1 Timoti 6
6
1Ku a fɛ ayen baai ale ka yɔm la, a te ba nyama zula nalimnyiini ate nuru kan baga a kaasi Wen yue a weeni ayen ti sinsaŋŋa ka sinsak kayaata. 2Ba nyama a dan ka Yeezu ŋaaŋviirɔba, ku a fɛ ayen ba kan weeni ayen ba nyama ale ka Kirisita bisa la nyiŋŋa ba kan te ba zula. Alege ba a tom a te ba nalimnyiini dii nyiŋla, baai ale a nya nyuenta ba tuimaŋa po la ka ba Kirisita bisa chaab baai ate ba ta yaalika ale ba la. A sak fi nuruma wieŋa de, abe fi a saalim ba ate ba va ŋa. 3Baai meena ale a zɛri ayen ba kan siak a te ti Nyɔnɔwa Yeezu Kirisita wensie wieŋa ŋaai ate ti a va nalimnyiini alege a pai ba dek sinsaŋŋa a sak nuruba la, 4ba ta ka kanjanta alege ba zɛ jaaboa. Daa meena ba a yaali ka nanpaga yegayega nakka, a yaali ayen ba a nye kpaliŋsa wie zuk, ate bala dek ale baai ale a wom ba wieŋa la yaa a de nyuri ale a waaŋ chaab ale a kaasi chaab yue. Ba mɛ ta ka chichama baata ale chaab. 5Bala meena popolaŋa a kan ŋman a tom. Wensieŋa abe ŋman ka ba jigiya. Daa meena ba a kpaliŋ ka chaab ale a poli ayen ba dan va Wen suiku ba le chim ka ligra nyam.
6Ku ka wensie ayen fi dan va Wen suiku ate fi sui peenti ale ŋan baai ate fi ta la, fi jigsi kama. 7Dii nyiŋla, ba ale biak ti la, ti an jam ta jaab a jam tɛŋzuk de. Ti be dan kpi, ti an diem baga le pai jaab a ta cheŋ.#6:7 Job 1:21 8Dila nyiŋla, ti dan ta ŋandiinta a dɛ ale gatta a jo dila magsi ti kama. 9Alege baai ale a yaali ayen ba chim jigsirɔba la, Sitaana le jam a paasi ba abe wa bari ba ba betta tuimaŋa po ale ba tuimbaata yaalika ate ba jam kaasi nna yegayega. 10Dii nyiŋla, tuimbaata meena tɔgatɔga piilimka a nyini ka ligra yaalika yegayega jigi a jam. Nuruba gela a ta ku ba suiniima po ka nna yegayega ayen ba ti nya ligra. Dila ale soa ate ba a basi Wen suiku ate ba suiniima a kaasi nna yegayega la.
11Alege fi Timoti, waai ale va Wen la, kan a tom tuimbaataŋa de ate m poom weeni fu la. Basi ate fi nina muni ale tuimaŋsa tomka abe fi a va Wen nalimnyiini. Ta siaka ale wa abe fi ta yaalika ale nuru meena, yik fidek. A nam fi ninammu. 12Diipo ate fi jam nyini peelim a zaani seerɔba yegayega niŋ a pai fidek a te Wen la, wa pai ka wa nyuvuri dii ale kan ta kpeglimka la a te fu. Ŋmasi yik di nalimnyiini dii nyiŋla, ka dila nyiŋ ate wa wi fu. Be basi ate fi nina muni ale fi siaka ale wa ase nuru nina ale muni tugurik po diila. 13M za ka Wen niŋ waai ale te ŋanta meena nyuvuri la, ale Yeezu Kirisita waai ale nyini peelim a biisi wensieŋa ale Pontios Paalɔt la niŋ, 14a weeni fu ayen, fi va dii ate m sak fu la. Ta suinum weleŋ, ate waai kan baga a kaasi fi yue alege ate ti Nyɔnɔwa Yeezu Kirisita a ŋman pilim jam. 15Wen ale basi ate ku nye diipo ate wadek a yaali la, Wen dii ale ta niauŋ ale a nya wari meena zuk la, ale chim nalima meena Naab ale wena meena Wen la. 16Wen nyiini ale boro diipo meena wuu ale bo wa jigini juijui ale a nyaksi a gaam wenbinni la. Nuru an baga jo ku jigini. Nuru an diem nya Wen yaa, yaase wa baga a nya wa. Wa pagrimu ale wa zulaŋa a boro ka diipo meena wuu. Ku be nye dila.
17A sak nuru baai ale ta ŋanta yegayega la ayen ba kan a yaali yue ba ŋantaŋa nyiŋŋa. Ba kan ta yiila ba ŋantaŋa nyiŋŋa, a poli ayen ba ale kasim a nya ka masim ba nyiŋŋa. Da dii dai ba le jam a kaasi kama. Alege weeni ba ayen ba ta yiila Wen jigi waai ale a te ŋanta meena ate ti sue a peenti la. 18Ŋanta yegayega nyama de weeni ba ayen, ba jigsi mɛ ale tuimaŋsa tomka abe ba a yaali ayen ba pai ba ŋantaŋa a chari nuruba ba chaab. 19Ba dan a nye dila, chum diipo Wen le te ba tiirita a magsi chaab ale ba ale nye diila ate ba ŋmasi yik nya wa nyuvuri maŋ kaai ate wa le pai a te ba la.
20Timoti, a nya wie ŋaai meena ate m pai a nyo fi nisima po la zuk. Kan pai fidek a gum chaab ale nuru baai ale a weeni ayen ba a sak ka nuruba ba le ba nye dii a seba Wen la. Ba sinsaŋŋa ka sinsak kayaata. Daa meena ba a nak ka badek betta nanpaga kayaata ale a biisi wa bulorisa. 21Dii nyiŋla, nuruba gela a jam va ba kama alege basi Wen wensie suiku vaka. Wen ŋmanteka le bo ale ni meena.
Currently Selected:
1 Timoti 6: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Timoti 6
6
1Ku a fɛ ayen baai ale ka yɔm la, a te ba nyama zula nalimnyiini ate nuru kan baga a kaasi Wen yue a weeni ayen ti sinsaŋŋa ka sinsak kayaata. 2Ba nyama a dan ka Yeezu ŋaaŋviirɔba, ku a fɛ ayen ba kan weeni ayen ba nyama ale ka Kirisita bisa la nyiŋŋa ba kan te ba zula. Alege ba a tom a te ba nalimnyiini dii nyiŋla, baai ale a nya nyuenta ba tuimaŋa po la ka ba Kirisita bisa chaab baai ate ba ta yaalika ale ba la. A sak fi nuruma wieŋa de, abe fi a saalim ba ate ba va ŋa. 3Baai meena ale a zɛri ayen ba kan siak a te ti Nyɔnɔwa Yeezu Kirisita wensie wieŋa ŋaai ate ti a va nalimnyiini alege a pai ba dek sinsaŋŋa a sak nuruba la, 4ba ta ka kanjanta alege ba zɛ jaaboa. Daa meena ba a yaali ka nanpaga yegayega nakka, a yaali ayen ba a nye kpaliŋsa wie zuk, ate bala dek ale baai ale a wom ba wieŋa la yaa a de nyuri ale a waaŋ chaab ale a kaasi chaab yue. Ba mɛ ta ka chichama baata ale chaab. 5Bala meena popolaŋa a kan ŋman a tom. Wensieŋa abe ŋman ka ba jigiya. Daa meena ba a kpaliŋ ka chaab ale a poli ayen ba dan va Wen suiku ba le chim ka ligra nyam.
