Kwɑrr 11
11
Lɑ̈yy-ɑ Cuggi Cɑmø
(Jølø 14.3-21)
1Kɑ Mosɑ̀ geki Aɑron köbbi yi Jwøng-ɑ Ácwɑ̈ɑ̈j kinni, 2“Köbbu tyëng Isrɑil kinni, bene gïg nëënø møg-ɑ cɑm yi wun ek: 3Cɑmu lɑ̈yy-ɑ yï gen di dɑdd, ɑ nyi dwöögø ki lum. 4-6De wu ko cyɑ̈ɑ̈m ki ɑmɑlø, wɑlɑ̀ kunikït, wɑlɑ̀ ɑ́pwøjø, ge odwöögø, de yï gen bong dɑdd. 7Wu ko cyɑ̈ɑ̈m ki kundhøngø. Ge ywëdhø, yï gen dɑ dɑdd, de ge pɑ nyi dwöögø ki lum. 8Lɑ̈yyɑni ko pɑ̈nyi yi wun ki cɑmø, wɑlɑ̀ ko nywɑl e thøø; ge ywëdhø.
9“Cɑmu rëny-ɑ ree di ótùn, o köme dɑ kwɑ́j kì kelli rijji nɑm. 10De gïg-ɑ ri gen bong ótùn, o kömi gen bong kwɑ́j kì kelli gïg-ɑ nëënø kì nɑm bënn, ko cɑm wun. 11Lɑ̈yyɑni mïdhu gen gɑ gïg ywëdhø, ge ko cɑm wun wɑlɑ̀ ko nywɑl e thøø. 12Gïn ree bong ótùn kì kelli jɑmmi nɑm, o köme bong kwɑ́j, bɑ mugø kiper wun.
13-19“Ko di winyø ɑ́kyel me cɑm yi wun kì kelli winy møg bënn: ótïngø, tulø, ólidh, kïïr, ójulø, cor, ɑ́gɑg, wudø, ɑ́bɑmɑc, ówɑngø, ogwørø, bøngø, ɑ́lebø, tögɑcwig, ɑlïlït.
20“Twöngg-ɑ ri gen di obërr, ɑ nyi pɑ̈rri bënn, ge ywëdhø. 21De cɑmu møg-ɑ nyi pɑ̈rri kì piny. 22Møg-ɑ cɑm yi wun kì ri gen ek: Wɑ̈thi bɑ̈ny-ɑ nyi cyɑ̈dhi ɑ́ dɑɑg bëne, kí ɑ́wél, kí bɑ̈ny-ɑ nyi cyɑ̈dhi ɑ́ ɑ́kyell, ɑ tùnge ceggø. 23De twöngg-ɑ thønhø bënn møg-ɑ di obërr geki møg-ɑ mulli kì piny, ywëdhø.
24“Gïgɑni wu oywëdhø yi gen, ngɑn nywɑl me thøø kì kelli gen ceg-ɑ ywëdhø, kɑ gït-ɑ böörø e ywëdhø. 25Ngɑn tïngii e thøø, lwøge ógudhe, o ceg-ɑ gïti böörø e ywëdhø. 26Lɑ̈yy-ɑ yï gen di dɑdd de dɑddɑni pɑ dɑ̈ɑ̈ngø, o ge pɑ dwöögø ki lum, ywëdhø. Ngɑn nywɑl gen ceg-ɑ ywëdhø. 27Lɑ̈yy-ɑ tyelli gen bɑ ódhɑ̈nyy, ɑ cyɑ̈dhi kì kömi tyel ɑ́ngwen, ywëdhø. 28O ngɑn nywɑl gen ge thøø, lwøge ógudhe, de ceg-ɑ gïti böörø e ywëdhø. Ge ywëdhø ki per wun.
