Лука 19
19
19 къаьм
Иса авараг Закайлидой гьоболлъилаъ эᵸкьейо
1Иса Иерихон шагьарбаъ эᵸдолакьа̄ эᵸкьеш зукъойо. 2Вагьалълъо шагьарбаъ зукъона гей гьаькъ бокӀолцала сукӀоба̄с гьаьким – ЗакайлӀо нисоцас бечедаб сукӀо. 3Закайлис гъира зукъойо Иса нӣйо сукӀо гаьгьийона икъал, гьули эга̄лна атӀна зукъойо. Амма гьули аьᵸшшо гаьгьийахъа, халкъилаъ эᵸдо гаьгьийо Иса гьолцол нигъана эгайэш. 4Аьᵸйда̄ чӀанна йагъона, гьинолкьа гаьгьийа сид легъилала хоьхкьа кьодокна гей, судлӀо нисода вагьалълъо хоьхдой шеблаъкьа̄ Иса эᵸкьал нуцӀос зукъойо. 5Иса гьолълъо хоьхдой оᵸкъолъ, кьодда̄на гоцӀохъна нисос:
– Закай! Кьапун лӀийок, До жейса дӯдой гьоболлъилаъ говал нуцӀос!
6Хехлъилакьа хоьхкьас лӀийоканна лӀийокна, рази ахъна Закайли Иса гьоболлъилаъ къабул о̄йо. 7Халкъилал вагьли тухълъо, мунагьла̄д оцӀийа сукӀодой гьоболлъилаъ эᵸкьешлӀо нисона Исакьа мордаба̄л муьхобалъийо.
8Вагьлиъис аьгъиъна Закайли Кьодда̄ла Исахъа нисос:
– Йа̄ БетӀерчӀахъаяв! Гьуна диела бечелъилас йалӀлӀокос бутӀа до мискин-пакъирла̄л садакъалал нилӀал, йаги, лъо̄лди до зарал богьна зогъда, гьолцолна оьᵸкъовахна йоцӀйухъинна нилӀал.
9Иса гьолцохъа нисос:
– Жейса вагьалӀо билӀол хъосарлъи йоᵸкъойо, судлӀо нисода гьулина Ирбагьинила умматлис сукӀо ахълъо. 10Аьдамлис Оьжо дуниялликьа оᵸкъона гей къосси бахъийа̄ мийазална гьолло̄л хъосар бовагьална.
Меседлила ацӀон тумалликьас хабар
11Энекзи бахъийа̄ аьдамла̄л Иса бадона хабар ме̄йо. Иса Иерусалимлиъ оᵸкъалълъегьна зукъойо, халкъилал пикро бахъца зукъойо гьаколъечӀе Аллагьлис Парчагьлъи загьир йахъцалӀона. 12Вагьалълъобза Иса вагьаддийо хабар ме̄йал уьᵸхолъийо:
– Къадро-къимат гаьгьийо кӀетӀо насло-тухумлис гьоᵸс пуланаб сукӀо эᵸкьал нуцӀос зукъона гей балӀо пачалихълиъ гьинила улкалиъ ханлъилаъ голиллал, бета ханлъилаъна ахъна гьулиъис кьа̄ь билӀогъа говал нуцӀос зукъона гей. 13Гисакал аьᵸйда̄ гьолцо ацӀона лагъна илӀена, шибаблихъа гьоᵸссо туман нилӀна гей, жу кьа̄ь оᵸкъолъол гьинил пайда-хайирлиъ гьаьлтӀизи йовалӀо нисона.
14Амма улкалила аьдамла̄л гьули атӀаъас зукъона. Гьолцогъой муьгъалӀ мокъойбахъинна мегьна гей чапарла балӀо улкалиъ, гьидел гьули ханлъилаъ атӀаъаслӀо нисал.
15Амма гьолцол гьугиъ ханлъи йиᵸхъона гей, бета гьугиъис кьа̄ь оᵸкъолъ, ийабалӀена гей гьини окко нилӀийа̄ лагъла, лъо ласо пайда-хайир богьна зогъалла̄лӀо нисолал.
16Оᵸкъона сидцойла лагъли нисойолӀо, «Йа̄ БетӀерчӀахъаяв, ми нилӀийа сид тумаллид гьини ацӀона туман йахъилло», – лӀо. 17«Ми кӀетӀо лагъ гей. ИтӀина божилъилал ми дидой аьᵸйда̄ йукъо ритӀухълъи йегалло», – лӀо нисона, ацӀон шагьарбаш наиблъилаъ голлолӀо гьули ханли.
18Оᵸкъона къонасла лагълина нисона гей: «Йа̄ БетӀерчӀахъаяв! Ми нилӀийа сид тумалли лъина туман йо̄йо», – лӀо. 19Гьули лагъна ханли голца лъин шагьарбаш наиб.
20Оᵸкъона лъанасла лагъли гьули туман ханлихъа кьа̄ьна нилӀна нисона гей: «Йа̄ БетӀерчӀахъаяв! Ми оᵸкъоцал гьини чургъаллиъ йоьлӀна туман цӀуми йо̄йо. 21До дӯхъа йилӀа гьичӀейо, судлӀо нисода ми йилӀа лъакъейо сукӀо гаьлълъо. Ми гулеэш жо йоькчиш, йаги йиᵸжеэш жо йокӀолца», – лӀо нисодал. 22«Гьай сигьираб лагъ, дибола йаьжла̄кьа дул тамбигь бовал мехеш, – лӀо нисона гей гьолцохъа ханли. – Дул икъеш зукъона гей до лъакъейо сукӀо гаьгьийолъи: гулеэшла мицаъас жо йоькчицас, йиᵸжеэш жо йокӀолцас сукӀо гаьгьийолъи. 23Суд ми окко хайирлил гьаьлтӀизи йойэш, до оᵸкъолъол хайирна бахъна кьа̄ь йиᵸхъас га̄ь дил гьули». 24Шеблаъ гаьгьийа̄ нукарла̄хъа ханли нисона гей, гьогцохъасна йагъона туман нилӀа ацӀона туман йиᵸхъолла лагълихъалӀо.
25Нукарла̄ нисона гей: «Йа̄ БетӀерчӀахъаяв! Гьогцохъа гьуга̄зуна ацӀона туман геййаъ», – лӀо. 26«До мизохъа нисос: тели гаьгьийа шибаблил кьодо бадина нилӀца, йоькькьа гаьгьийахъас гаьгьийона йагъос».
27Бета ханли амро богьна гей: «Гьогго̄л до ханлъилаъ голал атӀеэса аьдамла, ба̄къанна ба̄къона, гьиндой аьᵸйда̄ькьа̄ бийакьа», – лӀо нисона.
Иса авараг Иерусалимлиъ эᵸдокийо
28Вагьло хабарна мегьна, Иса эᵸкьейо аьᵸйда̄ Иерусалимлиъда̄.
29Зайтун ма̄ьдой шеблаъ гаьгьийа Бетфагейа, гьула̄зу БетанийалӀо нисоцала мица̄дой оᵸкъолъ, къона асгьабна илӀена, Иса гьоллохъа нисос:
30– Миже мекье тикьа йегацала аьлӀаъ. Гьугиъ мицона михъос жегун кьодо аьдам кьайкъеэш оьлаб аᵸу. Мицоваъас макна бакъоллина гугь гьолӀоъ. 31Нагагь мизохъа суд гьоло макцалӀо нисолда, миже гьоллохъа ниса: «Гьоло Кьодда̄ла Исал батӀна гей», – лӀо.
32Иса нисогъа гьолло̄л мекьейо, Гьогцо нисогъа мицогъа оьлаб аᵸу михъона гей. 33Аᵸу мицоваъас макцас бегалъ, бетӀергьалла̄ гьоллохъа нисонна гей, суд гьоло миже макцалӀо. 34«Кьодда̄ла Исал батӀна гей», – лӀо нисона жаваб нилӀна гей.
35Исадой асгьабла аᵸуна бакъоллина мокъойо, бета кьодо гьидеш лъицӀона гунна, Гьулина кьайкъеголло. 36Гьули кьайкъена эᵸкьешлаъ, аьдамла̄ гьинолкьа гьидеш лъицӀо къе̄ готос зукъона гей. 37Зайтун ма̄ькьаш лӀийода̄ мекьа̄цо мокъолъ, гьидел йегаба̄ къацӀцӀо караматликьа йилӀа рази бахъийа̄ тели асгьабла, Аллагьлил рецна богьна илӀелабас зукъойо. 38Гьолло илӀеш зукъойо:
– Аллагьли эᵸгьна оᵸкъова Пачалил баркат гулала!
Кьодда̄ гьаᵸсаъла̄л – рекъелна рецна!
39Халкъилаъ эᵸдо гаьгьийа гьоᵸсо фарисейла̄ Исахъа нисос:
– Йа̄ НасигьатсукӀо! ГьокӀа йоваъилла Дибола асгьабла̄с!
