2 Tèsàloniyàns 1
1
1À nyak mu Bôl ghàh à Silàs nì Timotì ŋwàklù yìna ha ghàn nôn a ghɨt a bimena ghe a ghɨ mô a yi tèk yi Tèsàlonikà. Ghàn mò ghɨt a Bè ghàhnà Yènfù, fê mô ghɨt a Bâba Jisòs Klistù. 2Yènfù, Bì ghê Bâba Jisòs Klistù chwuti təm a jûŋà ha ghàn, ma wù fo yutìnì ha ghàn.
Yènfù bè saka lò ghɨta kə chilichili
3Ghàh kəta hi tè fo àyòŋnà ha Yènfù kə yû mù jɨ̀m kum ghàn a wana ne. A mô kə nâ gha yi jûŋì te ghàh nè ni njwo bimî yani ha Klistù ləma yênà kə ashyə̂, kôŋ yani fê ləma yênà kə ashyə̂. 4A ni gha ye a ghàh shihi jìs ha nôn a ghɨt a bimena ale, ghàh hi jala kum ghàn. Ghàh ni nè ni beka ghàn time kə a ghàn a yi bimî nâbi te ghɨta chwoka wulu wanu, ghàn fê yena ngəksu lesu biyani wunhe kə yi wunhî. 5Wunhî yani yina chwùtè a ndan na Yènfù saka lò ghɨta kə nâ chilichili, mô hi nì na ghàn hi kpenê hi tè mò wu lùk wu fə̀n wù Fùyènù afa a ghàn yena ngə̂k kum wunu. 6Yènfù bè folò ngə̂k ha ghɨt ghe a ghɨ chehì fo ngə̂k ha ghàn beka fu nê kə yi gha ye a yi mô chilichili. 7Fu bè nê, ma ghàn ghe a ghàn yena ngə̂k chîn khɨti yutìnì, ghàn shihi khɨtî, ma ghàh boŋà khɨti. Yènfù bè nê gha mɨ ghɨ̂n wu yu afa Bâba Jisòs kaha chwo bena a nyə̂ ma wù chwûtì ngɨŋ à wûn ghê anjèlsu wunsu se a su kəta jyaka. 8À bè hì mô te wù chwo bênà ghê anjèlsu wun mu sê, ma chwûlù wu wùsu hi bame, ma wù kaha lak ghɨt ghe a ghɨ tì mana Yènfù fî tunhi na ghɨ ywo wi gha ye a tum yì jùŋ kum Bâba ghàhnà Jisòs ndùku jîsà. 9Yènfù bè bobhelò ghɨna ma wù ni ma ghɨna khɨti ngə̂k ye a yì bè mê wi, ma ghɨna hi bu wu lùk afa a Bâba bè hì mô atɨ̂n, yena wi jyaka a kanana wuna. 10À bè hì mô te wù kaha bênà wu tuk afû, ma ghɨt a Fùyènà à jɨ̀m hi mô nì kani, fo kokhînì ha wûn. Nâ ghàn bê hì boŋa mô a ghɨt mɨ ghɨ̂n a fùtɨ̂n beka ghàn ti bimi a gha afa a ghàh chehì fôktè ha ghàn. 11A ni gha ye a ghàh jə̀mà ha ghàn kə yû mù jɨ̀m na Yènfù ghàhnà fu ni na ghàn hi chyə chyənà ye a yì kpene ma a ni ye a fu toŋa ghàn na ghàn ben ma ghɨ hi chyə̂. Ghàh jə̀mà na fu fo jyaka ma ghàn hi nê gha a jûŋà ghe a ghàn kòŋà hi tè nì ma ghàn fê nê mihi fêt yani te ghɨt a bimena. 12Ghàn shìki nî ni, ma ghàn hi fo yet yi chiki ha Bâba ghàhnà Jisòs, ma wù ni, ma ghàn hi boŋa kəta kokhînì. Gha mɨ ghɨ̂n gànà njwo Yènfù ghàhnà fu ghê Bâba Jisòs Klistù kəta təm a jûŋà ha ghàn.
Currently Selected:
2 Tèsàloniyàns 1: bmv
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.