Уэрэд 79
79
79-нэ Уэрэд
Лъэпкъым папщӀэ тхьэлъэӀу
1Пшынауэхэмрэ уэрэдыӀуэхэмрэ я пашэм папщӀэ. «Шошаним-Эдут» уэрэдым и макъамэр щӀэлъу. Асаф и уэрэд
2Израилым и мэлыхъуэ! КъэдаӀуэ;
Мэлым хуэдэу Исуф къезышэкӀым,
мелыӀычым ящхьэкӀэ тесым зыкъегъэлъагъу
3Эфраим, Бин-Ямин, Мэнашэ.
Уи гуащӀэ къехьэжьи,
ди бийм даӀэщӀэпхыжыну къытхуэкӀуэ.
4Уэ, ди Тхьэ! Зыпкъ дигъэувэж;
уи нэгум и нэху къыттегъапсэ,
дымыкӀуэду дыкъелыну!
5Зиусхьэн, лъэкӀыныгъэ псори зиӀэ ди Тхьэ!
Уи цӀыху лъэпкъым и тхьэлъэӀум
сыт хуэдизрэ хуэпщӀыну губжьыр?
6Уэ нэщхъеягъуэ щӀакхъуэкӀэ дыбгъэшхащ,
нэпс бэ дыдэ щӀэдбгъэгъэкӀащ.
7Гъунэгъухэр къыдоныкъуэкъу,
ягукӀэ къытщодыхьэшх ди бийхэр.
8ЛъэкӀыныгъэ псори зиӀэ ди Тхьэ!
Зыпкъ дигъэувэж.
Уи нэгум и нэху къыттегъапсэ,
дымыкӀуэду дыкъелыну!
9Мысырым санащхьэ бжьалэр къипхащ,
цӀыху лъэпкъхэр ипхури,
ар хэпсащ;
10Абы папщӀэ щӀапӀэ бгъэкъабзэри,
и къуэпсхэм куууэ зыщадзым,
щӀыгум тезыбзэ хъуащ.
11Абы и ныбжьыр бгыхэм тридзащ,
и бжьалэхэм я ныбжьыр –
ашэ жыг лъагэхэм.
12Абы и бжьалэхэм хым#79:12 хым нэс – Средиземнэ хыращ. нэс задзащ,
и къудамэхэр псым#79:12 псым – Евфрат псыращ. нэсащ.
13Санащхьэм къещӀэкӀа бжыхьыр
сыт щхьэкӀэ бгъэуа?
Абы къыпыкӀэр блэкӀ псоми
пач абы къыхэкӀкӀэ.
14Мэзыкъуэм къыщӀетӀыкӀ ар,
губгъуэ хьэкӀэкхъуэкӀэ псоми яшх.
15ЛъэкӀыныгъэ псори зиӀэ ди Тхьэ!
Зыкъытхуэбгъазэркъэ,
уафэм къеплъыхи, къыдэплъ,
мы санащхьэми уи нэӀэ тегъэт –
16уи Ӏэ ижьым игъэтӀысам.
17Бийхэм ар мафӀэкӀэ
зэхагъэсхьащ, зэхаупщӀэтащ;
губжьым ухэту яхэплъи, гъэкӀуэд.
18Уэ хэпха хъулъхугъэм
уи Ӏэ тешиящ,
цӀыхум и къуэу
Уэр папщӀэ лэжьэн зылъэбгъэкӀым,
гуащӀэ епту.
19Апхуэдэу щытмэ, игъащӀэкӀэ
дэ удбгынэнкъым;
дыкъэгъэпсэужи,
уи цӀэм щӀыхь хуэтщӀынщ.
20Зиусхьэну лъэкӀыныгъэ псори зиӀэ ди Тхьэ!
Зыпкъ дигъэувэж;
уи нэгум и нэху къыттегъапсэ,
дымыкӀуэду дыкъелыну!
Currently Selected:
Уэрэд 79: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