40Амма Иса гьоглол жаваб нилӀийо:
– До нисос мизохъа: гьолло гьокӀа йоваъилда, кьала̄ илӀелаба̄с.
Иса авараглис Иерусалимликьа йакӀо йугъос
41Иерусалим бега̄цо оᵸкъолъ, гьоглӀохъана говацӀона, Иса ийа̄йо шагьарбал зигарина богьна. 42Гьолцо нисойо:
– Вай Иерусалим! Дул жейсадана йикъешкъода̄ рекъеллил йаццас жо! Амма жейса гьули дибола гьаьйда̄л йега̄ъас. 43Дибола тушмалла̄ дӯгъой со̄ᵸ хъарандийа йоьᵸватӀош, ми оьᵸкъонда̄кьа балӀо бохна дӯкьа кьодо тушмалла гугьцас водбо йоᵸвакъос. 44Вагьалло водла̄ъ ми талавур бовас, дибо аьдамлана гъурзи бовас, кьалкьа гулло кьалона гьихлъеэшла гьаьллъилакьа бугъолас ми, судлӀо нисода Аллагьли ми хъосар бовал мокъолло мех дул бикъаъалъ.
Иса Аллагьлила билӀоъос базаргалла гиса бовацӀийо
45Бета Аллагьлила билӀоъна эᵸдокна, гьулиъ йиᵸсо-хуьжона даран-базай йогьцаса аьдамла Иса гиса бовацӀал уьᵸхолъийо. 46Гьолцо гьоллохъа нисойо:
– ТӀекликьа чахна гей: «Дие билӀо – как-динлис билӀо йахъца». Амма мижелӀо нисода гьули къачагъла̄ла къоьчӀол йуьᵸхонна гей.
47Иса водиъ Аллагьлила билӀоъ аьдамла̄л ваъза бо̄с зукъойо. Амма букъа̄ кашишла̄на, диниябла аьлимла̄на, гьула̄зу гьаькимла̄на жигар багъос зукъойо Гьули икьал гьоᵸс санаъат михъолал. 48Гьоллохъа гьоьшшона йогьна йахъаъас зукъона гей, судлӀо нисода къацӀцӀо халкъ Исагъой со̄ᵸ къацӀобакна бовачечӀе Гьолцохъа энекзи бахъна бечена зукъолъ.
Currently Selected:
Лука 19: KapPROLUK
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)
Лука 19
19
19 къаьм
Иса авараг Закайлидой гьоболлъилаъ эᵸкьейо
1Иса Иерихон шагьарбаъ эᵸдолакьа̄ эᵸкьеш зукъойо. 2Вагьалълъо шагьарбаъ зукъона гей гьаькъ бокӀолцала сукӀоба̄с гьаьким – ЗакайлӀо нисоцас бечедаб сукӀо. 3Закайлис гъира зукъойо Иса нӣйо сукӀо гаьгьийона икъал, гьули эга̄лна атӀна зукъойо. Амма гьули аьᵸшшо гаьгьийахъа, халкъилаъ эᵸдо гаьгьийо Иса гьолцол нигъана эгайэш. 4Аьᵸйда̄ чӀанна йагъона, гьинолкьа гаьгьийа сид легъилала хоьхкьа кьодокна гей, судлӀо нисода вагьалълъо хоьхдой шеблаъкьа̄ Иса эᵸкьал нуцӀос зукъойо. 5Иса гьолълъо хоьхдой оᵸкъолъ, кьодда̄на гоцӀохъна нисос:
– Закай! Кьапун лӀийок, До жейса дӯдой гьоболлъилаъ говал нуцӀос!
6Хехлъилакьа хоьхкьас лӀийоканна лӀийокна, рази ахъна Закайли Иса гьоболлъилаъ къабул о̄йо. 7Халкъилал вагьли тухълъо, мунагьла̄д оцӀийа сукӀодой гьоболлъилаъ эᵸкьешлӀо нисона Исакьа мордаба̄л муьхобалъийо.
8Вагьлиъис аьгъиъна Закайли Кьодда̄ла Исахъа нисос:
– Йа̄ БетӀерчӀахъаяв! Гьуна диела бечелъилас йалӀлӀокос бутӀа до мискин-пакъирла̄л садакъалал нилӀал, йаги, лъо̄лди до зарал богьна зогъда, гьолцолна оьᵸкъовахна йоцӀйухъинна нилӀал.
9Иса гьолцохъа нисос:
– Жейса вагьалӀо билӀол хъосарлъи йоᵸкъойо, судлӀо нисода гьулина Ирбагьинила умматлис сукӀо ахълъо. 10Аьдамлис Оьжо дуниялликьа оᵸкъона гей къосси бахъийа̄ мийазална гьолло̄л хъосар бовагьална.
Меседлила ацӀон тумалликьас хабар
11Энекзи бахъийа̄ аьдамла̄л Иса бадона хабар ме̄йо. Иса Иерусалимлиъ оᵸкъалълъегьна зукъойо, халкъилал пикро бахъца зукъойо гьаколъечӀе Аллагьлис Парчагьлъи загьир йахъцалӀона. 12Вагьалълъобза Иса вагьаддийо хабар ме̄йал уьᵸхолъийо:
– Къадро-къимат гаьгьийо кӀетӀо насло-тухумлис гьоᵸс пуланаб сукӀо эᵸкьал нуцӀос зукъона гей балӀо пачалихълиъ гьинила улкалиъ ханлъилаъ голиллал, бета ханлъилаъна ахъна гьулиъис кьа̄ь билӀогъа говал нуцӀос зукъона гей. 13Гисакал аьᵸйда̄ гьолцо ацӀона лагъна илӀена, шибаблихъа гьоᵸссо туман нилӀна гей, жу кьа̄ь оᵸкъолъол гьинил пайда-хайирлиъ гьаьлтӀизи йовалӀо нисона.
14Амма улкалила аьдамла̄л гьули атӀаъас зукъона. Гьолцогъой муьгъалӀ мокъойбахъинна мегьна гей чапарла балӀо улкалиъ, гьидел гьули ханлъилаъ атӀаъаслӀо нисал.
15Амма гьолцол гьугиъ ханлъи йиᵸхъона гей, бета гьугиъис кьа̄ь оᵸкъолъ, ийабалӀена гей гьини окко нилӀийа̄ лагъла, лъо ласо пайда-хайир богьна зогъалла̄лӀо нисолал.
16Оᵸкъона сидцойла лагъли нисойолӀо, «Йа̄ БетӀерчӀахъаяв, ми нилӀийа сид тумаллид гьини ацӀона туман йахъилло», – лӀо. 17«Ми кӀетӀо лагъ гей. ИтӀина божилъилал ми дидой аьᵸйда̄ йукъо ритӀухълъи йегалло», – лӀо нисона, ацӀон шагьарбаш наиблъилаъ голлолӀо гьули ханли.
18Оᵸкъона къонасла лагълина нисона гей: «Йа̄ БетӀерчӀахъаяв! Ми нилӀийа сид тумалли лъина туман йо̄йо», – лӀо. 19Гьули лагъна ханли голца лъин шагьарбаш наиб.
20Оᵸкъона лъанасла лагъли гьули туман ханлихъа кьа̄ьна нилӀна нисона гей: «Йа̄ БетӀерчӀахъаяв! Ми оᵸкъоцал гьини чургъаллиъ йоьлӀна туман цӀуми йо̄йо. 21До дӯхъа йилӀа гьичӀейо, судлӀо нисода ми йилӀа лъакъейо сукӀо гаьлълъо. Ми гулеэш жо йоькчиш, йаги йиᵸжеэш жо йокӀолца», – лӀо нисодал. 22«Гьай сигьираб лагъ, дибола йаьжла̄кьа дул тамбигь бовал мехеш, – лӀо нисона гей гьолцохъа ханли. – Дул икъеш зукъона гей до лъакъейо сукӀо гаьгьийолъи: гулеэшла мицаъас жо йоькчицас, йиᵸжеэш жо йокӀолцас сукӀо гаьгьийолъи. 23Суд ми окко хайирлил гьаьлтӀизи йойэш, до оᵸкъолъол хайирна бахъна кьа̄ь йиᵸхъас га̄ь дил гьули». 24Шеблаъ гаьгьийа̄ нукарла̄хъа ханли нисона гей, гьогцохъасна йагъона туман нилӀа ацӀона туман йиᵸхъолла лагълихъалӀо.
25Нукарла̄ нисона гей: «Йа̄ БетӀерчӀахъаяв! Гьогцохъа гьуга̄зуна ацӀона туман геййаъ», – лӀо. 26«До мизохъа нисос: тели гаьгьийа шибаблил кьодо бадина нилӀца, йоькькьа гаьгьийахъас гаьгьийона йагъос».
27Бета ханли амро богьна гей: «Гьогго̄л до ханлъилаъ голал атӀеэса аьдамла, ба̄къанна ба̄къона, гьиндой аьᵸйда̄ькьа̄ бийакьа», – лӀо нисона.
