Röm 9
9
Jwøk geki Jie
1Anɑn, kɑ̀ bëëdɑ yɑn ɑ́ ngɑn-ɑ ɑ́yïëy Mesiy, yɑ pɑ kømmi pyed, o møg-ɑ rømmi yi yɑn ki pyëwɑ kì ri Wëykwërø bɑ kinni, 2yijɑ ceg-ɑ ywøg ki mendwøng, o pyëwɑ dhɑ̈li kwöjø; 3pyëwɑ tyer-ɑ kinni di ying me lɑ̈w keløg yɑ di bëëd yɑ pɑ̈dø kì ri Mesiy kipe kinni o yɑ di cuggɑ ki yieli tyëng pödhi wøn. 4#Kedhø 4.22 Tyëngɑni bɑ kwɑrri Isrɑil. Ge bɑ jii Jwøk; o ge ɑ́gwøg yi Jwøk gɑ nyige, kɑ dhwɑ̈nge nyudhe gïn, kɑ onywɑ̈gø kwøb ki gen, ɑmëgge gïn Cigg, kí mɑ̈ddø men-ɑ dyër, kí kwëng. 5Kwɑyy ɑ́kɑ̈ɑ̈l-ɑ ri gen, o Mesiy keny-ɑ ɑ́gööge ɑ́ dhɑnhø, ɑ́ying-ɑ kelli jurɑni. Wiy Jwøk Ngɑn-ɑ jɑɑg gïïpiny bëne lenhi gïti ɑtheer! Amen.
6Yɑ pɑ ceg kwøb kinni møg-ɑ ɑ́kwëng yi Jwøk ɑ́bɑ̈jji; mɑ́ e pɑth ki tyëng Isrɑil bënn ɑ bɑ jii Jwøk. 7#Cɑ̈gø 21.12 O pɑth ki kwɑrri Abrɑhɑm bënn ɑ bɑ nyigi Jwøk. Abrɑhɑm ɑ́köbbi yi Jwøk kinni, “Kwɑrrí møg-ɑ ɑ́kømmɑ ónywøl-ɑ yi Isɑɑk.” 8Kwøbbɑni wɑng-ɑ kinni, nywøl-ɑ nywøl ki yuu-ɑ nyi nywøøl ji, pɑth ki nyigi Jwøk; dɑ́ nywøl-ɑ ɑ́nywøl kì bɑng kwëng ɑ bɑ nyigi Jwøk. 9#Cɑ̈gø 18.10 Kwëngg-ɑ ɑ́kwøb yi Jwøk bɑ kinni, “Yɑ ódwöög dhung-ɑcɑ̀ piny nɑ men, kì bøli kenyɑni Sɑrɑ̀ óbëëd kööre dɑ wɑ̈d.”
10Pɑth ki codhi gen. Mɑ́ wɑ̈ddi Rebekɑ̀ gɑ ɑ́ryew, wïyi gen bɑ ɑ́kyel, ɑ løg Isɑɑk. 11-12#Cɑ̈gø 25.23 De kɑ̈ng-ɑ́ nuti pɑ̈dhi gen piny, ge nuti göögø ki gïndøj wɑlɑ̀ gïnrɑj, Rebekɑ̀ ɑ́köbbi yi Jwøk kinni, “Ngör ógöögø ki bɑ̈ng Cyɑ̈n.” O kwøbbɑni nyodh-ɑ kinni, møg-ɑ nyi dwɑddi yi Jwøk kipe dhɑnhø, pɑ kɑ̈ɑ̈l bɑng gïg-ɑ nyi gwøg yi dhɑnhø, de ge nyi kɑ̈ɑ̈l-ɑ yï Jwøk, ɑ ɑ́cwɑ̈jii. 13#Mɑl 1.2-3 Møgɑni nɑ møg-ɑ ógwedø kinni, “Yɑgob ɑ́mɑɑrɑ, kɑ Isøø mɑɑnɑ ki mendwøng.”
14Wɑ kwøb-ɑ ngø? Jwøk yije dɑ geny? Bogøn kinni tek. 15#Kedhø 33.19 Mɑ́ Mosɑ̀ ɑ́köbbe kinni, “Pyëwɑ ólɑ̈ɑ̈m ki ngɑn-ɑ dwɑddɑ. O yijɑ óywöngi ki ngɑn-ɑ dwɑddɑ thyew.” 16Kɑ̀ bëëde kinøw, pɑth ki gïg-ɑ dwɑddi yi dhɑnhø wɑlɑ̀ gïg-ɑ gwøg yi en, dɑ́ Jwøk ɑ nyi gwøg møg-ɑ dwɑdde e kete. 17#Kedhø 9.16 (LXX) Mɑ́ wɑ̈nyi kwërø rɑ̈ɑ̈dh Rïp ɑ́köbbe kinni, “Yï ɑ́gwøgɑ yïn ɑ́ rɑ̈dh kɑ per kinni, o tegɑ nyodhɑ kì rií, o perɑ tɑɑye kömi piny bëne.” 18Menɑni wɑng-ɑ kinni, Jwøk pyëwe nyii lɑ̈ɑ̈mø ki ngɑn-ɑ dwɑdde. O ngɑn-ɑ dwɑdde wëggi pëmø nyi göjje’ pëëmø.
Liny Jwøk geki Lɑ̈mpyëwe
19Yɑ óköbbi yi nget ɑ́kyel kì kelli wun kinni, “Keløg ɑ́ kinøw, ɑ́ kipe ngø ɑ kööb Jwøk kinni dhɑnhø bɑ̈jjø? Á men ɑ cuggi jogi Jwøk?” 20#Icɑ 29.16; 45.9 Yï bɑ dhɑnhø yøw! Jwøk ócuggø jogø yi yïn? Gïn-ɑ ɑ́cwɑ̈j ki lɑ̈bø ócuggi pyëji ngɑn-ɑ ɑ́cwɑ̈jii kinni, “Yɑde ɑ cwɑ̈ɑ̈j yɑn kinøw?” 21Yï orumø kinni bødhi lɑ̈b, yïe pɑ di tegø me cwɑ̈je lɑ̈bø ni kɑ̀ dwɑdde gøn? Ngee, ócuggø cwɑ̈j ki tɑ̈mmì ɑ́ryew ki lɑ̈bø mɑ ɑ́nywøb ɑ́ ɑ́kyel; ɑ́kyel bɑ me nyi kïdhi gïndøj, o men-ɑ kyeelø bɑ men nyi kïdhi gïn cödhø.
22Pɑ̈r ceth ki gïn-ɑ ɑ́gwøg yi Jwøk; ɑ́dwɑdd-ɑ nyodhi linye, kipe kinni o bëëdi tege yod, de tyëng-ɑ ɑ́wëggi pyëwe rënyø ɑ́ngine, gen ɑ møg-ɑ ɑ́cïb gɑ mø ryɑ̈gø. 23Ádwɑdd-ɑ nyodhi döngi dhwɑ̈nge, men-ɑ ɑ́kønye kömee, wɑ tyëng-ɑ́ riee ɑ́dwɑdde nyodhi lɑ̈mpyëwe, ɑ ɑ́yienye gɑ møg mëgge dhwɑ̈nge. 24Mɑ́ bene wɑ tyëng-ɑ ɑ́cwøle, o pɑth ki kelli Yeud keti gen ɑ ɑ́yieeny wɑ, de kwïee ɑ́yïëëny ɑ kelli tyëngpɑth ki Yeud. 25#Odhe 2.23 Møgɑni nɑ møg-ɑ kømmi yi Jwøk kì yij wɑ̈nyi Odheyɑ̀ kinni,
“Tyëng-ɑ ɑ́bëëd ge pɑth ki møgɑ,
ge ócwøllɑ gɑ jiɑ.
O pönh-ɑ ɑ́bëëd e pɑ mɑɑrɑ,
ócwøllɑ ɑ́ pönh-ɑ mɑɑrɑ.
26 #
Odhe 1.10
O kì keny-ɑ́ yije ɑ́köbbi gen kinni, ‘Wu pɑth ki jiɑ,’
ge ódøøg be cwøllø gɑ nyigi Jwøng-ɑ Nëënø.”
27 #
Icɑ 10.22-23 (LXX) Kɑ Icɑyɑ̀ okööbø kì ri tyëng Isrɑil kinni, “Cɑgg kwɑnni tyëng Isrɑil gïïr ni ɑyejø, bɑ mø nøg kì kelli gen ɑ óyiel; 28mɑ́ Wë Jwøk, gøøny kömi piny ójwɑne ki lidhø.” 29#Icɑ 1.9 (LXX) Møgɑni nɑ møg-ɑ ɑ́töng yi Icɑyɑ̀ kinni, “Keløg Jwøk Áyïmø, wɑ pɑ di wïye ki kwɑrr, wɑ di göög ni Sødømɑ̀ geki Gømørɑ̀.”
Kwɑ̈jji Pøøl kipe Tyëng Isrɑil
30Wɑ okööbø kinni, tyëngpɑth ki Yeud møg-ɑ nuti pɑ̈nyi ri gen ki yɑbi bëëntir, ge ɑ́göög ge tir kì bɑng yïëyø; 31e bëëntir nuti yodø yi jii Jwøk, møg-ɑ ɑ́yɑb cigg. 32Á kipe ngø? Kipe kɑ̀ nuti cungi gen kì kömi yïëyø, de ge ɑ́cung ɑ kömi gïg-ɑ ɑ́gøggi yi gen. Acwɑny gen “Kït.” 33#Icɑ 28.16 (LXX) Eni kïn-ɑ kømmi yi wɑ̈nyi kwërø kinni,
“Yɑ cïb-ɑ Dhɑyøn ki kït,
kït men-ɑ ócwɑnyyi tyelli ji;
kït men-ɑ ówëggi gen pɑ̈nhhø.
De ngɑn óyïëyii wïje koo wöl lɑ̈ɑ̈yø.”
Currently Selected:
Röm 9: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
