1 Korinti 2
2
1M suata, mi ale jam ni jigi ayen m mooli Wen wensie wie ŋaai ate yɔgyɔgla de ti yaa seba la, mi an biisi wie ŋaai ale pagra ale ni miŋ ka. 2M be ale jam bo ale ni la, mi a poli kama ayen m kan sak wayoŋ a gaam Yeezu Kirisita wie ale wa kummu jabarimu zuwa. 3M nyiŋka kasim jam a gɔk nna ase m yɔgsa ale wobsa kama la. 4Wen wieŋa ate m sak ale mooli la, mi an pai nurubiik yam ayen m paasi yik ni, alege m biika a sak ka Wen Chiika pagrimu ale ka diila. 5Dila nyiŋla, daa nurubiik yam ale basi ate ni ta siaka ale Kirisita, alege ka Naawen pagrim nyiŋ.
6Ti be a mooli ka yam wie a te baai ale a miŋ Chiika wensie wieŋa la. Alege daa tɛŋzuk de yammoa yaase baai ale ta kpaŋta tɛŋzuk de la. Ba za ba jam a jɔk ba pagrimu kama. 7Yammu dɛ ate ti a sak la, ka Wen yam susugi dii ate wa pai suk ale nurubiik la, alege Wen poli ayen wa ale ŋaam pai sak ti tama zula nyiŋ alege nye tɛŋka meena. 8Tɛŋzuk dɛ kpaŋŋa waai a zɛ yammu dɛ. Ba dan seba kama, ba ti an kpi Yeezu waai ale ta Wen zulaŋa la jabarimu nyiŋ ŋa. 9Ase ku le jam ŋmarisi ayen, <<Dii ate nuruba an nya la, ba abe an wom la, ba abe an poli ayen di ale baga a nye la, dila dek ate Wen a gomsi a magsi baai ale a yaali wa la.>> (Azaya 64:4) 10Wen yaa abe va ka wa Chiika jigi a pai wa susugini dɛ a sak ti. Diila Chiika a seba wari meena kama ale Wen popola po meena. 11Nuru waai an baga a seba wa choa popola, alege ka nuru wala dek Chiika ale seba. Ku be ka dila ate waai an baga seba Wen popola, ka Wen Chiika nyiini ale seba wa popola. 12Ti abe a miŋ tiirim tii ale nyini Wen jigi la kama, dii nyiŋla, wa an te ti Velimvendika chiiga, alege wa te ti ka wadek chiika. 13Dila nyiŋla wie ŋaai ate tama a biisi la, daa nurubiik yam wie, alege ka wie ŋaai ate Chiika a sak ti la, ate ti a weeni ŋa kiri a te baai ate Chiika a bo ale ba la.
14Nuru waai ate Chiika an bo ale wa la an baga a tuesi tiirim tii ale a nyini Wen Chiika jigi la. Nuru wala choa an baga a miŋ ŋa, diila ŋa ka betta wa jigi. Be ka Chiika nyiŋ ate waai baga a miŋ ŋa kie. 15Waai mɛ ate Wen Chiika a bo ale wa la, a baga a miŋ wari meena kiri kama, alege nuru waai an baga a bo wa buusa. 16Dila <<Ka wana ale seba Naawen popola? Ka wana abe le wa baga a sak wa?>> (Azaya 40:13) Be ka tama ale baga a miŋ Kirisita ale a poli diila.
Currently Selected:
1 Korinti 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Korinti 2
2
1M suata, mi ale jam ni jigi ayen m mooli Wen wensie wie ŋaai ate yɔgyɔgla de ti yaa seba la, mi an biisi wie ŋaai ale pagra ale ni miŋ ka. 2M be ale jam bo ale ni la, mi a poli kama ayen m kan sak wayoŋ a gaam Yeezu Kirisita wie ale wa kummu jabarimu zuwa. 3M nyiŋka kasim jam a gɔk nna ase m yɔgsa ale wobsa kama la. 4Wen wieŋa ate m sak ale mooli la, mi an pai nurubiik yam ayen m paasi yik ni, alege m biika a sak ka Wen Chiika pagrimu ale ka diila. 5Dila nyiŋla, daa nurubiik yam ale basi ate ni ta siaka ale Kirisita, alege ka Naawen pagrim nyiŋ.
6Ti be a mooli ka yam wie a te baai ale a miŋ Chiika wensie wieŋa la. Alege daa tɛŋzuk de yammoa yaase baai ale ta kpaŋta tɛŋzuk de la. Ba za ba jam a jɔk ba pagrimu kama. 7Yammu dɛ ate ti a sak la, ka Wen yam susugi dii ate wa pai suk ale nurubiik la, alege Wen poli ayen wa ale ŋaam pai sak ti tama zula nyiŋ alege nye tɛŋka meena. 8Tɛŋzuk dɛ kpaŋŋa waai a zɛ yammu dɛ. Ba dan seba kama, ba ti an kpi Yeezu waai ale ta Wen zulaŋa la jabarimu nyiŋ ŋa. 9Ase ku le jam ŋmarisi ayen, <<Dii ate nuruba an nya la, ba abe an wom la, ba abe an poli ayen di ale baga a nye la, dila dek ate Wen a gomsi a magsi baai ale a yaali wa la.>> (Azaya 64:4) 10Wen yaa abe va ka wa Chiika jigi a pai wa susugini dɛ a sak ti. Diila Chiika a seba wari meena kama ale Wen popola po meena. 11Nuru waai an baga a seba wa choa popola, alege ka nuru wala dek Chiika ale seba. Ku be ka dila ate waai an baga seba Wen popola, ka Wen Chiika nyiini ale seba wa popola. 12Ti abe a miŋ tiirim tii ale nyini Wen jigi la kama, dii nyiŋla, wa an te ti Velimvendika chiiga, alege wa te ti ka wadek chiika. 13Dila nyiŋla wie ŋaai ate tama a biisi la, daa nurubiik yam wie, alege ka wie ŋaai ate Chiika a sak ti la, ate ti a weeni ŋa kiri a te baai ate Chiika a bo ale ba la.
14Nuru waai ate Chiika an bo ale wa la an baga a tuesi tiirim tii ale a nyini Wen Chiika jigi la. Nuru wala choa an baga a miŋ ŋa, diila ŋa ka betta wa jigi. Be ka Chiika nyiŋ ate waai baga a miŋ ŋa kie. 15Waai mɛ ate Wen Chiika a bo ale wa la, a baga a miŋ wari meena kiri kama, alege nuru waai an baga a bo wa buusa. 16Dila <<Ka wana ale seba Naawen popola? Ka wana abe le wa baga a sak wa?>> (Azaya 40:13) Be ka tama ale baga a miŋ Kirisita ale a poli diila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation