Kwɑn 34
34
Keew Piny
1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2“Ceg tyëng Isrɑil; köbbí gen kinni keny-ɑ ókedhu Kɑnɑɑn, piny-ɑ mëggɑ wun, piny Kɑnɑɑn bëne, 3Kew kì kuni wɑɑng wurlwɑl cɑ̈g-ɑ́ɑ̀ pɑ̈ɑ̈l Dhin e kɑ̈ll-ɑ tøg piny Edöm, keew wun kì kuni wɑɑng wurlwɑl cɑ̈g-ɑ́ɑ̀ tøg Luuy Omelø kì wɑɑng cyɑ̈ɑ̈ng mwøl. 4Codhe, o kewɑni pödhe wɑɑng cyɑ̈ɑ̈ng mwøl e kedh-ɑ Ókømi Akrɑbïm,#34.4. Ókømi Akrɑbïm: Bɑ keny me bɑ ókømø kì kɑɑm kïttì, kì yij yuu-ɑ kedhi töör “ïïdh” ɑ løg “ɑkrɑbïm,” kì dhøg Ibru. Kenyɑni ying-ɑ buti Luuy Omelø kì wɑɑng wurlwɑl. e bɑ̈ɑ̈n-ɑ Dhin gïti Gɑdic Berniyɑ̀. Codhe o ree løge kuni wɑɑng cyɑ̈ɑ̈ng böörø, e kedh-ɑ Adher Adɑr e pödh-ɑ Adhmön, 5o ree løge kì Adhmön kì keew Rïp, o thøwe Nɑɑm Omeli Tɑr.
6“Kew men-ɑ wɑɑng cyɑ̈ɑ̈ng böörø bɑ Nɑɑm Omeli Tɑr.
7“Kew men-ɑ wɑɑng wuudø cɑ̈g-ɑ́ɑ̀ Nɑɑm Omeli Tɑr gïti Kïti Ör. 8O cɑ̈ge kì kenyɑni gïti Yuu-ɑ töngi Amɑth e pödh-ɑ Dhedɑd, 9gïti Dhiprön, o thøwe kì Adhɑr Einɑn.
10“Kew kì wɑɑng cyɑ̈ɑ̈ng mwøl cɑ̈g-ɑ́ɑ̀ Adhɑr Einɑn gïti Cepɑm. 11Kewɑni cɑ̈g-ɑ́ɑ̀ Arbel kì bøli Ain kì wɑɑng cyɑ̈ɑ̈ng mwøl, e pödh-ɑ kelli kïtt-ɑ thønhø kì kömi Tɑɑy Gɑlelì kì wɑɑng cyɑ̈ɑ̈ng mwøl, 12codhe o tönge kuni wɑɑng wurlwɑl gïti Nɑm Urdun e pödh-ɑ Luuy Omelø.
“Møgɑk bene gen keww ɑ́ngwen mø piny wun.”
13 #
Jöc 14.1-5
Aköbbi tyëng Isrɑil yi Mosɑ̀ kinni, “Bene piny men-ɑ ókwɑny yi wun ɑnɑn, e leng kɑ wél, piny-ɑ ɑ́mëggi wɑ̈thi kɑ̈llì ɑ́bïngwen ki budi wïj kɑl yi Jwøng-ɑ Ácwɑ̈ɑ̈j. 14Gøl Ruben kí gøl Gɑd geki budi gøl Mɑnɑsè ɑ́rum ki mëggi piny gen, ɑ́pɑ̈ngi e røøm ki kɑ̈lli wëëg gen, 15kì løøg Nɑm Urdun kì wɑɑng cyɑ̈ɑ̈ng mwøl kì bøli Yerikö.”
Jyɑ̈gg-ɑ Pɑ̈ngi Piny
16Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 17“Piny ópɑ̈ngi kì kelli ji yi ókwërø Eliɑdhɑr geki Jöcwø wɑ̈d Nun. 18Kɑ yï kɑ̈bbí thyew ki dhɑnhø me køny gen kì wɑ̈thi kɑ̈llì; dhɑnhø ɑ́kyel kì wïj kɑl.” 19-28Bene gen jøg-ɑ ɑ́kwɑny yi Jwøng-ɑ Ácwɑ̈ɑ̈j ek:
| Wïj Kɑl | Jɑngi Gølɑni |
|---|---|
| Yeudɑ̀ | Kɑlib wɑ̈d Yepunɑ̀ |
| Cimeøn | Celumeil wɑ̈d Amiud |
| Ben Yɑmïn | Elidɑd wɑ̈d Kislön |
| Dɑn | Bukì wɑ̈d Yoglì |
| Mɑnɑsè | Aniel wɑ̈d Epöd |
| Eprɑim | Kemuel wɑ̈d Ciptɑn |
| Dhebulun | Elidhɑpɑn wɑ̈d Pɑrnɑk |
| Isɑkɑr | Pɑltiel wɑ̈d Adhɑn |
| Aceer | Akiud wɑ̈d Celömì |
| Nɑptɑlì | Pedɑel wɑ̈d Amiud |
29Bene gen jøg-ɑ ɑ́kwɑny yi Jwøng-ɑ Ácwɑ̈ɑ̈j, o ge pɑ̈ngi gen piny kì kelli tyëng Isrɑil ɑgɑk, kì yij piny Kɑnɑɑn.
Currently Selected:
Kwɑn 34: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
