1 Kōrinto 15
15
Te ora iŋa mai o Ietū mai te mate
1Hora nei, e te taina ē, e haŋa rō ꞌana a au mo manaꞌu o kōrua ki te ⌊roŋo riva-riva o te ꞌAtua⌋ haka ꞌite atu e au, maꞌu hio-hio e kōrua ꞌi roto i te kōrua māhatu. 2Hai roŋo nei i eꞌa ai kōrua mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua, ana maꞌu hio-hio kōrua pa he meꞌe haka ꞌite atu era e au. Mo taꞌe ai pē ira, ꞌina e tahi hauhaꞌa o te haka moe iŋa ena o kōrua i te manaꞌu ꞌi ruŋa i a Ietū.
3Te roŋo raꞌe i hāpī atu e au he meꞌe haka ꞌite mai: a Ietū Kiritō i mate ai mo te tātou hara, pe he meꞌe hāꞌaki ꞌi ruŋa i te ⌊Pāpaꞌi Moꞌa⌋; 4he tanu ꞌe, ꞌi te toru mahana, he ora haka ꞌou mai te mate, pe he meꞌe hāꞌaki takoꞌa ꞌi ruŋa i te Pāpaꞌi Moꞌa; 5ꞌe i haka takeꞌa rō i a ia ki a Pētero ꞌe ki oti ki te hoꞌe ꞌahuru mā piti ⌊ꞌāpōtoro⌋. 6I haka takeꞌa takoꞌa rō i a ia ki te nuꞌu ꞌata rahi ki te pae hānere e taka-taka rō ꞌā, he nuꞌu ⌊haka moe i te manaꞌu⌋ ꞌi ruŋa i a ia. Te rahi raꞌa o rā ŋā nuꞌu ko te ora iŋa ꞌana ꞌātā ki te hora nei ꞌe tētahi ko mā-mate ꞌā. 7He haka takeꞌa i a ia ki a ⌊Tanatiako⌋, ꞌe ki oti he haka takeꞌa haka ꞌou ki te nuꞌu ꞌāpōtoro taꞌatoꞌa. 8I hopeꞌa i haka takeꞌa mai ai ki a au, ka ai atu ko rahi atu ꞌā te ꞌāvaꞌe a tuꞌa o te haka takeꞌa i a ia ki te tētahi atu ꞌāpōtoro, ꞌe i haka moe era a au i tōꞌoku manaꞌu ꞌi ruŋa i a ia, i tuꞌu rō pa he nono e tahi, pa he poki haka poreko kai tano ꞌā te ꞌāvaꞌe.
9E kī atu ena a au i te meꞌe nei ꞌo te ai he kope hopeꞌa o te taꞌe hōnui a au o roto i te ꞌāpōtoro, ꞌātā e ko tano mo raŋi mai he ꞌāpōtoro ꞌi te tute ōꞌoku i te nūnaꞌa taŋata haka moe i te manaꞌu ꞌi ruŋa i a Ietū mo tōtōā. 10ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era. 11Taꞌe he meꞌe hauhaꞌa te kope haka ꞌite atu, ka ai atu ko au ꞌo he tētahi ꞌāpōtoro. Te meꞌe hauhaꞌa ko rā roŋo mau era ꞌā o ruŋa i a Ietū, he meꞌe haka ꞌite oho e mātou taꞌatoꞌa, ꞌe he meꞌe o ruŋa kōrua e haka moe ena i te manaꞌu.
Te ora iŋa mai te mate
12ꞌE mo ai te meꞌe hāpī o mātou pē nei ē: ko ora ꞌā a Ietū Kiritō mai te mate, ¿he aha ia tētahi o kōrua e kī ena: te nuꞌu mate e ko ora haka ꞌou? 13Mo ai ꞌina he ora haka ꞌou te nuꞌu mate, ꞌina takoꞌa ia te ⌊Kiritō⌋ kai ora haka ꞌou mai. 14ꞌE mo ai ꞌina he Kiritō kai ora mai, te meꞌe haka ꞌite e mātou ꞌina e tahi hauhaꞌa, ꞌina takoꞌa e tahi hauhaꞌa o te haka moe iŋa o te kōrua manaꞌu ꞌi ruŋa i a ia, 15ꞌe he riro mātou he mataꞌite reo-reo o te ꞌAtua. Ko kī ꞌana, paꞌi, a mātou ko haka ora ꞌana e ia i a Ietū mai te mate. ꞌE mo ai ꞌina te nuꞌu mate he ora haka ꞌou, taꞌe takoꞌa ia he parautiꞌa ko haka ora ꞌana e te ꞌAtua i te Kiritō.
16Mo ai ꞌina he nuꞌu he ora haka ꞌou mai te mate, ꞌina takoꞌa ia te Kiritō kai ora mai. 17ꞌE mo ai ꞌina he Kiritō kai ora mai, te haka moe iŋa ena o te kōrua manaꞌu ꞌi ruŋa i a ia ꞌina e tahi hauhaꞌa, te kōrua hara ko te ai iŋa ꞌana, 18ꞌe te nuꞌu mate haka moe i te manaꞌu ꞌi ruŋa i te Kiritō e ko eꞌa mai roto i te ūtuꞌa o te hara ꞌe e ko ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. 19ꞌE mo ai mo te ao nō nei e ŋatu ena te tātou haŋu ꞌi ruŋa i te Kiritō, he haka ꞌaroha mau nō ia te meꞌe mo tātou.
20ꞌE te parautiꞌa, te Kiritō ko ora ꞌā mai te mate. A ia he raꞌe o te meꞌe mo kato, te auraꞌa, he kope raꞌe mo ora mai te mate. 21Pa he ai iŋa o te mate hai taŋata mau nō e tahi, pē ira takoꞌa ꞌana hai taŋata mau nō e tahi ka ai ena te ora iŋa mai te mate. 22Te auraꞌa: hai ⌊ꞌĀtamu⌋ te taŋata taꞌatoꞌa e mate ena, ꞌe hai Ietū Kiritō ka ora ena mai te mate, 23ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana. 24-25Ki oti he tuꞌu mai te hora hopeꞌa o te ao nei, hora ka haka tere ena e te Kiritō ꞌe ka haka kore ena i te pūai o te meꞌe taꞌatoꞌa taꞌe takeꞌa taꞌe haŋa ki a ia haka tere i te ao nei, ꞌātā ka haka hēpiꞌi tahi rō i a rāua ꞌi raro i tōꞌona vaꞌe. ꞌAi era ka vaꞌai iho i te ao nei ki te ꞌAtua Matuꞌa mo haka tere e ia. 26ꞌE te meꞌe hopeꞌa ka haka kore ena he mate.
27E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: te ꞌAtua ko haka rē ꞌana i te meꞌe taꞌatoꞌa mo te Kiritō e haka tere. ꞌE ko ꞌite ꞌā e tātou: te meꞌe taꞌe haka tere mau nō e ia he ꞌAtua; ꞌāꞌana, paꞌi, i vaꞌai i te parau mo haka tere i te meꞌe taꞌatoꞌa. 28ꞌE ki haka tere a Ietū Kiritō, te Poki, i te meꞌe taꞌatoꞌa, ꞌi rā hora, māꞌana mau ꞌā e haka rē i a ia mo te ꞌAtua e haka tere, he kope ꞌāꞌana i vaꞌai ki a ia i te parau mo haka tere. Pē ira te ꞌAtua ka haka tere iho ena i te meꞌe taꞌatoꞌa.
29Ki manaꞌu haka ꞌou rā tātou i te ora iŋa o te nuꞌu mai te mate. Mo ai taꞌe he parautiꞌa, ¿he aha ia te nuꞌu e haka ⌊papatito⌋ ena i a rāua mo te rāua nuꞌu mate? Mo ai, paꞌi, ꞌina he ora te nuꞌu mai te mate, ꞌina e ko aŋa i te meꞌe era. 30ꞌE a mātou mau nei ꞌā, ¿he aha e haꞌaoromaꞌi e oho nei, paurō te mahana, i te ꞌati mo taꞌe ai he ora haka ꞌou te taŋata mai te mate?
31E te taina, paurō te mahana e oho nei a au mo mate ꞌi te rima o te nuꞌu taꞌe haŋa ki te ꞌAtua. Te meꞌe nei he parautiꞌa pa he parautiꞌa mau ena ꞌā o te koa ꞌi roto i a au ꞌo te ai o kōrua ꞌa Ietū Kiritō, Pūꞌoko Haka Tere o tātou. 32ꞌE mo ai he parautiꞌa ꞌina he nuꞌu he ora haka ꞌou mai te mate, ¿e ai rō hō te manaꞌu o te ao nei tano mo haka moto i a au ki te nuꞌu o Ēfeto tuꞌu pa he ꞌanimare taehae pa he meꞌe aŋa e au? Mo taꞌe ora ia o te nuꞌu mai te mate, i hau ꞌi te riva mo aŋa o tātou pa he meꞌe kī e te nuꞌu: «¡Ki kai, ki unu; āpō, he mate ꞌe he oti mau rō ꞌai!».
33ꞌIna kōrua ko haka rē mo reo-reo atu e te rua. Pa he vānaŋa kī e te kope e tahi: «Te hokorua aŋa i te meꞌe taꞌe tano he haka riro i a koe pē ia takoꞌa». 34E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.
Pē hē ka ora haka ꞌou ena te taŋata mai te mate
35E ꞌui rō pēaha te kope e tahi: «¿Pē hē te taŋata ka ora haka ꞌou ena mai te mate? ꞌE ¿pē hē te huru o tōꞌona hakari ka ai era?». 36Te kope ꞌui tāꞌue pē ira ꞌina kai haka topa i te manaꞌu. E manaꞌu kōrua he aha te meꞌe topa ki te karu e ꞌoka ena: e ko tupu mo taꞌe kōpiro ꞌe mo taꞌe ŋaꞌaha ꞌi raꞌe te haho. 37Te karu, ka ai atu he karu tariko ꞌo he tētahi atu karu, e ai rō ꞌā tōꞌona huru, ꞌe te meꞌe tupu mai roto i te karu taꞌe he huru karu toe. 38Te huru o te tumu e tupu ena o te ꞌAtua te vaꞌai, ꞌe huru kē huru kē e tupu ena mai te rauhuru o te karu.
39Pē ira takoꞌa ꞌā te huru o te tētahi meꞌe aŋa e te ꞌAtua. Taꞌe taꞌatoꞌa pē tū huru tahi ꞌā; e ai rō ꞌā te huru o te taŋata, o te ꞌanimare, o te manu ꞌe o te ika. 40Meꞌe rahi nō atu huru o te meꞌe i aŋa e te ꞌAtua ꞌi te raŋi ꞌe ꞌi ruŋa i te henua, ꞌe te nehe-nehe o te ŋā meꞌe nei, taꞌe pē tū huru tahi ꞌana. Te nehe-nehe o te meꞌe o ruŋa i te raŋi taꞌe pa he nehe-nehe o te meꞌe o ruŋa i te henua. 41Te māꞌeha iŋa o te raꞌā taꞌe pa he māꞌeha iŋa o te māhina ꞌe o te hetuꞌu. ꞌE te pura-pura iŋa o te hetuꞌu taꞌe pē tū huru tahi ꞌā.
42Pē ira takoꞌa ꞌana te hakari o tātou o te hora nei taꞌe pa he hakari ka ora ena mai te mate ꞌo te ai te hakari nei he mate ꞌe he piro. ꞌE te hakari ora mai te mate ꞌina e ko mate ki te hora hopeꞌa. 43Te hakari mate o te hora nei he meꞌe rake-rake ꞌe ꞌina e tahi pūai. ꞌE te hakari ora mai te mate meꞌe nehe-nehe ꞌe pūai. 44Te hakari mate o te hora nei, he hakari tano mo noho ꞌi te ao nei. ꞌE te hakari ora mai te mate he hakari tano mo noho ꞌi te raŋi. ꞌE mo ai o te hakari tano mo te ao nei, he ai takoꞌa ia te hakari tano mo te raŋi.
