Kwɑn 15
15
Cigg kipe Gëdhhì
1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2i köbbe cigg møg tyëng Isrɑil gɑ møg-ɑ ómïdhi yi gen keny-ɑ ókedhu piny-ɑ mëgge gïn. 3Kɑ Jwøng-ɑ Ácwɑ̈ɑ̈j nëngi wun ki wɑdh, wɑlɑ̀ órömø, wɑlɑ̀ ónywøg wɑ̈dtegø, møg muuj gɑ gënh-ɑ nyi rɑ̈b bëne, wɑlɑ̀ gënhi wïj köngø, wɑlɑ̀ jwödhø, wɑlɑ̀ mø kwër, møg muuj ki mɑc, yømi tool gen bɑ men mïni pyëw Jwøng-ɑ Ácwɑ̈ɑ̈j. 4-5Ngɑn muuj Jwøng-ɑ Ácwɑ̈ɑ̈j ki gënh-ɑ nyi rɑ̈b bëne, ying e kɑ̈ɑ̈l ɑ́ dyel ɑ́tegø wɑlɑ̀ rømø, kɑ̈ne ki byëlø. Kɑ̈ɑ̈l ɑ́ kïlø mi møng-ɑ búr me ngedhø, e bɑ ɑnyöm ki møøw dhetun, kɑ kɑ̈ne ki røthøl ɑ́ryew mø møgi oløg. Gëdhhɑni bɑ mø yømi tool gen mïni pyëw Jwøng-ɑ Ácwɑ̈ɑ̈j. 6Keny-ɑ ómuuj órömø, thyer kɑ møng-ɑ búr me ngedhø ɑ́ kïllì ɑ́ryew mø bɑ ɑnyöm ki møøw dhetun me bɑ røthøl ɑ́dɑ̈g, 7muuj kyeel ki møgi oløg me bɑ røthøl ɑ́dɑ̈g. Yømi gëdhhɑni med kì pyëw Jwøng-ɑ Ácwɑ̈ɑ̈j. 8Keny-ɑ ómuuj wɑdh Jwøng-ɑ Ácwɑ̈ɑ̈j ɑ́ gënh-ɑ nyi rɑ̈b bëne, wɑlɑ̀ ɑ́ wïj köngø, wɑlɑ̀ ɑ́ keni mër, 9thyer ki møng-ɑ búr me yöm ɑ́ kïllì ɑ́dɑ̈g, e bɑ ɑnyöm ki møøw dhetun me bɑ røthøl ɑ́ngwen. 10Muuj kyeel ki møgi oløg me bɑ røthøl ɑ́ngwen. Yømi gëdhhɑni med ki pyëw Jwøng-ɑ Ácwɑ̈ɑ̈j.
11Bene gïg-ɑ nyi muuj kyeel ki wɑdh, wɑlɑ̀ órömø, wɑlɑ̀ dyel rømø, wɑlɑ̀ ɑ́tegø ɑgɑk. 12Kenyi ngeeny gëdhhì, jɑmm-ɑ muuj kyeel ki gen nyi ceg kɑ medø ni kwɑnni gen ceth. 13Ngeti pödhø wɑ̈d Isrɑil men muujø ki gïn tole mïni pyëw Jwøng-ɑ Ácwɑ̈ɑ̈j, gwøge gïgɑni kinøw ceth. 14O kì yethi rïjj bënn, wëdh men bëëdø kì kelli wun, ying e cöög-ɑ kelli wun, wɑlɑ̀ ódhwödh, muuje ki gïn yømi tole mïni pyëw Jwøng-ɑ Ácwɑ̈ɑ̈j, gwøge gøn ceth ni kenyi gwøgii yi wun. 15Cigg-ɑ kömi wun bɑ ɑ́kyel ceth wuki wëdhh møg-ɑ bëëdø kì kelli wun gïti ɑtheer. Wu pɑ̈r ki gen ceth kì bøli Jwøng-ɑ Ácwɑ̈ɑ̈j. 16#Kwɑrr 24.22 Cigg kí kwöng ɑ́kyel ceth ɑ kömi wun, wuki gen.”
17Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 18i köbbe tyëng Isrɑil kinni, keny-ɑ ówɑ̈dhi gen piny-ɑ kïdhe gïn, 19nyi muuj wun Jwøng-ɑ Ácwɑ̈ɑ̈j ki gëëdhi kì ri gïgcɑmm-ɑ cyeg kì pinyɑni. 20Keny-ɑ óbud wun ki ópùni jɑmm-ɑ cer cyegø, cïb ópun-ɑ kwøng ki bulø wɑ̈ye ɑ́ mi Jwøng-ɑ Ácwɑ̈ɑ̈j. Muuj ceth ni kenyi muuj byëli Jwøng-ɑ Ácwɑ̈ɑ̈j kenyi pwöd wun byel. 21Nyi muuj wun Jwøng-ɑ Ácwɑ̈ɑ̈j kì ri jɑmm-ɑ cer cyegø kì yethi rïjj bënn.
22-23Mosɑ̀ ɑ́köbbi yi Jwøng-ɑ Ácwɑ̈ɑ̈j thyew ki gïn-ɑ ógwøg keløg teedø wɑ̈thi gen owïlø ki mïdhi cigg-ɑ ɑ́köbbi Mosɑ̀ yi Jwøng-ɑ Ácwɑ̈ɑ̈j kinni, 24Keløg bɑ̈jjø menɑni gwøg yi teedø kɑ kwïji wøw, muuj gen ki wɑdh ɑ́ gënh-ɑ nyi rɑ̈b bëne, men yømi tole mïni pyëw Jwøng-ɑ Ácwɑ̈ɑ̈j, muuj kyeel kí byëli Jwøng-ɑ Ácwɑ̈ɑ̈j, kí møgi oløg, men-ɑ ɑ́kwøb yi cigg. Kɑ ge muuj gen thyew ki ónywøg ɑ́ gënhi bɑ̈jjø. 25Gwøøg guög menɑni yi ókwërø o ji dhïwi gen, mɑ́ bɑ̈jjø menɑni ɑ́gwøg yi gen kɑ kwïji wøw, muuj gen Jwøng-ɑ Ácwɑ̈ɑ̈j ki gënh-ɑ nyi rɑ̈b bëne geki gënhi bɑ̈jjø. 26Codhe cyee, o lɑ́ɑ̀w dwöög piny kipe tyëng Isrɑil, geki wëdhh møg-ɑ bëëdø kì kelli gen, mɑ́ e bɑ teedø bëne ɑ ɑ́bɑ̈jji.
27 #
Kwɑrr 4.27-31
Keløg nget ɑ́kyel óbɑ̈jjø kì bɑng kwïji wøw, muuje ki dyel ɑ́tegø rune ɑ́kyel, ɑ́ gënhi bɑ̈jjø. 28Gwøøg guög menɑni yi ókwërø kì bøli Jwøng-ɑ Ácwɑ̈ɑ̈j, o lɑ́ɑ̀w dwöög piny kipe ngɑnɑni. 29Ciggɑni ying-ɑ kömi ji bënn, ngɑn bɑ̈jji ying-ɑ́ wɑ̈d Isrɑil wɑlɑ̀ wëdh men-ɑ bëëdø kì kelli tyëng Isrɑil.
30De ngɑn tir bɑ̈jjø, ying e bɑ wɑ̈d Isrɑil wɑlɑ̀ wëdh ceg ki nɑ̈gø, 31mɑ́ e ɑ́bɑny-ɑ møg-ɑ ɑ́kwøb yi Jwøng-ɑ Ácwɑ̈ɑ̈j, kɑ cigge tøønye ki pyemø.
Jɑl-ɑ Ápyem Ciggi Sɑbɑth
32Tyelø ɑ́kyel e tyëng Isrɑil ying-ɑ yij ryɑng, jɑl megø ɑ́lidh yi gen e ogwënø ki yugg kì cyɑ̈ɑ̈ng Sɑbɑth. 33Kɑ kïdhi bøli Mosɑ̀ geki Aɑron kí teedø bëne. 34Kɑ cïb ød mɑg, mɑ́ gïn-ɑ göggii nuti yodø. 35Codhe, ɑköbbi Mosɑ̀ yi Jwøng-ɑ Ácwɑ̈ɑ̈j kinni, “Jɑlɑni ceg-ɑ thøø. Bɑ̈lli yi teedø bëne ki tuggi kïttì kì ngɑ̈ɑ̈j kɑɑl, o thøwe.” 36Kɑ kïdhi ngɑ̈ɑ̈j kɑɑl yi teedø bëne, ɑ bɑ̈llii ki tuggi kïttì kɑ othøø, ni kɑ ɑ́ceg Mosɑ̀ yi Jwøng-ɑ Ácwɑ̈ɑ̈j.
Ciggi Ojwɑrr
37Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 38#Jølø 22.12 “Köbbí tyëng Isrɑil kinni, göög wun ki ojwɑrr kɑ ge twööj wun tøggi ógudhi wun, kɑ ri ojwɑrrɑni nyi töjji ki nyɑ ógødh me bɑ ówɑw, töjji ri gen bënn, kì yethi rïjj bënn. 39Ojwɑrrɑni bɑ møg nyi pɑ̈ddi wun ki ciggɑ, kenyi lidh wun gen, ciggɑ bënn ópɑr yi wun, o wu cög wun wu pɑ tyer gøggi jɑmm-ɑ nenni yi wun, ki møg-ɑ tyer yi pëthi wun. 40Wu ópɑ̈ddi yi ojwɑrrɑni ki mïdhi møg-ɑ ɑ́ceg yi yɑn, o wu óbëëd wun, wun ɑ́ møgɑ ceth kidyër. 41Bene yɑn Jwøøg wun, Jwøng-ɑ Ácwɑ̈ɑ̈j, ɑ ɑ́kɑ̈ɑ̈l wun wɑ̈g kì piny Rïp, o yɑ bëëdɑ yɑn ɑ́ Jwøøg wun. Bene yɑn Jwøøg wun, Jwøng-ɑ Ácwɑ̈ɑ̈j.”
Currently Selected:
Kwɑn 15: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Kwɑn 15
15
Cigg kipe Gëdhhì
1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2i köbbe cigg møg tyëng Isrɑil gɑ møg-ɑ ómïdhi yi gen keny-ɑ ókedhu piny-ɑ mëgge gïn. 3Kɑ Jwøng-ɑ Ácwɑ̈ɑ̈j nëngi wun ki wɑdh, wɑlɑ̀ órömø, wɑlɑ̀ ónywøg wɑ̈dtegø, møg muuj gɑ gënh-ɑ nyi rɑ̈b bëne, wɑlɑ̀ gënhi wïj köngø, wɑlɑ̀ jwödhø, wɑlɑ̀ mø kwër, møg muuj ki mɑc, yømi tool gen bɑ men mïni pyëw Jwøng-ɑ Ácwɑ̈ɑ̈j. 4-5Ngɑn muuj Jwøng-ɑ Ácwɑ̈ɑ̈j ki gënh-ɑ nyi rɑ̈b bëne, ying e kɑ̈ɑ̈l ɑ́ dyel ɑ́tegø wɑlɑ̀ rømø, kɑ̈ne ki byëlø. Kɑ̈ɑ̈l ɑ́ kïlø mi møng-ɑ búr me ngedhø, e bɑ ɑnyöm ki møøw dhetun, kɑ kɑ̈ne ki røthøl ɑ́ryew mø møgi oløg. Gëdhhɑni bɑ mø yømi tool gen mïni pyëw Jwøng-ɑ Ácwɑ̈ɑ̈j. 6Keny-ɑ ómuuj órömø, thyer kɑ møng-ɑ búr me ngedhø ɑ́ kïllì ɑ́ryew mø bɑ ɑnyöm ki møøw dhetun me bɑ røthøl ɑ́dɑ̈g, 7muuj kyeel ki møgi oløg me bɑ røthøl ɑ́dɑ̈g. Yømi gëdhhɑni med kì pyëw Jwøng-ɑ Ácwɑ̈ɑ̈j. 8Keny-ɑ ómuuj wɑdh Jwøng-ɑ Ácwɑ̈ɑ̈j ɑ́ gënh-ɑ nyi rɑ̈b bëne, wɑlɑ̀ ɑ́ wïj köngø, wɑlɑ̀ ɑ́ keni mër, 9thyer ki møng-ɑ búr me yöm ɑ́ kïllì ɑ́dɑ̈g, e bɑ ɑnyöm ki møøw dhetun me bɑ røthøl ɑ́ngwen. 10Muuj kyeel ki møgi oløg me bɑ røthøl ɑ́ngwen. Yømi gëdhhɑni med ki pyëw Jwøng-ɑ Ácwɑ̈ɑ̈j.
