Kedhø 20
20
Cigg-ɑ Pyɑ̈rø
(Jølø 5.1-21)
1Møg-ɑ ɑ́kwøb yi Jwøk ek bënn: 2“Yɑ bɑ Jwøgí, Jwøng-ɑ Ácwɑ̈ɑ̈j, ɑ ɑ́kɑ̈ɑ̈l yïn wɑ̈g kì piny Rïp, kì yij bɑ̈ɑ̈ngø.
3“Yïí ko di Jwögg møøgø den-ɑ́ yɑ ketɑ.
4 #
Kedhø 34.17; Kwɑrr 19.4; 26.1; Jølø 4.15-18; 27.15 “Rií ko twïgí ki ngïjjì, kɑ yï ko göög ki ngïji gïjø me ying mɑl, wɑlɑ̀ gïjø me ying piny, wɑlɑ̀ gïjø me ying nɑm kì thɑ piny. 5#Kedhø 34.6-7; Kwɑn 14.18; Jølø 7.9-10 Rií ko bøødh bøli gen, kɑ ge ko mɑllí, kipe yɑn yɑ Jwøgí, Jwøng-ɑ Ácwɑ̈ɑ̈j, yɑ bɑ Jwøk me rɑj ki tyiel, körri orøøg wëëg nyi piirɑ’ yï wɑ̈ddi tyëng-ɑ mɑɑn yɑn, kí kwɑrri gen, kí kwɑrri kwɑrri gen. 6De døøjɑ nyi nyudhɑ’ rïjj mø ngenyø, gen ɑ ji møg-ɑ mɑɑr yɑn, o ciggɑ omïdhø yi gen.
7 #
Kwɑrr 19.12
“Nyingɑ ko tïng dhøgí ki bɑ̈jjø, mɑ́ Jwøng-ɑ Ácwɑ̈ɑ̈j pyëwe pɑ nyi lɑ̈ɑ̈m ki ngɑn-ɑ tïng nyinge dhøge ki bɑ̈jjø.
8 #
Kedhø 16.23-30; 31.12-14 “Nyi pɑr cyɑ̈ɑ̈ng Sɑbɑth kɑ nyi kwëër. 9#Kedhø 23.12; 31.15; 34.21; 35.2; Kwɑrr 23.3 Yïí dɑ cyɑ̈ng ɑ́bïkyel møg yethi gen gwøøg gwøgí. 10De bïryeew cyɑ̈ng, bɑ Sɑbɑth mi Jwøgí, Jwøng-ɑ Ácwɑ̈ɑ̈j. Ko di gwøg me tïj yi yïn, wuki wɑ̈dí ki nyɑrí, kí bɑ̈ngí ying-ɑ́ jɑlø wɑlɑ̀ dhɑjø, kí dhií, kí wëlø men-ɑ bëëdø kì butí. 11#Cɑ̈gø 2.1-3; Kedhø 31.17 Mɑ́ mɑl kí piny, kí jɑmm-ɑ yethi gen bënn ɑ́cwɑ̈j yi Jwøng-ɑ Ácwɑ̈ɑ̈j kɑ cyɑ̈ng ɑ́bïkyel. Kɑ oywömø kì bïryeew cyɑ̈ng, bene ɑ bɑnge gyëëdh cyɑ̈ɑ̈ng Sɑbɑth yi Jwøng-ɑ Ácwɑ̈ɑ̈j kɑ gø kwëre.
12 #
Jølø 27.16; Mt 15.4; 19.19; Mk 7.10; 10.19; Lk 18.20; Epɑ 6.2, 3 “Wør wïyí ki meyí, o runní óngënyi gen kì yij piny-ɑ ɑ́mëggi yïn yi Jwøgí, Jwøng-ɑ Ácwɑ̈ɑ̈j.
13 #
Cɑ̈gø 9.6; Kwɑrr 24.17; Mt 5.21; 19.18; Mk 10.19; Lk 18.20; Röm 13.9; Yɑg 2.11 “Yï ko nɑ̈gi ki dhɑnhø.
14 #
Kwɑrr 20.10; Mt 5.27; 19.18; Mk 10.19; Lk 18.20; Röm 13.9; Yɑg 2.11 “Yï ko niin kí ngɑn nuti nywøøm wun ri wun.
15 #
Kwɑrr 19.11; Mt 19.18; Mk 10.19; Lk 18.20; Röm 13.9 “Yï ko kwɑ̈ddi.
16 #
Kedhø 23.1; Mt 19.18; Mk 10.19; Lk 18.20 “Wɑɑd wun ko gøøny ki kwøbbi pyed.
17 #
Röm 7.7; 13.9 “Gøl wɑɑd wun ko tyeer. Cï wɑɑd wun ko tyeer, cɑgg ɑ́ bɑ̈nge, bɑ̈ng-ɑ jɑlø wɑlɑ̀ bɑ̈ng-ɑ dhɑjø, wɑdhe ko tyeer, wɑlɑ̀ ɑdere. Ko di gïi wɑɑd wun me tyeer yi yïn.”