45Pē nei e hāꞌaki ena ꞌi ruŋa i te Pāpaꞌi Moꞌa: «Ki te taŋata raꞌe era ko ꞌĀtamu i vaꞌai ai e te ꞌAtua i te ora ki tōꞌona hakari mo noho ꞌi te ao nei»; ꞌe ki a ꞌĀtamu hopeꞌa ena, ko Ietū Kiritō, i vaꞌai ai i te parau mo vaꞌai i te ora ꞌāpī ꞌina he hopeꞌa raꞌa mo noho ꞌi te raŋi. 46Te ora ꞌāpī mo noho ꞌi te raŋi taꞌe he meꞌe raꞌe. Te meꞌe raꞌe he ora mo noho ꞌi te ao nei, ꞌe ki oti te ora ꞌāpī mo noho ꞌi te raŋi. 47Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi. 48Te hakari o te taŋata o te ao nei pa he hakari o te taŋata aŋa era hai ꞌōꞌone. ꞌE te hakari o te nuꞌu ka noho ena ꞌi te raŋi pa he hakari o te taŋata era o te raŋi. 49ꞌE pa he tuꞌu iŋa nei o tātou pa he taŋata aŋa era hai ꞌōꞌone, pē ira takoꞌa ꞌana ka tuꞌu ena a tātou pa he kope era o te raŋi.
50Te kī, e te taina ē: te hakari mate nei o tātou e ko tano ꞌi te ao haka tere e te ꞌAtua, he kona taꞌe ai o te mate. 51ꞌE, ꞌī a au he vānaŋa atu o ruŋa i te meꞌe manaꞌu e te ꞌAtua mo aŋa taꞌe haka ꞌite mai e ia ꞌi muꞌa ꞌā: e ko mate taꞌatoꞌa tātou te nuꞌu haka moe i te manaꞌu ꞌi ruŋa i a Ietū; nā e tuꞌu rō te mahana te hakari mate nei o tātou he riro he hakari taꞌe mate. 52Te meꞌe nei ka topa ena ꞌi te hora o te puhi iŋa hopeꞌa o te koneta, ꞌe te hōrou pa he mine iŋa ena ꞌā o te mata. He puhi te koneta, te nuꞌu mate he ora tahi mai, ꞌe ꞌina e ko mate haka ꞌou. ꞌE a tātou te nuꞌu ora o rā hora, he mono te hakari, 53ꞌi te meꞌe era te hakari mate nei o tātou o te hora nei e riro rō he hakari ꞌina e ko mate ki te hora hopeꞌa. 54Ki topa te meꞌe nei, he tano te meꞌe hāꞌaki ꞌi ruŋa i te Pāpaꞌi Moꞌa pē nei ē:
«E ko ai haka ꞌou te mate,
ko haka kore ꞌana e te ꞌAtua».
55ꞌO ira e tano nō tātou mo kī:
«E te Mate, ¿e rē mau rō mai koe?
¿E ai mau nō ꞌā tuꞌu pūai ꞌi ruŋa i a mātou?».
56Te pūai o te mate mai te hara e ai ena, ꞌe te hara e pūai ena he taꞌe haꞌatura ki te roŋo o te ꞌAtua. 57E te taina, ¡ki māuru-uru tātou ki te ꞌAtua ꞌo te vaꞌai mai i te pūai mo rē ki te hara ꞌe ki te mate hai meꞌe aŋa era e Ietū Kiritō, he Pūꞌoko Haka Tere o tātou!
58Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.
Currently Selected:
1 Kōrinto 15: rap
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
1 Kōrinto 15
15
Te ora iŋa mai o Ietū mai te mate
1Hora nei, e te taina ē, e haŋa rō ꞌana a au mo manaꞌu o kōrua ki te ⌊roŋo riva-riva o te ꞌAtua⌋ haka ꞌite atu e au, maꞌu hio-hio e kōrua ꞌi roto i te kōrua māhatu. 2Hai roŋo nei i eꞌa ai kōrua mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua, ana maꞌu hio-hio kōrua pa he meꞌe haka ꞌite atu era e au. Mo taꞌe ai pē ira, ꞌina e tahi hauhaꞌa o te haka moe iŋa ena o kōrua i te manaꞌu ꞌi ruŋa i a Ietū.
3Te roŋo raꞌe i hāpī atu e au he meꞌe haka ꞌite mai: a Ietū Kiritō i mate ai mo te tātou hara, pe he meꞌe hāꞌaki ꞌi ruŋa i te ⌊Pāpaꞌi Moꞌa⌋; 4he tanu ꞌe, ꞌi te toru mahana, he ora haka ꞌou mai te mate, pe he meꞌe hāꞌaki takoꞌa ꞌi ruŋa i te Pāpaꞌi Moꞌa; 5ꞌe i haka takeꞌa rō i a ia ki a Pētero ꞌe ki oti ki te hoꞌe ꞌahuru mā piti ⌊ꞌāpōtoro⌋. 6I haka takeꞌa takoꞌa rō i a ia ki te nuꞌu ꞌata rahi ki te pae hānere e taka-taka rō ꞌā, he nuꞌu ⌊haka moe i te manaꞌu⌋ ꞌi ruŋa i a ia. Te rahi raꞌa o rā ŋā nuꞌu ko te ora iŋa ꞌana ꞌātā ki te hora nei ꞌe tētahi ko mā-mate ꞌā. 7He haka takeꞌa i a ia ki a ⌊Tanatiako⌋, ꞌe ki oti he haka takeꞌa haka ꞌou ki te nuꞌu ꞌāpōtoro taꞌatoꞌa. 8I hopeꞌa i haka takeꞌa mai ai ki a au, ka ai atu ko rahi atu ꞌā te ꞌāvaꞌe a tuꞌa o te haka takeꞌa i a ia ki te tētahi atu ꞌāpōtoro, ꞌe i haka moe era a au i tōꞌoku manaꞌu ꞌi ruŋa i a ia, i tuꞌu rō pa he nono e tahi, pa he poki haka poreko kai tano ꞌā te ꞌāvaꞌe.
9E kī atu ena a au i te meꞌe nei ꞌo te ai he kope hopeꞌa o te taꞌe hōnui a au o roto i te ꞌāpōtoro, ꞌātā e ko tano mo raŋi mai he ꞌāpōtoro ꞌi te tute ōꞌoku i te nūnaꞌa taŋata haka moe i te manaꞌu ꞌi ruŋa i a Ietū mo tōtōā. 10ꞌE, hai riva rahi o te ꞌAtua e tuꞌu nei a au pē nei, ꞌe ꞌina kai taꞌe hauhaꞌa rā riva rahi era ōꞌona. Te parautiꞌa, ꞌata hau tōꞌoku aŋa ki te tētahi ꞌāpōtoro, ka ai atu, taꞌe ko au mau ꞌā rā meꞌe, he ꞌAtua, ꞌi tōꞌona riva rahi, e hāꞌūꞌū mai era. 11Taꞌe he meꞌe hauhaꞌa te kope haka ꞌite atu, ka ai atu ko au ꞌo he tētahi ꞌāpōtoro. Te meꞌe hauhaꞌa ko rā roŋo mau era ꞌā o ruŋa i a Ietū, he meꞌe haka ꞌite oho e mātou taꞌatoꞌa, ꞌe he meꞌe o ruŋa kōrua e haka moe ena i te manaꞌu.
Te ora iŋa mai te mate
12ꞌE mo ai te meꞌe hāpī o mātou pē nei ē: ko ora ꞌā a Ietū Kiritō mai te mate, ¿he aha ia tētahi o kōrua e kī ena: te nuꞌu mate e ko ora haka ꞌou? 13Mo ai ꞌina he ora haka ꞌou te nuꞌu mate, ꞌina takoꞌa ia te ⌊Kiritō⌋ kai ora haka ꞌou mai. 14ꞌE mo ai ꞌina he Kiritō kai ora mai, te meꞌe haka ꞌite e mātou ꞌina e tahi hauhaꞌa, ꞌina takoꞌa e tahi hauhaꞌa o te haka moe iŋa o te kōrua manaꞌu ꞌi ruŋa i a ia, 15ꞌe he riro mātou he mataꞌite reo-reo o te ꞌAtua. Ko kī ꞌana, paꞌi, a mātou ko haka ora ꞌana e ia i a Ietū mai te mate. ꞌE mo ai ꞌina te nuꞌu mate he ora haka ꞌou, taꞌe takoꞌa ia he parautiꞌa ko haka ora ꞌana e te ꞌAtua i te Kiritō.
16Mo ai ꞌina he nuꞌu he ora haka ꞌou mai te mate, ꞌina takoꞌa ia te Kiritō kai ora mai. 17ꞌE mo ai ꞌina he Kiritō kai ora mai, te haka moe iŋa ena o te kōrua manaꞌu ꞌi ruŋa i a ia ꞌina e tahi hauhaꞌa, te kōrua hara ko te ai iŋa ꞌana, 18ꞌe te nuꞌu mate haka moe i te manaꞌu ꞌi ruŋa i te Kiritō e ko eꞌa mai roto i te ūtuꞌa o te hara ꞌe e ko ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. 19ꞌE mo ai mo te ao nō nei e ŋatu ena te tātou haŋu ꞌi ruŋa i te Kiritō, he haka ꞌaroha mau nō ia te meꞌe mo tātou.
20ꞌE te parautiꞌa, te Kiritō ko ora ꞌā mai te mate. A ia he raꞌe o te meꞌe mo kato, te auraꞌa, he kope raꞌe mo ora mai te mate. 21Pa he ai iŋa o te mate hai taŋata mau nō e tahi, pē ira takoꞌa ꞌana hai taŋata mau nō e tahi ka ai ena te ora iŋa mai te mate. 22Te auraꞌa: hai ⌊ꞌĀtamu⌋ te taŋata taꞌatoꞌa e mate ena, ꞌe hai Ietū Kiritō ka ora ena mai te mate, 23ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana. 24-25Ki oti he tuꞌu mai te hora hopeꞌa o te ao nei, hora ka haka tere ena e te Kiritō ꞌe ka haka kore ena i te pūai o te meꞌe taꞌatoꞌa taꞌe takeꞌa taꞌe haŋa ki a ia haka tere i te ao nei, ꞌātā ka haka hēpiꞌi tahi rō i a rāua ꞌi raro i tōꞌona vaꞌe. ꞌAi era ka vaꞌai iho i te ao nei ki te ꞌAtua Matuꞌa mo haka tere e ia. 26ꞌE te meꞌe hopeꞌa ka haka kore ena he mate.
27E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: te ꞌAtua ko haka rē ꞌana i te meꞌe taꞌatoꞌa mo te Kiritō e haka tere. ꞌE ko ꞌite ꞌā e tātou: te meꞌe taꞌe haka tere mau nō e ia he ꞌAtua; ꞌāꞌana, paꞌi, i vaꞌai i te parau mo haka tere i te meꞌe taꞌatoꞌa. 28ꞌE ki haka tere a Ietū Kiritō, te Poki, i te meꞌe taꞌatoꞌa, ꞌi rā hora, māꞌana mau ꞌā e haka rē i a ia mo te ꞌAtua e haka tere, he kope ꞌāꞌana i vaꞌai ki a ia i te parau mo haka tere. Pē ira te ꞌAtua ka haka tere iho ena i te meꞌe taꞌatoꞌa.
29Ki manaꞌu haka ꞌou rā tātou i te ora iŋa o te nuꞌu mai te mate. Mo ai taꞌe he parautiꞌa, ¿he aha ia te nuꞌu e haka ⌊papatito⌋ ena i a rāua mo te rāua nuꞌu mate? Mo ai, paꞌi, ꞌina he ora te nuꞌu mai te mate, ꞌina e ko aŋa i te meꞌe era. 30ꞌE a mātou mau nei ꞌā, ¿he aha e haꞌaoromaꞌi e oho nei, paurō te mahana, i te ꞌati mo taꞌe ai he ora haka ꞌou te taŋata mai te mate?
31E te taina, paurō te mahana e oho nei a au mo mate ꞌi te rima o te nuꞌu taꞌe haŋa ki te ꞌAtua. Te meꞌe nei he parautiꞌa pa he parautiꞌa mau ena ꞌā o te koa ꞌi roto i a au ꞌo te ai o kōrua ꞌa Ietū Kiritō, Pūꞌoko Haka Tere o tātou. 32ꞌE mo ai he parautiꞌa ꞌina he nuꞌu he ora haka ꞌou mai te mate, ¿e ai rō hō te manaꞌu o te ao nei tano mo haka moto i a au ki te nuꞌu o Ēfeto tuꞌu pa he ꞌanimare taehae pa he meꞌe aŋa e au? Mo taꞌe ora ia o te nuꞌu mai te mate, i hau ꞌi te riva mo aŋa o tātou pa he meꞌe kī e te nuꞌu: «¡Ki kai, ki unu; āpō, he mate ꞌe he oti mau rō ꞌai!».
33ꞌIna kōrua ko haka rē mo reo-reo atu e te rua. Pa he vānaŋa kī e te kope e tahi: «Te hokorua aŋa i te meꞌe taꞌe tano he haka riro i a koe pē ia takoꞌa». 34E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.
Pē hē ka ora haka ꞌou ena te taŋata mai te mate
35E ꞌui rō pēaha te kope e tahi: «¿Pē hē te taŋata ka ora haka ꞌou ena mai te mate? ꞌE ¿pē hē te huru o tōꞌona hakari ka ai era?». 36Te kope ꞌui tāꞌue pē ira ꞌina kai haka topa i te manaꞌu. E manaꞌu kōrua he aha te meꞌe topa ki te karu e ꞌoka ena: e ko tupu mo taꞌe kōpiro ꞌe mo taꞌe ŋaꞌaha ꞌi raꞌe te haho. 37Te karu, ka ai atu he karu tariko ꞌo he tētahi atu karu, e ai rō ꞌā tōꞌona huru, ꞌe te meꞌe tupu mai roto i te karu taꞌe he huru karu toe. 38Te huru o te tumu e tupu ena o te ꞌAtua te vaꞌai, ꞌe huru kē huru kē e tupu ena mai te rauhuru o te karu.
39Pē ira takoꞌa ꞌā te huru o te tētahi meꞌe aŋa e te ꞌAtua. Taꞌe taꞌatoꞌa pē tū huru tahi ꞌā; e ai rō ꞌā te huru o te taŋata, o te ꞌanimare, o te manu ꞌe o te ika. 40Meꞌe rahi nō atu huru o te meꞌe i aŋa e te ꞌAtua ꞌi te raŋi ꞌe ꞌi ruŋa i te henua, ꞌe te nehe-nehe o te ŋā meꞌe nei, taꞌe pē tū huru tahi ꞌana. Te nehe-nehe o te meꞌe o ruŋa i te raŋi taꞌe pa he nehe-nehe o te meꞌe o ruŋa i te henua. 41Te māꞌeha iŋa o te raꞌā taꞌe pa he māꞌeha iŋa o te māhina ꞌe o te hetuꞌu. ꞌE te pura-pura iŋa o te hetuꞌu taꞌe pē tū huru tahi ꞌā.
42Pē ira takoꞌa ꞌana te hakari o tātou o te hora nei taꞌe pa he hakari ka ora ena mai te mate ꞌo te ai te hakari nei he mate ꞌe he piro. ꞌE te hakari ora mai te mate ꞌina e ko mate ki te hora hopeꞌa. 43Te hakari mate o te hora nei he meꞌe rake-rake ꞌe ꞌina e tahi pūai. ꞌE te hakari ora mai te mate meꞌe nehe-nehe ꞌe pūai. 44Te hakari mate o te hora nei, he hakari tano mo noho ꞌi te ao nei. ꞌE te hakari ora mai te mate he hakari tano mo noho ꞌi te raŋi. ꞌE mo ai o te hakari tano mo te ao nei, he ai takoꞌa ia te hakari tano mo te raŋi.
45Pē nei e hāꞌaki ena ꞌi ruŋa i te Pāpaꞌi Moꞌa: «Ki te taŋata raꞌe era ko ꞌĀtamu i vaꞌai ai e te ꞌAtua i te ora ki tōꞌona hakari mo noho ꞌi te ao nei»; ꞌe ki a ꞌĀtamu hopeꞌa ena, ko Ietū Kiritō, i vaꞌai ai i te parau mo vaꞌai i te ora ꞌāpī ꞌina he hopeꞌa raꞌa mo noho ꞌi te raŋi. 46Te ora ꞌāpī mo noho ꞌi te raŋi taꞌe he meꞌe raꞌe. Te meꞌe raꞌe he ora mo noho ꞌi te ao nei, ꞌe ki oti te ora ꞌāpī mo noho ꞌi te raŋi. 47Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi. 48Te hakari o te taŋata o te ao nei pa he hakari o te taŋata aŋa era hai ꞌōꞌone. ꞌE te hakari o te nuꞌu ka noho ena ꞌi te raŋi pa he hakari o te taŋata era o te raŋi. 49ꞌE pa he tuꞌu iŋa nei o tātou pa he taŋata aŋa era hai ꞌōꞌone, pē ira takoꞌa ꞌana ka tuꞌu ena a tātou pa he kope era o te raŋi.
50Te kī, e te taina ē: te hakari mate nei o tātou e ko tano ꞌi te ao haka tere e te ꞌAtua, he kona taꞌe ai o te mate. 51ꞌE, ꞌī a au he vānaŋa atu o ruŋa i te meꞌe manaꞌu e te ꞌAtua mo aŋa taꞌe haka ꞌite mai e ia ꞌi muꞌa ꞌā: e ko mate taꞌatoꞌa tātou te nuꞌu haka moe i te manaꞌu ꞌi ruŋa i a Ietū; nā e tuꞌu rō te mahana te hakari mate nei o tātou he riro he hakari taꞌe mate. 52Te meꞌe nei ka topa ena ꞌi te hora o te puhi iŋa hopeꞌa o te koneta, ꞌe te hōrou pa he mine iŋa ena ꞌā o te mata. He puhi te koneta, te nuꞌu mate he ora tahi mai, ꞌe ꞌina e ko mate haka ꞌou. ꞌE a tātou te nuꞌu ora o rā hora, he mono te hakari, 53ꞌi te meꞌe era te hakari mate nei o tātou o te hora nei e riro rō he hakari ꞌina e ko mate ki te hora hopeꞌa. 54Ki topa te meꞌe nei, he tano te meꞌe hāꞌaki ꞌi ruŋa i te Pāpaꞌi Moꞌa pē nei ē:
«E ko ai haka ꞌou te mate,
ko haka kore ꞌana e te ꞌAtua».
55ꞌO ira e tano nō tātou mo kī:
«E te Mate, ¿e rē mau rō mai koe?
¿E ai mau nō ꞌā tuꞌu pūai ꞌi ruŋa i a mātou?».
56Te pūai o te mate mai te hara e ai ena, ꞌe te hara e pūai ena he taꞌe haꞌatura ki te roŋo o te ꞌAtua. 57E te taina, ¡ki māuru-uru tātou ki te ꞌAtua ꞌo te vaꞌai mai i te pūai mo rē ki te hara ꞌe ki te mate hai meꞌe aŋa era e Ietū Kiritō, he Pūꞌoko Haka Tere o tātou!
58Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.