1 Tesalonika 2
2
1Ni seba, m suata ayen ti le jam ni jigi la jam daa kinla nyiŋŋa. 2Ti poom jam nam kama ate ba lɛ ti Filipai tɛŋka, ase ni ale seba la, alege ti Wenni maarika nyiŋ ti nya nyiŋbiiri a biisi wa wamaŋsaŋa daanika meena po. 3Wamaŋsaŋa ŋaai ate tama a jam saalim ni ayen ni wom ŋa la, ŋa meena a jam ka wensie. Ti popolaŋa mɛ a jam ka popola maŋsa. Ti be kan jam a yaali ayen ti paasi ni. 4Alege ti jam a biisi ka wie ŋaai ate Wen a jam a yaali ayen ti biisi la, dii nyiŋla, wadek seba ti chak kama ate wa yaa te ti suik ayen ti a sak nuruba wa wamaŋsaŋa. Dila nyiŋla ti kan yaali ayen ti biisi ate nuruba sui peenti alege ti a yaali ayen ka Wen sui peenti. Wala dek ale seba ti popola ale ka diila. 5Nama dek seba ti ale jam sak ni diila kama. Ti an jam a biisi ka ti noa po nyiini a paasi ni ayen ni yaali ti. Tama kan paasi nuruba ayen ti nya ŋanta. Wen ale ti seerɔ wieŋa de po. 6Ti an jam a yaali pimpauk ni jigi ya, yaase nuruba ba chaab jigiya. 7Ti dan jam a yaali ayen ti nye pagrim ni jigi a nya ŋanta, ti te jam baga a nye dila kama, dii nyiŋla, ti ka Kirisita tuimtomdɔba. Alege ti ale jam bo ale ni la, ti jam a nya ka tidek zuk ale jaabuuri meena alege jam ta ni ale jiirim ase nipok ale a nya wa bisa zuk ale jiirim diila. 8Dii nyiŋla, ti jam mariŋ ni ka nna yegayega. Ku jam daa Wen wamaŋsaŋa nyiini ate ti jam a yaali ayen ti pai sak ni. Ti jam poom a yaali mɛ ayen ka ti pai tidek nyuvooŋa a te ni. Ni jam bo ti suiniima po ka nna yegayega.
9Ti suata, ni baga a teeri ti ale jam a tom yok ale kantueŋ dii ate ti ga jiak la, ti jam a nye dila ayen ka ti jam baga a sak ni Wen wamaŋsaŋa ate ti kan jam daani ni ale ŋandiinta yaase jaab jaaboa. 10Nama ale Wen ale tama seerɔba ayen, ti ale jam boro ale ni la, ti an jam nye ni wari ayen ni baga nya ti kaasuŋŋoa. 11Ti jam a nya ni zuk kama wanyi wanyi ase koba ale a nya ba bisa zuk diila. 12Ti jam te ni ka nyiŋbiiri ale deŋsi ni kpa ale maari weeni ayen ni a tom tuim ŋaai le ŋa peenti Wen sui la. Wa wi ni kama ayen ni jam jo wa naamu ale wa nyaksika yegayekka po.
13Daa meena tama mɛ a nye ka Wen jiam dii nyiŋla, ti ale jam ni jigi a weeni Wen wamaŋsaŋa a sak ni la, ni jam wom ŋa kama ale siak ayen ŋa daa nuruba wie, ŋa ka Wen dek wie. Ku be sum chim ka wensie ayen ŋa ka Wen dek wie. Wa be pai wa wieŋa a te ka nama baai ale ta siaka ale wa la ayen ŋa a tom ni nyeboka meena po. 14Ti suata, wie ŋaai ale nye Wen ale Yeezu Kirisita ŋaaŋviirɔma jigi baai ale bo Judia la, ŋala dek ale nye nama mɛ jigi dula. Nama dek nuruba ale jam daani ni nna yegayega ase Juuma ale jam daani Yeezu ŋaaŋviirɔma Judia tɛŋka po la. 15Juuma liŋ jam ko ka Wen biisiteerɔma alege yaa ko ti Nyɔnɔwa Yeezu Kirisita. Ba gela jam basi kama ate ti nya ninam nna yegayega ale vi ti a yiak ti basi. Nuruma de an peenti Wen sui ya. Ba ka nuru meena dachaasa 16dii nyiŋla, tama jam a yaali kama ayen ti sak baai ale kan daa Juuma la Wen wamaŋsaŋa ate Wen vari ba ba tuimbaataŋa po a basi, alege Juuma a jam pii ka nyiŋ a kasim a daani ti ayen ti basi ti sinsaŋŋa. Ba ale a zɛri nna la, ba ŋmasi a tom ka tuimbaata yegayega a gum ba ale liŋ tom tuim ba tii la po. Alege yɔgyɔgla, Wen mɛ sui ale a puuri ale ba.
17Ku ale jam a fɛ ayen ti basi chaab tɔgatɔga la, ti sue a jam kaasi ka nna yegayega. Ku be beni maga kama alege ti an diem baga a ŋman nya chaaba. Alege ti diem a poli ni wie kama. Ni kasim bo ka ti suiniima po, ate ti yaa pii nyiŋ yegayega ayen ti ŋman jam a nya ni. 18Ku jam daa bunyi ate mi Pɔɔl, a jam pii nyiŋ ayen m ŋman jam nya ni, ku jam paari ka dii choa alege, ka Sitaana ale jam lik suik ate ti an baga a jam ya. 19Diila ka boa ale ti yiila yaase ti kuulimka ase ti Nyɔnɔwa Yeezu Kirisita a nin jamu? Ku kan chim daa nama? 20Diila ka nama ale ti zula ale ti masim.
