Gad ayen, <<Mi bo ka daani kpieŋ po. Basi ate ti lo Naawen nisa po, diila wa jiirimu a zuak kama, alege kan te ate m lo nurubiik nisa po.>>
15Dila Naawen yaa tom nyiŋtuila ate ŋa jam Izirali zuk saluik kula a ga paari diipo ate wa te la, ate nuruba tusa pisiyopɔi (70,000) a zaani Dan a ga paari Beerseba a kpi. 16Wenŋmazuk maarɔwa ale teeri wa nisa ayen wa kaasi Jerusalem la, Naawen yaa tagri wa popola kaasuŋku nyiŋ, a yaa weeni maarɔwa waai ale a ko nuruma la ayen, <<Ku magsi ta fi nisaŋa a ga ŋaaŋ.>> Naawen maarɔwa abe jam bo ka Arauna Jebus denɔwa ŋantaŋa fɔbika jigini.
17Deevid ale nya Wen maarɔ waai ale jam ko nuruma a lɔnsi la, wa yaa weeni Naawen ayen, <<Ka mi le waai ale tom biem ale nye kaasi la. Bade a nye ase ka piisa la. Ba nye ka sɛ? Basi ate ku jam mi ale m dɔkdemma zuk.>>
18Dai dila danni Gad yaa cheŋ Deevid jigi a weeni wa ayen, <<Jueli a sɛ kuŋkuŋ a te Naawen Arauna Jebus denɔwa ŋantaŋa fɔbika jigini.>> 19Deevid yaa cheŋ, ase Naawen ale va Gad jigi a biisi la. 20Arauna ale nya ale naawa ale wa nuruma a cheen wa jigi la, wa yaa nyini a koori naawa niŋ a puusi wa.
21Arauna yaa bek ayen, <<Ka boa ate mi nyɔnɔwa naawa a jam wa tomteerɔwa jigi ya?>> Deevid yaa tulisi ayen, <<M da fi ŋantaŋa fɔbika jigini, ate m sɛ kuŋkuŋ a te Naawen, ate nyiŋtuilaŋa ale bo nuruma zuk la a basi.>>
22Arauna a yaa weeni Deevid ayen, <<Mi nyɔnɔwa naawa abe pai dii ale a peenti wa sui la a te. Lalik kpaansa ale nna a magsi juka tiirim, fɔbika laarisa ale nna ale naakpaama daata a magsi daata.>> 23Arauna yaa pai bade meena a te naawa. Arauna a weeni wa mɛ ayen, <<Mi a yaali ayen Naawen dii ale ka fi Wen la abe tuesi fu.>>
24Alege naawa a tulisi Arauna ayen, <<Aaya, mi a vi kama ayen m tuni fu. Mi kan nye kaab ka a te Naawen dii ale ka mi Wen la juka tiirim buui ate mi an tuni jaaboa.>> Ate Deevid yaa da fɔbika jigini ale lalik kpaansaŋa a tuni kpana ligbie pisinu. 25Deevid yaa sɛ kuŋkuŋ dula jigini a nye juka tiirim ale suiyɔgni tiirita. Ate Naawen a yaa tulisi ba puusaŋa tɛŋka nyiŋ, ate nyiŋtuilaŋa ale bo Izirali zuk la a basi.
Currently Selected:
2 Samuel 24: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 24
24
1Naawen sui a ŋman jaa puuri nna yegayega ale Izirali ate wa choa Deevid ate wa siti ba a weeni ayen, <<Ni ga chiini Izirali ale Juda.>>
2Naawa yaa weeni Joab ale tugurik tɔŋdɔma kpaŋŋa ale bo le wa la ayen, <<Ni cheŋ Izirali yezuimaŋa meena a zaani Dan a ga paari Beerseba a chiini nidoa baai ale a kpaliŋ la, ate m seba ba nɔi ale ka diila.>>
3Alege Joab a tulisi naawa ayen, <<Mi a yaali ayen Naawen dii ale ka fi Wenni abe basi ate tugurik tɔŋdɔma a piisi naŋtuok nɔi kook, ate mi nyɔnɔwa naawa nina a nya. Alege ka boa ale soa ate mi nyɔnɔwa naawa a yaali wa nye wanni de?
4Alege naawa ale weeni diila ale gaam Joab ale tugurik tɔŋdɔma kpaŋŋa. Ba yaa basi naawa ale cheŋ ba chiini Izirali nuru baai ale a kpaliŋ la.
5Ba le lo Jodan Benni jueli la ŋaaŋnyiŋ, ba yaa wari a moata Aroer, tɛŋ kaai ale bo va kaai ale limisa la po yeseok geŋ, a yaa cheŋ va Gad a ga paari Jazer. 6Ba cheŋ Gilead ale Tahtim Yodsi tɛŋka meena, a ga paari Dan Jaan ale gilim a cheŋ Saidon la. 7Ba cheŋ tuak Taaya parik pagrisaŋa ale Yivi demma tɛŋsaŋa meena ale Keenan demma. Kpeglimka, ba cheŋ Beerseba ale bo Negev po Juda la.
8Ba le cheŋ tɛŋka meena la ŋaaŋnyiŋ, ba ŋman jam Jerusalem chiisa neok ale daa pisiye kpeglimka.
9Joab yaa te naawa tugurik tɔŋdɔma nɔi. Izirali tɛŋka po jam ka tusa kobsinaaniŋ (800,000) baai ale ta nyiŋsa a baga a yik gebik. Juda tɛŋka po tusa kobsinu (500,000).
10Deevid ale jam chiini tugurik tɔŋdɔma la ŋaaŋnyiŋ wa popolaŋa yaa a daani wa, ate wa weeni Naawen ayen, <<Mi le nye diila mi tom kaasi ka nna yegayega. Yɔgyɔgla de, Naawen yaa, mi a saalim fu, yeeri fi tomteerɔwa chivieŋa. Mi nye ka betta nyeka.>>
11Deevid ale yiti dai m dila saluiku la, Naawen wanni yaa jam biisiteerɔwa Gad, waai ale ka Deevid biisiteerɔ la jigi ayen, 12<<Cheŋ ga weeni Deevid ayen, <<Naawen ale weeni diila ale nna. Mi a te fu ka wie ŋata. Lueri ŋa po dinyi ate m nye m le ta dii ale fu la.>>
13Gad yaa cheŋ Deevid jigi a ga weeni wa ayen, <<Kom jam fi tɛŋka po bena ŋata? Yaase fi dachaasaŋa a vi fu chiisa sita? Yaase nyiŋtuila jam fi tɛŋka po daa ŋata? Yɔgyɔgla de poli a lueri dii ate fi a yaali ayen m tulisi waai ale tom mu la.>> 14Deevid yaa weeni Gad ayen, <<Mi bo ka daani kpieŋ po. Basi ate ti lo Naawen nisa po, diila wa jiirimu a zuak kama, alege kan te ate m lo nurubiik nisa po.>>
15Dila Naawen yaa tom nyiŋtuila ate ŋa jam Izirali zuk saluik kula a ga paari diipo ate wa te la, ate nuruba tusa pisiyopɔi (70,000) a zaani Dan a ga paari Beerseba a kpi. 16Wenŋmazuk maarɔwa ale teeri wa nisa ayen wa kaasi Jerusalem la, Naawen yaa tagri wa popola kaasuŋku nyiŋ, a yaa weeni maarɔwa waai ale a ko nuruma la ayen, <<Ku magsi ta fi nisaŋa a ga ŋaaŋ.>> Naawen maarɔwa abe jam bo ka Arauna Jebus denɔwa ŋantaŋa fɔbika jigini.
17Deevid ale nya Wen maarɔ waai ale jam ko nuruma a lɔnsi la, wa yaa weeni Naawen ayen, <<Ka mi le waai ale tom biem ale nye kaasi la. Bade a nye ase ka piisa la. Ba nye ka sɛ? Basi ate ku jam mi ale m dɔkdemma zuk.>>
18Dai dila danni Gad yaa cheŋ Deevid jigi a weeni wa ayen, <<Jueli a sɛ kuŋkuŋ a te Naawen Arauna Jebus denɔwa ŋantaŋa fɔbika jigini.>> 19Deevid yaa cheŋ, ase Naawen ale va Gad jigi a biisi la. 20Arauna ale nya ale naawa ale wa nuruma a cheen wa jigi la, wa yaa nyini a koori naawa niŋ a puusi wa.
21Arauna yaa bek ayen, <<Ka boa ate mi nyɔnɔwa naawa a jam wa tomteerɔwa jigi ya?>> Deevid yaa tulisi ayen, <<M da fi ŋantaŋa fɔbika jigini, ate m sɛ kuŋkuŋ a te Naawen, ate nyiŋtuilaŋa ale bo nuruma zuk la a basi.>>
22Arauna a yaa weeni Deevid ayen, <<Mi nyɔnɔwa naawa abe pai dii ale a peenti wa sui la a te. Lalik kpaansa ale nna a magsi juka tiirim, fɔbika laarisa ale nna ale naakpaama daata a magsi daata.>> 23Arauna yaa pai bade meena a te naawa. Arauna a weeni wa mɛ ayen, <<Mi a yaali ayen Naawen dii ale ka fi Wen la abe tuesi fu.>>
24Alege naawa a tulisi Arauna ayen, <<Aaya, mi a vi kama ayen m tuni fu. Mi kan nye kaab ka a te Naawen dii ale ka mi Wen la juka tiirim buui ate mi an tuni jaaboa.>> Ate Deevid yaa da fɔbika jigini ale lalik kpaansaŋa a tuni kpana ligbie pisinu. 25Deevid yaa sɛ kuŋkuŋ dula jigini a nye juka tiirim ale suiyɔgni tiirita. Ate Naawen a yaa tulisi ba puusaŋa tɛŋka nyiŋ, ate nyiŋtuilaŋa ale bo Izirali zuk la a basi.
© 2023, Ghana Institute of Linguistics, Literacy and Bible Translation