Fêt 25
25
Bôl chyati na ghɨ yê sak wun a Lûm
1À ndùku mô yi bàm yi mu tuk mù tât te Festùs kwoka kpoko a Sìsaliyà te Gobnà, wù lo kwok a Jèlusalèm. 2Ngàŋsù ndâ Fùyènsu chiksu nì tu we wu ndùku tihe ghɨt a Jûs fôktì ha wûn kum Bôl. Ghɨna chyati Festùs na, 3wù tum ma ghɨ ben nì Bôl a Jèlusalèm, ghɨna ndùku jîsà ni beka ghɨna ndùku mô ma ghɨ ti bakti hi fwo ywi wun wu lûm. 4Wù jis ha ghɨna na, “Bôl mò ma ghɨ ti fa wun a Sìsaliyà, mu mô hi kaha yèn afû a mu tuk afân. 5Ghàn jis ma ghɨt ghe ghɨ tihe ghàn, jûmtè ben nì mu afû ma ghɨ fokti gha ye wù bobhe.”
6Festùs chyə afû te a mu tuk fama, à hì mô a mu tuk ìwûm, wù kaha chwo a Sìsaliyà. Tuku yû, wù yen a lùk wu saku, jis na ghɨ lyê ben nì Bôl. 7Ghɨ ben nì wûn kə wu yu, ghɨt a Jûs ghê ghɨ tì lo a Jèlusalèm ben timi kat hì wama a gha kum Bôl ghɨ dô kə ni, biyani lum wule bu hi chwùtì na ghɨ mô hamok. 8Bôl jîs hi gàmtè ngɨŋ à wûn na, “Mu tà khɨm jə̂ sak yi ghɨt a Jûs, mu tà bobhi jə̂ gha kum ndâ Fùyèn à ghɨna, mu tà jis jə̂ kəbi gha be kum fə̀n wù chìk.”
9Festùs hì khɨŋa hi nì na ghɨt a Jûs hi kôŋà wûn, ki buf ha Bôl na, “Wò kòŋàlò hi kwôk a Jèlusalèm na ghɨ yê sak wò a mu ashyə̂ kum gha ghɨ̂n ghɨ jîsà afân ni kum wò agha?”
10Bôl fîsì na, “Mu mò afân ni, mô wu lùk wu saku fə̀n wù chìk a we wù mò a Lûm, a mô kə hi sak a mu afân. Nâ wò khəlò nâ jûŋ na mu tà bobhi jə̂ gha yile ha ghɨt a Jûs. 11Mu shìki mô ma mu ti khɨm saki shyəma ghɨ ywi mù, mu wi hi tunhî na kə ghɨ ywi mu, biyani ghɨna lêmà gha ghɨ̂n a mu tû a mô yi fə̂m, ma wùt nê hi kəta wi jyaka hi fo mu ha ghɨna, ma mu nê hi chyate na fə̀n wù chìk sak sak à mì.”
12Festùs tum a tû, ghê ghɨt ghe ghɨ tihe wûn ki jìs ha Bôl na, “Te wò chyate na sak yâ yen ha fə̀n wù chìk, yì ti yê kə ha wûn.”
Festùs fôktì sak à Bôl ha fə̀n Àgɨlibà
13Te tuku chyàla mù sek ni, fə̀n Àgɨlibà ghê Bènîs ben a Sìsaliyà hi toŋte ha Festùs. 14À hì mô te ghê ghɨna mò hi chyətî hadà, Festùs fôktì kwok nì ngə̂k à Bôl ha wun jis na, “Wùt mò afân te Felìs tì fa lema a ndâ chyâk.” 15Mu chyə kwok yen a Jèlusalèm ngàŋsù ndâ Fùyènsu chiksu nì chəhsu ghɨt a Jûs hì jîsà na, mu bimi na yi kpenalò na ghɨ fo ngə̂k ha wûn. 16Mu jis ha ghɨna na, yi bone wi ha ghàh ghɨt a Lumà hi nè kə gha ha wùt, kə njwo ghɨta ngane wûn, a bu kə na wù time a ghɨt ghe ashyə ghe ghɨ ngane wûn hi fòktè sak à wûn. 17À hì mò te ghɨna chwo bena afân, tuku yû mu tê chyàhè wu yu, yen ndokò hi sak a wûn jis na ghɨ yê lyê ben nì wûn. 18Wù bên, bànàsu wun sê lôtì hì jîsà chwûtè wi gha be yile ye mu yê hì kwâktè na wù ti nî. 19Ghɨna hì bɨlà gufnà lô a gha ghê wûn kum lum we ghɨna kokhe Yènfù atɨ̂n. Fê jîsà kum nì wùt lè we wù tì kpo ghɨ toŋte na Jisòs, Bôl hì jîsà na wù mò wu tâ. 20Mu ki gha tɨni yi ghak mu, mu ki bûf ha Bôl na, “Wò kòŋàlò hi yèn a Jèlusalèm na ghɨ sak sâk yâ afû agha? 21Biyani Bôl chyati na ghɨ lêmà kə yi a ndâ chyâk hi tàn shyəma fə̀n wù chìk sak yi, mu ki lêmà wûn na tuku ben ma chinhi wûn ha fə̀n.”
