Röm 15
15
Gwøg Gïn-ɑ Mïni Pëthi Tyëngmøøgø
1Wɑ tyëng-ɑ yïëyø miee teeg, køny wɑ tyëng-ɑ yïëyø mi gen nøg ki tyëddi gïg peg møg-ɑ dhɑl gen. Wɑ ko yɑb gïg-ɑ mïni pëthee ketee. 2De nyi gwøg wɑ gïn-ɑ døøj kipe nyiimïee bënn, kipe kinni o yïëyø mi gen kedhe e ódøngø. 3#Wör 69.9 Mɑ́ Mesiy kiree, nuti gwøg-ɑ gïn mïni pyëwe, de ɑ́gwøg-ɑ møg-ɑ bɑ ɑgwed kì yij wɑ̈nyi kwërø kinni, “Yɑ̈ddi tyëng-ɑ nyi yɑnyyi yïn, ge ɑ́pɑ̈dhi kömɑ.” 4Gïg-ɑ ógweed yij wɑ̈nyi kwërø bënn, ɑ́gwed gɑ møg pwönyi wɑ, kipe kinni o wɑ óyïddi wɑ ki ngɑ̈ɑ̈dhø kì bɑng ngïïnø geki cïïjø møg-ɑ mëggi wɑ yi wɑ̈nyɑni. 5De ɑnɑn, kɑ̀ bëëd Jwøk bɑ ngɑn-ɑ yïe nyi kɑ̈ɑ̈l yi møgɑni, wiy wu thödhi yi en ki rumm-ɑ bɑng gen óbëëd wun pëthi wun bɑ ɑ́kyel, kì ri yöö men-ɑ ɑ́nyudhi wun yi Yëso Mesiy. 6O møgɑni bɑ kipe kinni, o wu bëëd wun pëthi wun bɑ ɑ́kyel. O Jwøk, Wïyi Wë Yëso Mesiy, ómɑlli yi wun ki wör e cwɑggi wun bɑ ɑ́kyel.
Wöndøj kipe Tyëngpɑth ki Yeud
7Nyi yïëyu ri wun, ni kɑ̀ ɑ́yïëëy wun yi Mesiy, kipe lejji nyingi Jwøk. 8Mɑ́ yɑ köbb-ɑ wun kinni, bëëdi bɑ̈ɑ̈ngø men-ɑ ɑ́beed yi Mesiy bɑ kipe Yeud, kipe nyudhi gen kinni Jwøk dhøge nyi mïdhe’ mïdhø; o møg-ɑ ɑ́könge kweyyi gen, ɑ́bï gɑ dyër; 9#2 Sɑm 22.50; Wör 18.49 o tyëngpɑth ki Yeud ócuggi gen ki lenhi Jwøk kipe lɑ̈mpyëwe. Ni kɑ̀ kööb yi wɑ̈nyi kwërø kinni,
“Yï ólenhɑ kì kelli tyëngpɑth ki Yeud;
yï ólenhɑ ki wör.”
10 #
Jølø 32.43
Okööbø këti kinni,
“Med pëthi wun, wu tyëngpɑth ki Yeud; med pëthi wun kyeel ki jii Jwøk!”
11 #
Wör 117.1
Kí kinni,
“Lenhu Wë, wun ɑ tyëngpɑth bënn;
lenhu en, wun ɑ ji bënn!”
12 #
Icɑ 11.10 (LXX) O Icɑyɑ̀ okööbø këti kinni,
“Dɑ kwɑɑr Yesì men-ɑ ócwöb;
óbï be jɑɑgi tyëngpɑth ki Yeud,
en ɑ óngɑ̈dh yi gen.”
13Anɑn wun ɑ tyëng Römɑ̀, kɑ ɑ́yïëy wun ki ngɑ̈dhii kinøw, wiy wu thödhi yi en ki medi pëëth geki mër, mɑ́ bene en ɑ yïe nyi ngɑ̈dhɑ gïg-ɑ óbï. O møgɑni bɑ kipe kinni, o ngɑ̈ɑ̈dhø dønge kì pëthi wun, kì ri tegi Wëykwërø.
