Kwɑn 27
27
Nyigi Dhelopekɑd
1Kɑ nyigi Dhelopekɑd wɑ̈d Eper, wɑ̈d Gilyɑd, wɑ̈d Mɑkir, wɑ̈d Mɑnɑsè wɑ̈d Yosep obëënø. Nyingi woɑni bɑ Mɑklɑ̀, Nöö, Oglɑ̀, Milkɑ̀ ki Tirdhɑ̀. 2Kɑ ge ócungø kì bøli Mosɑ̀ geki ókwërø Eliɑdhɑr, e pëjji pödhø nud geki teedø bëne kì dhø Kemi Kwër, kɑ ge okööbø kinni, 3“Wïyi wøn ɑ́thøw kì yij pɑ̈l, e bong wɑ̈de. Nuti’ ying-ɑ kelli jø Körɑ̀, jøg-ɑ ɑ́köör kì ri Jwøng-ɑ Ácwɑ̈ɑ̈j, ɑ́thøw kɑ per orøge kì wɑ̈ye. 4Mɑ́ wïyi wøn yïe bong wɑ̈dde, bene ɑ pere lɑ̈ɑ̈ny nyinge kì Isrɑil? Nëngi wøn ki piny kì kelli wɑddi wïyi wøn.”
5Akïdhi gøøny gen bøli Jwøng-ɑ Ácwɑ̈ɑ̈j yi Mosɑ̀. 6Aköbbi Mosɑ̀ yi Jwøng-ɑ Ácwɑ̈ɑ̈j kinni, 7#Kwɑn 36.2 “Nyigi Dhelopekɑd, kømm-ɑ dyër, nëngí gen ki piny kì kelli wɑddi wïyi gen. Wiy piny wïyi gen lɑg yi gen. 8Köbbí tyëng Isrɑil kinni, othøw dhɑnhø e bong wɑ̈d me wiy yi en, lɑɑg jɑmme yi nyɑre. 9Ke bong yïe nyɑre, lɑɑg jɑmme yi nyiimen yɑɑg-ɑ cwøw. 10Keløg yïe bong nyiimen yɑɑg-ɑ cwøw, lɑɑg jɑmme yi nyiimï wïye yɑɑg-ɑ cwøw. 11O keløg e bong nyiimï wïye yɑɑg-ɑ cwøw, lɑɑg jɑmme yi wɑɑd gen, wɑn-ɑ cyɑ̈gi ki en, kɑ jɑmmɑni mïdhi yi ngɑnɑni gɑ møge. Mïdhi møgɑni yi tyëng Isrɑil gɑ kwöng. Ciggɑ møg, mïdhi gen ceth yi tyëng Isrɑil.”
Myegi Jöcwø ɑ́ Ngɑn Kwɑny Kej Mosɑ̀
(Jølø 31.1-8)
12 #
Jølø 3.23-27; 32.48-52 Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, “Yedhí mɑl wïj Kïti Abɑrïm, kɑ piny-ɑ mëggɑ tyëng Isrɑil liidh. 13Orume ki lidhø yi yïn, o yï kedhí bɑng jií ni Aɑron ómyëw, 14mɑ́ ciggɑ ɑ́pyem-ɑ yi wun ryeet kì yij pɑ̈ɑ̈l Dhin. Keny-ɑ ɑ́köör teedø kì riɑ kì Merïbɑ̀, wu ɑ́bɑ̈nyi nyodhi tegɑ kwërø kì ri pï kì bøli teedø.” (Merïbɑ̀ bɑ wɑɑng pï kì Gɑdic kì yij pɑ̈ɑ̈l Dhin).
15Akwɑjji Jwøng-ɑ Ácwɑ̈ɑ̈j yi Mosɑ̀ kinni, 16“Yïn ɑ Jwøk, Jwøng-ɑ Ácwɑ̈ɑ̈j, bɑ yïn ɑ yïí nyi kɑ̈ɑ̈l yi wëy bënn, yɑ kwɑjj-ɑ yïn, kɑ̈bbí ki dhɑnhø men-ɑ ópyejji ji, 17#1 Rɑ̈nhì 22.17; Idhki 34.5; Mt 9.36; Mk 6.34 ɑ ópyejji gen kì yij liny, o yɑyí cöge e pɑ göögø ni dyëg møg bong ngɑn kwɑy gen.”
18 #
Kedhø 24.13
Aköbbi Mosɑ̀ yi Jwøng-ɑ Ácwɑ̈ɑ̈j kinni, “Jöcwø wɑ̈d Nun bɑ jöd, kwɑɑny kɑ cinggí thɑɑny wïje. 19Kɑ cuung kì bøli ókwërø Eliɑdhɑr, geki teedø bëne, kɑ kwøøb kì kenyɑni kinni bɑ en ɑ kwɑny kejí. 20Kɑ nëngí kì ri mɑ̈rí, o ówør yi tyëng Isrɑil bënn. 21#Kedhø 28.30; 1 Sɑm 14.41; 28.6 Ókøny yi ókwërø Eliɑdhɑr. Eliɑdhɑr ónyudhɑ ki gïn-ɑ dwɑddɑ kì ri Urïm geki Thumïm.#27.21 Urïm kí Thumïm: Ge bɑ jɑmmì ɑ́ryew møg nyi rɑ̈ɑ̈ng yi ókwërø, o yode gïn-ɑ dwɑddi yi Jwøk; de kër-ɑ nyii rɑ̈ɑ̈ng gen kwïj kidøøj. Eliɑdhɑr ɑ nyudhi Jöcwø geki teedø bëne ki gïg-ɑ gøggi yi gen bënn.” 22Kɑ Mosɑ̀ møg-ɑ ɑ́köbbii yi Jwøng-ɑ Ácwɑ̈ɑ̈j gwøge bënn. Kɑ Jöcwø cuunge kì bøli Eliɑdhɑr geki teedø bëne. 23#Jølø 31.23 Kɑ Mosɑ̀ cingge thɑɑnye wïj Jöcwø, ɑkwøbe gøn kinni bɑ en ɑ kwɑny keje. Møgɑni ɑ́gwøg yi Mosɑ̀ ceth ni kɑ ɑ́köbbii yi Jwøng-ɑ Ácwɑ̈ɑ̈j.
Currently Selected:
Kwɑn 27: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Kwɑn 27
27
Nyigi Dhelopekɑd
1Kɑ nyigi Dhelopekɑd wɑ̈d Eper, wɑ̈d Gilyɑd, wɑ̈d Mɑkir, wɑ̈d Mɑnɑsè wɑ̈d Yosep obëënø. Nyingi woɑni bɑ Mɑklɑ̀, Nöö, Oglɑ̀, Milkɑ̀ ki Tirdhɑ̀. 2Kɑ ge ócungø kì bøli Mosɑ̀ geki ókwërø Eliɑdhɑr, e pëjji pödhø nud geki teedø bëne kì dhø Kemi Kwër, kɑ ge okööbø kinni, 3“Wïyi wøn ɑ́thøw kì yij pɑ̈l, e bong wɑ̈de. Nuti’ ying-ɑ kelli jø Körɑ̀, jøg-ɑ ɑ́köör kì ri Jwøng-ɑ Ácwɑ̈ɑ̈j, ɑ́thøw kɑ per orøge kì wɑ̈ye. 4Mɑ́ wïyi wøn yïe bong wɑ̈dde, bene ɑ pere lɑ̈ɑ̈ny nyinge kì Isrɑil? Nëngi wøn ki piny kì kelli wɑddi wïyi wøn.”
5Akïdhi gøøny gen bøli Jwøng-ɑ Ácwɑ̈ɑ̈j yi Mosɑ̀. 6Aköbbi Mosɑ̀ yi Jwøng-ɑ Ácwɑ̈ɑ̈j kinni, 7#Kwɑn 36.2 “Nyigi Dhelopekɑd, kømm-ɑ dyër, nëngí gen ki piny kì kelli wɑddi wïyi gen. Wiy piny wïyi gen lɑg yi gen. 8Köbbí tyëng Isrɑil kinni, othøw dhɑnhø e bong wɑ̈d me wiy yi en, lɑɑg jɑmme yi nyɑre. 9Ke bong yïe nyɑre, lɑɑg jɑmme yi nyiimen yɑɑg-ɑ cwøw. 10Keløg yïe bong nyiimen yɑɑg-ɑ cwøw, lɑɑg jɑmme yi nyiimï wïye yɑɑg-ɑ cwøw. 11O keløg e bong nyiimï wïye yɑɑg-ɑ cwøw, lɑɑg jɑmme yi wɑɑd gen, wɑn-ɑ cyɑ̈gi ki en, kɑ jɑmmɑni mïdhi yi ngɑnɑni gɑ møge. Mïdhi møgɑni yi tyëng Isrɑil gɑ kwöng. Ciggɑ møg, mïdhi gen ceth yi tyëng Isrɑil.”
Myegi Jöcwø ɑ́ Ngɑn Kwɑny Kej Mosɑ̀
(Jølø 31.1-8)
12 #
Jølø 3.23-27; 32.48-52 Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, “Yedhí mɑl wïj Kïti Abɑrïm, kɑ piny-ɑ mëggɑ tyëng Isrɑil liidh. 13Orume ki lidhø yi yïn, o yï kedhí bɑng jií ni Aɑron ómyëw, 14mɑ́ ciggɑ ɑ́pyem-ɑ yi wun ryeet kì yij pɑ̈ɑ̈l Dhin. Keny-ɑ ɑ́köör teedø kì riɑ kì Merïbɑ̀, wu ɑ́bɑ̈nyi nyodhi tegɑ kwërø kì ri pï kì bøli teedø.” (Merïbɑ̀ bɑ wɑɑng pï kì Gɑdic kì yij pɑ̈ɑ̈l Dhin).
15Akwɑjji Jwøng-ɑ Ácwɑ̈ɑ̈j yi Mosɑ̀ kinni, 16“Yïn ɑ Jwøk, Jwøng-ɑ Ácwɑ̈ɑ̈j, bɑ yïn ɑ yïí nyi kɑ̈ɑ̈l yi wëy bënn, yɑ kwɑjj-ɑ yïn, kɑ̈bbí ki dhɑnhø men-ɑ ópyejji ji, 17#1 Rɑ̈nhì 22.17; Idhki 34.5; Mt 9.36; Mk 6.34 ɑ ópyejji gen kì yij liny, o yɑyí cöge e pɑ göögø ni dyëg møg bong ngɑn kwɑy gen.”
18 #
Kedhø 24.13
Aköbbi Mosɑ̀ yi Jwøng-ɑ Ácwɑ̈ɑ̈j kinni, “Jöcwø wɑ̈d Nun bɑ jöd, kwɑɑny kɑ cinggí thɑɑny wïje. 19Kɑ cuung kì bøli ókwërø Eliɑdhɑr, geki teedø bëne, kɑ kwøøb kì kenyɑni kinni bɑ en ɑ kwɑny kejí. 20Kɑ nëngí kì ri mɑ̈rí, o ówør yi tyëng Isrɑil bënn. 21#Kedhø 28.30; 1 Sɑm 14.41; 28.6 Ókøny yi ókwërø Eliɑdhɑr. Eliɑdhɑr ónyudhɑ ki gïn-ɑ dwɑddɑ kì ri Urïm geki Thumïm.#27.21 Urïm kí Thumïm: Ge bɑ jɑmmì ɑ́ryew møg nyi rɑ̈ɑ̈ng yi ókwërø, o yode gïn-ɑ dwɑddi yi Jwøk; de kër-ɑ nyii rɑ̈ɑ̈ng gen kwïj kidøøj. Eliɑdhɑr ɑ nyudhi Jöcwø geki teedø bëne ki gïg-ɑ gøggi yi gen bënn.” 22Kɑ Mosɑ̀ møg-ɑ ɑ́köbbii yi Jwøng-ɑ Ácwɑ̈ɑ̈j gwøge bënn. Kɑ Jöcwø cuunge kì bøli Eliɑdhɑr geki teedø bëne. 23#Jølø 31.23 Kɑ Mosɑ̀ cingge thɑɑnye wïj Jöcwø, ɑkwøbe gøn kinni bɑ en ɑ kwɑny keje. Møgɑni ɑ́gwøg yi Mosɑ̀ ceth ni kɑ ɑ́köbbii yi Jwøng-ɑ Ácwɑ̈ɑ̈j.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.