29“Møg-ɑ ywëdhø kì kelli gïg-ɑ mulli kì piny ek: ɑ́pedø, kí yëjø, kí wɑ̈thi böngø bënn, 30kí ɑbɑthur, kí ngwej, kí ɑkwijnyɑjwøk, kí ɑngɑgrɑw. 31Bene gen møg-ɑ ywëdhø, ɑ bɑ ɑkerø kiper wun kì kelli gïg-ɑ mulli kì piny ɑgɑk. Ngɑn nywɑl gen ceg-ɑ gïti böörø e ywëdhø. 32Ke di gïjø me köme pɑ̈dhi yi ɑ́kyel kì kelli gen, e rum thøø, gø ywëdhe’ ywëdhø, yinge e bɑ pɑ̈m, wɑlɑ̀ ógødh, wɑlɑ̀ pyën, wɑlɑ̀ ocwɑ̈lø, wɑlɑ̀ gïjø ɑ́kyel kì kelli jɑmmi gwøg. Kïdhi gïn-ɑ köme ɑ́pɑ̈dhi yethi pï, kɑ wiy bëëde gïti böörø, o dhïwe cyee. 33O keløg ɑ́kyel kì kelli gen dëëm-ɑ yij gïn-ɑ ócwɑ̈jø ɑ́ lɑ̈bø, gïn-ɑ yij lɑ̈mɑni ceg-ɑ ywëdhø, kɑ lɑ̈mɑni tøg. 34Gïn-ɑ di cɑm de ógwøgø kɑ pïi lɑ̈mɑni, ceg-ɑ gwøg e ywëdhø, o gïn mɑdh men ying yij lɑ̈mɑni ceg-ɑ gwøg e ywëdhø thyew. 35Gïn-ɑ köme dëëm yi lɑ̈yɑni e thøø ceg-ɑ ywëdhø, keløg ɑ́ pug wɑlɑ̀ purun ceg ki tøgø, 36de keløg ɑ́ wɑɑng pï, wɑlɑ̀ yith ɑ yije dëëme, cɑgg gïnɑni thøø pɑ ywëdh, pɑ ywëdh yi gen ni jɑmm-ɑ kyeelø. 37Ke dëëme kömi köödh, köödh pɑ ywëdh yi gen. 38De keløg köödhɑni bɑ ɑlug ki pï, kɑ kömi gen dëëm yi ɑ́kyel kì kelli gen, köödhɑni ceg-ɑ ywëdhø.
39“Keløg lɑ̈y me nyi cɑm othøø, ngɑn nywɑlii ceg-ɑ gïti böörø e ywëdhø. 40Ngɑn cyɑ̈mø kì ri lɑ̈yɑni lwøge ógudhe, de ceg-ɑ gïti böörø e ywëdhø, ngɑn tïng gïn thøø lwøge ógudhe, de ceg-ɑ gïti böörø e ywëdhø.
41“Wu ko cyɑ̈ɑ̈m ki lɑ̈yy-ɑ mulli kì piny, 42ying e mull-ɑ yije wɑlɑ̀ cyɑ̈dh-ɑ tyel ɑ́ngwen. Ge bɑ ɑkerø, wu ko cyɑ̈ɑ̈m ki gen. 43Ri wun ko ywëdh wun ki lɑ̈yy-ɑ ni møgɑni kɑ̀ cɑmu gen. 44#Kwɑrr 19.2; 1 Pït 1.16 Bene yɑn Jwøøg wun, Jwøng-ɑ Ácwɑ̈ɑ̈j, yɑ bɑ kwërø, bëëd wun wu dhïw, kɑ ri wun thyëyu yɑn. 45Bene yɑn Jwøng-ɑ Ácwɑ̈ɑ̈j, ngɑn-ɑ ɑ́kɑ̈ɑ̈l wun wɑ̈g kì piny Rïp, o yɑ bëëdɑ yɑn ɑ́ Jwøøg wun. Bëëd wun wu bɑ ɑkwër, mɑ́ yɑ bɑ kwërø.”
46Bene gen cigg-ɑ ɑ́cïb kipe lɑ̈yyi pɑ̈l, kí winy, kí lɑ̈yyi nɑm geki møg-ɑ mulli kì piny ɑgɑk. 47O møg-ɑ dhïw dɑ̈ɑ̈ng yi wun ki møg-ɑ ywëdhø, o møg-ɑ cɑm dɑ̈ɑ̈ng yi wun ki møg-ɑ bɑ ɑkerø cɑmø thyew.