6Ku ka wensie ayen fi dan va Wen suiku ate fi sui peenti ale ŋan baai ate fi ta la, fi jigsi kama. 7Dii nyiŋla, ba ale biak ti la, ti an jam ta jaab a jam tɛŋzuk de. Ti be dan kpi, ti an diem baga le pai jaab a ta cheŋ.#6:7 Job 1:21 8Dila nyiŋla, ti dan ta ŋandiinta a dɛ ale gatta a jo dila magsi ti kama. 9Alege baai ale a yaali ayen ba chim jigsirɔba la, Sitaana le jam a paasi ba abe wa bari ba ba betta tuimaŋa po ale ba tuimbaata yaalika ate ba jam kaasi nna yegayega. 10Dii nyiŋla, tuimbaata meena tɔgatɔga piilimka a nyini ka ligra yaalika yegayega jigi a jam. Nuruba gela a ta ku ba suiniima po ka nna yegayega ayen ba ti nya ligra. Dila ale soa ate ba a basi Wen suiku ate ba suiniima a kaasi nna yegayega la.
11Alege fi Timoti, waai ale va Wen la, kan a tom tuimbaataŋa de ate m poom weeni fu la. Basi ate fi nina muni ale tuimaŋsa tomka abe fi a va Wen nalimnyiini. Ta siaka ale wa abe fi ta yaalika ale nuru meena, yik fidek. A nam fi ninammu. 12Diipo ate fi jam nyini peelim a zaani seerɔba yegayega niŋ a pai fidek a te Wen la, wa pai ka wa nyuvuri dii ale kan ta kpeglimka la a te fu. Ŋmasi yik di nalimnyiini dii nyiŋla, ka dila nyiŋ ate wa wi fu. Be basi ate fi nina muni ale fi siaka ale wa ase nuru nina ale muni tugurik po diila. 13M za ka Wen niŋ waai ale te ŋanta meena nyuvuri la, ale Yeezu Kirisita waai ale nyini peelim a biisi wensieŋa ale Pontios Paalɔt la niŋ, 14a weeni fu ayen, fi va dii ate m sak fu la. Ta suinum weleŋ, ate waai kan baga a kaasi fi yue alege ate ti Nyɔnɔwa Yeezu Kirisita a ŋman pilim jam. 15Wen ale basi ate ku nye diipo ate wadek a yaali la, Wen dii ale ta niauŋ ale a nya wari meena zuk la, ale chim nalima meena Naab ale wena meena Wen la. 16Wen nyiini ale boro diipo meena wuu ale bo wa jigini juijui ale a nyaksi a gaam wenbinni la. Nuru an baga jo ku jigini. Nuru an diem nya Wen yaa, yaase wa baga a nya wa. Wa pagrimu ale wa zulaŋa a boro ka diipo meena wuu. Ku be nye dila.
17A sak nuru baai ale ta ŋanta yegayega la ayen ba kan a yaali yue ba ŋantaŋa nyiŋŋa. Ba kan ta yiila ba ŋantaŋa nyiŋŋa, a poli ayen ba ale kasim a nya ka masim ba nyiŋŋa. Da dii dai ba le jam a kaasi kama. Alege weeni ba ayen ba ta yiila Wen jigi waai ale a te ŋanta meena ate ti sue a peenti la. 18Ŋanta yegayega nyama de weeni ba ayen, ba jigsi mɛ ale tuimaŋsa tomka abe ba a yaali ayen ba pai ba ŋantaŋa a chari nuruba ba chaab. 19Ba dan a nye dila, chum diipo Wen le te ba tiirita a magsi chaab ale ba ale nye diila ate ba ŋmasi yik nya wa nyuvuri maŋ kaai ate wa le pai a te ba la.
20Timoti, a nya wie ŋaai meena ate m pai a nyo fi nisima po la zuk. Kan pai fidek a gum chaab ale nuru baai ale a weeni ayen ba a sak ka nuruba ba le ba nye dii a seba Wen la. Ba sinsaŋŋa ka sinsak kayaata. Daa meena ba a nak ka badek betta nanpaga kayaata ale a biisi wa bulorisa. 21Dii nyiŋla, nuruba gela a jam va ba kama alege basi Wen wensie suiku vaka. Wen ŋmanteka le bo ale ni meena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation