Roman 3
3
1Tsaʼnə a pənə lə, pɨ̀Jew tsàarə̀ pànə̀ nɨ ka pobə pə ghobə pɨ̀Jew amwuə zèrə àlàŋə? Kə̀ nɨ̀zə̀ərə̀ a ghobə a yèmpə̀ a ghobə nɨ àkə? 2A nkǔŋə nkuŋə, àpìi yè noʼnə a chyə̂ ghu amwuə ɨ̀làŋə pɨ̀noʼnə. Ntsàambyə̀ ànwùə̀ a pə lo Nẅùə̀ a lə̀ pyə̀ ŋŋâ àshwəŋnə̀ la ambo pobə. 3Pobə pɨ̀tse lə̀ pəla ngoŋə̀ a ghobə tɨ pə nɨ àpyiimə̀ ntɨŋmə̀ yi àkə lə̀ ghɨ̀rə̀? Pobə lə̀ pəla ghoŋə̀ a ghobə tɨ nùŋə̀ ntɨŋmə̀ a nɨ ghɨ̀rə̀ ànwùə̀ nɨ Nẅùə̀ à lə̀ shwəŋə̀nə, yi Nẅùə̀ ǎ ka ghɨ̀rə̀ e ànwùə̀ nɨ à lə̀ shwəŋə̀nə? 4Mbə̀ʼə a pə e a lenə apə̀. Pə̀ənə̀ zhyə̂ lo Nẅùə̀ a shwəŋə̀ la nkǔŋə nkuŋə mbaa pə tsaʼnə ŋwùə̀ mɨsoŋə a pənə ngàŋə̀ pɨ̀chwìrə̀. Tsaʼnə pɨ ŋwàʼnə̀nə amwuə àŋwàʼnə̀ Nẅùə̀ lo;
“Lenəla pobə zəənə̀ lo àshwəŋnə̀ o a nkǔŋə nkuŋə,
Nẅùə̀ a pə saʼà ɨ̀sàʼa o, wə̀ zɨghə̀ a ẅèrə.”
5La ɨ̀nwùə̀ tɨ̀pòŋə̀ ɨ̀pə̀ənə̀ tə mə nnèrə̀ tyìʼə̀ ɨ̀shìʼnə̀ lo mɨ̀nwùə̀ mɨ Nẅùə̀ təəmə̀, pə̀ənə̀ tyiʼə̀ shwəŋə̀ lə lo àkə? Lo ka Nẅùə̀ a kùʼnə̀ e a nɨ nèrə̀ àzaŋə̀ ntɨŋmə̀ e aŋunə pə̀ənə̀? (Ngwə̀ shwəŋə̀ lə tsaʼa ŋwùə̀ mɨsoŋə.) 6Mbə̀ʼə a pə e a lenə apə̀. A tə pəla mbə a lenə, yi mbə̀ʼə Nẅùə̀ a saʼà mɨ̀sàʼa mɨ pə̀ənə̀ àtwuə̀ ɨ̀shyə̂ ghə̀ lə la ghu?
7A tə pə lo nɨ̀ka pə mə̀ nɨ nkǔŋə nkuŋə à yèmpə̀ a nɨ nèrə̀ lo Nẅùə̀ a Nẅùə̀ nkǔŋə nkuŋə ghɨ̀rə̀ pànə̀ tyiʼə̀ nguʼtə̀ nɨ̀linə̀ ɨ̀tse, a tyiʼə̀ ngɨ̀rə̀ àkə lo Nẅùə̀ a chyâ ɨ̀sàʼa aŋunə mɨ̀ŋə̀ tsaʼa ŋònə̀ tɨ̀pòŋə̀? 8Mbə̀ʼə pə̀ənə̀ ka tyiʼə̀ shwəŋə̀ a wə̀ənə̀ lo pə̀ənə̀ tə ngɨ̀rə̀ a tɨ̀pòŋə̀ mbə̀ʼə mɨ̀nwùə̀ mɨ̀shìʼnə̀ tô? Pànə̀ pɨ̀tse pə ndzòomə̀ a wəə nshwəŋə̀ lo pəə pə nshwəŋə̀ tyìʼə̀ a lenə nkǔŋə nkuŋə. Lenəla, Nẅùə̀ à ghǎ chyâ ɨ̀sàʼa aŋunə pobə amwuə ndwuumə̀ nɨ ɨ kùʼnə̀nə.
Ka ŋònə̀ ɨ̀tse a pə e ghu nɨ ngɨ̀rə̀ mɨ̀nwùə̀ ɨ̀ze təəmə̀nə
9Lenəla, a tyiʼə̀ pə lə lo pə̀ənə̀ pɨ̀Jew pòŋə̀ ntsàarə̀ a pɨ̀tse pə̀ənə̀? A laʼa mbə e a lenə apə̀. Pəə pyə̀ mə nshwəŋə̀ lo pànə̀ pɨ̀tsùmə̀ chyə̂ la amwuə tɨ̀pòŋə̀, kə̀ pɨ̀Jew kə̀ pànə̀ nɨ ka pobə pə ghobə pɨ̀Jew. 10Pɨ ŋwàʼnə̀ amwuə àŋwàʼnə̀ Nẅùə̀ lo,
“Ka ŋònə̀ ɨ̀tse a pə e ghu nɨ mɨ̀nwùə̀ ɨ̀me təəmə̀nə. Tyìʼə̀ taʼà ka a pə e ghu.
11Ka ŋònə̀ ɨ̀tse a pə e ghu nɨ à zhyə̂nə ɨ̀nwùə̀ ɨ̀tsùmə̀. Ka ŋònə̀ ɨ̀tse a kɨ mbə e ghu nɨ a tàʼnə Nẅùə̀.
12Pànə̀ pɨ̀tsùmə̀ waʼà mə àlàŋə, ntyiʼə̀ mbwuutə̀ mbə àfǐfǐ;
Ka ŋònə̀ nɨ à ghɨ̀rə̀nə mɨ̀nwùə̀ mɨ̀shìʼnə̀ a pə e ghu. Ka tyìʼə̀ taʼà ŋwùə̀ a pə e ghu.
13Ɨ̀shwəŋnə̀ nɨ pèrə pa nfurə̀ a ntswùə̀ pobə pɨ̂ ka mɨ̀zùŋə; mbə pɨ̀chwìrə̀, nkɨ mbə tsaʼa ndyiʼə̀ nɨ ɨ̀ furə̀nə a ntswùə̀ ɨ̀nyoorə̀”
14“Mɨ̀ntswùə̀ ɨ̀mobə lẅenə̀ nɨ mɨ̀ndzòomə̀ pobə mɨ̀ndòonə̀.”
15“Pobə pa ndzàŋə̀ mbɨ̀ŋmə̀ a nɨ chyâ àlòʼo aŋunə ŋwùə̀ nkɨ nzhwuutə̀.
16Amwuə alyiʼə àtsùmə̀ nɨ pobə làŋə̀nə, pobə pa nchyâ ɨ̀lòʼo aŋunə pə̀ənə̀ ngɨ̀rə̀ pobə zəənə̀ ngəʼə̀.
17Ka pobə zhyə̂ a ghobə ndwuumə̀ nɨ mbə̀ʼə pobə ghɨ̀rə̀ mbə nɨ àporə̀porə̀ Nẅùə̀.”
18“Nkɨ ka kɨ pə a ghobə nɨ àkẅàrə̀ Nẅùə̀.”
19Tɨ̀tsòŋə̀ pə̀ənə̀ zhyə̂ lo ànwùə̀ za nɨ mbòomə à shwəŋə̀nə, à shwəŋə̀ la ambo pànə̀ pa nɨ pobə pənə a ɨ̀sùmə mbòomə, njiilo kò ŋònə̀ ɨ̀tse a pə e nɨ ànwùə̀ àtse a nɨ shwəŋə̀ a nɨ tàŋə̀ àtwuə̀ e, ntiinə ŋwùə̀ ntsùmə̀ àtwuə̀ ɨ̀shyə̂ ghə̀ a ghǎ təəmə̀ saʼà ɨ̀sàʼa e a mbyə̀ Nẅùə̀. 20Lenəla, ka ŋònə̀ ɨ̀tse a pə e ghu nɨ mɨ̀nwùə̀ ɨ̀me təəmə̀nə a mbyə̀ Nẅùə̀ ntiinə a wə̀ ndzùŋə̀ a mbòomə. Mbòomə a ghɨ̀rə̀ pə lo pə̀ənə̀ zhyə̂ a tɨ̀pòŋə̀.
Tsaʼnə Nẅùə̀ à wa ngɨ̀rə̀ mɨ̀nwùə̀ ɨ̀məənə̀ təəmə̀ a ɨ̀myə̂ ze
21Tɨ̀tsòŋə̀, Nẅùə̀ a nèrə̀ mə àlàŋə nɨ a ghɨ̀rə̀nə mɨ̀nwùə̀ mɨ pə̀ənə̀ təəmə̀ a mbyə̀ ze, ka pə e pə nɨ ànwùə̀ àtse a nɨ ghɨ̀rə̀ nɨ mbòomə, tsaʼnə àŋwàʼnə̀ mbòomə pobə yè ngàŋə ntwuumə̀ Nẅùə̀ shwəŋə̀nə la. 22Nẅùə̀ à ghɨ̀rə̀ mɨ̀nwùə̀ pə̀ənə̀ təəmə̀ pə a nɨ làŋə̀ a ndzùmə̀ àpyiimə̀ ntɨŋmə̀ àzobə aŋunə Yěsû Kristù, ntiinə ka tə̀chwìi ɨ̀tse a pə e ghu. 23Mbəʼnə ŋwùə̀ ntsùmə̀ a ghɨ̀rə̀ mə a tɨ̀pòŋə̀ ntyiʼə̀ mbə a ndyə̌ sàa aŋunə Nẅùə̀ nɨ a wa nchwarə̀. 24La, Nẅùə̀ a lə̀ nèrə̀ àpòŋə̀ ntɨŋmə̀ e aŋunə pobə àfǐfǐ ngɨ̀rə̀ mɨ̀nwùə̀ ɨ̀mobə təəmə̀, ndàŋə̀ a ndzùmə̀ Yěsû Kristù nɨ à lə̀ chwarə̀nə a ghobə. 25Nẅùə̀ à lə̀ ŋâ e tsaʼa mômbyə̂ nɨ̀shwàʼà lo â lòo alyiʼə àzəənə̀, mbə̀ʼə pə̀ənə̀ nùŋə̀ ntɨŋmə̀ aŋunə àləəmə̀ e. Nẅùə̀ à lə̀ ghɨ̀rə̀ a lenə lə a nɨ nèrə̀ tsaʼnə mɨ̀nwùə̀ ɨ̀me təəmə̀nə. À lə̀ ẅìimə̀ mbɨ̀ŋmə̀ e, ngwâ mɨ̀nwùə̀ mɨ tɨ̀pòŋə̀ nɨ pànə̀ lə̀ ghɨ̀rə̀nə nkwùə̀ ntsàambyə̀. 26La tɨ̀tsòŋə̀ wə̀, ka Nẅùə̀ a chi ngwâ e a tɨ̀pòŋə̀ pànə̀ pɨ mɨsoŋə. À wə̀ ntyiʼə̀ nnèrə̀ pə tsaʼnə mbə̀ʼə mɨ̀nwùə̀ mɨ pànə̀ təəmə̀ ndəŋə ndəŋə pobə pɨ pobə.
27La ànwùə̀ nɨ mbə̀ʼə pə̀ənə̀ tsòo a ghàŋə̀ aŋunə a chyə̂ pə lo àkə? Ka ànwùə̀! Ɨ̀sùmə ànwùə̀ ghu ɨ̀ chyə̂ lo àkə? Ɨ̀ chyə̂ pə ntiinə pə̀ənə̀ pa ndzùŋə̀ a mbòomə? Ngàŋə! mbə̀ʼə ɨ̀ kɨ mbə pə ntiinə pə̀ənə̀ nùŋə̀nə ntɨŋmə̀ aŋunə Yěsû. 28Mbəʼnə pə̀ənə̀ pyiimə̀ la lo, mɨ̀nwùə̀ mɨ ŋwùə̀ təəmə̀ a mbyə̀ Nẅùə̀ ndzùŋə̀ la àpyiimə̀ ntɨŋmə̀ e, ka pə e pə ntiinə à ghɨ̀rə̀nə ànwùə̀ nɨ mbòomə à nèrə̀nə. 29Kə̀ Nẅùə̀ à chyə̂ mbə la Nẅùə̀ pɨ̀Jew ndàʼà? Ka à kɨ mbə e la Nẅùə̀ pànə̀ nɨ ka pobə pə ghobə pɨ̀Jew? A ànwùə̀, a kɨ mbə Nẅùə̀ pànə̀ nɨ ka pobə pə ghobə pɨ̀Jew. 30Tsaʼnə Nẅùə̀ à pənə taʼà Nẅùə̀ la, ǎ ghɨ̀rə̀ lo mɨ̀nwùə̀ mɨ pànə̀ nɨ pɨ zə̀ərə̀nə a ghobə təəmə̀ ndzùŋə̀ àpyiimə̀ ntɨŋmə̀ àzobə. Mɨ̀nwùə̀ mɨ pànə̀ nɨ ka pɨ zə̀ərə̀ e a ghobə kɨ təəmə̀ ndzùŋə̀ àpyiimə̀ ntɨŋmə̀ àzobə. 31Njiilo zèrə zə a chyə̂ lə lo pə̀ənə̀ waʼà a mbòomə ntii àpyiimə̀ àzəənə̀. Ka a pə e a lenə! Pə̀ənə̀ ẅìimə̀ a mbòomə a tɨ̀ŋnə̀.
Currently Selected:
Roman 3: pny
Highlight
Copy
Compare
Share
Want to have your highlights saved across all your devices? Sign up or sign in
© 2017, Cameroon Association for Bible Translation and Literacy
Roman 3
3
1Tsaʼnə a pənə lə, pɨ̀Jew tsàarə̀ pànə̀ nɨ ka pobə pə ghobə pɨ̀Jew amwuə zèrə àlàŋə? Kə̀ nɨ̀zə̀ərə̀ a ghobə a yèmpə̀ a ghobə nɨ àkə? 2A nkǔŋə nkuŋə, àpìi yè noʼnə a chyə̂ ghu amwuə ɨ̀làŋə pɨ̀noʼnə. Ntsàambyə̀ ànwùə̀ a pə lo Nẅùə̀ a lə̀ pyə̀ ŋŋâ àshwəŋnə̀ la ambo pobə. 3Pobə pɨ̀tse lə̀ pəla ngoŋə̀ a ghobə tɨ pə nɨ àpyiimə̀ ntɨŋmə̀ yi àkə lə̀ ghɨ̀rə̀? Pobə lə̀ pəla ghoŋə̀ a ghobə tɨ nùŋə̀ ntɨŋmə̀ a nɨ ghɨ̀rə̀ ànwùə̀ nɨ Nẅùə̀ à lə̀ shwəŋə̀nə, yi Nẅùə̀ ǎ ka ghɨ̀rə̀ e ànwùə̀ nɨ à lə̀ shwəŋə̀nə? 4Mbə̀ʼə a pə e a lenə apə̀. Pə̀ənə̀ zhyə̂ lo Nẅùə̀ a shwəŋə̀ la nkǔŋə nkuŋə mbaa pə tsaʼnə ŋwùə̀ mɨsoŋə a pənə ngàŋə̀ pɨ̀chwìrə̀. Tsaʼnə pɨ ŋwàʼnə̀nə amwuə àŋwàʼnə̀ Nẅùə̀ lo;
“Lenəla pobə zəənə̀ lo àshwəŋnə̀ o a nkǔŋə nkuŋə,
Nẅùə̀ a pə saʼà ɨ̀sàʼa o, wə̀ zɨghə̀ a ẅèrə.”
5La ɨ̀nwùə̀ tɨ̀pòŋə̀ ɨ̀pə̀ənə̀ tə mə nnèrə̀ tyìʼə̀ ɨ̀shìʼnə̀ lo mɨ̀nwùə̀ mɨ Nẅùə̀ təəmə̀, pə̀ənə̀ tyiʼə̀ shwəŋə̀ lə lo àkə? Lo ka Nẅùə̀ a kùʼnə̀ e a nɨ nèrə̀ àzaŋə̀ ntɨŋmə̀ e aŋunə pə̀ənə̀? (Ngwə̀ shwəŋə̀ lə tsaʼa ŋwùə̀ mɨsoŋə.) 6Mbə̀ʼə a pə e a lenə apə̀. A tə pəla mbə a lenə, yi mbə̀ʼə Nẅùə̀ a saʼà mɨ̀sàʼa mɨ pə̀ənə̀ àtwuə̀ ɨ̀shyə̂ ghə̀ lə la ghu?
7A tə pə lo nɨ̀ka pə mə̀ nɨ nkǔŋə nkuŋə à yèmpə̀ a nɨ nèrə̀ lo Nẅùə̀ a Nẅùə̀ nkǔŋə nkuŋə ghɨ̀rə̀ pànə̀ tyiʼə̀ nguʼtə̀ nɨ̀linə̀ ɨ̀tse, a tyiʼə̀ ngɨ̀rə̀ àkə lo Nẅùə̀ a chyâ ɨ̀sàʼa aŋunə mɨ̀ŋə̀ tsaʼa ŋònə̀ tɨ̀pòŋə̀? 8Mbə̀ʼə pə̀ənə̀ ka tyiʼə̀ shwəŋə̀ a wə̀ənə̀ lo pə̀ənə̀ tə ngɨ̀rə̀ a tɨ̀pòŋə̀ mbə̀ʼə mɨ̀nwùə̀ mɨ̀shìʼnə̀ tô? Pànə̀ pɨ̀tse pə ndzòomə̀ a wəə nshwəŋə̀ lo pəə pə nshwəŋə̀ tyìʼə̀ a lenə nkǔŋə nkuŋə. Lenəla, Nẅùə̀ à ghǎ chyâ ɨ̀sàʼa aŋunə pobə amwuə ndwuumə̀ nɨ ɨ kùʼnə̀nə.
Ka ŋònə̀ ɨ̀tse a pə e ghu nɨ ngɨ̀rə̀ mɨ̀nwùə̀ ɨ̀ze təəmə̀nə
9Lenəla, a tyiʼə̀ pə lə lo pə̀ənə̀ pɨ̀Jew pòŋə̀ ntsàarə̀ a pɨ̀tse pə̀ənə̀? A laʼa mbə e a lenə apə̀. Pəə pyə̀ mə nshwəŋə̀ lo pànə̀ pɨ̀tsùmə̀ chyə̂ la amwuə tɨ̀pòŋə̀, kə̀ pɨ̀Jew kə̀ pànə̀ nɨ ka pobə pə ghobə pɨ̀Jew. 10Pɨ ŋwàʼnə̀ amwuə àŋwàʼnə̀ Nẅùə̀ lo,
“Ka ŋònə̀ ɨ̀tse a pə e ghu nɨ mɨ̀nwùə̀ ɨ̀me təəmə̀nə. Tyìʼə̀ taʼà ka a pə e ghu.
11Ka ŋònə̀ ɨ̀tse a pə e ghu nɨ à zhyə̂nə ɨ̀nwùə̀ ɨ̀tsùmə̀. Ka ŋònə̀ ɨ̀tse a kɨ mbə e ghu nɨ a tàʼnə Nẅùə̀.
12Pànə̀ pɨ̀tsùmə̀ waʼà mə àlàŋə, ntyiʼə̀ mbwuutə̀ mbə àfǐfǐ;
Ka ŋònə̀ nɨ à ghɨ̀rə̀nə mɨ̀nwùə̀ mɨ̀shìʼnə̀ a pə e ghu. Ka tyìʼə̀ taʼà ŋwùə̀ a pə e ghu.
13Ɨ̀shwəŋnə̀ nɨ pèrə pa nfurə̀ a ntswùə̀ pobə pɨ̂ ka mɨ̀zùŋə; mbə pɨ̀chwìrə̀, nkɨ mbə tsaʼa ndyiʼə̀ nɨ ɨ̀ furə̀nə a ntswùə̀ ɨ̀nyoorə̀”
14“Mɨ̀ntswùə̀ ɨ̀mobə lẅenə̀ nɨ mɨ̀ndzòomə̀ pobə mɨ̀ndòonə̀.”
15“Pobə pa ndzàŋə̀ mbɨ̀ŋmə̀ a nɨ chyâ àlòʼo aŋunə ŋwùə̀ nkɨ nzhwuutə̀.
16Amwuə alyiʼə àtsùmə̀ nɨ pobə làŋə̀nə, pobə pa nchyâ ɨ̀lòʼo aŋunə pə̀ənə̀ ngɨ̀rə̀ pobə zəənə̀ ngəʼə̀.
17Ka pobə zhyə̂ a ghobə ndwuumə̀ nɨ mbə̀ʼə pobə ghɨ̀rə̀ mbə nɨ àporə̀porə̀ Nẅùə̀.”
18“Nkɨ ka kɨ pə a ghobə nɨ àkẅàrə̀ Nẅùə̀.”
19Tɨ̀tsòŋə̀ pə̀ənə̀ zhyə̂ lo ànwùə̀ za nɨ mbòomə à shwəŋə̀nə, à shwəŋə̀ la ambo pànə̀ pa nɨ pobə pənə a ɨ̀sùmə mbòomə, njiilo kò ŋònə̀ ɨ̀tse a pə e nɨ ànwùə̀ àtse a nɨ shwəŋə̀ a nɨ tàŋə̀ àtwuə̀ e, ntiinə ŋwùə̀ ntsùmə̀ àtwuə̀ ɨ̀shyə̂ ghə̀ a ghǎ təəmə̀ saʼà ɨ̀sàʼa e a mbyə̀ Nẅùə̀. 20Lenəla, ka ŋònə̀ ɨ̀tse a pə e ghu nɨ mɨ̀nwùə̀ ɨ̀me təəmə̀nə a mbyə̀ Nẅùə̀ ntiinə a wə̀ ndzùŋə̀ a mbòomə. Mbòomə a ghɨ̀rə̀ pə lo pə̀ənə̀ zhyə̂ a tɨ̀pòŋə̀.
Tsaʼnə Nẅùə̀ à wa ngɨ̀rə̀ mɨ̀nwùə̀ ɨ̀məənə̀ təəmə̀ a ɨ̀myə̂ ze
21Tɨ̀tsòŋə̀, Nẅùə̀ a nèrə̀ mə àlàŋə nɨ a ghɨ̀rə̀nə mɨ̀nwùə̀ mɨ pə̀ənə̀ təəmə̀ a mbyə̀ ze, ka pə e pə nɨ ànwùə̀ àtse a nɨ ghɨ̀rə̀ nɨ mbòomə, tsaʼnə àŋwàʼnə̀ mbòomə pobə yè ngàŋə ntwuumə̀ Nẅùə̀ shwəŋə̀nə la. 22Nẅùə̀ à ghɨ̀rə̀ mɨ̀nwùə̀ pə̀ənə̀ təəmə̀ pə a nɨ làŋə̀ a ndzùmə̀ àpyiimə̀ ntɨŋmə̀ àzobə aŋunə Yěsû Kristù, ntiinə ka tə̀chwìi ɨ̀tse a pə e ghu. 23Mbəʼnə ŋwùə̀ ntsùmə̀ a ghɨ̀rə̀ mə a tɨ̀pòŋə̀ ntyiʼə̀ mbə a ndyə̌ sàa aŋunə Nẅùə̀ nɨ a wa nchwarə̀. 24La, Nẅùə̀ a lə̀ nèrə̀ àpòŋə̀ ntɨŋmə̀ e aŋunə pobə àfǐfǐ ngɨ̀rə̀ mɨ̀nwùə̀ ɨ̀mobə təəmə̀, ndàŋə̀ a ndzùmə̀ Yěsû Kristù nɨ à lə̀ chwarə̀nə a ghobə. 25Nẅùə̀ à lə̀ ŋâ e tsaʼa mômbyə̂ nɨ̀shwàʼà lo â lòo alyiʼə àzəənə̀, mbə̀ʼə pə̀ənə̀ nùŋə̀ ntɨŋmə̀ aŋunə àləəmə̀ e. Nẅùə̀ à lə̀ ghɨ̀rə̀ a lenə lə a nɨ nèrə̀ tsaʼnə mɨ̀nwùə̀ ɨ̀me təəmə̀nə. À lə̀ ẅìimə̀ mbɨ̀ŋmə̀ e, ngwâ mɨ̀nwùə̀ mɨ tɨ̀pòŋə̀ nɨ pànə̀ lə̀ ghɨ̀rə̀nə nkwùə̀ ntsàambyə̀. 26La tɨ̀tsòŋə̀ wə̀, ka Nẅùə̀ a chi ngwâ e a tɨ̀pòŋə̀ pànə̀ pɨ mɨsoŋə. À wə̀ ntyiʼə̀ nnèrə̀ pə tsaʼnə mbə̀ʼə mɨ̀nwùə̀ mɨ pànə̀ təəmə̀ ndəŋə ndəŋə pobə pɨ pobə.
27La ànwùə̀ nɨ mbə̀ʼə pə̀ənə̀ tsòo a ghàŋə̀ aŋunə a chyə̂ pə lo àkə? Ka ànwùə̀! Ɨ̀sùmə ànwùə̀ ghu ɨ̀ chyə̂ lo àkə? Ɨ̀ chyə̂ pə ntiinə pə̀ənə̀ pa ndzùŋə̀ a mbòomə? Ngàŋə! mbə̀ʼə ɨ̀ kɨ mbə pə ntiinə pə̀ənə̀ nùŋə̀nə ntɨŋmə̀ aŋunə Yěsû. 28Mbəʼnə pə̀ənə̀ pyiimə̀ la lo, mɨ̀nwùə̀ mɨ ŋwùə̀ təəmə̀ a mbyə̀ Nẅùə̀ ndzùŋə̀ la àpyiimə̀ ntɨŋmə̀ e, ka pə e pə ntiinə à ghɨ̀rə̀nə ànwùə̀ nɨ mbòomə à nèrə̀nə. 29Kə̀ Nẅùə̀ à chyə̂ mbə la Nẅùə̀ pɨ̀Jew ndàʼà? Ka à kɨ mbə e la Nẅùə̀ pànə̀ nɨ ka pobə pə ghobə pɨ̀Jew? A ànwùə̀, a kɨ mbə Nẅùə̀ pànə̀ nɨ ka pobə pə ghobə pɨ̀Jew. 30Tsaʼnə Nẅùə̀ à pənə taʼà Nẅùə̀ la, ǎ ghɨ̀rə̀ lo mɨ̀nwùə̀ mɨ pànə̀ nɨ pɨ zə̀ərə̀nə a ghobə təəmə̀ ndzùŋə̀ àpyiimə̀ ntɨŋmə̀ àzobə. Mɨ̀nwùə̀ mɨ pànə̀ nɨ ka pɨ zə̀ərə̀ e a ghobə kɨ təəmə̀ ndzùŋə̀ àpyiimə̀ ntɨŋmə̀ àzobə. 31Njiilo zèrə zə a chyə̂ lə lo pə̀ənə̀ waʼà a mbòomə ntii àpyiimə̀ àzəənə̀. Ka a pə e a lenə! Pə̀ənə̀ ẅìimə̀ a mbòomə a tɨ̀ŋnə̀.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Cameroon Association for Bible Translation and Literacy