11Bene gïg-ɑ nyi muuj kyeel ki wɑdh, wɑlɑ̀ órömø, wɑlɑ̀ dyel rømø, wɑlɑ̀ ɑ́tegø ɑgɑk. 12Kenyi ngeeny gëdhhì, jɑmm-ɑ muuj kyeel ki gen nyi ceg kɑ medø ni kwɑnni gen ceth. 13Ngeti pödhø wɑ̈d Isrɑil men muujø ki gïn tole mïni pyëw Jwøng-ɑ Ácwɑ̈ɑ̈j, gwøge gïgɑni kinøw ceth. 14O kì yethi rïjj bënn, wëdh men bëëdø kì kelli wun, ying e cöög-ɑ kelli wun, wɑlɑ̀ ódhwödh, muuje ki gïn yømi tole mïni pyëw Jwøng-ɑ Ácwɑ̈ɑ̈j, gwøge gøn ceth ni kenyi gwøgii yi wun. 15Cigg-ɑ kömi wun bɑ ɑ́kyel ceth wuki wëdhh møg-ɑ bëëdø kì kelli wun gïti ɑtheer. Wu pɑ̈r ki gen ceth kì bøli Jwøng-ɑ Ácwɑ̈ɑ̈j. 16#Kwɑrr 24.22 Cigg kí kwöng ɑ́kyel ceth ɑ kömi wun, wuki gen.”
17Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 18i köbbe tyëng Isrɑil kinni, keny-ɑ ówɑ̈dhi gen piny-ɑ kïdhe gïn, 19nyi muuj wun Jwøng-ɑ Ácwɑ̈ɑ̈j ki gëëdhi kì ri gïgcɑmm-ɑ cyeg kì pinyɑni. 20Keny-ɑ óbud wun ki ópùni jɑmm-ɑ cer cyegø, cïb ópun-ɑ kwøng ki bulø wɑ̈ye ɑ́ mi Jwøng-ɑ Ácwɑ̈ɑ̈j. Muuj ceth ni kenyi muuj byëli Jwøng-ɑ Ácwɑ̈ɑ̈j kenyi pwöd wun byel. 21Nyi muuj wun Jwøng-ɑ Ácwɑ̈ɑ̈j kì ri jɑmm-ɑ cer cyegø kì yethi rïjj bënn.
22-23Mosɑ̀ ɑ́köbbi yi Jwøng-ɑ Ácwɑ̈ɑ̈j thyew ki gïn-ɑ ógwøg keløg teedø wɑ̈thi gen owïlø ki mïdhi cigg-ɑ ɑ́köbbi Mosɑ̀ yi Jwøng-ɑ Ácwɑ̈ɑ̈j kinni, 24Keløg bɑ̈jjø menɑni gwøg yi teedø kɑ kwïji wøw, muuj gen ki wɑdh ɑ́ gënh-ɑ nyi rɑ̈b bëne, men yømi tole mïni pyëw Jwøng-ɑ Ácwɑ̈ɑ̈j, muuj kyeel kí byëli Jwøng-ɑ Ácwɑ̈ɑ̈j, kí møgi oløg, men-ɑ ɑ́kwøb yi cigg. Kɑ ge muuj gen thyew ki ónywøg ɑ́ gënhi bɑ̈jjø. 25Gwøøg guög menɑni yi ókwërø o ji dhïwi gen, mɑ́ bɑ̈jjø menɑni ɑ́gwøg yi gen kɑ kwïji wøw, muuj gen Jwøng-ɑ Ácwɑ̈ɑ̈j ki gënh-ɑ nyi rɑ̈b bëne geki gënhi bɑ̈jjø. 26Codhe cyee, o lɑ́ɑ̀w dwöög piny kipe tyëng Isrɑil, geki wëdhh møg-ɑ bëëdø kì kelli gen, mɑ́ e bɑ teedø bëne ɑ ɑ́bɑ̈jji.
27 #
Kwɑrr 4.27-31
Keløg nget ɑ́kyel óbɑ̈jjø kì bɑng kwïji wøw, muuje ki dyel ɑ́tegø rune ɑ́kyel, ɑ́ gënhi bɑ̈jjø. 28Gwøøg guög menɑni yi ókwërø kì bøli Jwøng-ɑ Ácwɑ̈ɑ̈j, o lɑ́ɑ̀w dwöög piny kipe ngɑnɑni. 29Ciggɑni ying-ɑ kömi ji bënn, ngɑn bɑ̈jji ying-ɑ́ wɑ̈d Isrɑil wɑlɑ̀ wëdh men-ɑ bëëdø kì kelli tyëng Isrɑil.
30De ngɑn tir bɑ̈jjø, ying e bɑ wɑ̈d Isrɑil wɑlɑ̀ wëdh ceg ki nɑ̈gø, 31mɑ́ e ɑ́bɑny-ɑ møg-ɑ ɑ́kwøb yi Jwøng-ɑ Ácwɑ̈ɑ̈j, kɑ cigge tøønye ki pyemø.
Jɑl-ɑ Ápyem Ciggi Sɑbɑth
32Tyelø ɑ́kyel e tyëng Isrɑil ying-ɑ yij ryɑng, jɑl megø ɑ́lidh yi gen e ogwënø ki yugg kì cyɑ̈ɑ̈ng Sɑbɑth. 33Kɑ kïdhi bøli Mosɑ̀ geki Aɑron kí teedø bëne. 34Kɑ cïb ød mɑg, mɑ́ gïn-ɑ göggii nuti yodø. 35Codhe, ɑköbbi Mosɑ̀ yi Jwøng-ɑ Ácwɑ̈ɑ̈j kinni, “Jɑlɑni ceg-ɑ thøø. Bɑ̈lli yi teedø bëne ki tuggi kïttì kì ngɑ̈ɑ̈j kɑɑl, o thøwe.” 36Kɑ kïdhi ngɑ̈ɑ̈j kɑɑl yi teedø bëne, ɑ bɑ̈llii ki tuggi kïttì kɑ othøø, ni kɑ ɑ́ceg Mosɑ̀ yi Jwøng-ɑ Ácwɑ̈ɑ̈j.
Ciggi Ojwɑrr
37Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 38#Jølø 22.12 “Köbbí tyëng Isrɑil kinni, göög wun ki ojwɑrr kɑ ge twööj wun tøggi ógudhi wun, kɑ ri ojwɑrrɑni nyi töjji ki nyɑ ógødh me bɑ ówɑw, töjji ri gen bënn, kì yethi rïjj bënn. 39Ojwɑrrɑni bɑ møg nyi pɑ̈ddi wun ki ciggɑ, kenyi lidh wun gen, ciggɑ bënn ópɑr yi wun, o wu cög wun wu pɑ tyer gøggi jɑmm-ɑ nenni yi wun, ki møg-ɑ tyer yi pëthi wun. 40Wu ópɑ̈ddi yi ojwɑrrɑni ki mïdhi møg-ɑ ɑ́ceg yi yɑn, o wu óbëëd wun, wun ɑ́ møgɑ ceth kidyër. 41Bene yɑn Jwøøg wun, Jwøng-ɑ Ácwɑ̈ɑ̈j, ɑ ɑ́kɑ̈ɑ̈l wun wɑ̈g kì piny Rïp, o yɑ bëëdɑ yɑn ɑ́ Jwøøg wun. Bene yɑn Jwøøg wun, Jwøng-ɑ Ácwɑ̈ɑ̈j.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.