Kwɑn 31
31
Liny Kwërø ki Tyëng Midyɑn
1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2“Col gøøli tyëng Isrɑil ki tyëng Midyɑn, o rume o yï kedhí kun-ɑ di kweyyí.”
3Codhe, ɑköbbi teedø yi Mosɑ̀ kinni, “Kɑ̈bbi wun ki jøg mø kedhi be pɑ̈ɑ̈r kömi tyëng Midyɑn, o ge nɑ̈g kipe gïnrɑj men-ɑ ɑ́göggi Jwøng-ɑ Ácwɑ̈ɑ̈j yi gen. 4Kɑ̈bbi kɑl ɑ́kyel ki jøg mø kwɑnni gen bɑ ɑ́lïp, møg kedhi be liny.”
5Codhe, ɑmyeeg ɑ́lïp kì gøl kí gøl, kɑ kwɑnni jøliny ogöögø ki ɑ́lïp pyɑ̈rø wïdɑ́ryew, gen ɑ jø kɑ̈llɑni gɑ pyɑ̈rø wïdɑ́ryew. 6Aör gen be liny yi Mosɑ̀ ge pyejj-ɑ yi Pineɑs wɑ̈d ókwërø Eliɑdhɑr, e ókɑ̈ddø ki jɑmmi kwër geki kɑng. 7Kɑ ge pɑ̈ɑ̈r-ɑ kömi tyëng Midyɑn, ɑnɑ̈g gen cwøw bënn, 8kí rɑ̈nhi Midyɑn gɑ ɑ́bïj. Ebì, Rekem, Dhur, Ur kí Tebɑ̀. Kɑ Bɑlɑɑm wɑ̈d Beor nɑ̈g yi gen thyew.
9Kɑ mɑ̈nni Midyɑn ki nyigi gen mɑg yi Isrɑil, kɑ dhögi gen kwɑny, kɑ kɑ̈ɑ̈r gen yɑy bëne, 10kɑ myërri gen rɑ̈b geki kɑ̈ddi gen. 11Kɑ gïg-ɑ ɑ́mɑg bënn kɑ̈ɑ̈l gen, kí ji geki dyëg kí dhög, 12ge muuj-ɑ Mosɑ̀ geki Eliɑdhɑr, kí teedø bëne kì kɑɑl thwøri Moɑb kì kömi Nɑm Urdun kì bøli Yerikö.
Dwöögi Liny
13Kɑ liny pɑɑr ngɑ̈ɑ̈j kɑɑl yi Mosɑ̀ geki Eliɑdhɑr, kí jɑgg geki teedø bëne. 14Mosɑ̀ ɑ́bëëd pyëwe rɑɑj ki pëjji liny, ɑ løg pëjji ɑ́lïp geki pëjji miy, møg-ɑ ɑ́kɑ̈ɑ̈l be liny. 15Kɑ ge pyëje kinni, “Gede tyëng-ɑ mɑ̈nn bënn ɑ wiyu gen ge onëënø? 16#Kwɑn 25.1-9 Wɑ̈thi wun ɑ́ceg-ɑ wïlø kinni bɑ tyëng-ɑ mɑ̈nn ɑ ɑ́lïngi kwøbbi Bɑlɑɑm kì Peor, ɑthɑ̈bbi gen ji orøg kì bøli Jwøng-ɑ Ácwɑ̈ɑ̈j? Pɑth ki gööj gen ɑ ɑ́kɑ̈ɑ̈l yømø nɑ̈ɑ̈g men-ɑ ɑ́nɑ̈g jii Jwøng-ɑ Ácwɑ̈ɑ̈j? 17Nɑ̈gu yɑɑg thønhø bënn geki tyëng-ɑ mɑ̈nn møg-ɑ rumø niin yi cwøw. 18Kɑ womɑ̈nn geki wojur møg-ɑ nuti niin yi cwøw kwɑny wun. 19Kɑ wun, wu tyëng-ɑ ɑ́nɑ̈ɑ̈g ki ji, wɑlɑ̀ ɑ ɑ́nywɑ̈ddi ki ngɑnthøø, bëëd wun kì ngɑ̈ɑ̈j kɑɑl ki cyɑ̈ng ɑ́bïryew. Kɑ ri wun lɑw wun ki dɑ̈ɑ̈g cyɑ̈ng geki bïryeew cyɑ̈ng, o wu dhïwi wun, wuki mɑ̈nn-ɑ ɑ́mɑg yi wun. 20Lɑw wun ógudhi wun bënn, ki gïg-ɑ ócwɑ̈jø ki yëyyi dyëg geki møg-ɑ ótyengø gɑ yɑdh.”
21Kɑ jøg-ɑ ɑ́dwöög kì be liny köbbi yi ókwërø Eliɑdhɑr kinni, “Møg bene gen cigg-ɑ ɑ́mëggi Mosɑ̀ yi Jwøng-ɑ Ácwɑ̈ɑ̈j: 22-23Gïg-ɑ pɑ nyi rɑ̈bbi yi mɑc ni dhɑb, kí ɑ́tegø, kí dilɑl, kí ngyënyø dødø, kí dhïngkì, kí ɑ́yömø, kɑ̈ɑ̈l-ɑ yij mɑc o dhïwe. O gïg-ɑ nyi rɑ̈b yi mɑc lɑw kɑ pïi dhïwø. 24Lwøg wun ógudhi wun kì bïryeew cyɑ̈ng, kɑ wu lwøggi wun, o wu dhïwi wun, codhe o wu kedhu kɑɑl cyee.”
Pɑ̈ngi Jɑmm-ɑ Ámɑg
25Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 26“Kwɑn jɑmm-ɑ ɑ́mɑ̈ɑ̈g bënn; ji kí dhög, kí dyëg, kí ɑderr. Kwɑnu gen wuki ókwërø Eliɑdhɑr kí jɑgg-ɑ kyeelø, 27kɑ ge pɑ̈ngi wun gɑ bud ɑ́ryew mø pɑ̈r, budø ɑ́kyel mi jøg-ɑ ɑ́kedhi be liny, o bun-ɑ kyeelø mi teedø. 28Kɑ yï kɑ̈bbí ki gwɑ̈ɑ̈j Jwøng-ɑ Ácwɑ̈ɑ̈j kì ri budø mi jøg-ɑ ɑ́kedhi be liny, nyi kɑ̈bbí ki ɑ́kyel kì ri miy ɑ́bïj møg-ɑ bɑ ji, kí dhög, kí ɑderr kí dyëg. 29Kɑ ge mëggí ókwërø Eliɑdhɑr gɑ jwödhø mi Jwøng-ɑ Ácwɑ̈ɑ̈j. 30Kɑ̈bbí thyew kì ri bun-ɑ bɑ mi teedø ki ɑ́kyel kì ri pyɑ̈r ɑ́bïj møg-ɑ bɑ ji, kí dhög, kí ɑderr, kí dyëg. Kɑ ge mëggí Kwɑrri Leebì jøg-ɑ korri Kemi Kwëër Jwøng-ɑ Ácwɑ̈ɑ̈j.” 31Kɑ møg-ɑ ɑ́cïgi Mosɑ̀ yi Jwøng-ɑ Ácwɑ̈ɑ̈j, gwøg ceth yi Mosɑ̀ geki Eliɑdhɑr.
32-35Møg bene gen kwɑnni gïg-ɑ ɑ́mɑg bënn yi jøliny: dyëg römm geki ɑ́tegg bɑ ɑ́lïp miy ɑ́bïkyel kí pyɑ̈r ɑ́bïryew wïdɑ́bïj, kí dhög ɑ́lïp pyɑ̈r ɑ́bïryew wïdɑ́ryew, kí ɑderr ɑ́lïp pyɑ̈r ɑ́bïkyel wïdɑ́kyel, kí womɑ̈nn ɑ́lïp pyɑ̈r ɑ́dɑ̈g wïdɑ́ryew. 36-40Bun-ɑ bɑ mi jøg-ɑ ɑ́kedhi be liny bɑ ɑ́lïp miy ɑ́dɑ̈g kí pyɑ̈r ɑ́dɑ̈g wïdɑ́bïryew, kí miy ɑ́bïj dyëg ɑ́tegg kí römm, ri gen ɑ́kwɑɑny-ɑ miy ɑ́bïkyel ki pyɑ̈r ɑ́bïryew wïdɑ́bïj gɑ gwɑ̈ɑ̈j Jwøng-ɑ Ácwɑ̈ɑ̈j. Kí dhög ɑ́lïp pyɑ̈r ɑ́dɑ̈g wïdɑ́bïkyel, ri gen ɑ́kwɑɑny-ɑ pyɑ̈r ɑ́bïryew wïdɑ́ryew gɑ gwɑ̈ɑ̈j Jwøng-ɑ Ácwɑ̈ɑ̈j, kí ɑderr ɑ́lïp pyɑ̈r ɑ́dɑ̈g kí miy ɑ́bïj, ri gen ɑ́kwɑɑny-ɑ pyɑ̈r ɑ́bïkyel wïdɑ́kyel gɑ gwɑ̈ɑ̈j Jwøng-ɑ Ácwɑ̈ɑ̈j, kí womɑ̈nn ɑ́lïp pyɑ̈rø wïdɑ́bïkyel, ri gen ɑ́kwɑɑny-ɑ pyɑ̈r ɑ́dɑ̈g wïdɑ́ryew gɑ gwɑ̈ɑ̈j Jwøng-ɑ Ácwɑ̈ɑ̈j. 41Codhe, ɑmëggi gwɑ̈nyɑni Eliɑdhɑr yi Mosɑ̀ ɑ́ jwödhø mi Jwøng-ɑ Ácwɑ̈ɑ̈j, ni møg-ɑ ɑ́cïgi Mosɑ̀ yi Jwøng-ɑ Ácwɑ̈ɑ̈j.
42-46Bun-ɑ bɑ mi teedø pɑ̈r ki bun-ɑ bɑ mi jøg-ɑ ɑ́kedhi be liny: dyëg römm kí ɑ́tegg bɑ ɑ́lïp miy ɑ́dɑ̈g kí pyɑ̈r ɑ́dɑ̈g wïdɑ́bïryew, kí miy ɑ́bïj; dhög bɑ ɑ́lïp pyɑ̈r ɑ́dɑ̈g wïdɑ́bïkyel; ɑderr bɑ ɑ́lïp pyɑ̈r ɑ́dɑ̈g; o womɑ̈nn bɑ ɑ́lïp pyɑ̈rø wïdɑ́bïkyel. 47Ri gen ɑ́kɑ̈bbi yi Mosɑ̀ ki ɑ́kyel kì ri pyɑ̈r ɑ́bïj møg-ɑ bɑ ji, kí dhög, kí ɑderr, kí dyëg, kɑ gï mëgge Kwɑrri Leebì møg-ɑ ɑ́korri Kemi Kwëër Jwøng-ɑ Ácwɑ̈ɑ̈j, ni møg-ɑ ɑ́cïgi Mosɑ̀ yi Jwøng-ɑ Ácwɑ̈ɑ̈j.
48Kɑ pëjjì møg-ɑ ɑ́pej liny kedh-ɑ yï Mosɑ̀, 49ɑköbbi ge gøn kinni, “Jɑldwøng, jøg-ɑ ɑ́peej yi wøn be liny ɑ́kwɑn yi wøn, bong dhɑnhø ɑ́kyel me tøøk. 50Bene ɑ bɑnge kɑ̈ɑ̈l wøn dhɑb men-ɑ bɑ yëll, kí gyell, kí gwelli lwedd, kí gwelli yïthh, kí ɑ́cwecwelli yedh møg-ɑ ɑ́kɑ̈ɑ̈l yi wøn, ge muuj wø’ Jwøng-ɑ Ácwɑ̈ɑ̈j, gɑ møg-ɑ ɑ́gøøm bøli wëyi wøn, o wø ókorri yi en ceth.” 51Akwɑɑny jɑmmi dhɑb møgɑni yi Mosɑ̀ geki Eliɑdhɑr. 52Jɑmmɑni ɑ́røm gɑ gïn ni kïllì miy ɑ́ryew, gen ɑ møg-ɑ ɑ́kɑ̈ɑ̈l yi pëjji liny. 53De jøg-ɑ pɑth ki pëjjì, jɑmmi dhɑb møg-ɑ ɑ́kɑ̈ɑ̈l yi gen nuti muujø yi gen. 54Kɑ dhɑmɑni kïdhi Kemi Kwër yi Mosɑ̀ geki Eliɑdhɑr, kipe kinni o tyëng Isrɑil korri yi Jwøng-ɑ Ácwɑ̈ɑ̈j.
Currently Selected:
Kwɑn 31: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Kwɑn 31
31
Liny Kwërø ki Tyëng Midyɑn
1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2“Col gøøli tyëng Isrɑil ki tyëng Midyɑn, o rume o yï kedhí kun-ɑ di kweyyí.”
3Codhe, ɑköbbi teedø yi Mosɑ̀ kinni, “Kɑ̈bbi wun ki jøg mø kedhi be pɑ̈ɑ̈r kömi tyëng Midyɑn, o ge nɑ̈g kipe gïnrɑj men-ɑ ɑ́göggi Jwøng-ɑ Ácwɑ̈ɑ̈j yi gen. 4Kɑ̈bbi kɑl ɑ́kyel ki jøg mø kwɑnni gen bɑ ɑ́lïp, møg kedhi be liny.”
5Codhe, ɑmyeeg ɑ́lïp kì gøl kí gøl, kɑ kwɑnni jøliny ogöögø ki ɑ́lïp pyɑ̈rø wïdɑ́ryew, gen ɑ jø kɑ̈llɑni gɑ pyɑ̈rø wïdɑ́ryew. 6Aör gen be liny yi Mosɑ̀ ge pyejj-ɑ yi Pineɑs wɑ̈d ókwërø Eliɑdhɑr, e ókɑ̈ddø ki jɑmmi kwër geki kɑng. 7Kɑ ge pɑ̈ɑ̈r-ɑ kömi tyëng Midyɑn, ɑnɑ̈g gen cwøw bënn, 8kí rɑ̈nhi Midyɑn gɑ ɑ́bïj. Ebì, Rekem, Dhur, Ur kí Tebɑ̀. Kɑ Bɑlɑɑm wɑ̈d Beor nɑ̈g yi gen thyew.
9Kɑ mɑ̈nni Midyɑn ki nyigi gen mɑg yi Isrɑil, kɑ dhögi gen kwɑny, kɑ kɑ̈ɑ̈r gen yɑy bëne, 10kɑ myërri gen rɑ̈b geki kɑ̈ddi gen. 11Kɑ gïg-ɑ ɑ́mɑg bënn kɑ̈ɑ̈l gen, kí ji geki dyëg kí dhög, 12ge muuj-ɑ Mosɑ̀ geki Eliɑdhɑr, kí teedø bëne kì kɑɑl thwøri Moɑb kì kömi Nɑm Urdun kì bøli Yerikö.
Dwöögi Liny
13Kɑ liny pɑɑr ngɑ̈ɑ̈j kɑɑl yi Mosɑ̀ geki Eliɑdhɑr, kí jɑgg geki teedø bëne. 14Mosɑ̀ ɑ́bëëd pyëwe rɑɑj ki pëjji liny, ɑ løg pëjji ɑ́lïp geki pëjji miy, møg-ɑ ɑ́kɑ̈ɑ̈l be liny. 15Kɑ ge pyëje kinni, “Gede tyëng-ɑ mɑ̈nn bënn ɑ wiyu gen ge onëënø? 16#Kwɑn 25.1-9 Wɑ̈thi wun ɑ́ceg-ɑ wïlø kinni bɑ tyëng-ɑ mɑ̈nn ɑ ɑ́lïngi kwøbbi Bɑlɑɑm kì Peor, ɑthɑ̈bbi gen ji orøg kì bøli Jwøng-ɑ Ácwɑ̈ɑ̈j? Pɑth ki gööj gen ɑ ɑ́kɑ̈ɑ̈l yømø nɑ̈ɑ̈g men-ɑ ɑ́nɑ̈g jii Jwøng-ɑ Ácwɑ̈ɑ̈j? 17Nɑ̈gu yɑɑg thønhø bënn geki tyëng-ɑ mɑ̈nn møg-ɑ rumø niin yi cwøw. 18Kɑ womɑ̈nn geki wojur møg-ɑ nuti niin yi cwøw kwɑny wun. 19Kɑ wun, wu tyëng-ɑ ɑ́nɑ̈ɑ̈g ki ji, wɑlɑ̀ ɑ ɑ́nywɑ̈ddi ki ngɑnthøø, bëëd wun kì ngɑ̈ɑ̈j kɑɑl ki cyɑ̈ng ɑ́bïryew. Kɑ ri wun lɑw wun ki dɑ̈ɑ̈g cyɑ̈ng geki bïryeew cyɑ̈ng, o wu dhïwi wun, wuki mɑ̈nn-ɑ ɑ́mɑg yi wun. 20Lɑw wun ógudhi wun bënn, ki gïg-ɑ ócwɑ̈jø ki yëyyi dyëg geki møg-ɑ ótyengø gɑ yɑdh.”
21Kɑ jøg-ɑ ɑ́dwöög kì be liny köbbi yi ókwërø Eliɑdhɑr kinni, “Møg bene gen cigg-ɑ ɑ́mëggi Mosɑ̀ yi Jwøng-ɑ Ácwɑ̈ɑ̈j: 22-23Gïg-ɑ pɑ nyi rɑ̈bbi yi mɑc ni dhɑb, kí ɑ́tegø, kí dilɑl, kí ngyënyø dødø, kí dhïngkì, kí ɑ́yömø, kɑ̈ɑ̈l-ɑ yij mɑc o dhïwe. O gïg-ɑ nyi rɑ̈b yi mɑc lɑw kɑ pïi dhïwø. 24Lwøg wun ógudhi wun kì bïryeew cyɑ̈ng, kɑ wu lwøggi wun, o wu dhïwi wun, codhe o wu kedhu kɑɑl cyee.”
Pɑ̈ngi Jɑmm-ɑ Ámɑg
25Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 26“Kwɑn jɑmm-ɑ ɑ́mɑ̈ɑ̈g bënn; ji kí dhög, kí dyëg, kí ɑderr. Kwɑnu gen wuki ókwërø Eliɑdhɑr kí jɑgg-ɑ kyeelø, 27kɑ ge pɑ̈ngi wun gɑ bud ɑ́ryew mø pɑ̈r, budø ɑ́kyel mi jøg-ɑ ɑ́kedhi be liny, o bun-ɑ kyeelø mi teedø. 28Kɑ yï kɑ̈bbí ki gwɑ̈ɑ̈j Jwøng-ɑ Ácwɑ̈ɑ̈j kì ri budø mi jøg-ɑ ɑ́kedhi be liny, nyi kɑ̈bbí ki ɑ́kyel kì ri miy ɑ́bïj møg-ɑ bɑ ji, kí dhög, kí ɑderr kí dyëg. 29Kɑ ge mëggí ókwërø Eliɑdhɑr gɑ jwödhø mi Jwøng-ɑ Ácwɑ̈ɑ̈j. 30Kɑ̈bbí thyew kì ri bun-ɑ bɑ mi teedø ki ɑ́kyel kì ri pyɑ̈r ɑ́bïj møg-ɑ bɑ ji, kí dhög, kí ɑderr, kí dyëg. Kɑ ge mëggí Kwɑrri Leebì jøg-ɑ korri Kemi Kwëër Jwøng-ɑ Ácwɑ̈ɑ̈j.” 31Kɑ møg-ɑ ɑ́cïgi Mosɑ̀ yi Jwøng-ɑ Ácwɑ̈ɑ̈j, gwøg ceth yi Mosɑ̀ geki Eliɑdhɑr.
32-35Møg bene gen kwɑnni gïg-ɑ ɑ́mɑg bënn yi jøliny: dyëg römm geki ɑ́tegg bɑ ɑ́lïp miy ɑ́bïkyel kí pyɑ̈r ɑ́bïryew wïdɑ́bïj, kí dhög ɑ́lïp pyɑ̈r ɑ́bïryew wïdɑ́ryew, kí ɑderr ɑ́lïp pyɑ̈r ɑ́bïkyel wïdɑ́kyel, kí womɑ̈nn ɑ́lïp pyɑ̈r ɑ́dɑ̈g wïdɑ́ryew. 36-40Bun-ɑ bɑ mi jøg-ɑ ɑ́kedhi be liny bɑ ɑ́lïp miy ɑ́dɑ̈g kí pyɑ̈r ɑ́dɑ̈g wïdɑ́bïryew, kí miy ɑ́bïj dyëg ɑ́tegg kí römm, ri gen ɑ́kwɑɑny-ɑ miy ɑ́bïkyel ki pyɑ̈r ɑ́bïryew wïdɑ́bïj gɑ gwɑ̈ɑ̈j Jwøng-ɑ Ácwɑ̈ɑ̈j. Kí dhög ɑ́lïp pyɑ̈r ɑ́dɑ̈g wïdɑ́bïkyel, ri gen ɑ́kwɑɑny-ɑ pyɑ̈r ɑ́bïryew wïdɑ́ryew gɑ gwɑ̈ɑ̈j Jwøng-ɑ Ácwɑ̈ɑ̈j, kí ɑderr ɑ́lïp pyɑ̈r ɑ́dɑ̈g kí miy ɑ́bïj, ri gen ɑ́kwɑɑny-ɑ pyɑ̈r ɑ́bïkyel wïdɑ́kyel gɑ gwɑ̈ɑ̈j Jwøng-ɑ Ácwɑ̈ɑ̈j, kí womɑ̈nn ɑ́lïp pyɑ̈rø wïdɑ́bïkyel, ri gen ɑ́kwɑɑny-ɑ pyɑ̈r ɑ́dɑ̈g wïdɑ́ryew gɑ gwɑ̈ɑ̈j Jwøng-ɑ Ácwɑ̈ɑ̈j. 41Codhe, ɑmëggi gwɑ̈nyɑni Eliɑdhɑr yi Mosɑ̀ ɑ́ jwödhø mi Jwøng-ɑ Ácwɑ̈ɑ̈j, ni møg-ɑ ɑ́cïgi Mosɑ̀ yi Jwøng-ɑ Ácwɑ̈ɑ̈j.
42-46Bun-ɑ bɑ mi teedø pɑ̈r ki bun-ɑ bɑ mi jøg-ɑ ɑ́kedhi be liny: dyëg römm kí ɑ́tegg bɑ ɑ́lïp miy ɑ́dɑ̈g kí pyɑ̈r ɑ́dɑ̈g wïdɑ́bïryew, kí miy ɑ́bïj; dhög bɑ ɑ́lïp pyɑ̈r ɑ́dɑ̈g wïdɑ́bïkyel; ɑderr bɑ ɑ́lïp pyɑ̈r ɑ́dɑ̈g; o womɑ̈nn bɑ ɑ́lïp pyɑ̈rø wïdɑ́bïkyel. 47Ri gen ɑ́kɑ̈bbi yi Mosɑ̀ ki ɑ́kyel kì ri pyɑ̈r ɑ́bïj møg-ɑ bɑ ji, kí dhög, kí ɑderr, kí dyëg, kɑ gï mëgge Kwɑrri Leebì møg-ɑ ɑ́korri Kemi Kwëër Jwøng-ɑ Ácwɑ̈ɑ̈j, ni møg-ɑ ɑ́cïgi Mosɑ̀ yi Jwøng-ɑ Ácwɑ̈ɑ̈j.
48Kɑ pëjjì møg-ɑ ɑ́pej liny kedh-ɑ yï Mosɑ̀, 49ɑköbbi ge gøn kinni, “Jɑldwøng, jøg-ɑ ɑ́peej yi wøn be liny ɑ́kwɑn yi wøn, bong dhɑnhø ɑ́kyel me tøøk. 50Bene ɑ bɑnge kɑ̈ɑ̈l wøn dhɑb men-ɑ bɑ yëll, kí gyell, kí gwelli lwedd, kí gwelli yïthh, kí ɑ́cwecwelli yedh møg-ɑ ɑ́kɑ̈ɑ̈l yi wøn, ge muuj wø’ Jwøng-ɑ Ácwɑ̈ɑ̈j, gɑ møg-ɑ ɑ́gøøm bøli wëyi wøn, o wø ókorri yi en ceth.” 51Akwɑɑny jɑmmi dhɑb møgɑni yi Mosɑ̀ geki Eliɑdhɑr. 52Jɑmmɑni ɑ́røm gɑ gïn ni kïllì miy ɑ́ryew, gen ɑ møg-ɑ ɑ́kɑ̈ɑ̈l yi pëjji liny. 53De jøg-ɑ pɑth ki pëjjì, jɑmmi dhɑb møg-ɑ ɑ́kɑ̈ɑ̈l yi gen nuti muujø yi gen. 54Kɑ dhɑmɑni kïdhi Kemi Kwër yi Mosɑ̀ geki Eliɑdhɑr, kipe kinni o tyëng Isrɑil korri yi Jwøng-ɑ Ácwɑ̈ɑ̈j.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.