22Àgɨlibà jis ha Festùs na, “Mu kòŋàlò hi ywo jis yì wùt wunâ nì ngɨŋ à mì.”
Festùs ki jis na, “Wò bè ywo kə jîs yi wuni yi bîs.” 23Tuku yû Àgɨlibà ghê Bènîs ben kə nâ te ghɨt a ta, lyi yen a ndâ yi chìk yê ghɨta ndùku bênà yûŋtè atɨ̂n. Wù bên nì tô sù sojà ghɨ chika nì ghɨt a chik ghe ghɨ mô a yi tèk. Festùs jis na ghɨ yê lyê ben nì Bôl, ghɨ yen lyi ben nì wûn. 24Festùs ki jîs na, “Fə̀n Àgɨlibà nâ nì ghɨt à jɨ̀m ghe ghɨ a mô afân, ghàn yen wùna mò wut we ghɨt a Jûs à jɨ̀m ghe ghɨ mô a Jèlusalèm nì ghê ghɨ mô afân jîsà a gha ghɨ dô kə ni kum wûn. Ghɨna chehì bwate jîsà na, wù kəta hi kpu. 25Nâ mu ti ki yen na wù tà ni jə gha ye ghɨ mô hi ywe wun atɨ̂n. Nâbi wûn chyati na yi khɨŋa hi yen a fə̀n wù chìk na wù sak yi, mu lem na mu nè chinhelò wûn ha fə̀n, 26biyani mu fate khə wi gha ye mu mò hi nyàk ha fə̀n wù chìk kum wûn. À mò gha ye mu ye jisa na a ben nì wûn ha ghàn ma wù jis a wo ashyə̂ a fə̀n Àgɨlibà. À nè hì mò te ghàhnà ywo kwoka nì sak àtɨ̂n shyəma mu ki khɨle gha ye mu mò hi nyàk. 27Beka mu ti yen na yi jwôfà wi na mu chinhi wùt a ndâ chyâk, fôktè mihè wi gha ye wù bobhe.”
Currently Selected:
Fêt 25: bmv
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
Fêt 25
25
Bôl chyati na ghɨ yê sak wun a Lûm
1À ndùku mô yi bàm yi mu tuk mù tât te Festùs kwoka kpoko a Sìsaliyà te Gobnà, wù lo kwok a Jèlusalèm. 2Ngàŋsù ndâ Fùyènsu chiksu nì tu we wu ndùku tihe ghɨt a Jûs fôktì ha wûn kum Bôl. Ghɨna chyati Festùs na, 3wù tum ma ghɨ ben nì Bôl a Jèlusalèm, ghɨna ndùku jîsà ni beka ghɨna ndùku mô ma ghɨ ti bakti hi fwo ywi wun wu lûm. 4Wù jis ha ghɨna na, “Bôl mò ma ghɨ ti fa wun a Sìsaliyà, mu mô hi kaha yèn afû a mu tuk afân. 5Ghàn jis ma ghɨt ghe ghɨ tihe ghàn, jûmtè ben nì mu afû ma ghɨ fokti gha ye wù bobhe.”
6Festùs chyə afû te a mu tuk fama, à hì mô a mu tuk ìwûm, wù kaha chwo a Sìsaliyà. Tuku yû, wù yen a lùk wu saku, jis na ghɨ lyê ben nì Bôl. 7Ghɨ ben nì wûn kə wu yu, ghɨt a Jûs ghê ghɨ tì lo a Jèlusalèm ben timi kat hì wama a gha kum Bôl ghɨ dô kə ni, biyani lum wule bu hi chwùtì na ghɨ mô hamok. 8Bôl jîs hi gàmtè ngɨŋ à wûn na, “Mu tà khɨm jə̂ sak yi ghɨt a Jûs, mu tà bobhi jə̂ gha kum ndâ Fùyèn à ghɨna, mu tà jis jə̂ kəbi gha be kum fə̀n wù chìk.”
9Festùs hì khɨŋa hi nì na ghɨt a Jûs hi kôŋà wûn, ki buf ha Bôl na, “Wò kòŋàlò hi kwôk a Jèlusalèm na ghɨ yê sak wò a mu ashyə̂ kum gha ghɨ̂n ghɨ jîsà afân ni kum wò agha?”
10Bôl fîsì na, “Mu mò afân ni, mô wu lùk wu saku fə̀n wù chìk a we wù mò a Lûm, a mô kə hi sak a mu afân. Nâ wò khəlò nâ jûŋ na mu tà bobhi jə̂ gha yile ha ghɨt a Jûs. 11Mu shìki mô ma mu ti khɨm saki shyəma ghɨ ywi mù, mu wi hi tunhî na kə ghɨ ywi mu, biyani ghɨna lêmà gha ghɨ̂n a mu tû a mô yi fə̂m, ma wùt nê hi kəta wi jyaka hi fo mu ha ghɨna, ma mu nê hi chyate na fə̀n wù chìk sak sak à mì.”
12Festùs tum a tû, ghê ghɨt ghe ghɨ tihe wûn ki jìs ha Bôl na, “Te wò chyate na sak yâ yen ha fə̀n wù chìk, yì ti yê kə ha wûn.”
Festùs fôktì sak à Bôl ha fə̀n Àgɨlibà
13Te tuku chyàla mù sek ni, fə̀n Àgɨlibà ghê Bènîs ben a Sìsaliyà hi toŋte ha Festùs. 14À hì mô te ghê ghɨna mò hi chyətî hadà, Festùs fôktì kwok nì ngə̂k à Bôl ha wun jis na, “Wùt mò afân te Felìs tì fa lema a ndâ chyâk.” 15Mu chyə kwok yen a Jèlusalèm ngàŋsù ndâ Fùyènsu chiksu nì chəhsu ghɨt a Jûs hì jîsà na, mu bimi na yi kpenalò na ghɨ fo ngə̂k ha wûn. 16Mu jis ha ghɨna na, yi bone wi ha ghàh ghɨt a Lumà hi nè kə gha ha wùt, kə njwo ghɨta ngane wûn, a bu kə na wù time a ghɨt ghe ashyə ghe ghɨ ngane wûn hi fòktè sak à wûn. 17À hì mò te ghɨna chwo bena afân, tuku yû mu tê chyàhè wu yu, yen ndokò hi sak a wûn jis na ghɨ yê lyê ben nì wûn. 18Wù bên, bànàsu wun sê lôtì hì jîsà chwûtè wi gha be yile ye mu yê hì kwâktè na wù ti nî. 19Ghɨna hì bɨlà gufnà lô a gha ghê wûn kum lum we ghɨna kokhe Yènfù atɨ̂n. Fê jîsà kum nì wùt lè we wù tì kpo ghɨ toŋte na Jisòs, Bôl hì jîsà na wù mò wu tâ. 20Mu ki gha tɨni yi ghak mu, mu ki bûf ha Bôl na, “Wò kòŋàlò hi yèn a Jèlusalèm na ghɨ sak sâk yâ afû agha? 21Biyani Bôl chyati na ghɨ lêmà kə yi a ndâ chyâk hi tàn shyəma fə̀n wù chìk sak yi, mu ki lêmà wûn na tuku ben ma chinhi wûn ha fə̀n.”
22Àgɨlibà jis ha Festùs na, “Mu kòŋàlò hi ywo jis yì wùt wunâ nì ngɨŋ à mì.”
Festùs ki jis na, “Wò bè ywo kə jîs yi wuni yi bîs.” 23Tuku yû Àgɨlibà ghê Bènîs ben kə nâ te ghɨt a ta, lyi yen a ndâ yi chìk yê ghɨta ndùku bênà yûŋtè atɨ̂n. Wù bên nì tô sù sojà ghɨ chika nì ghɨt a chik ghe ghɨ mô a yi tèk. Festùs jis na ghɨ yê lyê ben nì Bôl, ghɨ yen lyi ben nì wûn. 24Festùs ki jîs na, “Fə̀n Àgɨlibà nâ nì ghɨt à jɨ̀m ghe ghɨ a mô afân, ghàn yen wùna mò wut we ghɨt a Jûs à jɨ̀m ghe ghɨ mô a Jèlusalèm nì ghê ghɨ mô afân jîsà a gha ghɨ dô kə ni kum wûn. Ghɨna chehì bwate jîsà na, wù kəta hi kpu. 25Nâ mu ti ki yen na wù tà ni jə gha ye ghɨ mô hi ywe wun atɨ̂n. Nâbi wûn chyati na yi khɨŋa hi yen a fə̀n wù chìk na wù sak yi, mu lem na mu nè chinhelò wûn ha fə̀n, 26biyani mu fate khə wi gha ye mu mò hi nyàk ha fə̀n wù chìk kum wûn. À mò gha ye mu ye jisa na a ben nì wûn ha ghàn ma wù jis a wo ashyə̂ a fə̀n Àgɨlibà. À nè hì mò te ghàhnà ywo kwoka nì sak àtɨ̂n shyəma mu ki khɨle gha ye mu mò hi nyàk. 27Beka mu ti yen na yi jwôfà wi na mu chinhi wùt a ndâ chyâk, fôktè mihè wi gha ye wù bobhe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.