Röm 7
7
Nyuudhø kì ri Nywöm
1Wun ɑ nyiimïɑ, møg-ɑ dwɑddɑ kwøbø ek ngɑ̈nyi yi wun, mɑ́ Ciggi Mosɑ̀ ngɑ̈nyi yi wun; Ciggi Mosɑ̀ yï gen dɑ tegø kì kömi ji kɑ̀ bëëd gen ge onëënø kì kömi piny. 2Møgɑni nɑ kɑ nyi bëëd ngɑndhɑjø e bɑ ɑtwöj yi kwøbbi jɑlgøle kɑ̀ nud jɑlɑni e onëënø kì kömi piny. De keløg jɑlɑni othøø, ngɑnɑni pɑth ki ɑtwöj këti yi ciggi nywöm møg-ɑ ɑ́rebii ki jɑlgøle. 3Kɑ̀ bëëd møgɑni kinøw, keløg ngɑnɑni okwɑnyø yi jɑlø megø, e jɑlgøle nudd e onëënø, ngɑnɑni cwøl ɑ́ ngetorøg. De keløg jɑlgøle thøø, ciggɑni, yï gen bong tegø kì köme këti. O keløg e okwɑnyø yi jɑlø megø, pɑth ki orøg këti. 4Wu bëëd ɑ nøw thyew nyiimïɑ ki Ciggi Mosɑ̀; wu ɑ́rum ki thøø, mɑ́ wu bɑ kwï dëël Mesiy; o ɑnɑn wu bɑ mø ngɑn-ɑ ɑ́tug kì yij thøø, o wu ógöggi wun Jwøk. 5Keny-ɑ ɑ́bëëd wɑ, wɑ ködd-ɑ kömi bëëdi dël, wɑ ɑ́yɑb-ɑ gïgrijjø møg-ɑ tyer yi pëthee, ge tug-ɑ yi Ciggi Mosɑ̀, kɑ orøngɑni ókɑ̈nø ki thøø. 6De ɑnɑn, wɑ ɑ́pɑ̈d kì ri Ciggi Mosɑ̀, mɑ́ wɑ ɑ́thøw kì ri gïn-ɑ ɑ́twööj wɑ piny, kipe kinni o wɑ mɑlli wɑ Jwøk ki yuu-ɑ nyɑ̈n men-ɑ kɑ̈ɑ̈l yï Wëy.
Cigg geki Orøg
7 #
Kedhø 20.17; Jølø 5.21 Anɑn, ɑ́ gïn ɑ ókømmi yi wɑ kipe Ciggi Mosɑ̀? Wu orumø kinni, Ciggɑni bɑ orøg? Ge pɑth ki orøg. De ge bɑ Cigg-ɑ ɑ́nyudhi yɑn gïn-ɑ wɑngi orøg. Keløg Ciggi Mosɑ̀ pɑ di kööb kinni, “Yï ko nyi tyer gïi ngɑn megø,” tyëëdø pɑ di yod yi yɑn. 8De orøg ɑ́yïddi ki yöö kì bɑng Ciggɑni, mɑ́ orøg ceg bëëdø e thøø ke bongii Cigg. 9Yɑ ɑ́bëëd yɑ onëënø keny-ɑ ɑ́bëëd kömɑ bong Cigg; keny-ɑ ɑ́bëën Cigg, kɑ orøg ócɑ̈gø nënni, 10kɑ yɑ othøø. Kɑ yod yi yɑn thyew kinni, Ciggi Jwøk møg-ɑ di kɑ̈ni ki nënn-ɑ ɑtheer, bene gen ɑ nënni ge kɑ̈ɑ̈l-ɑ thøwɑ. 11#Cɑ̈gø 3.13 Orøg ɑ́yïddi ki yöö men thɑbe yɑn, kɑ yɑ nɑ̈ge.
12Ciggi Mosɑ̀ kiri gen bɑ gïi kwër, o møg-ɑ ceg yi Jwøk bɑ gïi kwër, o bɑ dyër, o døøj. 13De yöd ɑ́ gïndøj ɑ kɑ̈ni ki thøwɑ? Pɑth! De ceg bëëdø ɑ́ orøg ɑ ɑ́gwøg gïnɑni e göög-ɑ gïn-ɑ døøj. Orøg ɑ́kɑ̈ni ki thøwɑ, o bëëde e rɑɑj lidh. O kɑ̀ køøl møgɑni kömi cigg ceth, orøg ceg-ɑ nënnø e pëddi rɑ̈jø.
Pëëmø Men-ɑ Yethee
14Ngɑ̈nyi yi wɑ kinni, Ciggi Mosɑ̀ bɑ kipe wë̈yee. De yɑ bɑ dhɑnhø mɑ ɑ́ngëwwi orøg ɑ́ bɑ̈ng. 15#Gɑl 5.17 Gïn-ɑ gwøg yi yɑn dhɑ̈li gɑmø yi wïjɑ; mɑ́ yɑ pɑ nyi gwøg-ɑ gïn-ɑ dwɑddɑ, de yɑ nyi yöd yɑ gwøg-ɑ gïn-ɑ mɑɑn yi pyëwɑ. 16O kɑ̀ gwøgɑ gïn-ɑ mɑɑn yi pyëwɑ, menɑni nyodh-ɑ kinni yɑ ɑ́yïëy kinni Ciggi Mosɑ̀ bɑ dyër. 17Kɑ̀ bëëde kinøw, pɑth ki yɑn ɑ gwøg gïnɑni kidyër, de bɑ orøng-ɑ bëëdø kì riɑ, ɑ ɑ́gwøgii. 18Yɑ ngɑ̈ny wøw kinni, bong døøjø me ying dëlɑ, mɑ́ gwøngdøj men-ɑ nyi dwɑddɑ gwøgø nyii kyerø yi dëlɑ. 19Gïndøj men-ɑ dwɑddɑ gwøgø pɑ nyi gwøg yi yɑn; de yɑ nyi yöd yɑ gwøg-ɑ gïnrɑj men-ɑ pɑ dwɑddɑ gwøgø. 20O keløg yɑ nyi gwøg-ɑ gïn-ɑ pɑ dwɑddɑ gwøgø, menɑni wɑng-ɑ kinni pɑth ki yɑn ɑ gwøgii, dɑ́ orøg men-ɑ bëëdø kì riɑ ɑ gwøgii.
21Kɑ yodɑ ceth kinni cigg ogöögø, kɑ̀ dwɑddɑ gwøgi gïndøj, nyi yöd ɑ́ gïnrɑj kete ɑ nud. 22Pyëwɑ med cɑrø ki Ciggi Jwøk. 23De nenni yi yɑn kinni bɑ cigg mø bɑ̈ɑ̈n ɑ göögø kì riɑ; cigg mø bɑ̈ɑ̈n ki cigg-ɑ yïëy yi rummɑ. Møgɑni yɑ ɑ́løg gen ɑmɑɑg ciggi orøg men-ɑ göögø kì riɑ. 24Yeki yɑn ø! Wïjɑ ɑ́muum! Á men ɑ óyiel yɑn ki dël-ɑ kïdhi yɑn yij thøø kinnï? 25Yɑ pwøj-ɑ Jwøk, kì ri Wë Yëso Mesiy.
Bene bëëdɑ èn: kì yïɑ, yɑ ócuggø göggi ciggi Jwøk ki rummɑ, kedh bëëdi dhɑnhø men-ɑ riɑ gögg-ɑ orøg.
Currently Selected:
Röm 7: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Röm 7
7
Nyuudhø kì ri Nywöm
1Wun ɑ nyiimïɑ, møg-ɑ dwɑddɑ kwøbø ek ngɑ̈nyi yi wun, mɑ́ Ciggi Mosɑ̀ ngɑ̈nyi yi wun; Ciggi Mosɑ̀ yï gen dɑ tegø kì kömi ji kɑ̀ bëëd gen ge onëënø kì kömi piny. 2Møgɑni nɑ kɑ nyi bëëd ngɑndhɑjø e bɑ ɑtwöj yi kwøbbi jɑlgøle kɑ̀ nud jɑlɑni e onëënø kì kömi piny. De keløg jɑlɑni othøø, ngɑnɑni pɑth ki ɑtwöj këti yi ciggi nywöm møg-ɑ ɑ́rebii ki jɑlgøle. 3Kɑ̀ bëëd møgɑni kinøw, keløg ngɑnɑni okwɑnyø yi jɑlø megø, e jɑlgøle nudd e onëënø, ngɑnɑni cwøl ɑ́ ngetorøg. De keløg jɑlgøle thøø, ciggɑni, yï gen bong tegø kì köme këti. O keløg e okwɑnyø yi jɑlø megø, pɑth ki orøg këti. 4Wu bëëd ɑ nøw thyew nyiimïɑ ki Ciggi Mosɑ̀; wu ɑ́rum ki thøø, mɑ́ wu bɑ kwï dëël Mesiy; o ɑnɑn wu bɑ mø ngɑn-ɑ ɑ́tug kì yij thøø, o wu ógöggi wun Jwøk. 5Keny-ɑ ɑ́bëëd wɑ, wɑ ködd-ɑ kömi bëëdi dël, wɑ ɑ́yɑb-ɑ gïgrijjø møg-ɑ tyer yi pëthee, ge tug-ɑ yi Ciggi Mosɑ̀, kɑ orøngɑni ókɑ̈nø ki thøø. 6De ɑnɑn, wɑ ɑ́pɑ̈d kì ri Ciggi Mosɑ̀, mɑ́ wɑ ɑ́thøw kì ri gïn-ɑ ɑ́twööj wɑ piny, kipe kinni o wɑ mɑlli wɑ Jwøk ki yuu-ɑ nyɑ̈n men-ɑ kɑ̈ɑ̈l yï Wëy.
Cigg geki Orøg
7 #
Kedhø 20.17; Jølø 5.21 Anɑn, ɑ́ gïn ɑ ókømmi yi wɑ kipe Ciggi Mosɑ̀? Wu orumø kinni, Ciggɑni bɑ orøg? Ge pɑth ki orøg. De ge bɑ Cigg-ɑ ɑ́nyudhi yɑn gïn-ɑ wɑngi orøg. Keløg Ciggi Mosɑ̀ pɑ di kööb kinni, “Yï ko nyi tyer gïi ngɑn megø,” tyëëdø pɑ di yod yi yɑn. 8De orøg ɑ́yïddi ki yöö kì bɑng Ciggɑni, mɑ́ orøg ceg bëëdø e thøø ke bongii Cigg. 9Yɑ ɑ́bëëd yɑ onëënø keny-ɑ ɑ́bëëd kömɑ bong Cigg; keny-ɑ ɑ́bëën Cigg, kɑ orøg ócɑ̈gø nënni, 10kɑ yɑ othøø. Kɑ yod yi yɑn thyew kinni, Ciggi Jwøk møg-ɑ di kɑ̈ni ki nënn-ɑ ɑtheer, bene gen ɑ nënni ge kɑ̈ɑ̈l-ɑ thøwɑ. 11#Cɑ̈gø 3.13 Orøg ɑ́yïddi ki yöö men thɑbe yɑn, kɑ yɑ nɑ̈ge.
12Ciggi Mosɑ̀ kiri gen bɑ gïi kwër, o møg-ɑ ceg yi Jwøk bɑ gïi kwër, o bɑ dyër, o døøj. 13De yöd ɑ́ gïndøj ɑ kɑ̈ni ki thøwɑ? Pɑth! De ceg bëëdø ɑ́ orøg ɑ ɑ́gwøg gïnɑni e göög-ɑ gïn-ɑ døøj. Orøg ɑ́kɑ̈ni ki thøwɑ, o bëëde e rɑɑj lidh. O kɑ̀ køøl møgɑni kömi cigg ceth, orøg ceg-ɑ nënnø e pëddi rɑ̈jø.
Pëëmø Men-ɑ Yethee
14Ngɑ̈nyi yi wɑ kinni, Ciggi Mosɑ̀ bɑ kipe wë̈yee. De yɑ bɑ dhɑnhø mɑ ɑ́ngëwwi orøg ɑ́ bɑ̈ng. 15#Gɑl 5.17 Gïn-ɑ gwøg yi yɑn dhɑ̈li gɑmø yi wïjɑ; mɑ́ yɑ pɑ nyi gwøg-ɑ gïn-ɑ dwɑddɑ, de yɑ nyi yöd yɑ gwøg-ɑ gïn-ɑ mɑɑn yi pyëwɑ. 16O kɑ̀ gwøgɑ gïn-ɑ mɑɑn yi pyëwɑ, menɑni nyodh-ɑ kinni yɑ ɑ́yïëy kinni Ciggi Mosɑ̀ bɑ dyër. 17Kɑ̀ bëëde kinøw, pɑth ki yɑn ɑ gwøg gïnɑni kidyër, de bɑ orøng-ɑ bëëdø kì riɑ, ɑ ɑ́gwøgii. 18Yɑ ngɑ̈ny wøw kinni, bong døøjø me ying dëlɑ, mɑ́ gwøngdøj men-ɑ nyi dwɑddɑ gwøgø nyii kyerø yi dëlɑ. 19Gïndøj men-ɑ dwɑddɑ gwøgø pɑ nyi gwøg yi yɑn; de yɑ nyi yöd yɑ gwøg-ɑ gïnrɑj men-ɑ pɑ dwɑddɑ gwøgø. 20O keløg yɑ nyi gwøg-ɑ gïn-ɑ pɑ dwɑddɑ gwøgø, menɑni wɑng-ɑ kinni pɑth ki yɑn ɑ gwøgii, dɑ́ orøg men-ɑ bëëdø kì riɑ ɑ gwøgii.
21Kɑ yodɑ ceth kinni cigg ogöögø, kɑ̀ dwɑddɑ gwøgi gïndøj, nyi yöd ɑ́ gïnrɑj kete ɑ nud. 22Pyëwɑ med cɑrø ki Ciggi Jwøk. 23De nenni yi yɑn kinni bɑ cigg mø bɑ̈ɑ̈n ɑ göögø kì riɑ; cigg mø bɑ̈ɑ̈n ki cigg-ɑ yïëy yi rummɑ. Møgɑni yɑ ɑ́løg gen ɑmɑɑg ciggi orøg men-ɑ göögø kì riɑ. 24Yeki yɑn ø! Wïjɑ ɑ́muum! Á men ɑ óyiel yɑn ki dël-ɑ kïdhi yɑn yij thøø kinnï? 25Yɑ pwøj-ɑ Jwøk, kì ri Wë Yëso Mesiy.
Bene bëëdɑ èn: kì yïɑ, yɑ ócuggø göggi ciggi Jwøk ki rummɑ, kedh bëëdi dhɑnhø men-ɑ riɑ gögg-ɑ orøg.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.