Gïn-ɑ Wëggi Pøøl Gwed E Pɑ Böggi
14Wun ɑ nyiimïɑ, ngɑ̈nyi yi yɑn kinni, pëthi wun nyi tyer-ɑ gwøg ki gïgdøj geki dïdø ki kwøbbi Jwøk. O wu nyii cuggø pwönyi ri wun thyew. 15De kì yij wɑ̈nyø men, yɑ nuti böggø ki pɑ̈ddi wun ki kwøb møøgø. Yɑ nuti böggø kì bɑng dhwɑ̈ng men-ɑ ɑ́mëggi yɑn yi Jwøk, 16kipe kinni o yɑ bëëdɑ yɑn ɑ́ bɑ̈ng Yëso Mesiy, o yɑ göggɑ tyëngpɑth ki Yeud, o yɑ göögɑ yɑ nɑ ókwërø, yɑ kɑ̈ll-ɑ Wöndøj men-ɑ kɑ̈ɑ̈l yï Jwøk, kipe kinni o tyëngpɑth ki Yeud göög gen gɑ gëëdhi me bɑ ɑyïëy yi Jwøk; ge óthyëyyii yi Wëykwërø. 17De ɑnɑn, kɑ̀ bëëdɑ yɑn ɑ jɑlbɑng Yëso Mesiy, gïn-ɑ pere pwödɑ köörɑ bɑ kipe gwøng-ɑ gwøg yi yɑn kipe Jwøk. 18Gïg-ɑ ɑ́gwøg yi Mesiy, bɑ gen ɑ ri gen ókööbɑ yɑ pɑ böggi, o tyëngpɑth ki Yeud nyudhɑ kër-ɑ ómïdhi gen kwøbbi Jwøk, 19ki tegi ngïjjì geki gïïngɑ̈ngø, kí tegi Wëyi Jwøk. Pwönyi Wöndøj mi Mesiy ɑ́tyëgɑ kì Yerusɑlem, kí myërr-ɑ bute, gïti Ilirikøm. 20Yɑ nuti dwɑddi kinni, o Wöndøj pwönyɑ kì kɑ̈jj-ɑ ɑ́rum ki lïngi nyingi Mesiy, kipe yɑ ógëddi kömi tyeli ød mɑ ɑ́cïb yi ngɑn megø. 21#Icɑ 52.15 (LXX) Ni møg-ɑ kømmi yi wɑ̈jji kwërø kinni;
“Tyëng-ɑ ɑ́bëëd ge nuti köbbi pere ólïdhi,
o kwøbbe óyod yi tyëng-ɑ nuti pɑ̈nyi kwøbbe ki lïngø.”
Gwiri Pøøl Ree kipe Kedhi Römɑ̀
22 #
Röm 1.13
O bene gïn-ɑ nyi mɑ̈ɑ̈n yɑn bëën yï wun. 23De ɑnɑn bong gïn gwøg yi yɑn këti kì yethi pödhhɑni, o pyëwɑ ɑ́bëëd e okønø ceth ki bëën yï wun kì yethi runn-ɑ ɑ́pöödh bënn, 24yɑ gɑ̈n yɑ ótöngi be lidhi wun keny-ɑ óbëënɑ yɑ kedh-ɑ Ispɑniyɑ̀, o yɑ ókøny yi wun ki kedhi kunɑni, e pyëwɑ rum mïnø kɑ ɑ́yïddɑ ki wun. 25De ɑnɑn yɑ kedh-ɑ Yerusɑlem be kønyi jii Jwøk. 26#1 Kör 16.1-4 Mɑ́ kɑnïsɑ̀ kì Mɑkdöniyɑ̀ geki Akɑiyɑ̀ ge ɑ́göög ki gïjø me døøj; ge ɑ́gwɑ̈ɑ̈j ki gïg køny gen nyiimï gen møg-ɑ jɑdø kì Yerusɑlem. 27#1 Kör 9.11 Rummɑni ɑ́kɑ̈ɑ̈l-ɑ yï gen keti gen; de kidyër ceth, døøj kɑ̀ kunyi gen, mɑ́ gyëdhhi yïëyi Yeud ɑ́nywɑg yi gen ki tyëngpɑth ki Yeud, tyëngɑni ceg-ɑ lunyø ceth ki kønyi Yeud ki jɑmmi kömi piny. 28Keny-ɑ órumɑ ki mëggi gen jɑmmɑni, yɑ ódhwödh yɑ kedh-ɑ Ispɑniyɑ̀, o yɑ ótöngi be këëmi wun. 29O ngɑ̈nyi yi yɑn kinni, keny-ɑ óbëënɑ yï wun, yɑ óbï kɑ gyëdhhi Mesiy bënn.
30Wun ɑ nyiimïɑ, yɑ kwɑjj-ɑ wun ki nyingi Wë Yëso Mesiy kí mɑ̈ɑ̈dø men-ɑ muuj yi Wëy, kinni kwɑjji wɑ Jwøk kiperɑ, 31o yɑ yiele kì cinggi tyëng-ɑ bɑny yïëyø kì Yeudiyɑ̀, o kunyø miɑ óyïëy yi jii Jwøk kì kunɑni. 32O yɑ óbïɑ yï wun pyëwɑ omedø, keløg ɑ́ gïn dwɑddi yi Jwøk, o këëmi wun óbëëde med kì yïɑ. 33Wɑ ókøny yi Jwøk, ngɑn-ɑ yïe nyi kɑ̈ɑ̈l yi mër. Amen.
Currently Selected:
Röm 15: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