Иса авараг Иерусалимлиъ эᵸдокийо
28Вагьло хабарна мегьна, Иса эᵸкьейо аьᵸйда̄ Иерусалимлиъда̄.
29Зайтун ма̄ьдой шеблаъ гаьгьийа Бетфагейа, гьула̄зу БетанийалӀо нисоцала мица̄дой оᵸкъолъ, къона асгьабна илӀена, Иса гьоллохъа нисос:
30– Миже мекье тикьа йегацала аьлӀаъ. Гьугиъ мицона михъос жегун кьодо аьдам кьайкъеэш оьлаб аᵸу. Мицоваъас макна бакъоллина гугь гьолӀоъ. 31Нагагь мизохъа суд гьоло макцалӀо нисолда, миже гьоллохъа ниса: «Гьоло Кьодда̄ла Исал батӀна гей», – лӀо.
32Иса нисогъа гьолло̄л мекьейо, Гьогцо нисогъа мицогъа оьлаб аᵸу михъона гей. 33Аᵸу мицоваъас макцас бегалъ, бетӀергьалла̄ гьоллохъа нисонна гей, суд гьоло миже макцалӀо. 34«Кьодда̄ла Исал батӀна гей», – лӀо нисона жаваб нилӀна гей.
35Исадой асгьабла аᵸуна бакъоллина мокъойо, бета кьодо гьидеш лъицӀона гунна, Гьулина кьайкъеголло. 36Гьули кьайкъена эᵸкьешлаъ, аьдамла̄ гьинолкьа гьидеш лъицӀо къе̄ готос зукъона гей. 37Зайтун ма̄ькьаш лӀийода̄ мекьа̄цо мокъолъ, гьидел йегаба̄ къацӀцӀо караматликьа йилӀа рази бахъийа̄ тели асгьабла, Аллагьлил рецна богьна илӀелабас зукъойо. 38Гьолло илӀеш зукъойо:
– Аллагьли эᵸгьна оᵸкъова Пачалил баркат гулала!
Кьодда̄ гьаᵸсаъла̄л – рекъелна рецна!
39Халкъилаъ эᵸдо гаьгьийа гьоᵸсо фарисейла̄ Исахъа нисос:
– Йа̄ НасигьатсукӀо! ГьокӀа йоваъилла Дибола асгьабла̄с!
40Амма Иса гьоглол жаваб нилӀийо:
– До нисос мизохъа: гьолло гьокӀа йоваъилда, кьала̄ илӀелаба̄с.
Иса авараглис Иерусалимликьа йакӀо йугъос
41Иерусалим бега̄цо оᵸкъолъ, гьоглӀохъана говацӀона, Иса ийа̄йо шагьарбал зигарина богьна. 42Гьолцо нисойо:
– Вай Иерусалим! Дул жейсадана йикъешкъода̄ рекъеллил йаццас жо! Амма жейса гьули дибола гьаьйда̄л йега̄ъас. 43Дибола тушмалла̄ дӯгъой со̄ᵸ хъарандийа йоьᵸватӀош, ми оьᵸкъонда̄кьа балӀо бохна дӯкьа кьодо тушмалла гугьцас водбо йоᵸвакъос. 44Вагьалло водла̄ъ ми талавур бовас, дибо аьдамлана гъурзи бовас, кьалкьа гулло кьалона гьихлъеэшла гьаьллъилакьа бугъолас ми, судлӀо нисода Аллагьли ми хъосар бовал мокъолло мех дул бикъаъалъ.
Иса Аллагьлила билӀоъос базаргалла гиса бовацӀийо
45Бета Аллагьлила билӀоъна эᵸдокна, гьулиъ йиᵸсо-хуьжона даран-базай йогьцаса аьдамла Иса гиса бовацӀал уьᵸхолъийо. 46Гьолцо гьоллохъа нисойо:
– ТӀекликьа чахна гей: «Дие билӀо – как-динлис билӀо йахъца». Амма мижелӀо нисода гьули къачагъла̄ла къоьчӀол йуьᵸхонна гей.
47Иса водиъ Аллагьлила билӀоъ аьдамла̄л ваъза бо̄с зукъойо. Амма букъа̄ кашишла̄на, диниябла аьлимла̄на, гьула̄зу гьаькимла̄на жигар багъос зукъойо Гьули икьал гьоᵸс санаъат михъолал. 48Гьоллохъа гьоьшшона йогьна йахъаъас зукъона гей, судлӀо нисода къацӀцӀо халкъ Исагъой со̄ᵸ къацӀобакна бовачечӀе Гьолцохъа энекзи бахъна бечена зукъолъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)