Currently Selected:
Kwɑrr 11: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Kwɑrr 11
11
Lɑ̈yy-ɑ Cuggi Cɑmø
(Jølø 14.3-21)
1Kɑ Mosɑ̀ geki Aɑron köbbi yi Jwøng-ɑ Ácwɑ̈ɑ̈j kinni, 2“Köbbu tyëng Isrɑil kinni, bene gïg nëënø møg-ɑ cɑm yi wun ek: 3Cɑmu lɑ̈yy-ɑ yï gen di dɑdd, ɑ nyi dwöögø ki lum. 4-6De wu ko cyɑ̈ɑ̈m ki ɑmɑlø, wɑlɑ̀ kunikït, wɑlɑ̀ ɑ́pwøjø, ge odwöögø, de yï gen bong dɑdd. 7Wu ko cyɑ̈ɑ̈m ki kundhøngø. Ge ywëdhø, yï gen dɑ dɑdd, de ge pɑ nyi dwöögø ki lum. 8Lɑ̈yyɑni ko pɑ̈nyi yi wun ki cɑmø, wɑlɑ̀ ko nywɑl e thøø; ge ywëdhø.
9“Cɑmu rëny-ɑ ree di ótùn, o köme dɑ kwɑ́j kì kelli rijji nɑm. 10De gïg-ɑ ri gen bong ótùn, o kömi gen bong kwɑ́j kì kelli gïg-ɑ nëënø kì nɑm bënn, ko cɑm wun. 11Lɑ̈yyɑni mïdhu gen gɑ gïg ywëdhø, ge ko cɑm wun wɑlɑ̀ ko nywɑl e thøø. 12Gïn ree bong ótùn kì kelli jɑmmi nɑm, o köme bong kwɑ́j, bɑ mugø kiper wun.
13-19“Ko di winyø ɑ́kyel me cɑm yi wun kì kelli winy møg bënn: ótïngø, tulø, ólidh, kïïr, ójulø, cor, ɑ́gɑg, wudø, ɑ́bɑmɑc, ówɑngø, ogwørø, bøngø, ɑ́lebø, tögɑcwig, ɑlïlït.
20“Twöngg-ɑ ri gen di obërr, ɑ nyi pɑ̈rri bënn, ge ywëdhø. 21De cɑmu møg-ɑ nyi pɑ̈rri kì piny. 22Møg-ɑ cɑm yi wun kì ri gen ek: Wɑ̈thi bɑ̈ny-ɑ nyi cyɑ̈dhi ɑ́ dɑɑg bëne, kí ɑ́wél, kí bɑ̈ny-ɑ nyi cyɑ̈dhi ɑ́ ɑ́kyell, ɑ tùnge ceggø. 23De twöngg-ɑ thønhø bënn møg-ɑ di obërr geki møg-ɑ mulli kì piny, ywëdhø.
24“Gïgɑni wu oywëdhø yi gen, ngɑn nywɑl me thøø kì kelli gen ceg-ɑ ywëdhø, kɑ gït-ɑ böörø e ywëdhø. 25Ngɑn tïngii e thøø, lwøge ógudhe, o ceg-ɑ gïti böörø e ywëdhø. 26Lɑ̈yy-ɑ yï gen di dɑdd de dɑddɑni pɑ dɑ̈ɑ̈ngø, o ge pɑ dwöögø ki lum, ywëdhø. Ngɑn nywɑl gen ceg-ɑ ywëdhø. 27Lɑ̈yy-ɑ tyelli gen bɑ ódhɑ̈nyy, ɑ cyɑ̈dhi kì kömi tyel ɑ́ngwen, ywëdhø. 28O ngɑn nywɑl gen ge thøø, lwøge ógudhe, de ceg-ɑ gïti böörø e ywëdhø. Ge ywëdhø ki per wun.
29“Møg-ɑ ywëdhø kì kelli gïg-ɑ mulli kì piny ek: ɑ́pedø, kí yëjø, kí wɑ̈thi böngø bënn, 30kí ɑbɑthur, kí ngwej, kí ɑkwijnyɑjwøk, kí ɑngɑgrɑw. 31Bene gen møg-ɑ ywëdhø, ɑ bɑ ɑkerø kiper wun kì kelli gïg-ɑ mulli kì piny ɑgɑk. Ngɑn nywɑl gen ceg-ɑ gïti böörø e ywëdhø. 32Ke di gïjø me köme pɑ̈dhi yi ɑ́kyel kì kelli gen, e rum thøø, gø ywëdhe’ ywëdhø, yinge e bɑ pɑ̈m, wɑlɑ̀ ógødh, wɑlɑ̀ pyën, wɑlɑ̀ ocwɑ̈lø, wɑlɑ̀ gïjø ɑ́kyel kì kelli jɑmmi gwøg. Kïdhi gïn-ɑ köme ɑ́pɑ̈dhi yethi pï, kɑ wiy bëëde gïti böörø, o dhïwe cyee. 33O keløg ɑ́kyel kì kelli gen dëëm-ɑ yij gïn-ɑ ócwɑ̈jø ɑ́ lɑ̈bø, gïn-ɑ yij lɑ̈mɑni ceg-ɑ ywëdhø, kɑ lɑ̈mɑni tøg. 34Gïn-ɑ di cɑm de ógwøgø kɑ pïi lɑ̈mɑni, ceg-ɑ gwøg e ywëdhø, o gïn mɑdh men ying yij lɑ̈mɑni ceg-ɑ gwøg e ywëdhø thyew. 35Gïn-ɑ köme dëëm yi lɑ̈yɑni e thøø ceg-ɑ ywëdhø, keløg ɑ́ pug wɑlɑ̀ purun ceg ki tøgø, 36de keløg ɑ́ wɑɑng pï, wɑlɑ̀ yith ɑ yije dëëme, cɑgg gïnɑni thøø pɑ ywëdh, pɑ ywëdh yi gen ni jɑmm-ɑ kyeelø. 37Ke dëëme kömi köödh, köödh pɑ ywëdh yi gen. 38De keløg köödhɑni bɑ ɑlug ki pï, kɑ kömi gen dëëm yi ɑ́kyel kì kelli gen, köödhɑni ceg-ɑ ywëdhø.
39“Keløg lɑ̈y me nyi cɑm othøø, ngɑn nywɑlii ceg-ɑ gïti böörø e ywëdhø. 40Ngɑn cyɑ̈mø kì ri lɑ̈yɑni lwøge ógudhe, de ceg-ɑ gïti böörø e ywëdhø, ngɑn tïng gïn thøø lwøge ógudhe, de ceg-ɑ gïti böörø e ywëdhø.
41“Wu ko cyɑ̈ɑ̈m ki lɑ̈yy-ɑ mulli kì piny, 42ying e mull-ɑ yije wɑlɑ̀ cyɑ̈dh-ɑ tyel ɑ́ngwen. Ge bɑ ɑkerø, wu ko cyɑ̈ɑ̈m ki gen. 43Ri wun ko ywëdh wun ki lɑ̈yy-ɑ ni møgɑni kɑ̀ cɑmu gen. 44#Kwɑrr 19.2; 1 Pït 1.16 Bene yɑn Jwøøg wun, Jwøng-ɑ Ácwɑ̈ɑ̈j, yɑ bɑ kwërø, bëëd wun wu dhïw, kɑ ri wun thyëyu yɑn. 45Bene yɑn Jwøng-ɑ Ácwɑ̈ɑ̈j, ngɑn-ɑ ɑ́kɑ̈ɑ̈l wun wɑ̈g kì piny Rïp, o yɑ bëëdɑ yɑn ɑ́ Jwøøg wun. Bëëd wun wu bɑ ɑkwër, mɑ́ yɑ bɑ kwërø.”
46Bene gen cigg-ɑ ɑ́cïb kipe lɑ̈yyi pɑ̈l, kí winy, kí lɑ̈yyi nɑm geki møg-ɑ mulli kì piny ɑgɑk. 47O møg-ɑ dhïw dɑ̈ɑ̈ng yi wun ki møg-ɑ ywëdhø, o møg-ɑ cɑm dɑ̈ɑ̈ng yi wun ki møg-ɑ bɑ ɑkerø cɑmø thyew.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.