Kedhø 31
31
Tyëng-ɑ Gwøg Kemi Kwëër Jwøng-ɑ Ácwɑ̈ɑ̈j
(Kedhø 35.30–36.1)
1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2“Bedhɑlel wɑ̈d Urì wɑ̈d Ur kì gøl Yeudɑ̀, ɑ́rum ki kwɑnyø yi yɑn. 3Bedhɑlel ɑ́pɑ̈ng yi yɑn ki wëyi Jwøk, kɑ thödhɑ ki døøji cingø, kɑ thödhɑ ki peli wïj geki tegø me gwøge gïgɑni bënn. 4Ócuggø gwøg ki jɑmm-ɑ køny gɑ dhɑb, ki møg-ɑ køny gɑ ɑ́tegø, ki møg-ɑ køny gɑ dilɑl. 5Ócuggø gwøg ki tigg kɑ gï roobe ri winø. Ócuggø tyeng ki yenh, kɑ jɑmmì bënn lwɑ̈nge ki gwøgø. 6Thyew Oliɑb wɑ̈d Akisɑmɑk, kì gøl Dɑn, ógöögø geki Bedhɑlel. Bödhhɑni ryeet ɑ́thödhɑ ki døøji cingø geki tegi pyëw men gwøg gen gïg-ɑ ɑ́köbbɑ yïn bënn, 7ɑ løg Kemi Kwër, kí Sɑnduug Cigg kí kume, geki jɑmm-ɑ yij kemɑni bënn. 8Kí tɑrɑbedhɑ̀ geki gïg-ɑ wïje bënn, ki teggi lɑ̈mbɑ̈ɑ̈ men-ɑ ógwøgø ki dhɑm dhïw, geki jɑmm-ɑ ree bënn, kí tɑrɑbeedh bɑkur, 9kí këli lɑm geki jɑmme bënn, kí ɑ́tɑy geki dööle. 10Aɑron geki wɑ̈dde ócwɑ̈jji yi gen ki ógudhi ókwër møg nyi rug yi gen kenyi göög gen ki gwøøg kwër. 11Møøw röny ógwøg yi gen, geki bɑkur. Gwøg gen jɑmmi kwër møg-ɑ ɑ́cïgɑ yïn bënn.”
Sɑbɑth, Cyɑ̈ɑ̈ng Ywömø
12Codhe, kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 13“Köbbí tyëng Isrɑil kinni mïdhu Sɑbɑth miɑ thyew, mɑ́ e óbëëd ɑ́ ngïji kì kɑɑmee, kì ri rïjj bënn, o yod kinni yɑn yɑ Jwøng-ɑ Ácwɑ̈ɑ̈j ɑ kwër wun. 14Gwøgu Sɑbɑth ɑ́ cyɑ̈ɑ̈ng ywömø. Ngɑn koo mïdhii, ceg kɑ nɑ̈gø. Ngɑn-ɑ ógöögø kì cyɑ̈ɑ̈ng Sɑbɑth, ceg kɑ ngøl wɑ̈g kì kelli jie. 15#Kedhø 20.8-11; 23.12; 34.21; 35.2; Kwɑrr 23.3; Jølø 5.12-14 Gwøøg tïj ki cyɑ̈ng ɑ́bïkyel, de bïryeew cyɑ̈ng bɑ Sɑbɑth, cyɑ̈ɑ̈ng kwër mi Jwøng-ɑ Ácwɑ̈ɑ̈j. Ngɑn-ɑ ógöögø kì cyɑ̈ɑ̈ng Sɑbɑth, ceg kɑ nɑ̈gø ceth. 16Mïdhi Sɑbɑth yi tyëng Isrɑil, e cungi ɑ́ lwöbø ceth, kì ri rïjj bënn gïti ɑtheer. 17#Kedhø 20.11 Bɑ ngïji kì kɑɑm wøn ki tyëng Isrɑil gïti ɑtheer, mɑ́ mɑl kí piny ɑ́cwɑ̈j yi Jwøng-ɑ Ácwɑ̈ɑ̈j kɑ cyɑ̈ng ɑ́bïkyel. Kɑ ówïyø gwøg kì bïryeew cyɑ̈ng, kɑ ree ywöme.”
18Keny-ɑ ɑ́rume kwøb ki gøn kì wïj Kïti Sinɑy, ɑmëgge Mosɑ̀ ópɑ̈nni kït ɑ́ryew, ge bɑ ɑgwed ki lwedi Jwøk.
Currently Selected:
Kedhø 31: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Kedhø 31
31
Tyëng-ɑ Gwøg Kemi Kwëër Jwøng-ɑ Ácwɑ̈ɑ̈j
(Kedhø 35.30–36.1)
1Kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 2“Bedhɑlel wɑ̈d Urì wɑ̈d Ur kì gøl Yeudɑ̀, ɑ́rum ki kwɑnyø yi yɑn. 3Bedhɑlel ɑ́pɑ̈ng yi yɑn ki wëyi Jwøk, kɑ thödhɑ ki døøji cingø, kɑ thödhɑ ki peli wïj geki tegø me gwøge gïgɑni bënn. 4Ócuggø gwøg ki jɑmm-ɑ køny gɑ dhɑb, ki møg-ɑ køny gɑ ɑ́tegø, ki møg-ɑ køny gɑ dilɑl. 5Ócuggø gwøg ki tigg kɑ gï roobe ri winø. Ócuggø tyeng ki yenh, kɑ jɑmmì bënn lwɑ̈nge ki gwøgø. 6Thyew Oliɑb wɑ̈d Akisɑmɑk, kì gøl Dɑn, ógöögø geki Bedhɑlel. Bödhhɑni ryeet ɑ́thödhɑ ki døøji cingø geki tegi pyëw men gwøg gen gïg-ɑ ɑ́köbbɑ yïn bënn, 7ɑ løg Kemi Kwër, kí Sɑnduug Cigg kí kume, geki jɑmm-ɑ yij kemɑni bënn. 8Kí tɑrɑbedhɑ̀ geki gïg-ɑ wïje bënn, ki teggi lɑ̈mbɑ̈ɑ̈ men-ɑ ógwøgø ki dhɑm dhïw, geki jɑmm-ɑ ree bënn, kí tɑrɑbeedh bɑkur, 9kí këli lɑm geki jɑmme bënn, kí ɑ́tɑy geki dööle. 10Aɑron geki wɑ̈dde ócwɑ̈jji yi gen ki ógudhi ókwër møg nyi rug yi gen kenyi göög gen ki gwøøg kwër. 11Møøw röny ógwøg yi gen, geki bɑkur. Gwøg gen jɑmmi kwër møg-ɑ ɑ́cïgɑ yïn bënn.”
Sɑbɑth, Cyɑ̈ɑ̈ng Ywömø
12Codhe, kɑ Mosɑ̀ köbbi yi Jwøng-ɑ Ácwɑ̈ɑ̈j kinni, 13“Köbbí tyëng Isrɑil kinni mïdhu Sɑbɑth miɑ thyew, mɑ́ e óbëëd ɑ́ ngïji kì kɑɑmee, kì ri rïjj bënn, o yod kinni yɑn yɑ Jwøng-ɑ Ácwɑ̈ɑ̈j ɑ kwër wun. 14Gwøgu Sɑbɑth ɑ́ cyɑ̈ɑ̈ng ywömø. Ngɑn koo mïdhii, ceg kɑ nɑ̈gø. Ngɑn-ɑ ógöögø kì cyɑ̈ɑ̈ng Sɑbɑth, ceg kɑ ngøl wɑ̈g kì kelli jie. 15#Kedhø 20.8-11; 23.12; 34.21; 35.2; Kwɑrr 23.3; Jølø 5.12-14 Gwøøg tïj ki cyɑ̈ng ɑ́bïkyel, de bïryeew cyɑ̈ng bɑ Sɑbɑth, cyɑ̈ɑ̈ng kwër mi Jwøng-ɑ Ácwɑ̈ɑ̈j. Ngɑn-ɑ ógöögø kì cyɑ̈ɑ̈ng Sɑbɑth, ceg kɑ nɑ̈gø ceth. 16Mïdhi Sɑbɑth yi tyëng Isrɑil, e cungi ɑ́ lwöbø ceth, kì ri rïjj bënn gïti ɑtheer. 17#Kedhø 20.11 Bɑ ngïji kì kɑɑm wøn ki tyëng Isrɑil gïti ɑtheer, mɑ́ mɑl kí piny ɑ́cwɑ̈j yi Jwøng-ɑ Ácwɑ̈ɑ̈j kɑ cyɑ̈ng ɑ́bïkyel. Kɑ ówïyø gwøg kì bïryeew cyɑ̈ng, kɑ ree ywöme.”
18Keny-ɑ ɑ́rume kwøb ki gøn kì wïj Kïti Sinɑy, ɑmëgge Mosɑ̀ ópɑ̈nni kït ɑ́ryew, ge bɑ ɑgwed ki lwedi Jwøk.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.