Bwøgi Ji
(Jølø 5.22-33)
18 #
Ibru 12.18-19
Ji keny-ɑ ɑ́lïngi gen omɑ̈ɑ̈r mɑl geki ywøøg kɑng, kɑ ogwel mɑl geki yïrø men-ɑ dung kì ri kït lidh yi gen, kɑ dëlli gen ceg-ɑ okïr yi wɑ̈ɑ̈rø, kɑ ge ócungø ge lɑ̈wi kì buti kït. 19Codhe, ɑköbbi Mosɑ̀ yi gen kinni, “Kööb ɑ́ yïn ki wøn, wø ólïngø. De Jwøk ko kööb ki wøn kipe wø óthøw.”
20Kɑ ge köbbi yi Mosɑ̀ kinni, “Wu ko böggi, mɑ́ Jwøk ɑ́bï-ɑ be pɑ̈nyi wun, o böögø mee bëëde e nud kì pëthi wun, o wu cög wun, wu pɑ røngi.” 21Ji ɑ́cungi ge lɑ̈wi ki kït, de Mosɑ̀ ɑ́kedhi buti pøøl-ɑ looj, keny-ɑ di Jwøk.
Ciggi Këlli Lɑm
22Codhe, kɑ Mosɑ̀ köbbi yi Jwøng-ɑ Ácwɑ̈ɑ̈j kinni, köbbe tyëng Isrɑil kinni, “Álidh yi wun kì ri wun, keny-ɑ ɑ́kööbɑ kì mɑl ki wun. 23Wu ko göög ki ngïji gïïpiny ki dhɑb wɑlɑ̀ ki ɑ́tegø møg göggu ri wun gɑ jwögg, gïgɑni ko mɑlli yi wun kyeel ki yɑn. 24Gëddí yɑn ki këlli lɑm ki lɑ̈bø, o wïje ómuuj gëdhh-ɑ rɑ̈bbí yɑn, geki gëdhhi mër kì ri dyëgí kí dhögí. Mɑllí yɑn kì keny-ɑ ómyeg yi yɑn, o yɑ bïɑ, o yï gyëdh yi yɑn. 25#Jølø 27.5-7; Jöc 8.31 Keløg këli lɑm gërí yɑn ki ɑ́tuggi kïttì, kïtt-ɑ tøggi gen bɑ ɑtweg ki ged ko gëëd yi yïn, otweg gen ki ged, ge ceg yi yïn kɑ bwölø ki ged menɑni. 26Yï ko yedhi wïj këlɑ ki yïdhi, kipe thɑrí ónënni kì köme.
Currently Selected:
Kedhø 20: shkDCB
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Kedhø 20
20
Cigg-ɑ Pyɑ̈rø
(Jølø 5.1-21)
1Møg-ɑ ɑ́kwøb yi Jwøk ek bënn: 2“Yɑ bɑ Jwøgí, Jwøng-ɑ Ácwɑ̈ɑ̈j, ɑ ɑ́kɑ̈ɑ̈l yïn wɑ̈g kì piny Rïp, kì yij bɑ̈ɑ̈ngø.
3“Yïí ko di Jwögg møøgø den-ɑ́ yɑ ketɑ.
4 #
Kedhø 34.17; Kwɑrr 19.4; 26.1; Jølø 4.15-18; 27.15 “Rií ko twïgí ki ngïjjì, kɑ yï ko göög ki ngïji gïjø me ying mɑl, wɑlɑ̀ gïjø me ying piny, wɑlɑ̀ gïjø me ying nɑm kì thɑ piny. 5#Kedhø 34.6-7; Kwɑn 14.18; Jølø 7.9-10 Rií ko bøødh bøli gen, kɑ ge ko mɑllí, kipe yɑn yɑ Jwøgí, Jwøng-ɑ Ácwɑ̈ɑ̈j, yɑ bɑ Jwøk me rɑj ki tyiel, körri orøøg wëëg nyi piirɑ’ yï wɑ̈ddi tyëng-ɑ mɑɑn yɑn, kí kwɑrri gen, kí kwɑrri kwɑrri gen. 6De døøjɑ nyi nyudhɑ’ rïjj mø ngenyø, gen ɑ ji møg-ɑ mɑɑr yɑn, o ciggɑ omïdhø yi gen.
7 #
Kwɑrr 19.12
“Nyingɑ ko tïng dhøgí ki bɑ̈jjø, mɑ́ Jwøng-ɑ Ácwɑ̈ɑ̈j pyëwe pɑ nyi lɑ̈ɑ̈m ki ngɑn-ɑ tïng nyinge dhøge ki bɑ̈jjø.
8 #
Kedhø 16.23-30; 31.12-14 “Nyi pɑr cyɑ̈ɑ̈ng Sɑbɑth kɑ nyi kwëër. 9#Kedhø 23.12; 31.15; 34.21; 35.2; Kwɑrr 23.3 Yïí dɑ cyɑ̈ng ɑ́bïkyel møg yethi gen gwøøg gwøgí. 10De bïryeew cyɑ̈ng, bɑ Sɑbɑth mi Jwøgí, Jwøng-ɑ Ácwɑ̈ɑ̈j. Ko di gwøg me tïj yi yïn, wuki wɑ̈dí ki nyɑrí, kí bɑ̈ngí ying-ɑ́ jɑlø wɑlɑ̀ dhɑjø, kí dhií, kí wëlø men-ɑ bëëdø kì butí. 11#Cɑ̈gø 2.1-3; Kedhø 31.17 Mɑ́ mɑl kí piny, kí jɑmm-ɑ yethi gen bënn ɑ́cwɑ̈j yi Jwøng-ɑ Ácwɑ̈ɑ̈j kɑ cyɑ̈ng ɑ́bïkyel. Kɑ oywömø kì bïryeew cyɑ̈ng, bene ɑ bɑnge gyëëdh cyɑ̈ɑ̈ng Sɑbɑth yi Jwøng-ɑ Ácwɑ̈ɑ̈j kɑ gø kwëre.
12 #
Jølø 27.16; Mt 15.4; 19.19; Mk 7.10; 10.19; Lk 18.20; Epɑ 6.2, 3 “Wør wïyí ki meyí, o runní óngënyi gen kì yij piny-ɑ ɑ́mëggi yïn yi Jwøgí, Jwøng-ɑ Ácwɑ̈ɑ̈j.
13 #
Cɑ̈gø 9.6; Kwɑrr 24.17; Mt 5.21; 19.18; Mk 10.19; Lk 18.20; Röm 13.9; Yɑg 2.11 “Yï ko nɑ̈gi ki dhɑnhø.
14 #
Kwɑrr 20.10; Mt 5.27; 19.18; Mk 10.19; Lk 18.20; Röm 13.9; Yɑg 2.11 “Yï ko niin kí ngɑn nuti nywøøm wun ri wun.
15 #
Kwɑrr 19.11; Mt 19.18; Mk 10.19; Lk 18.20; Röm 13.9 “Yï ko kwɑ̈ddi.
16 #
Kedhø 23.1; Mt 19.18; Mk 10.19; Lk 18.20 “Wɑɑd wun ko gøøny ki kwøbbi pyed.
17 #
Röm 7.7; 13.9 “Gøl wɑɑd wun ko tyeer. Cï wɑɑd wun ko tyeer, cɑgg ɑ́ bɑ̈nge, bɑ̈ng-ɑ jɑlø wɑlɑ̀ bɑ̈ng-ɑ dhɑjø, wɑdhe ko tyeer, wɑlɑ̀ ɑdere. Ko di gïi wɑɑd wun me tyeer yi yïn.”
Bwøgi Ji
(Jølø 5.22-33)
18 #
Ibru 12.18-19
Ji keny-ɑ ɑ́lïngi gen omɑ̈ɑ̈r mɑl geki ywøøg kɑng, kɑ ogwel mɑl geki yïrø men-ɑ dung kì ri kït lidh yi gen, kɑ dëlli gen ceg-ɑ okïr yi wɑ̈ɑ̈rø, kɑ ge ócungø ge lɑ̈wi kì buti kït. 19Codhe, ɑköbbi Mosɑ̀ yi gen kinni, “Kööb ɑ́ yïn ki wøn, wø ólïngø. De Jwøk ko kööb ki wøn kipe wø óthøw.”
20Kɑ ge köbbi yi Mosɑ̀ kinni, “Wu ko böggi, mɑ́ Jwøk ɑ́bï-ɑ be pɑ̈nyi wun, o böögø mee bëëde e nud kì pëthi wun, o wu cög wun, wu pɑ røngi.” 21Ji ɑ́cungi ge lɑ̈wi ki kït, de Mosɑ̀ ɑ́kedhi buti pøøl-ɑ looj, keny-ɑ di Jwøk.
Ciggi Këlli Lɑm
22Codhe, kɑ Mosɑ̀ köbbi yi Jwøng-ɑ Ácwɑ̈ɑ̈j kinni, köbbe tyëng Isrɑil kinni, “Álidh yi wun kì ri wun, keny-ɑ ɑ́kööbɑ kì mɑl ki wun. 23Wu ko göög ki ngïji gïïpiny ki dhɑb wɑlɑ̀ ki ɑ́tegø møg göggu ri wun gɑ jwögg, gïgɑni ko mɑlli yi wun kyeel ki yɑn. 24Gëddí yɑn ki këlli lɑm ki lɑ̈bø, o wïje ómuuj gëdhh-ɑ rɑ̈bbí yɑn, geki gëdhhi mër kì ri dyëgí kí dhögí. Mɑllí yɑn kì keny-ɑ ómyeg yi yɑn, o yɑ bïɑ, o yï gyëdh yi yɑn. 25#Jølø 27.5-7; Jöc 8.31 Keløg këli lɑm gërí yɑn ki ɑ́tuggi kïttì, kïtt-ɑ tøggi gen bɑ ɑtweg ki ged ko gëëd yi yïn, otweg gen ki ged, ge ceg yi yïn kɑ bwölø ki ged menɑni. 26Yï ko yedhi wïj këlɑ ki yïdhi, kipe thɑrí ónënni kì köme.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.