1 Kōrinto 8
8
Te kai tūtia ki te ꞌītoro
1ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua. 2Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia. 3ꞌE te kope kī e te ꞌAtua ꞌāꞌana, he kope haŋa rahi ki a ia.
4ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua. 5Ki te kī o te nuꞌu taꞌe ꞌite ko ai te ꞌAtua parautiꞌa mau meꞌe rahi nō atu ꞌatua ꞌe pūꞌoko haka tere ꞌi te raŋi ꞌe ꞌi ruŋa i te henua. 6ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.
He haka tere iŋa hai haŋa
7Te ꞌati nō, tētahi o tātou kai aŋi-aŋi riva-riva ꞌana ꞌina he pūai o te ꞌītoro o ruŋa i a tātou, ꞌi te meꞌe era ꞌi muꞌa ꞌā e haꞌamuri rō ꞌana e rāua. ꞌE hora nei, mo kai i te kai tūtia ki te ꞌītoro, he manaꞌu ko hara ꞌana a rāua. 8ꞌE a tātou ko ꞌite ꞌā: taꞌe hai kai ꞌo hai taꞌe kai i te meꞌe e tahi e tano nei a tātou ki te mata o te ꞌAtua; mo kai, ꞌina he ꞌati; ꞌe mo taꞌe kai, pē ira takoꞌa ꞌana.
9ꞌIna ko ai hai ꞌite o kōrua ꞌina e tahi meꞌe taꞌe haꞌatiꞌa e te ꞌAtua mo kai, he viri tuꞌu taina taꞌe aŋi-aŋi riva-riva i te meꞌe o te ꞌAtua ki roto i te hara. 10Pē nei te auraꞌa: mo ai o te taina taꞌe aŋi-aŋi riva-riva i te meꞌe o te ꞌAtua he takeꞌa i a koe e kai ꞌana i te kai tūtia ki te ꞌītoro, ¿e ko taꞌe pohe mau hō rā taina mo kai takoꞌa tāꞌana? 11Pē ira, hai ꞌite era ōꞌou tuꞌu taina ka taꞌe haka moe haka ꞌou era i tōꞌona manaꞌu ꞌi ruŋa i a Ietū mate takoꞌa era mōꞌona. 12Mo aŋa o tātou i te meꞌe taꞌe tano tuꞌu pē nei ki te tātou taina, e hara ꞌā tātou ki a Ietū. 13ꞌO ira, mo ai tāꞌue hai kai ōꞌoku i te kiko ana taꞌe haka moe haka ꞌou tōꞌoku taina i tōꞌona manaꞌu ꞌi ruŋa i a Ietū, ꞌina ia a au e ko kai haka ꞌou.
Currently Selected:
1 Kōrinto 8: rap
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
1 Kōrinto 8
8
Te kai tūtia ki te ꞌītoro
1ꞌĪ a au he vānaŋa atu o ruŋa i te ꞌui era o kōrua o te kai tūtia ki te ꞌītoro. Taꞌatoꞌa o tātou e ꞌite rō ꞌā ꞌina e tahi pūai o te ꞌītoro ꞌi ruŋa i a tātou. Ka ai atu pē ira, ka haka topa te manaꞌu: mo haka tere o tātou hai ꞌite, he manaꞌu tātou i hau rō atu tātou ki te rua. ꞌE, mo haka tere hai haŋa, he aŋa tātou i te meꞌe riva-riva mo te rua. 2Te kope manaꞌu e ꞌite rahi rō ꞌana a ia o ruŋa i te meꞌe e tahi ꞌina kai aŋi-aŋi riva-riva i rā meꞌe pa he meꞌe haŋa e te ꞌAtua mo aŋi-aŋi e ia. 3ꞌE te kope kī e te ꞌAtua ꞌāꞌana, he kope haŋa rahi ki a ia.
4ꞌE te meꞌe ena he kai i te kai tūtia ki te ꞌītoro, e ꞌite rō ꞌana e tātou: te ꞌītoro taꞌe he ꞌatua parautiꞌa, ꞌe e ꞌite takoꞌa rō ꞌana: e tahi mau nō ꞌAtua. 5Ki te kī o te nuꞌu taꞌe ꞌite ko ai te ꞌAtua parautiꞌa mau meꞌe rahi nō atu ꞌatua ꞌe pūꞌoko haka tere ꞌi te raŋi ꞌe ꞌi ruŋa i te henua. 6ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.
He haka tere iŋa hai haŋa
7Te ꞌati nō, tētahi o tātou kai aŋi-aŋi riva-riva ꞌana ꞌina he pūai o te ꞌītoro o ruŋa i a tātou, ꞌi te meꞌe era ꞌi muꞌa ꞌā e haꞌamuri rō ꞌana e rāua. ꞌE hora nei, mo kai i te kai tūtia ki te ꞌītoro, he manaꞌu ko hara ꞌana a rāua. 8ꞌE a tātou ko ꞌite ꞌā: taꞌe hai kai ꞌo hai taꞌe kai i te meꞌe e tahi e tano nei a tātou ki te mata o te ꞌAtua; mo kai, ꞌina he ꞌati; ꞌe mo taꞌe kai, pē ira takoꞌa ꞌana.
9ꞌIna ko ai hai ꞌite o kōrua ꞌina e tahi meꞌe taꞌe haꞌatiꞌa e te ꞌAtua mo kai, he viri tuꞌu taina taꞌe aŋi-aŋi riva-riva i te meꞌe o te ꞌAtua ki roto i te hara. 10Pē nei te auraꞌa: mo ai o te taina taꞌe aŋi-aŋi riva-riva i te meꞌe o te ꞌAtua he takeꞌa i a koe e kai ꞌana i te kai tūtia ki te ꞌītoro, ¿e ko taꞌe pohe mau hō rā taina mo kai takoꞌa tāꞌana? 11Pē ira, hai ꞌite era ōꞌou tuꞌu taina ka taꞌe haka moe haka ꞌou era i tōꞌona manaꞌu ꞌi ruŋa i a Ietū mate takoꞌa era mōꞌona. 12Mo aŋa o tātou i te meꞌe taꞌe tano tuꞌu pē nei ki te tātou taina, e hara ꞌā tātou ki a Ietū. 13ꞌO ira, mo ai tāꞌue hai kai ōꞌoku i te kiko ana taꞌe haka moe haka ꞌou tōꞌoku taina i tōꞌona manaꞌu ꞌi ruŋa i a Ietū, ꞌina ia a au e ko kai haka ꞌou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.