Уэрэд 20
20
20-нэ Уэрэд
ТекӀуэныгъэм ехьэлӀа щӀыхь
1УэрэдыӀуэхэмрэ пшынауэхэмрэ я пашэм папщӀэ. Даут и уэрэд
2Зиусхьэн! Уэ лъэкӀыныгъэу уиӀэм
щогуфӀыкӀ пащтыхьыр,
лъэщ дыдэу ирогуфӀэ укъызэрыддэӀэпыкъуам.
3Абы игукӀэ фӀэигъуэр хуэпщӀащ Уэ,
и лъэӀу псалъэм къебгъэгъэзакъым.
4Сыту жыпӀэмэ уи нэфӀ щыхуащ абы,
укъыпегъуэкӀащ,
дыщэ къабзэм къыхэщӀыкӀа тажыр
къыщхьэрыптӀэгъащ.
5ФӀыкӀэ бгъэпсэуну къолъэӀуащ ар –
Уэ абы гъащӀэ мыухыж ептащ.
6ЩӀыхь ин дыдэ игъуэтащ абы
Уэ укъызэрыдэӀэпыкъуам папщӀэ.
Лъытэныгъэшхуэ дызепхьащ,
пащтыхь ин пщӀащ.
7Уи нэфӀ щыхуащ абы игъащӀэкӀэ,
ар мэгуфӀэ, Уэ ущӀыгъущи.
8Сыту жыпӀэмэ пащтыхьыр
щогугъ Зиусхьэным,
Псом нэхърэ Нэхъ Лъагэм и лъагъуныгъэ
мыкӀуэдыжым и хьэтыркӀэ
абы и тахътэр зэтетынщ.
9Уэ, пащтыхь, уи Ӏэ къихьэнщ уи бийхэр,
уэ уи жагъуэгъу псори
уи Ӏэ ижьым ӀэщӀэкӀынкъым.
10УкъыщылъагъуэкӀэ,
мафӀэ жьэгушхуэ зэщӀэплъам хуэдэ
пщӀынщ ахэр;
Зиусхьэным и губжьым ахэр ӀэщӀэкӀынкъым,
мафӀэм хисхьэнщ ахэр.
11Абыхэм къатехъукӀахэр
щӀыгум тебгъэкӀуэдыкӀынщ Уэ;
я быни я лӀэужьи щымыӀэжыну,
яхэбгъэкӀуэдыкӀынщ цӀыхухэм.
12Бзаджагъэ къуащӀэн ягу илъащ абыхэм,
я зэран къуагъэкӀын я хьисэпащ,
ауэ ягъэзэщӀэн ялъэкӀакъым.
13Сыту жыпӀэмэ ахэр епхужьэжынщ Уэ,
Уи шабзэхэмкӀэ шабзэшэхэр я нэгум ебутӀыпщынщ.
14ЗыкъэӀэт, Зиусхьэн,
гуащӀэу уиӀэр къэгъэлъагъуэ.
Уэрэд жытӀэурэ,
уи гуащӀэм и щӀыхьыр тӀуэтэнщ.
Currently Selected:
Уэрэд 20: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
