Fìlibiyàns 3
3
Yènfù nè nêlò na ghàhnà hi mô chilichili hamok
1Hi mihì a wan a noma, ghàn hi saŋlê na ghàn à Bâba mò amok. Mu tà bot hi nyàk à kunte gha ma mu hì mô ma mu ti nyâk. Gha mɨ ghɨ̂n mô kə hi gàmtè ghàn. 2Ghàn hi tôknè kum ghɨt a be ghɨ̂n a ghɨ mô te sù bû. Ghɨna lèmà kə na ghɨ kəta hi se luk wu wùnu wûtù shyəma Yènfù hi mô hi bònhè wûn. 3A mô ghàhnà ghɨt ghe a Yènfù tì se nam a ghàhnà kə nâ wu lum afa a ghɨ kəta hi se atɨ̂n, a bu ghɨna. A mô ghàhnà a Yohnà Fùyènà gàmte na ghàhnà hi kokhe wûn, a fê mô kə ghàhnà ghɨt ghe a ghɨ jala te ghàhnà nì Klistù Jisòs mò amok, lêmà wi təm a ghàhnà a gha njyàsu wùnsu.
4Nâ mu làhi lèmà kəbi təm a ma a gha njyàsu wùnsu afân. À shìki kwâktì nâbi nde na yi kəta hi tè tòkà chyənà mi yîn, ma mu jis na mu làhi tòk hi chyà nâ wûn. 5Ghɨ tì bwɨ mu, à hì mô a mu tuk fama, ghɨ se nam a ma. Mu mô wut à Isalì ma mu fwo yi sah yi nda Benjamìn. Mu mô wut à Hibùlùs kə nâ yi bwɨ̂. Mu ndùku mô a nòn à ghɨt a Falàsî, lêmà kə nâ sak te a Musìs tì fo hanɨ̂ŋ. 6Mu hì lumà nì wunu nâ haŋaŋ, chɨma wulu ghɨt a bimena. Wò shìki kwâktè kə nâ te wùt kəta hi tè mô chilichili, lêmà sak ye a ghɨ fo ha wûn, ma mu jis na mu ndùku kəta wi njahi.
7Mu ndùku lyê nâ gha mɨ ghɨ̂n à jɨ̀m na à mô mbì, biyani hì lyê kə chin na à mô a lə̀hà kum fêt yi Klistù. 8Mu yena chin na gha mɨ ghɨ̂n kəta wi fêtì nâ hakoh beka gha yi ta ha mu hì mô kə hi tè khə Bâba Klistù Jisòs. Nâbi ghə hì mô kə ha mu chin te wu ghât. Mu ti de nâbi ghə beka mu kòŋà na ghàh à Klistù hi mô amok.
9Mu khɨŋa na ghàh à wûn hi chîntè mô kə ha shyə̀ à mòk, mu mô chilichili a Yènfù ashyə̂, a bu kum jyak a ma a ngɨŋa. Mu fè lêmà wi Saki hi tê mô chilichili, mu hì mô wut à chilichili chin kum yi bimî mi ha Klistù. A ni lum we a Yènfù lyè ghàhnà atɨ̂n ha ghɨt a chilichili. 10Mu khɨŋa hi tè khə Klistù, hi yen a jyak ghe a Yènfù tì fo ha Jisòs ghɨ nî wù lôtì a yi kpû shyəma mu boŋa yen ngə̂k kum fêt yi wuni ma mu kpu kəbi te wûn, 11ma Yènfù ni, ma mu boŋà kahà lòti a yi kpû.
Mu nyiŋa kə nâ yi bàm yi gha mɨ ghɨ̂n
12Mu jìsà wi na gha mi yin hì mô ma yi ti kpên ha mu, jîsà wi na mu ti time mihì. Mu mòmhè kə hi tè khə Klistù Jisòs fê mô te wûn beka à mò gha ye a wù tì chwoka mu atɨ̂n na mu hi mô wut à wûn. 13Wan a noma, mu lèmà wi na mu hì mô ma mu ti khɨli shyə ghe a mu khɨŋa. Gha ni mò kə yì mòk na, mu fè lêmà wi to a yi gha ma yi ti chyâ, mu fètà yênà kə ashyə̂. 14Mu nyiŋa yê kə ashyə̂ hi kwote maktu we a Yènfù nè toŋa mu hi fô. Maktu wuna mô na, Yènfù tì toŋa mu tohne a Klistù Jisòs fo chyənà ye a yì bè mê wi ha mu.
15Mu wu hì jîsà na, mu khə na ghàhnà à jɨ̀m ghe a ghɨ ti ghəknâ a ghàhnà yi bimî kəta kəbi kwâktì mi yîn. Biyani, ghàn ghɨ le shìki kəta kwâktì yilô, ma Yènfù ni, ma ghàn ywo khɨli gha mɨ ghɨ̂n wu lum afa ghɨ kəta hi tè mô atɨ̂n. 16Ghàhnà ni kəta kə hi tè nè kə gha ye a Yènfù tì chwùte na ghàhnà hi nê.
17Wana noma, ghàn hi sine kə chyənà mì. Ghàn hi gbê kə te ghɨt ghe a ghɨ jûmtè lumtu jûŋ te a ghàh tì chwùtè na ghàn hi gbê atɨ̂n. 18Ghɨt a dona chyə̂ wu lum wule yi chwùtè na ghɨna bànàlò gha ye a Klistù tì kpo a kàkfùtàfù kum yini. Mu hì mô ma mu ti jis gha ha ghàn kum ghɨt a be mɨ ghɨ̂n kə ghan hidù, mu wu hì fê jîsà yîn chin nâ nì semù a mu sê. 19Yènfù nè bobhelò ghɨna beka ghɨna ngumle kə mwə̀ me a mù foma a ghɨna wu wùn. Ghɨna ni bɨlà saŋle kə gha afa a ghɨna kəta hi tè wume atɨ̂n. Ghɨna lêmà kə kwâktì tu ghɨna tu à mwə̀ mù chyə̂. 20Biyani, a mô ha ghàhnà, ghàhnà khə na lak yi ghàhnà mò a nyə̂, ghàhnà yute Bònhè à ghàhnà Bâba Jisòs Klistù na wù kahè ben ma wù lyi ghàhnà. 21Wu bênà ma wù kwuna wun wu ghàhnà wunâ a wu mô hi kpu ni, ma wu kahè hi mô kəbi te wun wu wunu wu njentenu. Wu bênà hi nè gha mɨ ghɨ̂n nì jyak ghe a wù kəta ghɨ mô hi nì na mwə̀ mù jɨ̀m hi mô kə a wun a sah yì sâk.
Currently Selected:
Fìlibiyàns 3: bmv
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Fìlibiyàns 3
3
Yènfù nè nêlò na ghàhnà hi mô chilichili hamok
1Hi mihì a wan a noma, ghàn hi saŋlê na ghàn à Bâba mò amok. Mu tà bot hi nyàk à kunte gha ma mu hì mô ma mu ti nyâk. Gha mɨ ghɨ̂n mô kə hi gàmtè ghàn. 2Ghàn hi tôknè kum ghɨt a be ghɨ̂n a ghɨ mô te sù bû. Ghɨna lèmà kə na ghɨ kəta hi se luk wu wùnu wûtù shyəma Yènfù hi mô hi bònhè wûn. 3A mô ghàhnà ghɨt ghe a Yènfù tì se nam a ghàhnà kə nâ wu lum afa a ghɨ kəta hi se atɨ̂n, a bu ghɨna. A mô ghàhnà a Yohnà Fùyènà gàmte na ghàhnà hi kokhe wûn, a fê mô kə ghàhnà ghɨt ghe a ghɨ jala te ghàhnà nì Klistù Jisòs mò amok, lêmà wi təm a ghàhnà a gha njyàsu wùnsu.
4Nâ mu làhi lèmà kəbi təm a ma a gha njyàsu wùnsu afân. À shìki kwâktì nâbi nde na yi kəta hi tè tòkà chyənà mi yîn, ma mu jis na mu làhi tòk hi chyà nâ wûn. 5Ghɨ tì bwɨ mu, à hì mô a mu tuk fama, ghɨ se nam a ma. Mu mô wut à Isalì ma mu fwo yi sah yi nda Benjamìn. Mu mô wut à Hibùlùs kə nâ yi bwɨ̂. Mu ndùku mô a nòn à ghɨt a Falàsî, lêmà kə nâ sak te a Musìs tì fo hanɨ̂ŋ. 6Mu hì lumà nì wunu nâ haŋaŋ, chɨma wulu ghɨt a bimena. Wò shìki kwâktè kə nâ te wùt kəta hi tè mô chilichili, lêmà sak ye a ghɨ fo ha wûn, ma mu jis na mu ndùku kəta wi njahi.
7Mu ndùku lyê nâ gha mɨ ghɨ̂n à jɨ̀m na à mô mbì, biyani hì lyê kə chin na à mô a lə̀hà kum fêt yi Klistù. 8Mu yena chin na gha mɨ ghɨ̂n kəta wi fêtì nâ hakoh beka gha yi ta ha mu hì mô kə hi tè khə Bâba Klistù Jisòs. Nâbi ghə hì mô kə ha mu chin te wu ghât. Mu ti de nâbi ghə beka mu kòŋà na ghàh à Klistù hi mô amok.
9Mu khɨŋa na ghàh à wûn hi chîntè mô kə ha shyə̀ à mòk, mu mô chilichili a Yènfù ashyə̂, a bu kum jyak a ma a ngɨŋa. Mu fè lêmà wi Saki hi tê mô chilichili, mu hì mô wut à chilichili chin kum yi bimî mi ha Klistù. A ni lum we a Yènfù lyè ghàhnà atɨ̂n ha ghɨt a chilichili. 10Mu khɨŋa hi tè khə Klistù, hi yen a jyak ghe a Yènfù tì fo ha Jisòs ghɨ nî wù lôtì a yi kpû shyəma mu boŋa yen ngə̂k kum fêt yi wuni ma mu kpu kəbi te wûn, 11ma Yènfù ni, ma mu boŋà kahà lòti a yi kpû.
Mu nyiŋa kə nâ yi bàm yi gha mɨ ghɨ̂n
12Mu jìsà wi na gha mi yin hì mô ma yi ti kpên ha mu, jîsà wi na mu ti time mihì. Mu mòmhè kə hi tè khə Klistù Jisòs fê mô te wûn beka à mò gha ye a wù tì chwoka mu atɨ̂n na mu hi mô wut à wûn. 13Wan a noma, mu lèmà wi na mu hì mô ma mu ti khɨli shyə ghe a mu khɨŋa. Gha ni mò kə yì mòk na, mu fè lêmà wi to a yi gha ma yi ti chyâ, mu fètà yênà kə ashyə̂. 14Mu nyiŋa yê kə ashyə̂ hi kwote maktu we a Yènfù nè toŋa mu hi fô. Maktu wuna mô na, Yènfù tì toŋa mu tohne a Klistù Jisòs fo chyənà ye a yì bè mê wi ha mu.
15Mu wu hì jîsà na, mu khə na ghàhnà à jɨ̀m ghe a ghɨ ti ghəknâ a ghàhnà yi bimî kəta kəbi kwâktì mi yîn. Biyani, ghàn ghɨ le shìki kəta kwâktì yilô, ma Yènfù ni, ma ghàn ywo khɨli gha mɨ ghɨ̂n wu lum afa ghɨ kəta hi tè mô atɨ̂n. 16Ghàhnà ni kəta kə hi tè nè kə gha ye a Yènfù tì chwùte na ghàhnà hi nê.
17Wana noma, ghàn hi sine kə chyənà mì. Ghàn hi gbê kə te ghɨt ghe a ghɨ jûmtè lumtu jûŋ te a ghàh tì chwùtè na ghàn hi gbê atɨ̂n. 18Ghɨt a dona chyə̂ wu lum wule yi chwùtè na ghɨna bànàlò gha ye a Klistù tì kpo a kàkfùtàfù kum yini. Mu hì mô ma mu ti jis gha ha ghàn kum ghɨt a be mɨ ghɨ̂n kə ghan hidù, mu wu hì fê jîsà yîn chin nâ nì semù a mu sê. 19Yènfù nè bobhelò ghɨna beka ghɨna ngumle kə mwə̀ me a mù foma a ghɨna wu wùn. Ghɨna ni bɨlà saŋle kə gha afa a ghɨna kəta hi tè wume atɨ̂n. Ghɨna lêmà kə kwâktì tu ghɨna tu à mwə̀ mù chyə̂. 20Biyani, a mô ha ghàhnà, ghàhnà khə na lak yi ghàhnà mò a nyə̂, ghàhnà yute Bònhè à ghàhnà Bâba Jisòs Klistù na wù kahè ben ma wù lyi ghàhnà. 21Wu bênà ma wù kwuna wun wu ghàhnà wunâ a wu mô hi kpu ni, ma wu kahè hi mô kəbi te wun wu wunu wu njentenu. Wu bênà hi nè gha mɨ ghɨ̂n nì jyak ghe a wù kəta ghɨ mô hi nì na mwə̀ mù jɨ̀m hi mô kə a wun a sah yì sâk.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.