2 Piita 1
1
1Mi Simon Piita, waai ale ka Yeezu Kirisita tomteerɔ ale tuimtomdɔ la ale a ŋmarisi gbaŋka de a te baai ate ti Wenni ale ti Varibasidɔwa Yeezu Kirisita ayen badek weleŋsa nyiŋ ate ba nya siak kaai ale chim siak maŋ ase tama la. 2Wen ale te ni ŋmanteka ale suiyɔgni ni ale seba wa ale ti Nyɔnɔwa Yeezu Kirisita la nyiŋ. 3Ti seba waai ale wi ti ayen ti maa nya wa zulaŋa ale wa nalim yegayega la kama. Dila abe ale soa ate wa pai wa pagrimu a te ti ayen ti baga chali bɛ ale tɛŋzuk de tuimbaataŋa abe ti a tom tuimaŋsa a te wa. 4Wen abe le puulim ayen wa le te ti tiirim tii la, wa sum te ti ka tiirim maŋsa nalimnyiini. Wa be te tiiritaŋa kama ayen ti baga liisi tuim kaasim ŋaai ale bo tɛŋzuk de la a basi abe ti a neensi wa ale ka diila. 5Dila nyiŋ, ni pii nyiŋ ate ni a tom wamaŋsa a gum ni siaka po, abe ni ta yam a gum ni tuim maŋsaŋa po, 6abe ni pai nidek yikka a gum ni yammu po. Ni be dan seba nidek yikka, ni pai chichiiba a gum du, abe ni pai wen vaka a gum chichiiba po, 7abe ni pai jiirim a gum wen vaka po, abe ni pai yaalika a gum jiirimu po. 8Ni nina abe dan muni ayen ni ta wieŋa de meena nalimnyiini, ni le baga va ti Nyɔnɔwa Yeezu Kirisita kama nalimnyiini. 9Waai nina abe ale kan muni ayen wa nya wieŋa de meena la, kula nyɔnɔwa a nye ase wa ka yio la, ate wa kan nya a yaa baŋi Naawen ale vɔŋ wa wabaataŋa a te wa la. 10M suata, Naawen a lueri ni kama ayen ni va wa. Ni be pii nyiŋ ate ni nina muni ate lueri ka de boro ale ni taam wuu. Ni dan baga nye dila, ni kan baga basi ni siaka ale wa. 11Ni dan nye dila, wa ale te ni suik ate ni jo ti Nyɔnɔwa ale ti Varibasidɔwa Yeezu Kirisita naam buui ale kasim boro taam wuu la po.
12Mi kasim a teeri ni kama wieŋa de alege m poom seba kama ayen ni poom seba ŋa kama. Ate ni kasim pii nyiŋ a yik wensie ŋaai ate ni jam wom ale tuesi la. 13Alege mi a poli kama ayen m le diem vua la, ku magsi ka m ŋmarisi gbaŋka de a te ni, ate ni ŋman teeri ŋa wie. 14M seba ayen ku kan beni ale ge ate m kpi a se ti Nyɔnɔwa Yeezu Kirisita ale jam weeni mu diila. 15M dan kpi, m gbaŋka de ale te ni suik ate ni a teeri wieŋa de meena.
16Ti le jam sak ni dii ayen ti Nyɔnɔwa Yeezu Kirisita le ŋman pilim jam kama ale wa pagrimu la, ti an jam weeni ka sunsuelima sak ni. Ti jam weeni sak ni ka dii ate tama a jam nya ale tidek nina la. Ti jam nya ka wa pagrimu yegayega. 17Tama ale wa ale jam bo guuk kpioŋku zuk la, ti Kowa Wen a jam te wa ka zula ale nalim nna yegayega. Wa yaa basi ate lueluk a jam nyini wa boka jigini ale a nyaksi nna yegayega la a yaa siŋ a weeni ayen, <<Ka m Nidoabinni waai ate m mariŋ la ale nna. Wa a nye ate m sui a peenti nna yegayega.>> 18Tama ale jam bo dula ale wa la, ti jam wom lueluku ale nyini wenŋmazuk a siŋ la kama.#1:17-18 Matiu 17:1-7; Maak 9:2-8; Luuk 9:28-36
19Dila nyiŋla, wie ŋaai ate Wen biisiteerɔma a jam biisi dila po, la ka wensie wie. Ku magsi ka ni a wom ŋa nalimnyiini. Dii nyiŋla, ba wieŋa a nye se ka bolim ate ba toati zaani legi po la, ku a nye ka dila a ta cheena diipo ate Yeezu Kirisita le ŋman pilim jam ate wa bolimu a yaa nya nna wentaleŋ ni suiniimaŋa po. 20Wieŋa de meena po wakpienni ale, ni teeri ayen biisiteerɔ karo a baga tɔgi a lagri wa ale weeni dii Wen Gbaŋka po la. 21Dii nyiŋla, Wen biisiteerɔma wieŋa an jam nyini ka nuruba dek nɔi po. Alege ka Wen Chiika ale jam pai wa wieŋa a te ba ayen ba ŋoa a sak nuruba.
Currently Selected:
2 Piita 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Piita 1
1
1Mi Simon Piita, waai ale ka Yeezu Kirisita tomteerɔ ale tuimtomdɔ la ale a ŋmarisi gbaŋka de a te baai ate ti Wenni ale ti Varibasidɔwa Yeezu Kirisita ayen badek weleŋsa nyiŋ ate ba nya siak kaai ale chim siak maŋ ase tama la. 2Wen ale te ni ŋmanteka ale suiyɔgni ni ale seba wa ale ti Nyɔnɔwa Yeezu Kirisita la nyiŋ. 3Ti seba waai ale wi ti ayen ti maa nya wa zulaŋa ale wa nalim yegayega la kama. Dila abe ale soa ate wa pai wa pagrimu a te ti ayen ti baga chali bɛ ale tɛŋzuk de tuimbaataŋa abe ti a tom tuimaŋsa a te wa. 4Wen abe le puulim ayen wa le te ti tiirim tii la, wa sum te ti ka tiirim maŋsa nalimnyiini. Wa be te tiiritaŋa kama ayen ti baga liisi tuim kaasim ŋaai ale bo tɛŋzuk de la a basi abe ti a neensi wa ale ka diila. 5Dila nyiŋ, ni pii nyiŋ ate ni a tom wamaŋsa a gum ni siaka po, abe ni ta yam a gum ni tuim maŋsaŋa po, 6abe ni pai nidek yikka a gum ni yammu po. Ni be dan seba nidek yikka, ni pai chichiiba a gum du, abe ni pai wen vaka a gum chichiiba po, 7abe ni pai jiirim a gum wen vaka po, abe ni pai yaalika a gum jiirimu po. 8Ni nina abe dan muni ayen ni ta wieŋa de meena nalimnyiini, ni le baga va ti Nyɔnɔwa Yeezu Kirisita kama nalimnyiini. 9Waai nina abe ale kan muni ayen wa nya wieŋa de meena la, kula nyɔnɔwa a nye ase wa ka yio la, ate wa kan nya a yaa baŋi Naawen ale vɔŋ wa wabaataŋa a te wa la. 10M suata, Naawen a lueri ni kama ayen ni va wa. Ni be pii nyiŋ ate ni nina muni ate lueri ka de boro ale ni taam wuu. Ni dan baga nye dila, ni kan baga basi ni siaka ale wa. 11Ni dan nye dila, wa ale te ni suik ate ni jo ti Nyɔnɔwa ale ti Varibasidɔwa Yeezu Kirisita naam buui ale kasim boro taam wuu la po.
12Mi kasim a teeri ni kama wieŋa de alege m poom seba kama ayen ni poom seba ŋa kama. Ate ni kasim pii nyiŋ a yik wensie ŋaai ate ni jam wom ale tuesi la. 13Alege mi a poli kama ayen m le diem vua la, ku magsi ka m ŋmarisi gbaŋka de a te ni, ate ni ŋman teeri ŋa wie. 14M seba ayen ku kan beni ale ge ate m kpi a se ti Nyɔnɔwa Yeezu Kirisita ale jam weeni mu diila. 15M dan kpi, m gbaŋka de ale te ni suik ate ni a teeri wieŋa de meena.
16Ti le jam sak ni dii ayen ti Nyɔnɔwa Yeezu Kirisita le ŋman pilim jam kama ale wa pagrimu la, ti an jam weeni ka sunsuelima sak ni. Ti jam weeni sak ni ka dii ate tama a jam nya ale tidek nina la. Ti jam nya ka wa pagrimu yegayega. 17Tama ale wa ale jam bo guuk kpioŋku zuk la, ti Kowa Wen a jam te wa ka zula ale nalim nna yegayega. Wa yaa basi ate lueluk a jam nyini wa boka jigini ale a nyaksi nna yegayega la a yaa siŋ a weeni ayen, <<Ka m Nidoabinni waai ate m mariŋ la ale nna. Wa a nye ate m sui a peenti nna yegayega.>> 18Tama ale jam bo dula ale wa la, ti jam wom lueluku ale nyini wenŋmazuk a siŋ la kama.#1:17-18 Matiu 17:1-7; Maak 9:2-8; Luuk 9:28-36
19Dila nyiŋla, wie ŋaai ate Wen biisiteerɔma a jam biisi dila po, la ka wensie wie. Ku magsi ka ni a wom ŋa nalimnyiini. Dii nyiŋla, ba wieŋa a nye se ka bolim ate ba toati zaani legi po la, ku a nye ka dila a ta cheena diipo ate Yeezu Kirisita le ŋman pilim jam ate wa bolimu a yaa nya nna wentaleŋ ni suiniimaŋa po. 20Wieŋa de meena po wakpienni ale, ni teeri ayen biisiteerɔ karo a baga tɔgi a lagri wa ale weeni dii Wen Gbaŋka po la. 21Dii nyiŋla, Wen biisiteerɔma wieŋa an jam nyini ka nuruba dek nɔi po. Alege ka Wen Chiika ale jam pai wa wieŋa a te ba ayen ba ŋoa a sak nuruba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation