Röm 3

1Kɑ̀ bëëd møgɑni kinøw, dɑ tegi per Yeud këti, wɑlɑ̀ dɑ gïndøj men-ɑ óyod kì bɑng ngølø? 2Ngee, tegi per gen óbëëd e nud kì wɑ̈thi tùng bënn! Tung-ɑ mɑl bɑ kinni, Jwøk wööne ɑ́cïbe’ cinggi Yeud. 3De óbëëd ɑ dï keløg kwï Yeud Ciggɑni pɑ mïdhi yi gen? Jwøk, dhøge ódi wilø yi en? 4#Wör 51.4 (LXX) Pɑ cuggi! Mɑ́ Jwøk nyi kømm-ɑ dyër ceth, cɑgg dhɑnhø ceg pyed. Mɑ́ wɑ̈nyi kwërø okööbø kinni,

“Wiy yï yod kinni yï kømm-ɑ dyër kenyi kööb;

nyi tyɑ̈ɑ̈m kì burø kenyi gøøny yïn.”

5Keløg orøgee nyodh-ɑ døøji Jwøk, wɑ kööb ɑ dï? Wɑ ócuggi kwøb kinni, Jwøk ceg-ɑ ruj ke rënyi pyëwe kɑ wɑ cɑye? (Nënni ɑ́ pyëj mø døøj ki pyëjø yi dhɑnhø.) 6Pɑ cuggi! Keløg Jwøk pɑ nyi gøggi dyër, gøøny lɑ̈bø ólidh yi en kidï?

7Keløg pyedɑ nyodh-ɑ dhwɑ̈ɑ̈ng Jwøk kí bëëde e gøgg-ɑ dyër, ɑ́ kipe ngø ɑ cɑɑy yɑn, de yɑ nɑ jɑlorøg? 8Á kipe ngø ɑ pɑ kööb wɑ kinni, “Göög wɑ ki rɑj, o rɑjjɑni kɑ̈ni gen ki døøjø?” Dɑ ji mɑ ɑ́gøøny yɑn i yɑ kööbø kinøw! Cɑ́yi gen óyod yi gen, kipe kwøbbɑni.

Bong Ngɑn Tir

9Anɑn, kɑ̀ bëëd møgɑni kinøw, bɑ kinni wøn ɑ Yeud wø lɑ̈w kibøli tyëngpɑth ki Yeud? Pɑth, mɑ́ Yeud geki tyëng Yönɑn bënn, ying-ɑ cingi orøg ni kɑ ɑ́kwøbɑ en. 10#Wör 14.1-3 (LXX); 53.1-3 (LXX) Ni kɑ̀ kööb wɑ̈nyi kwërø kinni,

“Bong dhɑnhø me tir.

11Bong ngɑn wïje pel

wɑlɑ̀ bong ngɑn mɑlli Jwøk.

12Ji bënn ɑ́töngi wɑ̈yi gen kì yuu Jwøk;

ge ɑ́bɑ̈jji ge bënn;

bong ɑ́kyel me gøggi dyër, bong nyɑ ɑ́kyel kinni tek.

13 # Wör 5.9 (LXX); 140.3 Yethi kwøbbi gen pɑ̈ng yi wëënyø,

kwøbbi wëënyø me rɑj ɑ nyi kɑ̈ɑ̈l dhøggi gen,

o bɑ lwɑ̈g mɑ nɑ̈ɑ̈g ni kugi thwöl, ɑ nyi kømmi yi gen.

14 # Wör 10.7 (LXX) Dhøggi gen pɑ̈ng yi lɑm mø rijjø thyew.

15 # Icɑ 59.7-8 Ge pɑ nyi cwööng ki liny, o ge nyi jwɑn-ɑ nɑ̈ggø ki dhɑnhø;

16Keny-ɑ dhwöödh yi gen, nyi döng e rënyø, o ryɑ̈gø

17Yuu mër nuti pɑ̈nyø yodø yi gen,

18 # Wör 36.1 o ge nuti dïdø ki wøri Jwøk.”

19O wɑ ngɑ̈ny wøw kinni, møg-ɑ kømmi yi Ciggi Mosɑ̀, köbb-ɑ tyëng-ɑ thɑ́ Ciggɑni; kipe kinni o ji bënn kud gen, o kömi piny bëne jɑɑg yi Jwøk. 20#Wör 143.2; Gɑl 2.16 Dhɑnhø pɑ cuggi gwøg e tir kì yï Jwøk kɑ̀ gwøge møg-ɑ kømmi yi Cigg, mɑ́ Cigg bɑ kipe yodi kinni dhɑnhø ɑ́røngi.

Kër-ɑ Óløg Wɑ Mø Tir kì Bøli Jwøk

21De ɑnɑn yuu-ɑ gwøøg dhɑnhø e tir ɑ́rum ki nyodhø. Yïe bɑ̈r ki Cigg, cɑgg ɑ́ kɑ̀ cwɑgii yi Ciggi Mosɑ̀ geki jøtöng. 22#Gɑl 2.16 Ji gwøg yi Jwøk ge tir kɑ yïëyi Yëso Mesiy, mɑ́ e bong gïn bɑ̈ɑ̈n kì ri ji. 23Mɑ́ ji bënn ɑ́røngi, kɑ ge ojɑdø ki dhwɑ̈ɑ̈ng Jwøk. 24De ge ɑ́gwøg ge tir yi Jwøk, kɑ gï nënge ki dhwɑ̈ng kì ri Yëso Mesiy ngɑn-ɑ ɑ́døm gen. 25En ɑ ɑ́muuj yi Jwøk, o reme gøøm bøli tyëng-ɑ ɑ́yïëyii bënn. Møgɑni ɑ́gwøg yi Jwøk kɑ per nyodhi ree kinni tir. Bene ɑ pere ɑ́wiye orøøg cøn, gø nuti cɑɑy en. 26De kì bøli keny ɑnɑn, nyodh-ɑ ree kinni tir, o tyëng-ɑ ɑ́yïëy Yëso ógwøge ge tir.

27De köthee ópwöd yi wɑ kɑ per ngø? Bogøn! Bɑ kipe kinni Cigg omïdhø yi wɑ? Pɑth, köthee pwöd yi wɑ kɑ per kɑ ɑ́yïëy wɑ. 28Gïn-ɑ nud ceth, bɑ kinni, ceg bëëdø ɑ́ bɑng yïëyø ɑ göög dhɑnhø e tir, de pɑth ki bɑng gwøgi gïn-ɑ kømmi yi Cigg. 29Wɑlɑ̀ Jwøk ceg bëëdø ɑ́ Jwøøg Yeud keti gen? Pɑth ki Jwøøg tyëngpɑth ki Yeud thyew? Awøø, bɑ Jwøøg jurrì bënn. 30#Jølø 6.4; Gɑl 3.20 Mɑ́ Jwøk bɑ ɑ́kyel, en ɑ gwøg Yeud ge tir kì bɑng yïëyø, ni kɑ̀ gwøge tyëngpɑth ki Yeud ge tir kì bɑng yïëyø. 31De kɑ̀ bëëd møgɑni kinøw, Ciggi Mosɑ̀ ówiy yi wɑ ki gööj yïëyø? Pɑth ki kinøw, Cigg ceg yi wɑ kɑ mïdhø kì kɑ̈jji gen ceth.

Currently Selected:

Röm 3: shkDCB

Highlight

Copy