Cɑ̈gø 50
50
1Kɑ Yosep ree leenge kömi wïye, e óywöngø, e numm-ɑ gøn. 2Acwödde ki ji mø gïny wïye ki møw men-ɑ nyi mɑ̈ɑ̈n dhɑnhø kwɑ̈gø. 3Kɑ tyëg-ɑ cyɑ̈ng pyɑ̈r ɑ́ngwen, e ogïnyyø ki møwɑni. Bene gen cyɑ̈ngg-ɑ nyi tyëg yi gwøngɑni, ɑ nyi thwøw dhɑnhø e pɑ kwɑ̈g. Kɑ Yɑgob ywøg yi tyëng Rïp ki cyɑ̈ng pyɑ̈r ɑ́bïryew.
4Keny-ɑ ɑ́thumi cyɑ̈nggi ywøg, kɑ jyɑ̈ggi buri rɑ̈dh köbbi yi Yosep kinni, “Yɑ kwɑjj-ɑ wun, muuj wun wöödø men rɑ̈dh. 5#Cɑ̈gø 47.29-31 Keny-ɑ ɑ́cyɑ̈ngi wïyɑ ki thøø, yɑ ɑ́köbbe köngø kinni ókïdhɑ be koony yij rörø men-ɑ ɑ́wöd yi en kì yij kït, kì piny Kɑnɑɑn. Yɑ kwɑjj-ɑ yïn, wiy yɑ kedhɑ be konyi wïyɑ, o rume’ konyø, yɑ ódwöög.”
6Kɑ rɑ̈dh ólöggø kinni, “Kedh, kony wïyí ni kɑ ɑ́köngí.”
7Codhe, ɑkedhi Yosep be konyi wïye. Jyɑ̈ggì bënn, kí jøgdøngi burø, kí pëjji Rïp, ge ɑ́kedh bënn geki Yosep. 8Gøle kí nyiimen, kí ji mø gïïr cɑrø, kí gøl wïye, ge ɑ́kedh ki en. Bɑ othønhø, kí dyëg, kí dhög ɑ ɑ́döng kì Göcen. 9Cwøw møøgø cyɑ̈dh-ɑ́ɑ̀ kömi kyënyì, møøgø ying-ɑ yethi yɑ̈th-ɑ pyejji yi kyënyì. Ábëëd ɑ́ yɑy me dwøng cɑrø.
10Keny-ɑ ɑ́wɑ̈dhi gen buti rɑri pwödhi Atɑd, kì kömi Nɑm Urdun kì wɑɑng cyɑ̈ɑ̈ng mwøl, ɑgud gen kì kenyɑni, kɑ ge óywöngø ki ywøg me dwøng, ki keny me bɑ̈ɑ̈r. Yosep wïye ɑ́ywøge ki cyɑ̈ng ɑ́bïryew kì kenyɑni. 11Tyëng Kɑnɑɑn ɑ́ngɑ̈ng keny-ɑ ɑ́lidh gen ywøøg gen kì rɑri Atɑd, kɑ ge okööbø kinni, “Á ywøøg ngø ɑ ywøg yi tyëng Rïp kinøw?” Bene ɑ bɑnge cɑɑg kenyɑni ɑ́ Abel Misrɑim.#50.11 Abel Misrɑim: Nyingɑni wɑng-ɑ “Ywøøg Rïp,” ki dhøg Ibru.
12Kɑ wɑ̈ddi Yɑgob møg-ɑ ɑ́ceg yi wïyi gen, gwøg yi gen ceth. 13#Gwøg 7.16 Ákɑ̈l yi gen, kɑ gø koony gen yij órøngi kït kì Mɑkpïlɑ̀, kì tung-ɑ døøg kuni Mɑmɑrɑ̀, kì yij bɑng-ɑ ɑ́ngew yi Abrɑhɑm kì yï Eprön kwɑɑr Kit ɑ́ keny nyi koony tyëngthøø. 14Keny-ɑ ɑ́rum Yosep ki konyi wïye, ɑdøøge Rïp, geki nyiimen, kí ji-ɑ ɑ́lwøøgii bënn.
Yosep Pëthi Nyiiwɑ̈n Ádwööge
15Nyiiwï Yosep keny-ɑ ɑ́rum wïyi gen ki konyø, ge ɑ́kööb ki ri gen kinni, “Wɑ göög ɑ dï, keløg Yosep pyëwe nudd e rɑɑj ki wɑ, kipe gïnrɑj men-ɑ ɑ́göggii yi wɑ, kɑ keje dwɑdde colø?” 16Aödi gen yï Yosep kinni, “Keny-ɑ́ nuti thøw wïyee, 17ɑ́kööb i kwɑjji wøn yïn kinni, ‘Lɑ̈ɑ̈m pyëwí ki nyiimyëw kipe gïnrɑj men-ɑ ɑ́göggi yïn yi gen.’ Anɑn wø kwɑjj-ɑ yïn, lɑ̈ɑ̈m pyëwí ki wøn kipe gïnrɑj men-ɑ göggi yïn yi wøn, mɑ́ wø bɑ bɑ̈nggi Jwøøg wïyí.” Yosep ɑ́ywöngi keny-ɑ ɑ́lïnge møgɑni.
18Kɑ nyiiwɑ̈n obëënø cyee, kɑ ri gen bøødh gen piny kì bøle, ɑkööb gen kinni, “Wøn ɑ bølí èn, wø bɑ bɑ̈nggí.”
19Kɑ gï köbbe kinni, “Wu ko böggi. Yɑ pɑ cuggi cïbi riɑ kej Jwøk. 20Wu ɑ́dwɑdd-ɑ göggi yɑn gïnrɑj, de ɑ́løg gïndøj yi Jwøk, kipe mïdhi wëyi ji møg-ɑ nudd ge onëënø ɑnɑn dicyɑ̈ngtïn, kì bɑng kɑ̀ yingɑ keny. 21Bong gïn böggi yi wun, wu ókorri yi yɑn wuki nyigi wun bënn.” Kɑ pëthi gen dwöög yi en ki kwøb mø døøj.
Thøwi Yosep
22Kɑ Yosep obëëdø kì Rïp geki gøl wïye. Runne ɑ́bëëd gɑ miyø kí pyɑ̈rø keny-ɑ ɑ́thøwe. 23Ábëëd kɑ wɑ̈ddi Eprɑim, kɑ kwɑrre lidhe. Thyew keny-ɑ ɑ́yïddi Mɑkir wɑ̈d Mɑnɑsè kí wɑ̈dde, Yosep ɑ́bëëd e nudd e onëënø. 24Kɑ nyiimen köbbe kinni, “Yɑ ɑ́cyɑ̈ngi ki thøø. De wu ókorri yi Jwøk, kɑ wu dwøøge piny-ɑ ɑ́mëgge Abrɑhɑm, kí Isɑɑk, kí Yɑgob.” 25#Kedhø 13.19; Jöc 24.32; Ibru 11.22 Kɑ Yosep tyëng gøl gen köbbe köngi gen, ɑ́kööb kinni, “Köngi wun kì bølɑ kinni, keny-ɑ ópeej wun pinyɑni yi Jwøk, yɑ ókɑ̈l yi wun.” 26Codhe, ɑthøw Yosep kì Rïp, e runne bɑ miyø kí pyɑ̈rø. Kɑ gïny ki møw men-ɑ nyi mɑ̈ɑ̈n dhɑnhø kwɑ̈gø. Kɑ kïdhi yij Sɑndug.
Currently Selected:
Cɑ̈gø 50: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Cɑ̈gø 50
50
1Kɑ Yosep ree leenge kömi wïye, e óywöngø, e numm-ɑ gøn. 2Acwödde ki ji mø gïny wïye ki møw men-ɑ nyi mɑ̈ɑ̈n dhɑnhø kwɑ̈gø. 3Kɑ tyëg-ɑ cyɑ̈ng pyɑ̈r ɑ́ngwen, e ogïnyyø ki møwɑni. Bene gen cyɑ̈ngg-ɑ nyi tyëg yi gwøngɑni, ɑ nyi thwøw dhɑnhø e pɑ kwɑ̈g. Kɑ Yɑgob ywøg yi tyëng Rïp ki cyɑ̈ng pyɑ̈r ɑ́bïryew.
4Keny-ɑ ɑ́thumi cyɑ̈nggi ywøg, kɑ jyɑ̈ggi buri rɑ̈dh köbbi yi Yosep kinni, “Yɑ kwɑjj-ɑ wun, muuj wun wöödø men rɑ̈dh. 5#Cɑ̈gø 47.29-31 Keny-ɑ ɑ́cyɑ̈ngi wïyɑ ki thøø, yɑ ɑ́köbbe köngø kinni ókïdhɑ be koony yij rörø men-ɑ ɑ́wöd yi en kì yij kït, kì piny Kɑnɑɑn. Yɑ kwɑjj-ɑ yïn, wiy yɑ kedhɑ be konyi wïyɑ, o rume’ konyø, yɑ ódwöög.”
6Kɑ rɑ̈dh ólöggø kinni, “Kedh, kony wïyí ni kɑ ɑ́köngí.”
7Codhe, ɑkedhi Yosep be konyi wïye. Jyɑ̈ggì bënn, kí jøgdøngi burø, kí pëjji Rïp, ge ɑ́kedh bënn geki Yosep. 8Gøle kí nyiimen, kí ji mø gïïr cɑrø, kí gøl wïye, ge ɑ́kedh ki en. Bɑ othønhø, kí dyëg, kí dhög ɑ ɑ́döng kì Göcen. 9Cwøw møøgø cyɑ̈dh-ɑ́ɑ̀ kömi kyënyì, møøgø ying-ɑ yethi yɑ̈th-ɑ pyejji yi kyënyì. Ábëëd ɑ́ yɑy me dwøng cɑrø.
10Keny-ɑ ɑ́wɑ̈dhi gen buti rɑri pwödhi Atɑd, kì kömi Nɑm Urdun kì wɑɑng cyɑ̈ɑ̈ng mwøl, ɑgud gen kì kenyɑni, kɑ ge óywöngø ki ywøg me dwøng, ki keny me bɑ̈ɑ̈r. Yosep wïye ɑ́ywøge ki cyɑ̈ng ɑ́bïryew kì kenyɑni. 11Tyëng Kɑnɑɑn ɑ́ngɑ̈ng keny-ɑ ɑ́lidh gen ywøøg gen kì rɑri Atɑd, kɑ ge okööbø kinni, “Á ywøøg ngø ɑ ywøg yi tyëng Rïp kinøw?” Bene ɑ bɑnge cɑɑg kenyɑni ɑ́ Abel Misrɑim.#50.11 Abel Misrɑim: Nyingɑni wɑng-ɑ “Ywøøg Rïp,” ki dhøg Ibru.
12Kɑ wɑ̈ddi Yɑgob møg-ɑ ɑ́ceg yi wïyi gen, gwøg yi gen ceth. 13#Gwøg 7.16 Ákɑ̈l yi gen, kɑ gø koony gen yij órøngi kït kì Mɑkpïlɑ̀, kì tung-ɑ døøg kuni Mɑmɑrɑ̀, kì yij bɑng-ɑ ɑ́ngew yi Abrɑhɑm kì yï Eprön kwɑɑr Kit ɑ́ keny nyi koony tyëngthøø. 14Keny-ɑ ɑ́rum Yosep ki konyi wïye, ɑdøøge Rïp, geki nyiimen, kí ji-ɑ ɑ́lwøøgii bënn.
Yosep Pëthi Nyiiwɑ̈n Ádwööge
15Nyiiwï Yosep keny-ɑ ɑ́rum wïyi gen ki konyø, ge ɑ́kööb ki ri gen kinni, “Wɑ göög ɑ dï, keløg Yosep pyëwe nudd e rɑɑj ki wɑ, kipe gïnrɑj men-ɑ ɑ́göggii yi wɑ, kɑ keje dwɑdde colø?” 16Aödi gen yï Yosep kinni, “Keny-ɑ́ nuti thøw wïyee, 17ɑ́kööb i kwɑjji wøn yïn kinni, ‘Lɑ̈ɑ̈m pyëwí ki nyiimyëw kipe gïnrɑj men-ɑ ɑ́göggi yïn yi gen.’ Anɑn wø kwɑjj-ɑ yïn, lɑ̈ɑ̈m pyëwí ki wøn kipe gïnrɑj men-ɑ göggi yïn yi wøn, mɑ́ wø bɑ bɑ̈nggi Jwøøg wïyí.” Yosep ɑ́ywöngi keny-ɑ ɑ́lïnge møgɑni.
18Kɑ nyiiwɑ̈n obëënø cyee, kɑ ri gen bøødh gen piny kì bøle, ɑkööb gen kinni, “Wøn ɑ bølí èn, wø bɑ bɑ̈nggí.”
19Kɑ gï köbbe kinni, “Wu ko böggi. Yɑ pɑ cuggi cïbi riɑ kej Jwøk. 20Wu ɑ́dwɑdd-ɑ göggi yɑn gïnrɑj, de ɑ́løg gïndøj yi Jwøk, kipe mïdhi wëyi ji møg-ɑ nudd ge onëënø ɑnɑn dicyɑ̈ngtïn, kì bɑng kɑ̀ yingɑ keny. 21Bong gïn böggi yi wun, wu ókorri yi yɑn wuki nyigi wun bënn.” Kɑ pëthi gen dwöög yi en ki kwøb mø døøj.
Thøwi Yosep
22Kɑ Yosep obëëdø kì Rïp geki gøl wïye. Runne ɑ́bëëd gɑ miyø kí pyɑ̈rø keny-ɑ ɑ́thøwe. 23Ábëëd kɑ wɑ̈ddi Eprɑim, kɑ kwɑrre lidhe. Thyew keny-ɑ ɑ́yïddi Mɑkir wɑ̈d Mɑnɑsè kí wɑ̈dde, Yosep ɑ́bëëd e nudd e onëënø. 24Kɑ nyiimen köbbe kinni, “Yɑ ɑ́cyɑ̈ngi ki thøø. De wu ókorri yi Jwøk, kɑ wu dwøøge piny-ɑ ɑ́mëgge Abrɑhɑm, kí Isɑɑk, kí Yɑgob.” 25#Kedhø 13.19; Jöc 24.32; Ibru 11.22 Kɑ Yosep tyëng gøl gen köbbe köngi gen, ɑ́kööb kinni, “Köngi wun kì bølɑ kinni, keny-ɑ ópeej wun pinyɑni yi Jwøk, yɑ ókɑ̈l yi wun.” 26Codhe, ɑthøw Yosep kì Rïp, e runne bɑ miyø kí pyɑ̈rø. Kɑ gïny ki møw men-ɑ nyi mɑ̈ɑ̈n dhɑnhø kwɑ̈gø. Kɑ kïdhi yij Sɑndug.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.