2 Korinti 6
6
1Tama ale maari chaab a tom Wen tuimaŋa ale a saalim ni ayen ni pai Wen ale maari ni diila a tom tuima a te wa, 2diila wa weeni ayen, <<Diipo ale magsi m tuesi ni la m wom ni kama. Varibasika danni m maari ni kama.>> (Azaya 49:8) Be nya yɔgyɔgla de ale diipo ale magsi m tuesi ni la. Ni be nya varibasika danni ale nna. 3Ti kan yaali ayen waai a nya ti tuimaŋa kaasuŋŋoa ate ti a kpesi tidek ayen ti kan nye wari ate ku kaasi nuruba suita. 4Ti tuimaŋa meena a kasim a sak nuruba kama ayen ti ka Wen tomteerɔba. Ba a nye kama ate ti a nam nna yegayega, alege ti siaka a te ti ninam kama ale chichiiba. 5Daa meena ba kasim a nak ti kama ale ge a yik ti a lik diina po. Nuruba mɛ a jam nyini satɛŋsa tɔgatɔga a tu chaab a nye nɔiyeŋ a yaa tom tuim kaasima tama nyiŋ. Daa meena ti kasim a tom kama ate ti ga jiak, an poom ŋman a yaali ŋandiinta yaase ti duak a goa. 6Ti ka weleŋsa nyam, ti be seba Wen nalimnyiini ale ta chichiiba mɛ ale nuruba, ale ge seba tidek yikka, ti be ta Wen Chiika ti suiniima po kama, ti be ta yaalika nalimnyiini ale ti vaanchaab, 7ale maari a sak nuruba ale Wen pagrimu wa wensie wieŋa. Wieŋa de meena a sak nuruba kama ayen ti ka wa tomteerɔba. Ti ta ka weleŋsa ase kpaliŋ jaab la ayen ti baga a kpaliŋ vari tidek a basi. 8Nuruba a te ti zula ale a basi ate ti a nya chivie. Ba a pak ti kama ale ge a le ti mɛ. Ti a biisi ka wensie ale ge ba a weeni ayen ti ka velimvendisa. 9Ti daa nuru kpienta alege waai meena seba ti noa po kama. Ti a nye se ka kpieba la, alege ti ta nyuvuri kama. Ba a nye kama ate ti a nya ninam, alege ba an diem ko ti. 10Ti sue kasim kaasi kama, ale ge ŋa peenti kama yegayega. Tama ka ŋanjaksa ale ge ti a maari nuruba ate ba a jigsi. Nuruba a poli kama ayen tama ka jaab jaaboa, alege, tama dek seba ayen ti soa ka ŋanta meena.
11Nama Korinti demma, wari an tali ya ate ti an weeni sak ni gbaŋka de po. Ti lak ti suiniima meena a te ni kama. 12Daa tama ale kan lak ti suiniima a te nama alege ka nama ale kan lak ni suiniima a te tama. 13Yɔgyɔgla de ti a yaali ayen ti biisi ale ni kama ase ni ka ti bisa la. Ni sak ase ni a yaali ti kama mɛ ase tama ale a yaali ni diila. Nama mɛ lak ni suiniima a te tama mɛ.