Currently Selected:
1 Tesalonika 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Tesalonika 2
2
1Ni seba, m suata ayen ti le jam ni jigi la jam daa kinla nyiŋŋa. 2Ti poom jam nam kama ate ba lɛ ti Filipai tɛŋka, ase ni ale seba la, alege ti Wenni maarika nyiŋ ti nya nyiŋbiiri a biisi wa wamaŋsaŋa daanika meena po. 3Wamaŋsaŋa ŋaai ate tama a jam saalim ni ayen ni wom ŋa la, ŋa meena a jam ka wensie. Ti popolaŋa mɛ a jam ka popola maŋsa. Ti be kan jam a yaali ayen ti paasi ni. 4Alege ti jam a biisi ka wie ŋaai ate Wen a jam a yaali ayen ti biisi la, dii nyiŋla, wadek seba ti chak kama ate wa yaa te ti suik ayen ti a sak nuruba wa wamaŋsaŋa. Dila nyiŋla ti kan yaali ayen ti biisi ate nuruba sui peenti alege ti a yaali ayen ka Wen sui peenti. Wala dek ale seba ti popola ale ka diila. 5Nama dek seba ti ale jam sak ni diila kama. Ti an jam a biisi ka ti noa po nyiini a paasi ni ayen ni yaali ti. Tama kan paasi nuruba ayen ti nya ŋanta. Wen ale ti seerɔ wieŋa de po. 6Ti an jam a yaali pimpauk ni jigi ya, yaase nuruba ba chaab jigiya. 7Ti dan jam a yaali ayen ti nye pagrim ni jigi a nya ŋanta, ti te jam baga a nye dila kama, dii nyiŋla, ti ka Kirisita tuimtomdɔba. Alege ti ale jam bo ale ni la, ti jam a nya ka tidek zuk ale jaabuuri meena alege jam ta ni ale jiirim ase nipok ale a nya wa bisa zuk ale jiirim diila. 8Dii nyiŋla, ti jam mariŋ ni ka nna yegayega. Ku jam daa Wen wamaŋsaŋa nyiini ate ti jam a yaali ayen ti pai sak ni. Ti jam poom a yaali mɛ ayen ka ti pai tidek nyuvooŋa a te ni. Ni jam bo ti suiniima po ka nna yegayega.
9Ti suata, ni baga a teeri ti ale jam a tom yok ale kantueŋ dii ate ti ga jiak la, ti jam a nye dila ayen ka ti jam baga a sak ni Wen wamaŋsaŋa ate ti kan jam daani ni ale ŋandiinta yaase jaab jaaboa. 10Nama ale Wen ale tama seerɔba ayen, ti ale jam boro ale ni la, ti an jam nye ni wari ayen ni baga nya ti kaasuŋŋoa. 11Ti jam a nya ni zuk kama wanyi wanyi ase koba ale a nya ba bisa zuk diila. 12Ti jam te ni ka nyiŋbiiri ale deŋsi ni kpa ale maari weeni ayen ni a tom tuim ŋaai le ŋa peenti Wen sui la. Wa wi ni kama ayen ni jam jo wa naamu ale wa nyaksika yegayekka po.
13Daa meena tama mɛ a nye ka Wen jiam dii nyiŋla, ti ale jam ni jigi a weeni Wen wamaŋsaŋa a sak ni la, ni jam wom ŋa kama ale siak ayen ŋa daa nuruba wie, ŋa ka Wen dek wie. Ku be sum chim ka wensie ayen ŋa ka Wen dek wie. Wa be pai wa wieŋa a te ka nama baai ale ta siaka ale wa la ayen ŋa a tom ni nyeboka meena po. 14Ti suata, wie ŋaai ale nye Wen ale Yeezu Kirisita ŋaaŋviirɔma jigi baai ale bo Judia la, ŋala dek ale nye nama mɛ jigi dula. Nama dek nuruba ale jam daani ni nna yegayega ase Juuma ale jam daani Yeezu ŋaaŋviirɔma Judia tɛŋka po la. 15Juuma liŋ jam ko ka Wen biisiteerɔma alege yaa ko ti Nyɔnɔwa Yeezu Kirisita. Ba gela jam basi kama ate ti nya ninam nna yegayega ale vi ti a yiak ti basi. Nuruma de an peenti Wen sui ya. Ba ka nuru meena dachaasa 16dii nyiŋla, tama jam a yaali kama ayen ti sak baai ale kan daa Juuma la Wen wamaŋsaŋa ate Wen vari ba ba tuimbaataŋa po a basi, alege Juuma a jam pii ka nyiŋ a kasim a daani ti ayen ti basi ti sinsaŋŋa. Ba ale a zɛri nna la, ba ŋmasi a tom ka tuimbaata yegayega a gum ba ale liŋ tom tuim ba tii la po. Alege yɔgyɔgla, Wen mɛ sui ale a puuri ale ba.
17Ku ale jam a fɛ ayen ti basi chaab tɔgatɔga la, ti sue a jam kaasi ka nna yegayega. Ku be beni maga kama alege ti an diem baga a ŋman nya chaaba. Alege ti diem a poli ni wie kama. Ni kasim bo ka ti suiniima po, ate ti yaa pii nyiŋ yegayega ayen ti ŋman jam a nya ni. 18Ku jam daa bunyi ate mi Pɔɔl, a jam pii nyiŋ ayen m ŋman jam nya ni, ku jam paari ka dii choa alege, ka Sitaana ale jam lik suik ate ti an baga a jam ya. 19Diila ka boa ale ti yiila yaase ti kuulimka ase ti Nyɔnɔwa Yeezu Kirisita a nin jamu? Ku kan chim daa nama? 20Diila ka nama ale ti zula ale ti masim.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation