1 Samuel 5
5
1Filistia demma ale tuesi Naawen nɔiyeŋka dakanni Izirali demma jigi la, ba pai ta nyini Ebenezer a cheŋ ka ba tɛŋka Asdod. 2Ba yaa ta di jo ba wenni Dagon yenni po a yaa pai zaani di gauŋ. 3Asdod demma yaa yiti saluik yokyokwa. Ba le cheŋ wenni yenni la ba yaa nya wenni Dagon lo kama pai nyue vuk tɛŋ nɔiyeŋka, dakanni niŋ. Ba yaa ŋman zak Dagon zaani di zaanaŋa. 4Saluik yokyokwa Asdod demma ŋman yiti a nya wenni Dagon lo kama po nyiŋ a dua nɔiyeŋka dakanni niŋ. Yɔgyɔgla de luetaŋa ku zukku ale di nisimaŋa a wɛ kama a dua tuoku nɔi. Di nyiŋka nyiini ale kan wɛ ya. 5Kude nyiŋ, a nyini dila po a cheŋ baai ale a kaab Dagon la a daa jo wenni yenni po ba kan tabi juijui ate wenni jam lo dua la. Ba nyiem gaam tabi kama taam.
6Naawen jam namsi Asdod demma kama ale baai meena ale bo gilagilawa la. Wa jam basi ate ba nam ka nna yegayega. A basi ate ŋan pagra a moari ba nyiŋsaŋa. 7Asdod demma ale nya dii ale a nye la, ba yaa weeni chaab ayen, <<Ti jɔgi ta nɔiyeŋka dakanni ale ka Izirali demma wen la a ga te ya. Ba wenni a namsi tama ale ti wenni Dagon kama.>> 8Ba yaa tom nuruba ate ba wi Filistia nalima ŋanuwa a bek ba ayen, <<Ti ta Izirali demma Wenni nɔiyeŋka dakanni a ga ka bɛ?>> Ba yaa tulisi ayen, <<Ti ta di cheŋ Gat.>> Ba yaa te di cheŋ Filistia tɛŋka kanyi ate ba wi ayen Gat la.
9Alege ba le te di ga Gat la, Naawen basi ate ninam a paari ba ate ku daani ba nna yegayega. Wa basi ate ba nyiŋsaŋa a moari, bimbaansa ale ŋankpagsa meena. 10Nuruma dula jigini a basi ate di cheŋ Ekron, Filistia tɛŋ mɛ ale la. Alege ba le ta a jo Ekron la, nuruma deri a kaari ayen, <<Ba ta Izirali Wenni nɔiyeŋka dakanni a cheen ka dela ba ko ti ale ti nuruma meena.>> 11Ba yaa wi Filistia nalimaŋa a weeni ayen, <<Ni te di cheŋ Izirali. Ni te di cheŋ di nyama jigi, dan kan daa di di le ko ti meena.>> Dii nyiŋla ku jam a jo ba nyiŋ ka yegayega ate nuruba poom kpi. 12Baai ale kan jam kpi la jam a yuak kama ale ba nyiŋsaŋa ŋanmɔrintaŋa. Nuruma yaa kaari a wi ba wenaŋa.
Currently Selected:
1 Samuel 5: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Samuel 5
5
1Filistia demma ale tuesi Naawen nɔiyeŋka dakanni Izirali demma jigi la, ba pai ta nyini Ebenezer a cheŋ ka ba tɛŋka Asdod. 2Ba yaa ta di jo ba wenni Dagon yenni po a yaa pai zaani di gauŋ. 3Asdod demma yaa yiti saluik yokyokwa. Ba le cheŋ wenni yenni la ba yaa nya wenni Dagon lo kama pai nyue vuk tɛŋ nɔiyeŋka, dakanni niŋ. Ba yaa ŋman zak Dagon zaani di zaanaŋa. 4Saluik yokyokwa Asdod demma ŋman yiti a nya wenni Dagon lo kama po nyiŋ a dua nɔiyeŋka dakanni niŋ. Yɔgyɔgla de luetaŋa ku zukku ale di nisimaŋa a wɛ kama a dua tuoku nɔi. Di nyiŋka nyiini ale kan wɛ ya. 5Kude nyiŋ, a nyini dila po a cheŋ baai ale a kaab Dagon la a daa jo wenni yenni po ba kan tabi juijui ate wenni jam lo dua la. Ba nyiem gaam tabi kama taam.
6Naawen jam namsi Asdod demma kama ale baai meena ale bo gilagilawa la. Wa jam basi ate ba nam ka nna yegayega. A basi ate ŋan pagra a moari ba nyiŋsaŋa. 7Asdod demma ale nya dii ale a nye la, ba yaa weeni chaab ayen, <<Ti jɔgi ta nɔiyeŋka dakanni ale ka Izirali demma wen la a ga te ya. Ba wenni a namsi tama ale ti wenni Dagon kama.>> 8Ba yaa tom nuruba ate ba wi Filistia nalima ŋanuwa a bek ba ayen, <<Ti ta Izirali demma Wenni nɔiyeŋka dakanni a ga ka bɛ?>> Ba yaa tulisi ayen, <<Ti ta di cheŋ Gat.>> Ba yaa te di cheŋ Filistia tɛŋka kanyi ate ba wi ayen Gat la.
9Alege ba le te di ga Gat la, Naawen basi ate ninam a paari ba ate ku daani ba nna yegayega. Wa basi ate ba nyiŋsaŋa a moari, bimbaansa ale ŋankpagsa meena. 10Nuruma dula jigini a basi ate di cheŋ Ekron, Filistia tɛŋ mɛ ale la. Alege ba le ta a jo Ekron la, nuruma deri a kaari ayen, <<Ba ta Izirali Wenni nɔiyeŋka dakanni a cheen ka dela ba ko ti ale ti nuruma meena.>> 11Ba yaa wi Filistia nalimaŋa a weeni ayen, <<Ni te di cheŋ Izirali. Ni te di cheŋ di nyama jigi, dan kan daa di di le ko ti meena.>> Dii nyiŋla ku jam a jo ba nyiŋ ka yegayega ate nuruba poom kpi. 12Baai ale kan jam kpi la jam a yuak kama ale ba nyiŋsaŋa ŋanmɔrintaŋa. Nuruma yaa kaari a wi ba wenaŋa.
© 2023, Ghana Institute of Linguistics, Literacy and Bible Translation