14Nama ale baai ale kan ta siaka ale Naawen la, ni kan a tigsi chaab a tom tuima ale ba. Tuimbaata ale tuimaŋsa kan gum chaaba. Legi ale kantueŋ mɛ a kan gum chaaba. 15Kirisita ale Belial a baga a nye nɔiyeŋŋa? Nuru baai ale ta siaka ale Wen la, ale nuru baai ale kan ta siaka ale wa la, a baga a nye nɔiyeŋŋa? 16Tama ka Wen dii ale boro la yeri. Ti be dan ka dila, tama ale bɔgta ale nye ka sɛ boro ale chaaba? Ase Wen ale weeni ayen, <<Mi ale m nuruma ale boro ka dila a ta a cheŋ, ale ge ate m chim ba Naawen ate ba mɛ a chim m nuruba.>> (Kaabka 26:12) 17Naawen be ŋman weeni ayen, <<Ni poori nidek a ta nyini baai ale a kaab bɔgta la po, ate ni kan maa tiri ba ŋanta. Ni daa nye dila, mi dek ale tuesi ni. (Azaya 52:11) 18M le chim ni ko, ale ge ate nama mɛ chim m bisa. Mi, Naawen, waai ale soa ŋanta meena pagrim la, ale a weeni nna.>>#6:18 2 Samuel 7:14
Currently Selected:
2 Korinti 6: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Korinti 6
6
1Tama ale maari chaab a tom Wen tuimaŋa ale a saalim ni ayen ni pai Wen ale maari ni diila a tom tuima a te wa, 2diila wa weeni ayen, <<Diipo ale magsi m tuesi ni la m wom ni kama. Varibasika danni m maari ni kama.>> (Azaya 49:8) Be nya yɔgyɔgla de ale diipo ale magsi m tuesi ni la. Ni be nya varibasika danni ale nna. 3Ti kan yaali ayen waai a nya ti tuimaŋa kaasuŋŋoa ate ti a kpesi tidek ayen ti kan nye wari ate ku kaasi nuruba suita. 4Ti tuimaŋa meena a kasim a sak nuruba kama ayen ti ka Wen tomteerɔba. Ba a nye kama ate ti a nam nna yegayega, alege ti siaka a te ti ninam kama ale chichiiba. 5Daa meena ba kasim a nak ti kama ale ge a yik ti a lik diina po. Nuruba mɛ a jam nyini satɛŋsa tɔgatɔga a tu chaab a nye nɔiyeŋ a yaa tom tuim kaasima tama nyiŋ. Daa meena ti kasim a tom kama ate ti ga jiak, an poom ŋman a yaali ŋandiinta yaase ti duak a goa. 6Ti ka weleŋsa nyam, ti be seba Wen nalimnyiini ale ta chichiiba mɛ ale nuruba, ale ge seba tidek yikka, ti be ta Wen Chiika ti suiniima po kama, ti be ta yaalika nalimnyiini ale ti vaanchaab, 7ale maari a sak nuruba ale Wen pagrimu wa wensie wieŋa. Wieŋa de meena a sak nuruba kama ayen ti ka wa tomteerɔba. Ti ta ka weleŋsa ase kpaliŋ jaab la ayen ti baga a kpaliŋ vari tidek a basi. 8Nuruba a te ti zula ale a basi ate ti a nya chivie. Ba a pak ti kama ale ge a le ti mɛ. Ti a biisi ka wensie ale ge ba a weeni ayen ti ka velimvendisa. 9Ti daa nuru kpienta alege waai meena seba ti noa po kama. Ti a nye se ka kpieba la, alege ti ta nyuvuri kama. Ba a nye kama ate ti a nya ninam, alege ba an diem ko ti. 10Ti sue kasim kaasi kama, ale ge ŋa peenti kama yegayega. Tama ka ŋanjaksa ale ge ti a maari nuruba ate ba a jigsi. Nuruba a poli kama ayen tama ka jaab jaaboa, alege, tama dek seba ayen ti soa ka ŋanta meena.
11Nama Korinti demma, wari an tali ya ate ti an weeni sak ni gbaŋka de po. Ti lak ti suiniima meena a te ni kama. 12Daa tama ale kan lak ti suiniima a te nama alege ka nama ale kan lak ni suiniima a te tama. 13Yɔgyɔgla de ti a yaali ayen ti biisi ale ni kama ase ni ka ti bisa la. Ni sak ase ni a yaali ti kama mɛ ase tama ale a yaali ni diila. Nama mɛ lak ni suiniima a te tama mɛ.
14Nama ale baai ale kan ta siaka ale Naawen la, ni kan a tigsi chaab a tom tuima ale ba. Tuimbaata ale tuimaŋsa kan gum chaaba. Legi ale kantueŋ mɛ a kan gum chaaba. 15Kirisita ale Belial a baga a nye nɔiyeŋŋa? Nuru baai ale ta siaka ale Wen la, ale nuru baai ale kan ta siaka ale wa la, a baga a nye nɔiyeŋŋa? 16Tama ka Wen dii ale boro la yeri. Ti be dan ka dila, tama ale bɔgta ale nye ka sɛ boro ale chaaba? Ase Wen ale weeni ayen, <<Mi ale m nuruma ale boro ka dila a ta a cheŋ, ale ge ate m chim ba Naawen ate ba mɛ a chim m nuruba.>> (Kaabka 26:12) 17Naawen be ŋman weeni ayen, <<Ni poori nidek a ta nyini baai ale a kaab bɔgta la po, ate ni kan maa tiri ba ŋanta. Ni daa nye dila, mi dek ale tuesi ni. (Azaya 52:11) 18M le chim ni ko, ale ge ate nama mɛ chim m bisa. Mi, Naawen, waai ale soa ŋanta meena pagrim la, ale a weeni nna.>>#6:18 2 Samuel 7:14
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation