2 Samuel 22
22
1Deevid yaa pai wieŋa de a yi yiili a te Naawen diipo ate Naawen a vari wa wa dachaasaŋa meena ale Sɔɔl nisima po a basi la. 2Wa weeni ayen, <<Naawen ka m piuŋ ale m ligrɔ ale m varibasidɔ. 3Mi Wenni ka m piuŋ, wa jigi ate mi a suk, mi jachɔgsim ale m varibasika nyiili. Wa ka m ligrɔ, m sukka jigi ale m varibasidɔ. Fi vari mu gaasa nuruba jigi a basi. 4Mi wi Naawen dii ale magsi pimpauk la, ate mi nya varibasika mi dachaasa jigi,
5Kum nyamiisa ale a melim mi, kaasuŋ wuurik ale nya pagrim mi zuk. 6Kpiluŋ miisa ale melim a gilim mi, kum baruk ale jam mi jigi. 7Mi daanika po mi wi Naawen kama. Mi jam wi mi Wenni kama. Wa po wa wom m lueluku. Mi kumsaŋa a jo wa tue po kama.
8Tɛŋka a choa kama ale kum, wenzukku nyubaŋa a kpiŋsi. Ba gɔk kama dii nyiŋla wa sui ale jam puuri. 9Nyuisa nyini wa nyueŋa po a nyini. Bolim buui ale a dɛ la jam nyini wa nɔnni po a nyini, bolim kaala mɛ a jam toati bolim ŋiak a nyini du. 10Wa vuri wenzukku a nyini du a siŋ tɛŋ. Ate chiŋma sobta jam bo wa naŋtaata po. 11Wa dɔ javuk a yiri cheŋ, ba nya wa vioku kinkaŋŋa zuk.
12Wa basi ate legi a chim wa viuk a gilim wa, wenzukku chiŋma sobta ŋmoruk. 13A nyini wadek boka jigini ka nna cheri, nyaksika ale nyini du a nyini. 14Naawen a bo wenŋmazuk po a na ase nanpansa la. Wen Dii Ale Bo Wenŋmazuk La lueluku a pilim nuemu. 15Wa tɔŋ peema a waaŋ dachaasaŋa, nyaksika ale yeeri ba. 16Naawen a toariŋ ale vuusi ale wa nyueŋa a nyati nyakpiemu vaasaŋa, ate tɛŋka nyubaŋa a dua jassi.
17Wa nyini ka wenŋmazuk a yik mu a liiri mu nyaliuŋku po. 18Wa vari mu m dachiak pagrisaŋa nisima po a basi, wa vari mu baai ale kisi mu la nisima po a basi, ba le pagra a gaam mu la nyiŋ. 19Diipo ate m bo daanika po la ba jam a yaali kpaliŋ ale mu, alege Naawen a maari mu. 20Wa ta mu a nyini a zaani peelim kpioŋ po. Wa vari mu a basi dii nyiŋla wa sui yɔk ale mu kama.
21Naawen a tuni mu a magsi chaab ale ka m wayɔrisimaŋa, wa tuni mu a magsi chaab ale ka m nisima ale kan ta daŋta la nyiŋ. 22Dii nyiŋla m va Naawen suiku kama, mi an nye wabiowa, m be an nyini mi Wenni ŋaaŋ ŋmani ya. 23Wa buusaŋa meena a doa ka mi niŋ, mi an cheem ale basi wa ŋmarisika. 24Mi ka kaasuŋ yaase wari wa niŋŋa ale yik m dek a ta nyini biem po. 25Naawen a tuni mu a magsi chaab ale m wayɔrisimaŋa, wa tuni mu a magsi chaab ale ka m nisima ale kan ta daŋta la nyiŋ.
26Wensie nyama fi sak wensie ale ba kama, baai ale kan ta kaasuŋ la fi sak ayen fi ka kaasuŋŋoa. 27Baai ale nye a magsi la, fi sak ba ayen fi mɛ nye a magsi kama, alege nuru baai nyeka ale tua la fi kan dɛ doata ale ba. 28Fi vari baai ale a yik badek la a basi, alege fi ninaŋa a bo ka baai ale ta kanjanta la zuk ayen fi te ba siŋ tɛŋ. 29Naawen yaa, fi ka m zeuŋ. Naawen a tulim mi legini kama ate di chim bolim. 30Fi te mu pagrim ate m baga a tusi tugurik tɔŋdɔba ate ba a cheŋ, mi Wenni nyiŋ m baga a yɔk a gaam parik a zi.
31Dan ka Wen tɔga, wa suiku ka chekki, Naawen wanni a ka nyebeka. Wa ka jachɔgsim a te baai meena ale a suk wa jigi la. 32Ka wana ale Wen alege daa Naawen ya? Ka wana be le Piuŋku, ka ti Wenni nyiini? 33Ka Wen ale a lik mi ale pagrim, ale basi ate m suiku a nye chekki. 34Wa nye ate m naŋtaataŋa a pagra ase kab naŋtaata la. Wa maari mu ate m baga a zaani guuta zuima. 35Wa zamsi mu kpaliŋ nyeka, wa te mu pagrim ate m baga a tɔŋ kutuk mɔnuŋ tom. 36Fi pai fi varibasika jaligimmu a te mu, fi koori ka tɛŋ ayen fi nye ate mi a zuak. 37Fi basi ate suik kuui ale bo mi naŋsa tɛŋ la a labsa, ate mi kan sati a lɔ.
38Mi vi mi dachaasaŋa kama a ŋɔriŋ ba, mi an cheem ŋaaŋ alege kaasi ba. 39Mi ŋɔriŋ ba ka chessi ate ba an baga a yiti ya, ba lo kama mi naŋta a po. 40Fi te mu pagrim a magsi kpaliŋka nyeka, fi basi ate m dachaasaŋa a siak te mu. 41Fi basi ate mi dachaasaŋa a cheem ba ŋaaŋsa a chali kpaliŋ po, ate mi kaasi mi dachaasaŋa. 42Ba nya a yaali maarika, alege nuru karo a vari ba a basi, ba kum te Naawen, alege wa an tulisi ya. 43Mi nak ba kama nalimnyiini ase tɛŋka nyuŋ la, mi kuri ba kama ale tabi ba ase bagta suita po la.
44Fi vari mu nuru baai ale a yaali ayen ba nye kpaliŋ ale mu la nisima po a basi. Fi nye ate m chim tɛŋsa naab. Nuru baai ate m zɛ la a siak te mu, 45ate nicham a soa chaab a jam mi jigi, ba dan ga wom mi, ba a siak a te mu. 46Ba meena a jɔk yiila kama, ba nyini ba jigi pagrisaŋa jigi a jam kama ate ba nyiŋsa a gɔk.
47Naawen a vua kama. Mi a pak m piuŋku, M Wenni yuei yiti, Piuŋku, mi Varibasidɔwa. 48Wa le Wen dii ale tuni a te mi, waai ale basi ate mi a nya tɛŋsaŋa zuk, 49waai ale vari mu m dachaasa nisima po a basi. Fi zak mu zaani m dachaasaŋa niŋ, fi vari mu nuru baai nyeka ale tua la jigi a basi. 50Naawen yaa, kude nyiŋ mi le pak fu tɛŋsa suŋsuŋ, m le lenni yiila a pak fi yuenni. 51Wa a te wa naawa nakdeka nna yegayega, wa a sak ŋmanteka ale waai ate wa lueri la, ale Deevid ale ŋaaŋbisaŋa taam wuu.>>
Currently Selected:
2 Samuel 22: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 22
22
1Deevid yaa pai wieŋa de a yi yiili a te Naawen diipo ate Naawen a vari wa wa dachaasaŋa meena ale Sɔɔl nisima po a basi la. 2Wa weeni ayen, <<Naawen ka m piuŋ ale m ligrɔ ale m varibasidɔ. 3Mi Wenni ka m piuŋ, wa jigi ate mi a suk, mi jachɔgsim ale m varibasika nyiili. Wa ka m ligrɔ, m sukka jigi ale m varibasidɔ. Fi vari mu gaasa nuruba jigi a basi. 4Mi wi Naawen dii ale magsi pimpauk la, ate mi nya varibasika mi dachaasa jigi,
5Kum nyamiisa ale a melim mi, kaasuŋ wuurik ale nya pagrim mi zuk. 6Kpiluŋ miisa ale melim a gilim mi, kum baruk ale jam mi jigi. 7Mi daanika po mi wi Naawen kama. Mi jam wi mi Wenni kama. Wa po wa wom m lueluku. Mi kumsaŋa a jo wa tue po kama.
8Tɛŋka a choa kama ale kum, wenzukku nyubaŋa a kpiŋsi. Ba gɔk kama dii nyiŋla wa sui ale jam puuri. 9Nyuisa nyini wa nyueŋa po a nyini. Bolim buui ale a dɛ la jam nyini wa nɔnni po a nyini, bolim kaala mɛ a jam toati bolim ŋiak a nyini du. 10Wa vuri wenzukku a nyini du a siŋ tɛŋ. Ate chiŋma sobta jam bo wa naŋtaata po. 11Wa dɔ javuk a yiri cheŋ, ba nya wa vioku kinkaŋŋa zuk.
12Wa basi ate legi a chim wa viuk a gilim wa, wenzukku chiŋma sobta ŋmoruk. 13A nyini wadek boka jigini ka nna cheri, nyaksika ale nyini du a nyini. 14Naawen a bo wenŋmazuk po a na ase nanpansa la. Wen Dii Ale Bo Wenŋmazuk La lueluku a pilim nuemu. 15Wa tɔŋ peema a waaŋ dachaasaŋa, nyaksika ale yeeri ba. 16Naawen a toariŋ ale vuusi ale wa nyueŋa a nyati nyakpiemu vaasaŋa, ate tɛŋka nyubaŋa a dua jassi.
17Wa nyini ka wenŋmazuk a yik mu a liiri mu nyaliuŋku po. 18Wa vari mu m dachiak pagrisaŋa nisima po a basi, wa vari mu baai ale kisi mu la nisima po a basi, ba le pagra a gaam mu la nyiŋ. 19Diipo ate m bo daanika po la ba jam a yaali kpaliŋ ale mu, alege Naawen a maari mu. 20Wa ta mu a nyini a zaani peelim kpioŋ po. Wa vari mu a basi dii nyiŋla wa sui yɔk ale mu kama.
21Naawen a tuni mu a magsi chaab ale ka m wayɔrisimaŋa, wa tuni mu a magsi chaab ale ka m nisima ale kan ta daŋta la nyiŋ. 22Dii nyiŋla m va Naawen suiku kama, mi an nye wabiowa, m be an nyini mi Wenni ŋaaŋ ŋmani ya. 23Wa buusaŋa meena a doa ka mi niŋ, mi an cheem ale basi wa ŋmarisika. 24Mi ka kaasuŋ yaase wari wa niŋŋa ale yik m dek a ta nyini biem po. 25Naawen a tuni mu a magsi chaab ale m wayɔrisimaŋa, wa tuni mu a magsi chaab ale ka m nisima ale kan ta daŋta la nyiŋ.
26Wensie nyama fi sak wensie ale ba kama, baai ale kan ta kaasuŋ la fi sak ayen fi ka kaasuŋŋoa. 27Baai ale nye a magsi la, fi sak ba ayen fi mɛ nye a magsi kama, alege nuru baai nyeka ale tua la fi kan dɛ doata ale ba. 28Fi vari baai ale a yik badek la a basi, alege fi ninaŋa a bo ka baai ale ta kanjanta la zuk ayen fi te ba siŋ tɛŋ. 29Naawen yaa, fi ka m zeuŋ. Naawen a tulim mi legini kama ate di chim bolim. 30Fi te mu pagrim ate m baga a tusi tugurik tɔŋdɔba ate ba a cheŋ, mi Wenni nyiŋ m baga a yɔk a gaam parik a zi.
31Dan ka Wen tɔga, wa suiku ka chekki, Naawen wanni a ka nyebeka. Wa ka jachɔgsim a te baai meena ale a suk wa jigi la. 32Ka wana ale Wen alege daa Naawen ya? Ka wana be le Piuŋku, ka ti Wenni nyiini? 33Ka Wen ale a lik mi ale pagrim, ale basi ate m suiku a nye chekki. 34Wa nye ate m naŋtaataŋa a pagra ase kab naŋtaata la. Wa maari mu ate m baga a zaani guuta zuima. 35Wa zamsi mu kpaliŋ nyeka, wa te mu pagrim ate m baga a tɔŋ kutuk mɔnuŋ tom. 36Fi pai fi varibasika jaligimmu a te mu, fi koori ka tɛŋ ayen fi nye ate mi a zuak. 37Fi basi ate suik kuui ale bo mi naŋsa tɛŋ la a labsa, ate mi kan sati a lɔ.
38Mi vi mi dachaasaŋa kama a ŋɔriŋ ba, mi an cheem ŋaaŋ alege kaasi ba. 39Mi ŋɔriŋ ba ka chessi ate ba an baga a yiti ya, ba lo kama mi naŋta a po. 40Fi te mu pagrim a magsi kpaliŋka nyeka, fi basi ate m dachaasaŋa a siak te mu. 41Fi basi ate mi dachaasaŋa a cheem ba ŋaaŋsa a chali kpaliŋ po, ate mi kaasi mi dachaasaŋa. 42Ba nya a yaali maarika, alege nuru karo a vari ba a basi, ba kum te Naawen, alege wa an tulisi ya. 43Mi nak ba kama nalimnyiini ase tɛŋka nyuŋ la, mi kuri ba kama ale tabi ba ase bagta suita po la.
44Fi vari mu nuru baai ale a yaali ayen ba nye kpaliŋ ale mu la nisima po a basi. Fi nye ate m chim tɛŋsa naab. Nuru baai ate m zɛ la a siak te mu, 45ate nicham a soa chaab a jam mi jigi, ba dan ga wom mi, ba a siak a te mu. 46Ba meena a jɔk yiila kama, ba nyini ba jigi pagrisaŋa jigi a jam kama ate ba nyiŋsa a gɔk.
47Naawen a vua kama. Mi a pak m piuŋku, M Wenni yuei yiti, Piuŋku, mi Varibasidɔwa. 48Wa le Wen dii ale tuni a te mi, waai ale basi ate mi a nya tɛŋsaŋa zuk, 49waai ale vari mu m dachaasa nisima po a basi. Fi zak mu zaani m dachaasaŋa niŋ, fi vari mu nuru baai nyeka ale tua la jigi a basi. 50Naawen yaa, kude nyiŋ mi le pak fu tɛŋsa suŋsuŋ, m le lenni yiila a pak fi yuenni. 51Wa a te wa naawa nakdeka nna yegayega, wa a sak ŋmanteka ale waai ate wa lueri la, ale Deevid ale ŋaaŋbisaŋa taam wuu.>>
© 2023, Ghana Institute of Linguistics, Literacy and Bible Translation