1 Samuel 9
9
1Nuru ale jam boro wa yuei ale Kis. Wa nyini ka Benjamin buuni po. Wa jam jigsi kama alege ta yuei. Wa kowa yuei jam le Abiel, wa kokpieŋka yuei jam le Zeror. Wa ko kpieŋ kpieŋka yuei jam le Bekorat. Ba meena jam ka Apia ŋaaŋ tulisa. 2Kis jam ta ka biik wa yuei ale Sɔɔl. Sɔɔl jam diem ka biik a chim duerɔ a nala. Wa jam ka choa. Wa jam wɔŋŋa a gaam waai meena kama.
3Sɔɔl kowa Kis jam ta ka bonsa. Dai yeŋ si yaa cheŋ bɛ. Kis yaa weeni wa biika Sɔɔl ayen, <<Nyiem gisi bonsaŋa. Basi ate tomteerɔ wanyi a va fu.>> 4Sɔɔl yaa cheŋ va Ɛfraim juijui ate guuta a gilim la ale Salisa tɛŋsaŋa alege ba an nya si. Ba cheŋ va Saalim tɛŋka alege si ka dula. A va Benjamin geŋsaŋa meena alege ba an nya si.
5Ba le ŋman cheŋ ga moata Zuf la ate Sɔɔl yaa weeni wa tomteerɔwa ayen, <<Ti dan kuli a zunchoŋŋa dan kan daa di m kowa ale kasim a yiili ti wari kama alege daa bonsaŋa ŋmana.>>
6Tomteerɔwa yaa tulisi ayen, <<Naawen nuru ale bo tɛŋka de. Wa ka waai ate nuruba a zuli. Dii meena ate wa a weeni la ka wensie. Ku nala kama ase ti nin nya wa. Wa baga kama a weeni juijui ate ti a nya si la.>>
7Sɔɔl yaa weeni tomteerɔwa ayen, <<Ti dan ga nya wa ti ti te wa ka boa? Ti abe dɛ ti ŋandiintaŋa meena alege ŋan koruta tara. Ti ka jaaboa a te wa. Ti ta jaaboa?>>
8Tomteerɔwa yaa weeni ayen, <<Mi ta ligbiri. Ti pai dila a te wa ate wa weeni ti juijui ate ti a nya si la.>> 9Dipo wa Izirali po, nuru a dan cheŋ ayen wa bek nyini Wen jigi, wa le weeni kama ayen, <<Jam, te ti cheŋ waai ale a nya wie la jigi,>> dii nyiŋla jinla biisiteerɔwa ba jam a wi wa ayen ka waai ale a nya wie. 10Sɔɔl yaa weeni wa tomteerɔwa ayen, <<Ku nala ti cheŋ.>> Ate ba yaa cheŋ tɛŋka Wen nuruwa ale bo juijui la.
11Ba le jam a cheŋ jueli guuku a tuak tɛŋka la ba yaa tu nipokbilisa ale ba nyini tɛŋka po a nyini ba ŋari nyiam. Ba yaa bek nipokbilisaŋa ayen, <<Biisiteerɔwa a bo dela?>>
12Ba yaa tulisi ayen, <<Wa boro. Wa bo tɛŋka po ni niŋ geŋ. Wa jam dela ka jinla ayen wa nye kaabka a te nuruma guuku zuk. 13Ni daa yaali ayen ni nya wa ni kpabi. Wa le nyini tɛŋka po a jueli guuku a dɛ ale nuruma. Nuruma a limisi kama ba kan dɛ se wa nin jam niak kaabka. Ate baai ate ba wi ate ba jam la yaa dɛ. Ni nye nwuli a jo tɛŋka po, dai dii dai ni le nya wa alege ate wa cheŋ.>>
14Sɔɔl ale tomteerɔwa le a jo tɛŋka po la ba yaa nya Samuel a cheŋ guuku kaabka jigi a tu ba.
15Dai dii danni ale pai te dii ate Sɔɔl jam la, Naawen a biisi ale Samuel kama ayen, 16<<Chum nna po de m le tom nuru ate wa nyini Benjamin tɛŋka a jam fi jigi. Kpiiri kpaam a basi wa zukku po ate ku sak ayen wala ate mi lueri ayen wa chim Izirali naab. Wa le vari m nuruma Filistia demma nisa po a basi. M nya m nuruma kama a wom ba le kum a yaali maarika la.>>
17Samuel ale nya Sɔɔl la, Naawen yaa weeni wa ayen, <<Nuru waai ate m weeni wa wie la ale nna. Wa le wa a nya m nuruma zuk.>>
18Sɔɔl yaa tu Samuel tɛŋka dek nɔi a yaa bek wa ayen, <<Mi a yaali ka biisiteerɔwa ale bo juijui la.>>
19Samuel yaa tulisi ayen, <<Mi ale biisiteerɔwa. De niŋ a jueli juijui ate ba a nye kaabka la. Jinla fi le dɛ ale mu. Abe chum saluik m weeni fu dii meena ate fi a poli la abe m basi ate fi kuli. 20Kan te bonsaŋa ale bɛ daa ŋata ale taam la a daani fu ba nya si kama. Daa fi ale fi kowa dɔkdemma ate Izirali demma a nya a yaali ayen fi chim niŋdeerɔ? 21Sɔɔl yaa tulisi Samuel ayen, <<Alege mi ka Benjamin ŋaaŋbiik. Tama buuni ale fiisa Izirali meena po. Tama dɔkku abe le fiisa Benjamin buuni po. Ka boa ate fi baga a weeni mi dila?>>
22Ba le jueli guuku la Samuel yaa ta Sɔɔl ale wa tomteerɔwa a jo dɔk kpioŋ po ate ba kali niŋ juijui ate nichamma paari pisita a kali la. 23Samuel yaa weeni dikrɔwa ayen, <<Ta lam buui ate m weeni ate fi pai zaani butɔga la a ta jam.>> 24Dikrɔwa yaa ta naŋ a jam dueni Sɔɔl niŋ. Lammu jam ka kpaam nyiini. Samuel yaa weeni ayen bu dua ka ni niŋ. Ŋɔbi ale mi ale wi nichamma diipo meena la ale bu de a dua magsi ka nama. Sɔɔl ale Samuel yaa dɛ ale chaab da dila danni.
25Ba le dɛ nueri la ba yaa nyini guuku zuk a siŋ a cheŋ tɛŋka po. Samuel yaa ta Sɔɔl a jueli wa gboŋku zuk ate ba biisi ale chaab. 26Vari ale veenti la saluik yokyokwa Samuel yaa wi Sɔɔl gboŋku zuk ayen yiti ate m te ate fi kuli. Sɔɔl yaa gomsi ate wa ale Samuel yaa nyini. 27Ba le ga paari tɛŋka nɔi la Samuel yaa weeni Sɔɔl ayen, <<Weeni fi tomteerɔwa ate wa dɛ niŋ a cheŋ.>> Ate tomteerɔwa a yaa cheŋ. Samuel yaa weeni Sɔɔl ayen, <<Limisi dela magadega ate m weeni dii ate Wen weeni fi wie la.>>
Currently Selected:
1 Samuel 9: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Samuel 9
9
1Nuru ale jam boro wa yuei ale Kis. Wa nyini ka Benjamin buuni po. Wa jam jigsi kama alege ta yuei. Wa kowa yuei jam le Abiel, wa kokpieŋka yuei jam le Zeror. Wa ko kpieŋ kpieŋka yuei jam le Bekorat. Ba meena jam ka Apia ŋaaŋ tulisa. 2Kis jam ta ka biik wa yuei ale Sɔɔl. Sɔɔl jam diem ka biik a chim duerɔ a nala. Wa jam ka choa. Wa jam wɔŋŋa a gaam waai meena kama.
3Sɔɔl kowa Kis jam ta ka bonsa. Dai yeŋ si yaa cheŋ bɛ. Kis yaa weeni wa biika Sɔɔl ayen, <<Nyiem gisi bonsaŋa. Basi ate tomteerɔ wanyi a va fu.>> 4Sɔɔl yaa cheŋ va Ɛfraim juijui ate guuta a gilim la ale Salisa tɛŋsaŋa alege ba an nya si. Ba cheŋ va Saalim tɛŋka alege si ka dula. A va Benjamin geŋsaŋa meena alege ba an nya si.
5Ba le ŋman cheŋ ga moata Zuf la ate Sɔɔl yaa weeni wa tomteerɔwa ayen, <<Ti dan kuli a zunchoŋŋa dan kan daa di m kowa ale kasim a yiili ti wari kama alege daa bonsaŋa ŋmana.>>
6Tomteerɔwa yaa tulisi ayen, <<Naawen nuru ale bo tɛŋka de. Wa ka waai ate nuruba a zuli. Dii meena ate wa a weeni la ka wensie. Ku nala kama ase ti nin nya wa. Wa baga kama a weeni juijui ate ti a nya si la.>>
7Sɔɔl yaa weeni tomteerɔwa ayen, <<Ti dan ga nya wa ti ti te wa ka boa? Ti abe dɛ ti ŋandiintaŋa meena alege ŋan koruta tara. Ti ka jaaboa a te wa. Ti ta jaaboa?>>
8Tomteerɔwa yaa weeni ayen, <<Mi ta ligbiri. Ti pai dila a te wa ate wa weeni ti juijui ate ti a nya si la.>> 9Dipo wa Izirali po, nuru a dan cheŋ ayen wa bek nyini Wen jigi, wa le weeni kama ayen, <<Jam, te ti cheŋ waai ale a nya wie la jigi,>> dii nyiŋla jinla biisiteerɔwa ba jam a wi wa ayen ka waai ale a nya wie. 10Sɔɔl yaa weeni wa tomteerɔwa ayen, <<Ku nala ti cheŋ.>> Ate ba yaa cheŋ tɛŋka Wen nuruwa ale bo juijui la.
11Ba le jam a cheŋ jueli guuku a tuak tɛŋka la ba yaa tu nipokbilisa ale ba nyini tɛŋka po a nyini ba ŋari nyiam. Ba yaa bek nipokbilisaŋa ayen, <<Biisiteerɔwa a bo dela?>>
12Ba yaa tulisi ayen, <<Wa boro. Wa bo tɛŋka po ni niŋ geŋ. Wa jam dela ka jinla ayen wa nye kaabka a te nuruma guuku zuk. 13Ni daa yaali ayen ni nya wa ni kpabi. Wa le nyini tɛŋka po a jueli guuku a dɛ ale nuruma. Nuruma a limisi kama ba kan dɛ se wa nin jam niak kaabka. Ate baai ate ba wi ate ba jam la yaa dɛ. Ni nye nwuli a jo tɛŋka po, dai dii dai ni le nya wa alege ate wa cheŋ.>>
14Sɔɔl ale tomteerɔwa le a jo tɛŋka po la ba yaa nya Samuel a cheŋ guuku kaabka jigi a tu ba.
15Dai dii danni ale pai te dii ate Sɔɔl jam la, Naawen a biisi ale Samuel kama ayen, 16<<Chum nna po de m le tom nuru ate wa nyini Benjamin tɛŋka a jam fi jigi. Kpiiri kpaam a basi wa zukku po ate ku sak ayen wala ate mi lueri ayen wa chim Izirali naab. Wa le vari m nuruma Filistia demma nisa po a basi. M nya m nuruma kama a wom ba le kum a yaali maarika la.>>
17Samuel ale nya Sɔɔl la, Naawen yaa weeni wa ayen, <<Nuru waai ate m weeni wa wie la ale nna. Wa le wa a nya m nuruma zuk.>>
18Sɔɔl yaa tu Samuel tɛŋka dek nɔi a yaa bek wa ayen, <<Mi a yaali ka biisiteerɔwa ale bo juijui la.>>
19Samuel yaa tulisi ayen, <<Mi ale biisiteerɔwa. De niŋ a jueli juijui ate ba a nye kaabka la. Jinla fi le dɛ ale mu. Abe chum saluik m weeni fu dii meena ate fi a poli la abe m basi ate fi kuli. 20Kan te bonsaŋa ale bɛ daa ŋata ale taam la a daani fu ba nya si kama. Daa fi ale fi kowa dɔkdemma ate Izirali demma a nya a yaali ayen fi chim niŋdeerɔ? 21Sɔɔl yaa tulisi Samuel ayen, <<Alege mi ka Benjamin ŋaaŋbiik. Tama buuni ale fiisa Izirali meena po. Tama dɔkku abe le fiisa Benjamin buuni po. Ka boa ate fi baga a weeni mi dila?>>
22Ba le jueli guuku la Samuel yaa ta Sɔɔl ale wa tomteerɔwa a jo dɔk kpioŋ po ate ba kali niŋ juijui ate nichamma paari pisita a kali la. 23Samuel yaa weeni dikrɔwa ayen, <<Ta lam buui ate m weeni ate fi pai zaani butɔga la a ta jam.>> 24Dikrɔwa yaa ta naŋ a jam dueni Sɔɔl niŋ. Lammu jam ka kpaam nyiini. Samuel yaa weeni ayen bu dua ka ni niŋ. Ŋɔbi ale mi ale wi nichamma diipo meena la ale bu de a dua magsi ka nama. Sɔɔl ale Samuel yaa dɛ ale chaab da dila danni.
25Ba le dɛ nueri la ba yaa nyini guuku zuk a siŋ a cheŋ tɛŋka po. Samuel yaa ta Sɔɔl a jueli wa gboŋku zuk ate ba biisi ale chaab. 26Vari ale veenti la saluik yokyokwa Samuel yaa wi Sɔɔl gboŋku zuk ayen yiti ate m te ate fi kuli. Sɔɔl yaa gomsi ate wa ale Samuel yaa nyini. 27Ba le ga paari tɛŋka nɔi la Samuel yaa weeni Sɔɔl ayen, <<Weeni fi tomteerɔwa ate wa dɛ niŋ a cheŋ.>> Ate tomteerɔwa a yaa cheŋ. Samuel yaa weeni Sɔɔl ayen, <<Limisi dela magadega ate m weeni dii ate Wen weeni fi wie la.>>
© 2023, Ghana Institute of Linguistics, Literacy and Bible Translation