1 Samuel 7
7
1Kiriat Jearim demma yaa ga pai Naawen nɔiyeŋ dakanni a ta jam Abinadab yenni. Di jam za ka guuk zuk. Ba yaa jam gaari Abinadab nidoabinni Eleaza ayen wa a nya dakanni zuk.
2Nɔiyeŋ dakanni a jam Kiriat Jearim a beni kama a paari bena pisiye. Ate Izirali demma yaa kaari a saalim Naawen ayen wa maari ba.
3Ate Samuel yaa weeni Izirali demma ayen, <<Ni daa yaali ayen ni ŋmani Naawen jigi ale ni suiniima meena ni basi tɛŋ yonsa wena vaka. Abe ni maa basi bɔgluk nipowa ate ba a wi ayen Astarot la. Ni pai nidek a te Naawen abe ni a puusi wa. Ni dan nye dila, wa le vari ni Filistia demma jigi basi.>> 4Izirali demma yaa basi Baal ale Astarot bɔgtaŋa vaka ale va Naawen nyiini.
5Samuel yaa weeni niŋdeerɔma ayen, <<Ni wi Izirali demma meena ate ba tu Mizpa ate m puusi a te ni.>> 6Ba le tu Mizpa la, ba yaa ŋari nyiam a kpiiri a basi ase tiirim la a te Naawen. Da dila danni ba bobi ka nɔi a puusi a weeni ayen, <<Ba tom kaasi Naawen kama.>> Samuel jam le ba niŋdeerɔ Mizpa po.
7Filistia demma yaa wom ayen Izirali demma a tu chaab Mizpa. Nalima ŋanuwa yaa dɛ ba tugurik tɔŋdɔma niŋ ayen ba siti Izirali demma. Izirali demma ale wom ayen Filistia demma a cheen ba jigi la ba yaa chali yɔgsum. 8Ba yaa weeni Samuel ayen, <<Wa kasim puusi a te Naawen ti Wenni ate wa vari ti Filistia tugurik tɔŋdɔma nisa po basi.>> 9Samuel yaali pabiik a nye kaabka ase juka tiirim la a te Naawen. Wa yaa puusi a te Naawen ayen wa vari Izirali basi ate Naawen a tulisi wa.
10Diipo ate Samuel boro a nye kaabka la, ale Filistia demma a poom cheŋ moata kama ayen ba nye kpaliŋ. Naawen yaa basi ate wenni a na nyigsi Filistia demma, ate ba nyiŋsa a gɔk ate ba a chali. 11Izirali tugurik tɔŋdɔma yaa chali Mizpa tɛŋka po a vi Filistia tugurik tɔŋdɔma a ko ba Bet Kar suiku po.
12Samuel yaa pai tintain a ti Mizpa ale Sen suŋsuŋ a yaa te jigini yuei ayen, Ebenezer,#7:12 Ebenezer kiri ale maarika tintain. <<Naawen a maari ti ate ti nak dɛ.>> 13Ba jam nak dɛ Filistia tugurik tɔŋdɔma kama. Naawen an ŋman jam basi ate ba soa Izirali tɛŋka kauk kuui ya Samuel daaŋa po. 14Izirali tɛŋ sii ale jam bo Ekron ale Gat suŋsuŋ ate Filistia demma jam tuesi soa la, a ŋman jam chim ka Izirali tɛŋsa. Daa dila nyiini Amori demma a jam basi kpaliŋ nyeka ale Izirali kama.
15Samuel kasim a nya Izirali tɛŋka zuk kama ase niŋdeerɔ la wa boka meena po. 16Ben meena wa nyiem nyini ka Arama a gilim va Betel ale Gilgal ale Mizpa a bo Izirali demma buusa jiŋŋa de meena. 17Wa dan nueri wa tuimaŋa wa nyiem ŋman kuli ka wa tɛŋka Arama. Wa jam sɛ ka kaabka kuŋkuŋ dula jigini a te Naawen.
Currently Selected:
1 Samuel 7: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Samuel 7
7
1Kiriat Jearim demma yaa ga pai Naawen nɔiyeŋ dakanni a ta jam Abinadab yenni. Di jam za ka guuk zuk. Ba yaa jam gaari Abinadab nidoabinni Eleaza ayen wa a nya dakanni zuk.
2Nɔiyeŋ dakanni a jam Kiriat Jearim a beni kama a paari bena pisiye. Ate Izirali demma yaa kaari a saalim Naawen ayen wa maari ba.
3Ate Samuel yaa weeni Izirali demma ayen, <<Ni daa yaali ayen ni ŋmani Naawen jigi ale ni suiniima meena ni basi tɛŋ yonsa wena vaka. Abe ni maa basi bɔgluk nipowa ate ba a wi ayen Astarot la. Ni pai nidek a te Naawen abe ni a puusi wa. Ni dan nye dila, wa le vari ni Filistia demma jigi basi.>> 4Izirali demma yaa basi Baal ale Astarot bɔgtaŋa vaka ale va Naawen nyiini.
5Samuel yaa weeni niŋdeerɔma ayen, <<Ni wi Izirali demma meena ate ba tu Mizpa ate m puusi a te ni.>> 6Ba le tu Mizpa la, ba yaa ŋari nyiam a kpiiri a basi ase tiirim la a te Naawen. Da dila danni ba bobi ka nɔi a puusi a weeni ayen, <<Ba tom kaasi Naawen kama.>> Samuel jam le ba niŋdeerɔ Mizpa po.
7Filistia demma yaa wom ayen Izirali demma a tu chaab Mizpa. Nalima ŋanuwa yaa dɛ ba tugurik tɔŋdɔma niŋ ayen ba siti Izirali demma. Izirali demma ale wom ayen Filistia demma a cheen ba jigi la ba yaa chali yɔgsum. 8Ba yaa weeni Samuel ayen, <<Wa kasim puusi a te Naawen ti Wenni ate wa vari ti Filistia tugurik tɔŋdɔma nisa po basi.>> 9Samuel yaali pabiik a nye kaabka ase juka tiirim la a te Naawen. Wa yaa puusi a te Naawen ayen wa vari Izirali basi ate Naawen a tulisi wa.
10Diipo ate Samuel boro a nye kaabka la, ale Filistia demma a poom cheŋ moata kama ayen ba nye kpaliŋ. Naawen yaa basi ate wenni a na nyigsi Filistia demma, ate ba nyiŋsa a gɔk ate ba a chali. 11Izirali tugurik tɔŋdɔma yaa chali Mizpa tɛŋka po a vi Filistia tugurik tɔŋdɔma a ko ba Bet Kar suiku po.
12Samuel yaa pai tintain a ti Mizpa ale Sen suŋsuŋ a yaa te jigini yuei ayen, Ebenezer,#7:12 Ebenezer kiri ale maarika tintain. <<Naawen a maari ti ate ti nak dɛ.>> 13Ba jam nak dɛ Filistia tugurik tɔŋdɔma kama. Naawen an ŋman jam basi ate ba soa Izirali tɛŋka kauk kuui ya Samuel daaŋa po. 14Izirali tɛŋ sii ale jam bo Ekron ale Gat suŋsuŋ ate Filistia demma jam tuesi soa la, a ŋman jam chim ka Izirali tɛŋsa. Daa dila nyiini Amori demma a jam basi kpaliŋ nyeka ale Izirali kama.
15Samuel kasim a nya Izirali tɛŋka zuk kama ase niŋdeerɔ la wa boka meena po. 16Ben meena wa nyiem nyini ka Arama a gilim va Betel ale Gilgal ale Mizpa a bo Izirali demma buusa jiŋŋa de meena. 17Wa dan nueri wa tuimaŋa wa nyiem ŋman kuli ka wa tɛŋka Arama. Wa jam sɛ ka kaabka kuŋkuŋ dula jigini a te Naawen.
© 2023, Ghana Institute of Linguistics, Literacy and Bible Translation